https://www.facebook.com/1806187502945176/

Brainy academy, Puchong (2026)

25/06/2018

المدينة العلمية الأستكشافية

تعرفو أن عندنا اكبر مركز علمي موجود في الشرق الوسط من ناحية المساحة والمحتوى اللى بيقدمة

يعنى هتلف العالم كله وانت فى مكان واحد
يعنى هتخش جوة بطن بركان من جوا باطن الارض من اول مايبدا بكل تفاصيله بالصوت والصورة وهتخلص تطلع وتستكشف منطقة القطب الجنوبي

تخلص الكلام دة بقى تطلع على المجموعة الشمسية وأنت فى طريقك للشمس هتقابل رائد فضاء هتقف تتكلم معاه وتاخد منه معلومات
يعنى علشان تشوف مثلا هيكل لحوت كنت تبقى مضطر تروح محمية وادى الحيتان فى الفيوم لكن دلوقتى وانت في القاهرة ممكن تشوف هيكل لحوت من 40 مليون سنه
وتستمتع بجوله جوة كهف حقيقى وتشوف الناس كانت بتتعامل أزاى فى الكهوف
او حتى ممكن تشوف مجسم بالحجم الطبيعى للديناصور
وهتشوف اسماك حقيقيه جوة ممرات وبتبقى موجودة حواليك من كل مكان ومش لازم تسافر الغردقة علشان تدخل الاكواريوم

وياسلام بقى كمان لما تشوف أثار كتير زى مثلا مجسم لمسجد السلطان قايتباي وتزور كنيسه ماري جرجس ومقبرة توت عنخ امون في معبد ادفو دة غير الشلالات الموجودة والغابه المكشوفه وفيها الحيوانات
وهتتعرف على كل اعضاء جسمك وتشوف الاوعيه الدمويه وهي ماشيه في جسمك
وفي اخر اليوم بقى هستمتع بفلم جميل جدا بالنضارة وهتعيش في قلب الحدث وهتحسن انك جوة العالم
أحنا ككبار أستفدنا كتير جدا بمعلومات رهيبة فما بالك الاطفال بقى غير المتعه والانبهار اللى هتشوفها فى عنيهم بس هيستفيدوا أقصى أستفادة ممكنة
سعر التذكرة 35 جنية والأطفال من 3 سنين تذكرة كاملة
العنوان ميدان جهينه بجوار المدينه التعليميه
المكان شغال طول الاسبوع و الاجازة الجمعه والسبت والاجازات الرسميه لانه تابع لوارة التربيه والتعليم

المكان بالحجز المسبق والتليفون مع الصور

بعض الصور من تصوير : Mohamed Elnjjar

18/06/2018

مجموعة مواقع مهمة جداً هتفيد طفلك وتخليه يتعلم بطريقه سهله جداُ ومختلفه :)

(الرابط: http://seussville.com/)
دع طفلك يتابع الدكتور سويس ويتعلم منه، وأيضا سيجد الألعاب متاحة على موقعه.

(الرابط: http://starfall.com/)
هذا الموقع يهدف اى زيادة الحصيلة اللغوية لدى طفلك من خلال القصص المشوقة الطويلة.. ان كان طفلك من هواة القراءة فساعده على التعرف على مصطلحات اكثر من خلال هذا الموقع..

(الرابط: http://reading.ecb.org/)
اترك طفلك ليمارس العابه المفضلة على هذا الموقع.. والذى فى نفس الوقت يساعد على تنمية مهاراته فى القراءة..
(الرابط: http://highlightskids.com/)
إلعب، إقرأ وأيضا مارس بعض التجارب العلمية.. كل هذا متاح على الموقع من أجل طفلك
(الرابط: http://abcya.com/)
ألعاب كثيرة وممتعة تساعد على تنمية المهارات اللغوية والرياضية لطفلك

(الرابط: http://funbrain.com/ )
ان كان طفلك محب للرياضيات أو القراءة، فدعه يعلب ويدرب عقله على العمليات الحسابية وايضا القراءة من خلال هذا الموقع..

