Shafi ne da yake isarda sakon Allah da Manzonsa (S.A.W) Qur'ani Da Sunnah. Zabi Shafin Hausa Da'awah Domin kasha Madarar Sunnah Haske Leka Gidan kowa.
*Da Sunan Allah, Mai Rahama, Mai Jinkai. Godiya da yabo da kirari da fadanci sun tabbata ga Allah. Muna gode masa, Muna neman taimakonsa, Muna neman gafararsa, Muna kuma neman tsari gareshi daga sharrukan kawunan mu da kuma miyagun ayyukanmu. Na tabbatar babu shakka wanda duk Allah ya shiryar, babu wanda ya isa ya batar da shi, kuma wanda duk Allah ya batar, babu mai iya shiryar da shi. Kuma hakik
a na tabbatar babu abin bautawa da gaskiya sai Allah, shi kadai yake, bashi da abokin tarayya a cikin mulkinsa da ayyukansa, da siffofinsa da sunayensa. Kuma na shaida lallai Annabi Muhammadu (S. A.W) bawansa ne, kuma Manzonsa ne. Yabo da jinjina da kirari su tabbata ga farin Jakada, Annabi Muhammad (S.A.W), da Alayensa da Sahabbansa.
*Bayan ka koyi abu ka yi aiki da shi to kuma ba makawa sai ka kira mutane (Da'awa) zuwa abin da Allah yayi ma ka baiwa da shi, kar ka haramtawa kanka ladan, kar kuma ka haramta wa waninka alherin; Annabi (S.A.W) yana cewa: "Duk wanda ya shiryar da wani a bisa aikin alheri to zai sami irin ladan wanda ya aikata shi. Kuma ya ce: "Mafi alherin cikin ku shi ne wanda ya koyi Alkur'ani kuma ya koyar da shi. Kuma ya na cewa: "Ku isar min da sakona ko da aya guda ce", kuma gwargwadon yawan yadda alherin da mutum ya ke yadawa gwargwadon yawa da girman ladan da ya ke da shi. Sa'an nan ladan naka zai ci gaba a rayuwarka da bayan mutuwarka; Annabi (S.A.W) ya na cewa: "Idan mutun ya mutu ayyukansa sun dakata sai guda uku kacal, Sadaka mai gudana (Jariya) ko ilimin da a ke amfana da shi, ko kuma Da na gari da ya ke wa mutun addu'a.
*Babban Abu, wanda nake son mu fahimta, shine babu wanda ya wuce yayi kuskure, muna rokon Allah yabamu ladan abunda muka aikata daidai, wanda kuma mukayi kuskure Allah shiyafe mana baki daya.
*Muna rokon Allah ya azurta mu da ilimi mai amfani da aiki nagartatce! Allah shi ne masani.
*Ina yi mana fatan Allah yasa muyi muwafaka da abinda yafi dacewa da Shari'a Amin.
Want your school to be the top-listed School/college in Birnin-Kebbi?
