Artnews2

ပြန်စားချင်တယ်

အနုပညာလုပ်ငန်းထက် ကိုယ်ပိုင်စီးပွားရေးလုပ်ငန်းကပိုပြီး အကျိုးရှိလို့ချမ်းသာနေပြီဖြစ်တဲ့

ကဲပရိသတ်ကြီးတို့ရေ။အရန်သရုပ်ဆောင်တွေရဲ့ဘဝက မင်းသားမင်းသမီးတွေလိုမျိုး ချမ်းသာလာကြတာမျိုးလည်းမရှိသလိုတောက်တောက်ပြောင်ပြောင်ဖြစ်လာတယ်ဆိုတဲ့အခြေနေမျိုးလည်းမရှိနေကြပါဘူး။ဒီလိုမျိုး အနုပညာအသိုင်းအဝိုင်းထဲကနေ ရုန်းထွက်ဖို့ဆိုတာကလည်းလူတကာသိပြီးသား ရုပ်ရည်အနေအထားကြောင့် ကြုံရာကြပန်းအလုပ်လုပ်ဖို့ဆိုတာအတော်လေး ခက်ခဲကြပေမယ့်လည်းသရုပ်ဆောင်ထူးခြားကတော့ အနုပညာအလုပ်ကိုစွန့်ပြီး ကိုယ်ပိုင်ထမင်းဆိုင်လေးတစ်ခု ဖွင့်လှစ်ခဲ့ပြီပဲဖြစ်ပါတယ်။သူ့ရဲ့ အလုပ်အပေါ် အာရုံစိုက်မှုနဲ့ မိန်းမဖြစ်သူရဲ့ Supporting ကောင်းမှုတွေကြောင့် ဒီကာလအတွင်း ချက်ချင်းတိုးတက်ပြောင်းလဲလာခဲ့သလို ခုချိန်မှာဆိုရင်လည်းတောင်ဥက္ကလာမှာ ထမင်းဆိုင်လေးတစ်ဆိုင်ထပ်မံ တိုးချဲ့ပြီး ဖွင့်လှစ်နိုင်နေခဲ့ပါပြီ။သူ့အနေနဲ့ကတော့ ထမင်းဆိုင်ဆိုပေမယ့်လည်းတခြားသူတွေ လုံးဝ မချက်ပြုတ်သေးတဲ့ ဟင်းလျာတွေကိုထူးထူးဆန်းဆန်းနဲ့ ရခိုင်ချက်သီးသန့်ချက်ပြီးရောင်းချနေခဲ့တာဖြစ်လို့ မင်းသားမင်းသမီးတွေအကြိုက်လက်ရာလည်းဖြစ်နေခဲ့ပါသေးတယ်။ဘယ်လိုပဲဖြစ်ဖြစ်ပါ၊ ဝါသနာနဲ့ ဖြစ်သင့်တာယှဉ်တွဲလာတဲ့အခါမျိုးမှာအနုပညာအပေါ် ရူးမိုက်ပြီးဆက်လုပ်နေအုံးမယ်ဆိုရင်ခုလိုအောင်မြင်လာမှာမဟုတ်တာကြောင့် ထူးခြားရဲ့ ဆုံးဖြတ်ချက်တွေကတကယ့်ကိုလေးစားဖို့ကောင်းနေခဲ့တာပဲဖြစ်ပါတယ်။ဒါ့အပြင် သူကိုယ်တိုင်ရွေးချယ်လိုက်တဲ့ နောက်အိမ်ထောင်နဲ့အမျိုးသမီးကလည်း တက်ညီလက်ညီရှိနေသေးတာဆိုတော့ ထူးခြားကိုအတုယူပြီး ပရိသတ်ကြီးတို့ကိုယ်တိုင်လည်း ကိုယ့်ရဲ့လက်တွဲဖော်မမှားဖို့ကလည်းတကယ့်ကိုအရေးကြီးဆုံး အချက်ဖြစ်ပါတယ်ဗျာ။

