05/05/2025
أولًا شيء ألف مبروك لطلاب الشهادة السودانية، رفعتو راسنا في أصعب زمن مرّ على السودان. 🎉🇸🇩
طيب الناس كلها بتسأل: بعد النتيجة شنو؟
طبعًا في خيارات كثيرة للدراسة زي قبرص، تركيا، أو حتى مصر... بس كثير من الناس بتكون نفسها تدرس في بيئة متميزة وجامعات مستواها عالي، بالإضافة لأنه الدراسة بالإنجليزي، وهنا بتجي ماليزيا.
طيب، لما انت تسألني: شنو اللي بيميز ماليزيا؟ تعال اقول ليك :
أولًا: الجامعات 🎓🌍
ماليزيا الجامعات اللي فيها مستواها عالي جدًا، والدراسة فيها باللغة الإنجليزية، وشهاداتها معترف بيها في كل الدول.
عندها علاقات مع بريطانيا واستراليا ودول أوروبية كتيرة ، وحتى التعليم فيها مبني على معايير عالمية، فبتاخد شهادة بتوديك أي مكان.
ثانيًا: السعر والقيمة 💵📚
ماليزيا أسعار الجامعات فيها متوسطة، فإنت بتاخد جودة بتاع تعليم مرتفعة بالنسبة لسعر بسيط انت بتدفعه.
ثالثًا: السكن والمعيشة 🏠✨
السكن والمعيشة في ماليزيا مستواهم عالي جدًا، بتسكن في بيوت ومناطق حرفيًا بيكون فيها مسابح وجيمات، وده بيكون ستاندرد في مباني كثيرة هنا.
وأسعارها مناسبة جدًا وفي المتناول، فإنت بتعيش في مستوى معيشي مرتفع بسعر معقول.
رابعًا: المجتمع 🤝🕌
ماليزيا فيها تواجد عربي كثير شديد، والبلد إسلامية، فما حتعاني أبدًا إنك تلاقي أكل حلال أو تتعرف على ناس عرب زيك.
حرفيًا، الرابطة العربية هنا موجودة في أي جامعة، وظريفين وعندهم استعداد يساعدوك، وحتحس إنك ما براك في البلد.
وحتى بتقدر تكون صداقات من جنسيات عربية مختلفة، وحتكون تجربة تاخذها مرة واحدة.
خامسًا: الترفيه 🛍️🏞️🎠
دي ما دايرة لها اتنين تلاتة، ماليزيا واحدة من أجمل الدول الممكن تدرس فيها.
كل مرافق البلد جميلة شديد، المولات في كل مكان، حرفيًا ممكن يكون في سبعة مولات في مربع واحد.
المحلات التجارية، المنتزهات، والمنتجعات في أي حتة، وانت ممكن تصلها بأسعار شبه مجانية.
فهتعيش تجربة طلابية مليانة بالأنشطة، ودي صعب تلقاها في دول تانية.
الصفحة دي حتناقش بتفصيل أكثر الجامعات في ماليزيا ، وحنعمل عليها ريفيوز، وحتناقش الدراسة في ماليزيا على العموم، وشنو السلبيات وشنو الإيجابيات.
حنفصل كل معلومة انت محتاجها من الألف للياء: من أول ما تقدم على الجامعة، لحد ما تاخذ الEval ، لحد ما تدخل البلد. 📋✈️
ولو في أي زول محتاج مساعدة في التقديم أو محتاج ناس يقدموا ليه أو حتى محتاج معلومة — تواصلوا معانا على الرقم ده. 60134401574+
أو على الرابط دا
https://wa.link/xnzv3a
وإن شاء الله نحاول نفيدكم بأكبر قدر من المعلومات الممكنة. ☎️💬
#السودان #ماليزيا