Khan Umar Zidi

28/08/2021

17/02/2018

ہم نے مانا تم صحیح اور ہم غلط
ہم غلط، جی ہم غلط، بس ہم غلط

وہ کسی بھی حال میں راضی نہیں
ہم جُدا ہوں تب غلط، باہم غلط

گر غلط ہیں یہ مری مدہوشیاں
پھر تری زلفوں کے پیچ و خم غلط

مفتیوں کی خُلد میں جائز ہے مے
پر یہاں مے خوار، جام و جم غلط

پیار کے اظہار پر کہنے لگے!
"جی نہیں! یہ جھوٹ ہے! اِک دم غلط"

ہم غلط کرتے ہیں تو "بلکل غلط"
اُن کا کہلاتا ہے،"تھوڑا کم غلط"

حالِ دل سب کو سنانا چھوڑ دو
آؤ کرتے ہیں خودی سے غم غلط

میری اُلفت ہے فقط باتوں تلک؟
آپ کا مطلب ہے یعنی" ہم غلط"؟

میرا ہر اِک لفظ میرا دوست ہے
ہو نہیں سکتا کبھی راقم غلط!

فی زمانہ عاشقی بد حال ہے
ہجر جھوٹا، وصل کا عالم غلط

دِل جو افسردہ نہیں تو ، اے علیؔ!
شور و غوغا اور ترا ماتم غلط..
علیؔ سرمد

26/01/2018

😥😥

19/07/2017