တန်ဖိုးကြီး ပန်းချီပညာကိုလမ်းဘေးချရောင်းရတဲ့အထိခက်ခဲနေခဲ့တဲ့ပန်းချီဆရာတစ်ဦး

ကဲပရိသတ်ကြီးတို့ရေ။ မြန်မာနိုင်ငံရဲ့အခြေနေ အရတော့မြန်မာနိုင်ငံအတွင်းက ပညာရှင်တွေဟာ လမ်းဘေးရောက်လုနီးနီးဖြစ်နေခဲ့ပါပြီ။ဒီတစ်ခေါက်မှာလည်း ပန်းဆိုးတန်းတစ်ဝိုက် ပန်းချီကားအရောင်းအဝယ်လုပ်နေတဲ့ ဦးလေးကြီးခမျာတော့သူ့ဝါသနာပါရာ မြတ်နိုးရာ ပန်းချီပညာကိုလမ်းဘေးချမရောင်းချင်ပေမယ့်လည်း စားဝတ်နေရေးအခက်အခဲကြောင့် သူကိုယ်တိုင်ဆွဲထားခဲ့တဲ့ ပန်းချီရေဆေးလေးတွေကို ၅ထောင် ၆ ထောင် နဲ့ရောင်းချနေခဲ့တာပဲဖြစ်ပါတယ်။ပန်းချီဆရာတစ်ယောက်ဖြစ်တဲ့ဦးလေးကြီးအနေနဲ့ကလည်း ကျန်းမာရေးချို့တဲ့သူတစ်ယောက်ဖြစ်တဲ့အပြင် သူ့ရဲ့ပန်းချီတွေအပေါ်မှာလည်း သေသပ်လွန်းတဲ့ လက်ရာတွေအထိကျွမ်းကျင်ထားသူမို့ မြန်မာနိုင်ငံရဲ့ ပညာရှင်တွေဟာ လမ်းဘေးကို ရောက်လုနီးနီး ဖြစ်နေခဲ့တာကြောင့် ကြည့်ရှုသူတော်တော်များများက စိတ်မကောင်းဖြစ်နေခဲ့ကြတာပဲဖြစ်ပါတယ်။အဲ့တာအပြင် ဦးလေးကြီးဆွဲထားတဲ့ ပန်းချီလက်ရာတွေဟာ အင်မတန် သေသပ်ပြီးလှပလွန်းနေတာကြောင့် လမ်းဘေးမှာချမရောင်းပဲ တစ်ခြားနိုင်ငံမှာသာ လေလံဆွဲလိုက်မယ်ဆိုရင်အနည်းဆုံးတော့ သိန်းနဲ့ချီတဲ့ ပိုက်ဆံကိုရမှာဆိုပြီးဝေဖန်မှုတွေလည်းရှိနေကြပါသေးတယ်။ တကယ်တမ်းမှာကျတော့ ဦးလေးကြီးဟာ ပန်းချီပါရမီထူးချွန်ပေမယ့်လည်း နိုင်ငံရဲ့ ဆင်းရဲမှုကြောင့် ခုလိုဒုက္ခရောက်နေခဲ့တာဆိုတော့ ပရိသတ်ကြိးတို့လည်း လသာမြို့နယ်ပန်းဆိုးတန်းကိုရောက်တဲ့အခါမျိုးမှာ ပန်းချီဆရာဦးလေးကြီးနဲ့တွေ့ရင်အားပေးသွားဖို့မမေ့ကြပါနဲ့အုံးရှင်။

မြန်မာငွေကျပ်တစ်ထောင်နဲ့ ဆန်တစ်အိတ်ဆီတစ်ပုံးလှုဒါန်းပေးနေတဲ့ နွယ်ပိုးအိမ်

ကဲပရိသတ်ကြီးတို့ရေ။ ခက်ခဲကြမ်းတမ်းတဲ့ဘဝကို ရင်ဆိုင်ပြီးအောင်မြင်လာခဲ့တဲ့ နွယ်ပိုးအိမ်ကတော့ အခြေခံလူတန်းစားတွေရဲ့ အခက်အခဲတွေ၊ နာကျင်မှုတွေကို ကိုယ်ချင်းစာတဲ့အနေနဲ့ အတတ်နိုင်ဆုံး အလှုအတန်းတွေလုပ်နေခဲ့ပြီပဲဖြစ်ပါတယ်။နွယ်ပိုးအိမ်ဆိုတာကတော့ သူတို့ ဆိုင်က ရောင်းသမျှပစ္စည်းတိုင်းကိုလည်း ယခု ကာလ ဘယ်လိုမှ အသုံးပြုလို့မရတဲ့ မြန်မာငွေကျပ်တစ်ရာကိုသာကောက်ခံပြီး ရောင်းချပေးတာတွေလည်းရှိခဲ့သလို လှုဒါန်းတဲ့အခါမှာလည်း မြန်မာငွေကျပ် အနည်းငယ်ကိုသာ ပြန်ယူပြီး ဆန်တွေဆီတွေကို လှုဒါန်းပေးနေခဲ့တာပဲဖြစ်ပါတယ်။ တကယ်တမ်းမှာကျတော့လည်း အခြေခံလူတန်းစားတွေရဲ့ဘဝဟာ ခုလိုမျိုးခေတ်ပျက်ကြီးထဲမှာ တစ်နေ့တာဝမ်းရေးအတွက်အနိုင်နိုင်ဖြစ်နေခဲ့ရသလို ဘာအလုပ်မှမလုပ်နိုင်တော့တဲ့သက်ကြီးရွယ်အိုတွေအတွက်ကတော့ ပိုပြီး ခက်ခဲစရာကောင်းနေခဲ့ပြီပဲဖြစ်ပါတယ်။ဒီလိုမျိုး ခက်ခဲမှုတွေကို ကောင်းကောင်းကျော်ဖြတ်နိုင်ဖို့အတွက်ကိုလည်း နွယ်ပိုးအိမ်မိသားစုက သူတို့ကိုယ်တိုင် သက်ကြီးရွယ်အိုတွေဆီသွားပြီး ဆန်တွေ ဆီတွေကို အသားတင်လှုဒါန်းပေးနေခဲ့တာပါ။ ဒီလိုလှုဒါန်းတဲ့အခါမှာတော့ မြန်မာငွေကျပ် တစ်ထောင်သာပေးမယ်ဆိုရင် ဆန်တစ်အိတ် ဆီတစ်ပုံး ဝယ်လို့ရမယ်လို့ပြောပြီးရောင်းချနေခဲ့ကြတာကြောင့် အဖိုးကြီးအဖွားကြီးတွေလည်းလိုလိုလားလား ဝယ်ယူနေကြတာပဲဖြစ်ပါတယ်။ ဆိုတော့ ပရိသတ်ကြီးတို့လည်း နွယ်ပိုးအိမ်ရဲ့ ပရဟိတ စိတ်ထားလေးတွေအတွက် ဂုဏ်ယူအားပေးဖို့မမေ့ကြပါနဲ့အုံးရှင်။

