Fondation pour l'Enfance - Terre de Paix

Workshop ar paran gardri
Dan sant Cyril Dalais, pou nou reyon paran, nou’nn prepar enn zoli ti workshop. Bann kerrur inn prezant paran enn bwat sonor ek inn explike kouma li devlop sans lekout nou zanfan. Zot aprann fer diferans ant bann son diferan (dous, for, sek). Nou’nn osi met lanfaz lor resiklaz bwat dile, nou’nn donn paran lexanp ki zafer nou kapav fer avek enn bwat vid, nou kapav fer bann dekorasion, nou mem kapav plante osi.
Miss inn donn paran materyel ki bizin: bwat dile vid, fetrinn, sizo, zegwi, difil. Nou’nn explik zot step by step kouma pou mont sa bwat sonor-la. Tou paran inn met lamin dan lapat, zot inn koumans fer montaz. Dan sa moman-la nou’nn gagn lokazion trouve kouma paran pe koze ant zot, zot pe partaz zot lide dan enn lazwa ek lanvi pou prepar enn zoli bwat pou zot zanfan.
Angro sa aktivite-la ti enn moman bien zoli kot nou bann paran inn koze, inn partaze. Ti ena enn zoli lantant ek interaksion ant nou.
Mis Atisha

https://www.facebook.com/share/p/1BRwCL2fKm/

Play is the method, learning is the outcome 🤩

🌿 🥳 😺 🖐🏾

Lanatir ek Lanvironnman
Pou mark zourne lanatir ek Lanvironnman, bann zanfan finn obzerv diferan plant, kouma fey ek fler dan zardin. Zot finn explor lanatir avek bokou kiryozite ek lintere. Sa aktivite-la finn permet zot apresie bote lanvironnman ek konpran linportans gard zot lespas prop ek protez lanatir.
Mersi
Francessca
Sant devey Tamarin

Kreativite grap rezin
Dan maternel Les Mirabelles Grand Baie, zanfan finn fer enn aktivite kreatif ek amizan: lapintir grap rezin avek bouson boutey plastik.
Zanfan finn tranp bouson dan lapintir mov apre stamp lor papie pou kre enn zoli grap rezin. Bann ti ron mov finn form grap rezin, ek zot finn azout fey ver pou fini zot travay artistik.
Kouma pou proseder:
Met lapintir mov dan enn ti palet.
Tranp bouson dan lapintir mov.
Apiy bouson lor papie pou kre grap rezin.
Rasanble ron ansam an-form grap rezin.
Desinn tiz ek fey avek lapintir ver.
Les sek.
Lobzektif sa laktivite-la :
Zanfan aprann form ek kouler
Permet devlop kreativite
Donn linportans resiklaz
Permet devlop motrisite finn
Avek enn sinp bouson, nou kapav kre gran travay artistik. Enn ti bouson plastik kapav vinn enn gran zouti kreativite.

Aktivite Plantasion
Dan Les Mirabelles Grand Baie, zanfan finn partisip dan enn aktivite zardinaz, kot zot finn plant ti plan brinzel ek zot finn aroz sa later-la avek delo. Zot finn servi zot lame ek zouti kouma lapel ek enn ti rato pou fouy later, zot finn melanz li ek met ti plantil ladan.
Sa aktivite-la finn ed zanfan devlop plizie kapasite inportan. Zot finn aprann kouma pran swin plant ek konpran ki plant bizin delo, soley ek bon later pou zot grandi. Zot finn osi devlop zot motrisite finn parski zot finn servi zot lame pou fouy later, ranpli larozwar ek aroze.
Anmemtan, zanfan finn aprann travay ansam, partaz zouti ek kolabor avek zot kamarad. Sa finn ankouraz zot pasians, konsantrasion ek sans responsabilite anver lanatir. Aktivite-la finn osi donn zot enn sans lazwa ek dekouvert atraver lexperyans pratik.

https://www.facebook.com/share/15skMmNddLJ/

. Before children learn to read and write, they learn by exploring, imagining, creating and playing.

Play is a fundamental part of early childhood development. It helps children build confidence, develop social and emotional skills, nurture creativity and make sense of the world around them. Yet too many children still lack access to quality early childhood education and care education where play is recognized as a powerful part of learning.