(الرابط: http://pbskids.org/)
دع طفلك يختار شخصيته الكارتونية المفضلة ويلعب بها.. وفى هذه الاثناء ينمى مهاراته العقلية..

الرابط: http://kids.nationalgeographic.com/
موقع متخصص تقدمه مجلة ناشونال جيوجرافيك المشهورة بأفلامها الوثائقية عن الحياة البرية والجولوجيا.. دع طفلك يلعب ويلهو وفى نفس الوقت ينمى مهاراته العقلية بمعرفة المزيد من المعلومات الموثقة والحقيقية عن الأرض والحيوانات

الرابط http://www.alef-ba-ta.com/
يهدف موقع أ ب ت إلى تعليم اللغة العربية للأطفال من خلال اللعب والتسلية دون إشعار الطفل بأنه يتعلم. برنامج أ ب ت مصمم للأطفال من عمر 4-7 سنوات، ولا يتطلب أي معرفة مسبقة بالقراءة أو الكتابة. المراحل الأولى من

الرابط\www.math-for-kids.com
الموقع متقسم لفئات عمريه مختلفه عشان تقدر توصلوا لاطفالكوا المعلومه بطريفه مناسبه لسنوا ولتفكيره...داغير انوا بيقدم للطفل مسائل حسابيه ف شكل gamesبسيطه عشان يحبب الاطفال في التعلم
الرابط :
https://goo.gl/V28GFv
مجموعة مواقع للبرمجة بطريقة مبسطة للأطفال ..
حببوا اطفالكو في انهم يتعلوا حاجه جديده

09/10/2016

أى أم بتكون حريصة جداً إن أطفالها يكونوا متميزين متفوقين و مبدعين.
طب إزاي تخلي طفلك يكون مبدع ؟

فى الحقيقة الأم هي المسئول الأول عن إبداع أطفالها لأنها بتكون الشخص الأقرب ليهم فى مراحل حياتهم الأولى.

فى نقاط كتير لازم الأم تحطها فى اعتبارها لو عندها عزيمة على إنبات أطفال مبدعين متميزين فعلاً ^_^

أولاً: لازم الأم تهتم بثقافتها و ذكاءها و تنمى مداركها هى أولاً قبل اطفالها.

ثانياً: الطفل لازم ينمو فى بيئة صحية و مستقرة .. لأن الطفل الهزيل صعب يكون مبدع .. لازم ياكل أكل صحي .. يتعرض لضوء الشمس .. يكون عنده رياضة يفرغ فيها طاقته ..يعيش وسط أسرة هادية محبة تعزز ثقته بنفسه.

ثالثاً: الأم محتاجة تزرع في أطفالها أهمية الهوايات .. و بيكون عليها مسئولية كبيرة تكتشف هوايات أطفالها .. طب ده يكون إزاي؟

يكون بإنها كل فترة تعرض عليهم هواية جديدة و تشوف مدى إستجابتهم ليها لحد ما يوصلوا للي بيحبوه.

رابعاً : لازم نترك للطفل مساحة من الحرية .. تعزز ثقته فى نفسه و تحسسه إن أهله دايماً جمبه بيعززوا قراراته و بيصلحوها بهدوء و بيعدلوها برفق و بيحترموه.

خامساً وأخيراً: لازم أى أم تعرف إن الأطفال مش متشابهين و طبيعى إن ميكونش زى حد وليه اهتمامات مختلفة حتى عن اهتمامات و هوايات أهله .. المقارنة أو إننا نختار للطفل و نحطه فى قالب معين هيدمر فرصة الطفل إنه يكون مبدع.

