Dr. Abdurrahman Sani Yakubu Zaria.

18/09/2026

18/09/2026

KAI TSAYE

Daga wajen Tafsirin mako mako da Sheikh Dr Abdurrahman M. Sani Yakubu yake gabatarwa.

Masallaci: Maitama Central Mosque Abuja.
Lokaci: Tsakanin Magriba da Isha.

Allāh ya saka da alkhairi.

17/09/2026

NASIHA GA DALIBAN ILIMI

A wajen neman ilimi, babu girman kai ko jin kaskanci. Malami ko da kuwa ya kai wani matsayi, idan ya samu damar amfana da ilimi, yana zama cikin tawali’u.

Dr. Abdurrahman Sani Yakubu da kansa ya zauna a ƙasa yana Jan baki tare ɗaukar bayanin Sheikh Dr. Khalid ibn Abdallah Al-Maliki, a yayin karatun littafin Aqidatul-Wasitiyyah na Sheikhul-Islam Ibn Taymiyyah رحمه الله.

Wannan darasi ne ga ɗaliban ilimi: duk wanda yake son ƙaruwa da ilimi, ya kasance mai tawali’u, ya girmama malamai, kuma kada ya ji cewa ya riga ya isa.

🤲 Allah Ya ƙara mana ilimi mai amfani da tawali’u.

— Ofishin Yaɗa Labarai da Sadarwa
Dr. Abdurrahman Sani Yakubu

17/09/2026

🎙️ JAWABI CIKIN HARSHEN LARABCI

A yayin bikin rufe Daura ta Ilimi, wadda ta gudana ƙarƙashin gudanarwar الملحقية الدينية بسفارة خادم الحرمين الشريفين بأبوجا – نيجيريا, a JIBWIS Islamic Centre, Guzape – Abuja.

Dr. Abdurrahman Sani Yakubu Zaria ya gabatar da jawabi mai ƙayatarwa cikin harshen Larabci, cike da nasiha, hikima da darussa masu amfani.

🎥 Ku saurari cikakken jawabin.

نسأل الله أن ينفعنا بالعلم، وأن يبارك في جهود القائمين على هذه الدورة.

17/09/2026

KAMMALA DAURA TA ILIMI

An kammala Daura ta Ilimi cikin nasara a JIBWIS Islamic Centre, Guzape, Abuja, ƙarƙashin kulawar Sashen Harkokin Addini na Ofishin Jakadancin Saudiyya a Abuja.

A yayin taron, Dr. Abdurrahman Sani Yakubu Zaria ya gabatar da jawabi mai zurfi kan muhimmancin neman ilimi da amfani da shi wajen gyaran al’umma.

🤲 Allah Ya sanya ilimin ya zama mai amfani, Ya saka wa dukkan masu gudummawa da alheri.

Ofishin Yaɗa Labarai da Sadarwa
Dr. Abdurrahman Sani Yakubu

15/09/2026

قال شيخ الإسلام: "من تدبر القرآن طالب الهدى منه؛ تبين له طريق الحق" العقيدة الواسطية ص: ١٠

Sheikhul Islam ya ce: “Duk Wanda ya nazarci Alkur’ani, yana mai Neman shiriya daga cikinsa; to, hanyar gaskiya za ta bayyana gare shi”.
Alwasitiyyah, P: 10.

-Sheikh Dr Abdurrahman M. Sani YakubuAbdurrahman M. Sani Yakubu

10/09/2026

NASIHA

Kada ka bari abin da ya faru a jiya ya hana ka kyautata yau.

Mutum ba ya rayuwa da abin da ya wuce, sai dai ya koyi darasi daga gare shi. Idan ka yi kuskure, ka tuba. Idan ka yi rashin nasara, ka sake ƙoƙari. Idan kuma ka samu ni’ima, ka gode wa Allah.

Rayuwa dama ce; kada ka bari ta wuce ba tare da ka kusanci Allah ba. 🤲

Dr. Abdurrahman Sani Yakubu