Across UNESCO's Compendium of Promising Practices in Early Childhood Care and Education, countries share innovative pedagogical approaches that use play.

In Burkina Faso, an innovative picture-book initiative has improved learning opportunities for more than 7,800 young children while equipping hundreds of educators with new teaching tools.

In Nigeria, a play-based curriculum and teacher training programme are creating more engaging, child-centred learning environments.

And through the Sesame Workshop's ‘Watch, Play, Learn’ initiative in Bangladesh, Colombia and Kenya, children affected by crisis and displacement are developing foundational skills, resilience and social-emotional well-being through playful learning.

On the , reaffirms the importance of play as part of every child's right to learn, develop and thrive.

Because every child deserves the chance to grow and succeed.

Learn more: https://www.unesco.org/en/early-childhood-education

Terre de Paix extends its warmest thanks to Leal Group for its continued support and commitment to our mission of serving children in vulnerable situations and their families.
Your partnership helps us create opportunities, provide care, and make a positive difference in the lives of those we serve.
✨ A special thank you to Joseline Leriche Etiennette for her unwavering support and dedication.
Together, we continue to build brighter futures for children and families.

Aktivite lor tematik Fri inporte

Bann zanfan dan Maternelle Les Mirabelles Grand-Baie inn fer enn aktivite kreatif lor kolaz fri seriz.

Pou sa aktivite-la nou’nn servi papie kot ti deza ena desin seriz, kreyon kouler pou nou fer pwintiyaz fri ek mo, papie mouslinn roule rouz ki nou fer boul pou kol lor nou seriz, papier mouslinn ver pou nou fer fey ek papie kouler maron pou fer so brans.

Avan koumanse nou’nn koz lor bann fri ki Moris inporte ek so rezon. Zanfan finn konpran ki akoz nou klima, spesializasion ek resours nou pei pa kapav prodwir tou zafer akoz samem nou inporte.

Apresa nou’nn koumans nou aktivite par
pwintiyaz form ek mo: Pwintiyaz ed zanfan travay lor kordinasion zot lizie ek zot lamin.
Kan fini zot inn pran papie mouslinn roule pou fer ti boul:- li enn aktivite ki demann boukou konsantrasion ek pasians alor li ed bann zanfan ki iper-aktif kanaliz zot lenerzi.
Apre mouslinn ver kot zot finn desinn fey apre dekoup li pou kol lor zot paz:- Dekoupaz ed zanfan pou devlop misk dan zot lamin ek zot ledwa pou pli tar zot kapav atrap zot kreyon bien.

Sa aktivite-la ti enn aktivite ki’nn amenn boukou lazwa, konesans, souvenir. Lobzektif sa aktivite-la seki ed zanfan dan zot pakour akademik parski zot inn

Aprann mo, form, kouler, kouma trap enn kreyon, tini enn sizo ek fer dekoupaz.

Gribouyaz
Gribouyaz li enn aktivite bien inportan pou zanfan.
Atraver gribouyaz, zanfan exprim zot santiman, zot lide ek zot limazinasion. Zot servi kreyon pou kree diferan form lor papie. Sa donn zot lokazion pou dekouver nouvo form, diferan kouler ek devlop zot kreativite.
Sa aktivite-la ena plizir benefis. Li devlop motrisite finn. Kan zanfan trap kreyon ek bouz zot lame pou fer gribouyaz, zot pe ranforsi bann ti misk dan zot ledwa ek zot lame. Sa prepar zot pou aprann ekrir pli tar.
Li osi amelior koordinasion lizie-lame. Zanfan aprann kontrol zot mouvman.
Sa aktivite-la permet zanfan gagn konfians dan zot kapasite. Zot santi lafierte kan zot montre zot travay ek explik seki zot finn desine ouswa gribouye.
Anplis, gribouyaz favoriz konsantrasion ek pasians. Zanfan aprann res asize, swiv enn aktivite ek terminn seki zot finn koumanse.
Pou konklir, gribouyaz li enn aktivite pedagozik ki ed zanfan devlop zot kreativite, zot kapasite motrisite finn ek zot preparasion pou lekritir.
“Sak gribouyaz enn zanfan enn premie pa ver kreativite ek laprantisaz.”

Mirabelles Flacq