أطفالكم أمانة

01/10/2016

و بكده خلص كورس الفلك و الفضاء ⭐

و على قد فرحتنا بالمعلومات اللي قدمناها و الفرحة اللي كانت على وشوش الأطفال😍
على قد ماحنا زعلانين إن الأيام الحلوة دي خلصت

لسه هنقولكم أولادنا قالوا إيه عن الكورس .. و قالوا استفادوا إيه 💙

بس دلوقتي خلينا نحتفل بنجاح و انتهاء الكورس 🎉

و تابعونا عشان تعرفوا الكورسات اللي جاية إن شاء الله ^_^ 🌸

ُلماء

25/09/2016

الأطفال و هما بيستمتعوا بتطبيق اللي اتعلموه معانا في كورس الفضاء و الفلك ^_^
علي اد فرحتنا باستفادة الأطفال و سعادتهم في الكورس علي اد ما احنا زعلانين انه للأسف قرب يخلص.. و لكن انتظرونا قريباً! :D

ُلماء

10/09/2016

و لسه مكملين معاكوا و مع أطفالنا كورس الفلك ^_^

ُلماء

09/09/2016

النهارده من الأيام المميزة ديماً عند بريني .. عشان بيكون فيه الكورس و تعليم الأطفال ^_^

الأطفال عرفوا الشمس و تكوينها و الغازات اللي داخلة في التكوين .. الهيدروجين و الهيليوم :D
و إن النجوم بتتقسم على حسب درجة حرارتها من الأزرق اللي هو أشد حاجة في الحرارة للأحمر اللي هو أقل حاجة
عرفوا كمان إن الشمس كنجم ترتيبها في درجة الحرارة هو الأصفر اللي هو G2
و حاجات تانية كتير عرفوها دي بس مجرد نبذة بسيطة ;)

المعلومات دي كتير مننا ميعرفهاش .. تخيل إن أطفالنا يعرفوها و كمان يطبقوها عملي و يعملوا مجسمات بنفسهم ^_^
........................

لسه فيه فرصة للحجز معانا في كورس الفلك و الفضاء :D
و مكان الكورس الجديد موجود في برج بانوراما في فرسان التحدي الدور الأول

للحجز شرفونا بالاتصال على :
01273090167

و لتفاصيل أكتر عن الكورس ممكن تشوفوا البوست ده :
https://www.facebook.com/brainy.edu/photos/gm.1259614340739246/1808523366044923/?type=3&theater

02/09/2016

طفل اتولد عنده عيب خلقي في القلب .. اتعمله عمليات جراحية كتير جداً قبل ما يتم بس سنة !

فيه عملية قلب مفتوح عملها و هو عنده 11 شهر .. اتعرض فيها لصدمة أدت لإن إيده اليمين مبيعرفش يستخدمها!

الطفل ده قدر إنه يقوم من كل ده و يلعب بيسبول و يعمل كمان اختراع ! :D

الطفل جيكوب دوناك كان بيحب يلعب بيسبول جداً بس كان بيواجه صعوبة و هو رايح يزور جدته إنه يشيل معاه مضرب البيسبول و الكور مع بعض

عشان إيده اليمين مش بتستخدم فمكنش بيعرف يشيل غير المضرب بس :(

فقعد يفكر إزاي أشيل الكور و المضرب مع بعض و بطريقة سهلة بإيد واحدة !

و من هنا فكر في إن المضرب يكون بيتفتح و الكور بتتحط جواه ^_^

و الاختراع ده اسمه JD batball .. اخترعه و هو بس عنده 7 سنين ! :D

طفل بكل المصاعب اللي اتعرضلها .. و عايش بإعاقة في إيده اليمين كمان موقفتهوش عن إنه يلعب لعبة بيحبها
و كمان يسهل الظروف لنفسه ^_^

أي حد مكانه كان ممكن يستسلم و يفكر إنه عمره ما هيقدر يعمل حاجة..

