Centre for Hakka Studies Kuala Lumpur 吉隆坡客家學社

🌿【中華花藝作品賞析｜《萬邦同慶》】🌿

📜 詩題：《萬邦同慶》

紫霞凝彩映芳叢，
彩羽翩翩集苑中。
遠近群禽聞盛景，
東西嘉客沐薰風。

丹珠點點傳佳訊，
翠影層層納大同。
莫道風光歸一處，
今朝共樂滿寰中。

🌸 這擺个作品，係由一幅「群鳥共賞花園」个畫面來發想。

兩蕊天堂鳥花，像兩隻先分受花香引來个鳥仔，停歇在盛開个花叢肚。續下來，又有對遠方飛來个鳥仔，順等花香同美景來到這位。原旦戴在這片花園个鳥仔，毋單淨無排斥外來个朋友，還當歡喜共下分享眼前个美景同快樂，大家共下欣賞百花盛開，共享夏日个好時光。

這種意境，分𠊎想著今個禮拜个馬來西亞。衛塞節、達雅豐收節（Hari Gawai）、卡達山杜順豐收節（Kaamatan）、哈芝節（Hari Raya Aidiladha）摎國家元首華誕接續來到。無共樣个民族、無共樣个宗教、無共樣个文化背景个人，用自家个方式慶祝節日，毋過大家共樣分享慈悲、感恩、豐收、和平摎團結个歡喜。

🌿 這件作品融合了中華花藝个「點線體」摎「面線體」。

紫白色个大菊形成穩重豐滿个「面」，像百花盛開个花園；天堂鳥高低參差，像四方八面飛來个鳥仔；紙莎草向天伸展，形成有力量个「線」；紅色金絲桃果散佈其中，像節慶肚个笑聲摎祝福聲。點、線、面互相呼應，在疏密、高低、聚散之間，呈現出生生毋息个生命力。

🍃 花材誌

大菊（Garden Mum，Chrysanthemum × morifolium）、金絲桃果（St. John’s Wort，Hypericum × inodorum）、天堂鳥／鸚鵡花（Parrot’s Beak，Heliconia psittacorum）、紙莎草（Papyrus Sedge，Cyperus papyrus）、斑葉衛矛（Evergreen Spindle，Euonymus japonicus）。

🌸 花有百色，毋相爭妍；人有百族，做得共榮。

中華花藝毋單淨係插花个藝術，還係做人處事个智慧。真正个和諧，毋係大家攏共樣；係做得互相尊重。真正个靚，毋係單淨自家開花；係願意摎人分享。

願這盆花呈現个群鳥同樂之景，化做對馬來西亞最誠心个祝福：在多元之中互相欣賞，在差異之中互相尊重，在共下分享个歡喜之中攜手前行。

🇲🇾 恭祝大家衛塞節吉祥、豐收節快樂、哈芝節平安、元首華誕蒙福，萬邦同慶，共享之樂。

石獅無聲守門深，
丹青映日鎮古今。
半分威嚴半分笑，
一方清氣在人心。

這一尊，係立在仙四師爺宮門口个彩繪石獅（南方嶺南風格个守門瑞獸）。

在客家文化裡背，這種石獅毋單淨係裝飾，還有鎮門、避邪、納福个意思。佢企在門邊，就像一條看毋著个界線——外背係人間煙火，內背係清淨安寧。

這尊石獅有南方特色：

* 色彩鮮明（紅、綠、金），代表吉祥同富貴
* 面相生動，有少少笑意，較親切
* 雕工細緻，帶有南洋華人融合个味道

佢个嘴微微張開，像在吸氣也像在吐氣，象徵納福氣、去穢氣；穩穩坐在基座頂，守護一方氣場。

在吉隆坡這個所在，佢毋單淨係守門，還守住一段歷史——
看過華人過番南洋、社群發展，
人來人往、世事變化，佢一直都在。

毋張揚，毋出聲，
但歲月个聲，佢全部知。

🎶✨【南國之莺・友弟蒞臨大紅花學館】✨🎶

今天非常榮幸迎來《茨廠街》的原唱——友弟（Yudi Yap）親臨大紅花學館！她曾是90年代創作組合主唱之一，並以演繹南洋經典時代曲聞名，被譽為「南國之莺」。

此次來訪，她也帶來了來自家鄉文冬｜的手工椰子糖品牌「Yudimama’s」，與大家分享這份充滿南洋風味的甜蜜。

不僅如此，作為客家人，友弟也曾以客語演唱中秋主題歌曲，將語言、文化與情感融入音樂之中：
https://youtu.be/Uh0Qp7mVWxg?si=AWtctevJ4XiQp6a-

從《茨廠街》的城市記憶，到手工椰子糖的家鄉味道，友弟用不同形式，持續講述屬於馬來西亞的故事。

大紅花學館，今天多了一份音樂與文化交織的溫度。 🌺

桃花開 春意漸濃

交春前後，對太歲殿行吔一轉。不為求福，乜毋會想愛閃惡，單淨跈等時行，摎一年相對來。

傳統个曆法係成立春第一，干支於這部分來交替，太歲乜跈等移。天時換好，新歲既經啟，人心乜愛有一隻安全。

一窟清香，毋係起福還較多，係提醒自家 : 順時行，跈等運轉來。

就準做一儕人个細細練習。在萬物回春進前，先分心靜下來。

《立春》

立春乍暖柳風新，
一盞春茶洗舊塵。
咬得春卷迎瑞氣，
人間萬象共回春。