29/07/2026
IDDAR MACE — (Ihdad)
Daga Ina aka samo iddaaa ( ihdaad)?
Ihdaad ibada ce da Allah subhanahu wata'ala Ya wajabta wa matar da mijinta ya rasu.
Saboda haka, ba al'ada ba ce, kuma ba a yinsa da ra'ayi ko yadda al'adar mutane take, sai dai yadda Allah da ManzonSa (sallallahu aleyhi wasallam ) s**a shar'anta.
Allah subhanahu wata'ala yace:
وَالَّذِينَ يُتَوَفَّوْنَ مِنكُمْ وَيَذَرُونَ أَزْوَاجًا يَتَرَبَّصْنَ بِأَنفُسِهِنَّ أَرْبَعَةَ أَشْهُرٍ وَعَشْرًا
Ma'ana: Waɗanda suke mutuwa daga cikinku sannan,su bar matansu, to matansu su yi zaman jira na watanni huɗu da kwana goma. ( cikin Suratul Baqarah: 234)
To Me ake Nufi da Ihdaad?
Ihdaad shi ne mace ta zauna a gidan da take lokacin da mijinta ya rasu, tare da nisantar duk wani abin ado har sai iddarta ta ƙare.
Akwai wasu abubuwan da mace mai ihdaad za ta guje musu, bisa dalilin hadisin Ummu Atiyyah رضي الله عنها, ta ce:
لَا نُحِدُّ عَلَى مَيِّتٍ فَوْقَ ثَلَاثٍ، إِلَّا عَلَى زَوْجٍ أَرْبَعَةَ أَشْهُرٍ وَعَشْرًا، وَلَا نَكْتَحِلُ، وَلَا نَتَطَيَّبُ، وَلَا نَلْبَسُ ثَوْبًا مَصْبُوغًا...
— Sahih al-Bukhari da Sahih Muslim
Saboda haka, ba ta halatta mace mai Idda ta aikata waɗannan Abubuwan.
— Shafa turare.
— Yin kwalli (kohl) domin ado.
— Yin lalle domin ado.
— Sanya Abubuwan ado kamar zinariya da azurfa.
— Sanya tufafin kwalliya masu jan hankali.
— Karɓar ko amsa neman aure kai tsaye kafin iddarta ta ƙare.
Ko Kuma fita Gida Ba tare da ƙaƙƙarfan Dalili ba - misalin fita sallar idi.
To Ya akeyin iddar??
IDAN MIJIN TA NE YA MUTU:
Idan ba ta da ciki: Watanni huɗu da kwana goma, kamar yadda Allah Ya ambata a Suratul Baqarah aya ta 234.
Idan tana da ciki: Iddarta yana ƙarewa da zarar ta haihu.
Allah subhanahu wata'ala yace:
وَأُولَاتُ الْأَحْمَالِ أَجَلُهُنَّ أَن يَضَعْنَ حَمْلَهُنَّ
"Mata masu ciki kuwa, ƙarshen iddarsu shi ne su haihu."
(Suratut Talāq: 4)
IDAN KUMA MAMACIN BA MIJIN TA BANE:
Ba ya halatta mace ta yi iddah fiye da kwana uku, kamar yadda Annabi Sallallahu alaihi wasallam yace:
لَا يَحِلُّ لِامْ