هو مش بس لعب رياضة .. لأ كمان فكر و اخترع حاجة مفيدة ليه و أفادت ناس كتير بعده ^_^

والدته بتقول إن لولا الدعم ليه و تشجيع الناس ليه إنه يعيش حياته طبيعي مكنش زمانه قدر يعمل أي حاجة

و عشان كده إحنا في Brainy Academy عاوزين ندعم الأطفال و نشجعهم يكونوا واثقين من نفسهم 🌸

عاوزين نعلمهم صح و نأسسهم و نكتشف قدراتهم كمان 🌸

و عشان كده إحنا شعارنا " ُلماء "

31/08/2016

بريني حابة تفكركم إننا طالعين رحلة لمهرجان العلم السنوي في مدينة زويل 😃

مهرجان جميل جداً ممتع و مفيد و كل حاجة فيه 🌸

و لأن يوم الخميس مناسبش أشغال الناس قررنا نغير معاد الرحلة للجمعة
عشان يكون يوم أجازة و اللي نفسه يطلع يقدر يكون معانا ^_^

لسه حجز التيكيت معانا مفتوح
إحنا موجودين عند نادي الشجرة دلوقتي و لحد الساعة 10 بالليل

سعر التكيت شامل المهرجان و الباص
للأطفال من سن 8 - 12 سنة: 85 جنيه
و لأكتر من 12 سنة: 100 جنيه

للتواصل معانا شرفونا باتصالكم ^_^
01275463446
01014996700

و لمزيد من المعلومات عن الرحلة و الإيفنت شوفوا البوست ده
https://m.facebook.com/story.php?story_fbid=1814607192103207&substory_index=0&id=1806187502945176

30/08/2016

و لأن ناس كتير كلمتنا قررنا إننا نفتح الحجز تاني لجروب جديد ياخد كورس الفلك و الفضاء كامل من الأول :D

الكورس ده مميز جداً و كل الأطفال اللي حضروا اتبسطوا فيه ^_^

أهم حاجة في Brainy إننا عاوزين أطفالنا يتعلموا و يتأسسوا صح
عاوزينهم يفكروا و يبدعوا و يثقوا في نفسهم و قدراتهم

30/08/2016

صباح الخير🌸

بريني جابتلكم النهارده مفاجأة جميلة جداً 😃

حد سمع عن جامعة زويل؟ أكيد كلنا 😁
طب حد سمع عن مهرجان العلم السنوي بتاع جامعة زويل!
إيه المهرجان ده!

المهرجان ده بيتعمل كل سنة في مدينة زويل للعلوم و التكنولوجيا بالشيخ زايد

و لأن هدف بريني هو العلوم و تبسيطها إحنا قررنا بالاشتراك مع نادي علوم نقابة المهن العلمية إننا هنروح المهرجان ده و هناخدكم معانا 😃✌

طب ليه إحنا قررنا نروح؟ هو المهرجان ده هيكون فيه إيه؟

السنة دي المهرجان هيكون هدفه إن كل النظريات العلمية في الفيزيا و تجارب الكيميا و غيره هنشوفها قدامنا بتتعمل! :-D
هنشوف العلم بس مبسط و جميل 🌸

هيكون في المهرجان يفسرلك حاجات بتتعرضلها كل يوم في حياتك زي مثلا ليه عقلنا بيحب يسمع موسيقى؟

هييجي speakers في المهرجان ده منهم أحمد الغندور "الدحيح" و د. شعبان خليل و ناس تانية كتير :-D

فيه حاجة جميلة اوي كمان ;-)
هيكون فيه كافيه تقعد و تشرب فيه شاي كده و قهوة على مزاجك بس مش كده بس.. و انت بتشرب القهوة وقف أي عالم تحب تسأله عن أي حاجة و اسأله :-D
وقف أي دكتور نفسك تتكلم معاه و اقعدوا اشربوا قهوة مع بعض😃

هيكون فيه كما عرض يفهمنا إنجازات دكتور زويل -رحمه الله- و يفهمنا ليه شهرته بقت كبيرة كده و ليه العالم كله بيعترف بيه ❤

من ضمن الحاجات اللي لفتت نظرنا في اليوم ده هي "منطقة المدارس" .. إيه هي منطقة المدارس؟