စားဝတ်နေရေးအခက်အခဲကြောင့် အနုပညာအလုပ်တွေပြန်လုပ်ရတော့မယ်ဆိုတဲ့ ဝေဠုကျော်

ကဲပရိသတ်ကြိးတို့ရေ။ ပရိဟိတမင်းသားကြီး ဝေဠုကျော်ကတော့ ပရဟိတအလုပ်တွေကို အဆက်မပြတ်လုပ်ကိုင်နေပေမယ့်လည်း ကိုယ်ပိုင်ဝမ်းရေးအတွက်အတော်လေး ခက်ခဲလာခဲ့တာကြောင့် ဆုံးဖြတ်ချက်တစ်ခုကို သေချာချမှတ်ခဲ့ပြီပဲဖြစ်ပါတယ်။သူ့အနေနဲ့ကတော့ ပရဟိတ လုပ်ရင်းနဲ့သာ ဘဝကို ဆုံးသွားရမယ်လို့ ထင်ထားပေမယ့်လည်း ခုချိန်မှာတော့ တစ်နေ့တာ စားဝတ်နေရေး စားသောက်နိုင်ဖို့အတွက်အခက်အခဲအတော်လေး ရှိလာခဲ့ပါတော့တယ်။ ဒါကြောင့် ပဲ ဖိုက်တင်မင်းသားတစ်လက်ဖြစ်တဲ့ သူ့ရဲ့ မင်းသားဂုဏ်ပုဒ်ကိုပြန်ယူပြီး အက်ရှင်ဇာတ်ကားတွေရိုက်ကူးဖို့ လက်ခံထားပြီဆိုပြီး ပရိသတ်တွေကိုပြောလာခဲ့တာပဲဖြစ်ပါတယ်။ သူ့အနေနဲ့ကတော့ အက်ရှင်ဇာတ်ကားတွေရိုက်ကူးတဲ့အခါမှာ တိုက်ရေးခိုက်ရေးတွေကိုသာ ရိုက်ကူးခဲ့ဖူးပေမယ့် ခုချိန်မှာတော့ စတန့် အကွက်တွေကိုပါ မဖြစ်မနေ ထည့်သွင်းပြီးရိုက်ကူးနေရတာမို့ အသက်ကြီးမှ အန္တရာယ်များတာတွေလုပ်မိနေပြီဆိုပြီးပြောလာခဲ့ပါတော့တယ်။ အဲ့တာအပြင် တစ်ခြားသော လုပ်ငန်းတွေကိုလည်း ရပ်ဆိုင်းထားရပြီး ဘဝကိုလည်းလူပျိုကြီးလိုမျိုးပဲ ဖြတ်သန်းသွားဖို့စဉ်းစားထားတာကြောင့် တစ်နိုင်တစ်ပိုင်ဝမ်းရေးအတွက်ကိုတော့ ကိုယ်တိုင်ကြိုးစားရမယ်လို့ ဆိုလာပါတော့တယ်။ဘယ်လိုပဲဖြစ်ဖြစ်ပါ၊ မင်းသားကြီးရဲ့ အက်ရှင်ဇာတ်ကားတွေကို လွမ်းနေတဲ့ ပရိသတ်တွေအတွက်အသစ်အသစ်တွေပြန်ရိုက်ကူးလာမှာဆိုတော့ အားပေးသွားကြပါအုံးရှင်။