26/09/2026
ޔަމަނުގެ ޓެރަރިސްޓު ކާފަރު ހޫޘީ ގޭންގާ ބެހޭގޮތުން ޕާކިސްތާނުގެ ބޮޑުވަޒީރު ވިދާޅުވިއެވެ.
"ޢިއްޒަތްތެރި ބޭފުޅުންނޭވެ! ސައުދީ އަރަބިއްޔާއާ ދެކޮޅަށް ހޫޘީން ދާދިފަހުން ދިން ނުބައިކަން ބޮޑު ހަމަލާތައް އެންމެ ހަރުކަށި އިބާރާތުން އަޅުގަނޑުމެން އަނެއްކާވެސް ކުށްވެރިކުރަމެވެ. މުޤައްދަސް ރަށް ކަމުގައިވާ މައްކަތުލް މުކައްރަމާއަށް ޑްރޯން މެދުވެރިކޮށް ދޭން އުޅުނު ހަމަލާގެ ސަބަބުން، މުޅި ދުނިޔޭގެ މުސްލިމުންގެ ހިތްތަކުގައި ވަނީ ރުޅިވެރިކަން އުފެދިފައެވެ. ޙަރަމައިން ޝަރީފައިންގެ ރައްކާތެރިކަމާއި މުޤައްދަސްކަމަށް ނުރައްކާވާ ފަދަ ކޮންމެ ކަމަކީ އެއްވެސް ހާލެއްގައި ހުރަސްކޮށްގެން ނުވާނެ ރަތް ރޮނގެކެވެ. މިފަދަ ނުބައިކަން ބޮޑު ޖަރީމާއެއް ހިންގުމަށް ހިތަށް އަރުވަންވެސް އެއްވެސް މުސްލިމަކަށް ނުކެރޭނެއެވެ. އަޅުގަނޑުމެންގެ މުޅި ތާރީޚުގައިވެސް އަބަދުވެސް ކަންއޮތް ފަދައިން، އަޚުވަންތަ ސައުދީ އަރަބިއްޔާގެ ރައްޔިތުންނާއެކު ފުރިހަމަ އެއްބައިވަންތަކަމާއެކު ޕާކިސްތާނު ސާބިތުވެ އޮންނާނެއެވެ."