دي من ضمن أقسام المهرجان مخصصة للأطفال هيقدروا يجربوا فيه حاجات بنفسهم و يتعلموا و يستفيدوا كتير ^_^

الحدث ده هيكون ممتع و مفيد جداً ..من أول النظريات اللي هتوضحلنا بتجارب عملية جميلة لحد تفسير الحاجات اللي بنتعرضلها و الدحيح و الكافيه و العرض الخاص عن دكتور زويل و منطقة المدارس 😍

تقدر تيجي مع طفلك و تحضر طبعا المهرجان ده لكل الأعمار :-D
يعني أي حد حابب يحضر مرحب بيه جداً.. و عاوزين طبعاً الأطفال أهم حاجة لأن هو ده هدفنا في brainy ❤......

للحجز
سعر التيكيت شامل المهرجان و الباص
للأطفال من سن 8-12سنة: 85 جنيه
لسن أكبر من 12 سنة: 100 جنيه

عشان تحجز التيكيت هنكون موجودين النهارده الثلاثاء في النادي النوبي من الساعة 3 - 6

و بالليل من الساعة 7 - 10 عند نادي الشجرة

و متنسوش كمان تملوا الفورم دي :
https://goo.gl/forms/7RDOoDUHkB82nOKf1

للتواصل معانا اتصل هنا :
01014996700
01275463446
01273090167

لمزيد من المعلومات عن المهرجان.. ادخلوا هنا :-D
https://m.facebook.com/events/1151214298269588

29/08/2016

مين فينا ميعرفش برايل! و طريقة برايل للكتابة عشان يقرأ بيها فاقدي البصر!

كلنا أكيد سمعنا عن طريقة برايل للقراءة.. بحيث إن الحروف بتتكتب منقطة و بارزة بحيث بلمسها تقدر تقراها :D

طريقة مميزة و مبتكرة جداً.. تفتكروا برايل اللي اخترعها كان عمره قد إيه لما فكر فيها؟
كلنا افتكرنا إن برايل كان شخص كبير.. لكن هو في الحقيقة كان عنده بس 15 سنة

لويس برايل فقد بصره عند سن 3 سنوات بسبب إصابة في عينه.. التحق بمعهد المكفوفين في باريس و هو عنده 10 سنين

بعد خمس سنين اخترع طريقة برايل ^_^ و هو عنده 19 سنة المعهد اللي كان فيه عرض عليه يشتغل معاهم و يكون مدرس للطلبة!

تخيلوا إن إزاي طفل مستسلمش لإنه فقد بصره.. و إنه فكر كمان إزاي يساعد نفسه يقرأ و يساعد كل اللي عندهم نفس ظروفه :)

تفتكروا كان برايل هيقدر يعمل حاجة لولا إن المعهد كان مراعي ليه و مشجع.. عمر حد فينا تخيل إن مخترع حاجة عظيمة زي دي يكون طفل!

ده دليل إن أطفالنا يقدروا يبتكروا و عندهم أفكار كتير.. محتاجين اللي يأسسهم صح و يشجعهم يثقوا في نفسهم و قدراتهم ^_^

عشان كده إحنا في Brainy Academy عاوزين نأسس الأطفال صح.. عاوزين نعلمهم إزاي يوظفوا إبداعهم و أفكارهم و يحولوها لحاجات ملموسة :-D
...

عشان ناس كتير كلمتنا الفترة اللي فاتت.. قررنا نفتح تاني باب الحجز في كورس الفلك و الفضاء 🌸

للحجز شرفونا بالاتصال على :
01273090167

و لتفاصيل أكتر عن الكورس ممكن تشوفوا البوست ده:
https://www.facebook.com/brainy.edu/photos/gm.1259614340739246/1808523366044923/?type=3&theater

Brainy academy

25/06/2018

18/06/2018

09/10/2016

01/10/2016

25/09/2016

10/09/2016

09/09/2016

02/09/2016

31/08/2016

30/08/2016

30/08/2016

29/08/2016

Address

Website

Alerts

Shortcuts

Share

Category

Listing takedown request