29/06/2012
Mahkiza toyolotlatol
¡Matikoineh moyolo noknize, mahkihza motlatol!
ihka tlayiyikoleh, tetlazotlaliztle iwan pakiliztle.
Mahzemopalewe, pampa totlaltikpak akmo mahchapane iztle iwan xokiliztle. ¡Mapoliwe kenpoktle mapoliwe!.
¡Matikoineh moyolo noknize, mahkihza motlatol!
ahmo chimomote ahmo chimoxokileh, tikmatok tiknike iztle mahpoliwe.
Ixihnin tlaltikpak mahyito: tikitl, tlakoaleh, pakiliztle, momaxtiliztle...
akmo iztle, akmo chokiliztle, akmo mokayotl iwan mikiliztle.
¡Matikoineh moyolo noknize, mahkihza motlatol!
ihka tlayiyikoleh, tetlazotlaliztle iwan pakiliztle.
Mahzemopalewe pampa totlaltikpak akmo mahchapane iztle iwan xokiliztle.
¡Mapoliwe kenpoktle mapoliwe!
¡Matikoineh moyolo, mahkiza motlatol!
xikmato noknize ximolineh tipize.
Mazekipatla mokayotl iwan xokiliztle, tinoxte totlatol mazekixteh,
mohnike tinoxten tikmatizke timoloxozke.
¡Matikoineh moyolo noknize, mahkihza motlatol!
ihka tlayiyikoleh, tetlazotlaliztle iwan pakiliztle.
Mahzemopalewe pampa totlaltikpak akmo mahchapane iztle iwan xokiliztle.
¡Mapoliwe kehpoktle mapoliwe!.
¡Matikoineh moyolo noknize, mahkihza motlatol!
matimolochoka pipilme, takomeh, xokomeh, iwan akmo mazekinkawileh matexkokoke ixtoaltepetl.
Zitlalin, meztle iwan tonaltze matextlawilihtoka kanzenihme, kanzepanowa amozekinihke matexmiktitoka.
¡Matikoineh moyolo noknize, mahkihza motlatol!
ihka tlayiyikoleh, tetlazotlaliztle iwan pakiliztle.
Mahzemopalewe, pampa totlaltikpak akmo mahchapane iztle iwan xokiliztle.
¡Mapoliwe kenpoktle mapoliwe!.
¡Matikoineh moyolo noknize, mahkihza mohtlatol!
zepan matimoloxoka iwan mazekiyiyiko, ken zemopalewiz
mazemoyekihta ihka tlalnamikiliztle iwan mazekipatla inin xokiliztle.
¡Matikoineh moyolo noknize, mahkihza motlatol!
ihka tlayiyikoleh, tetlazotlaliztle iwan pakiliztle,
mahzemopalewe pampa totlaltikpak akmo mahchapane iztle iwan xokiliztle.
¡Mapoliwe kehpoktle mapoliwe!.,
¡Axka yitikmatok, neh nihke, mahtikoineh totlatl!
Nahua altepetl itlakotia Veracruz: Guadalupe Tzopitl Montalvo
xoxitlakoiloleh ihpam Miércoles 30 de mayo 2012
Corazón y razón haciendo voz
¡Que lata tú corazón hermano, que salga tú voz!
con sensatez, amor y alegría.
Para que nuestra tierra ya no haya sangre y llanto.
¡Que sé vaya difuminando!.
¡Que lata tú corazón hermano, que salga tú voz!
no llores, ni tengas miedo, tú sabes que quieres que se acabe la sangre.
Que en nuestra tierra haya: trabajo, comida, alegría, conocimiento...
no sangre, no llanto, ni miedo, ni muerte.
¡Que lata tú corazón hermano, que salga tú voz!
con sensatez, amor y alegría.
Para que nuestra tierra ya no haya sangre y llanto.
¡Que sé vaya difuminando!.
¡Que lata tú corazón, que salga tú voz!
tienes que saber reaccionar.
Cambiemos el miedo y el llanto, todos saquemos nuestra voz,
todos requerimos de todos, tenemos que saber organizarnos.
¡Que lata tú corazón hermano, que salga tú voz!
con sensatez, amor y alegría.
Para que nuestra tierra ya no haya sangre y llanto.
¡Que sé vaya difuminando!.
¡Que lata tú corazón hermano, que salga tú voz!
juntemónos niños, niñas, jóvenes y, no dejemos que nos vengan a golpear en nuestra tierra.
Estrella, luna y sol iluminaos en nuestro camino, que no asesinen.
¡Que lata tú corazón hermano, que salga tú voz!
con sensatez, amor y alegría.
Para que nuestra tierra ya no haya sangre y llanto.
¡Que sé vaya difuminando!.
que lata tú corazón hermano, que salga tú voz!
platiquemos y reconozcamónos, unamos reflexiones, cambiemos estas lamentaciones y llantos.
¡Que lata tú corazón hermano, que salga tú voz!
con sensatez, amor y alegría.
Para que nuestra tierra ya no haya sangre y llanto.
¡Que sé vaya difuminando!., ¡Ahora lo sabes yo también, que salga la voz!.
Nahua del centro del estado de Veracruz: Guadalupe Tzopitl Montalvo
Poema escrito el Miércoles 30 de mayo 2012
27/09/2012
09/08/2012
09/07/2012
27/04/2012
10/04/2012
02/04/2012
27/03/2012
08/03/2012
05/03/2012
18/02/2012