Soċjetà Mużikali Santa Margerita V.M. - AD 1997

07/09/2026

Ilbieraħ il-Banda Santa Margerita għamlet l-aħħar servizz tagħha fl-istaġun tal-festi sajfin f’Għawdex, fejn ġewwa x-Xlendi akkumpanjat il-purċissjoni bl-istatwa tal-Madonna tal-Karmnu bid-daqq ta’ innijiet reliġjużi.

F’din l-istess okkażjoni ħames bandisti ġodda daqqew għall-ewwel darba f’servizz barra raħalna.

Dawn huma: Jake Buttigieg, Mikayla Buttigieg, Kayley Cini, Zack Grima u Jerome Xuereb.

Dawn il-bandisti ngħaqdu mal-Banda tagħna proprju fil-festa ta’ Santa Margerita li għaddiet. Għal darb’oħra nifirħulhom u nawgurawlhom futur mill-isbaħ mal-banda tagħna. 🔴

06/09/2026

Illejla l-Banda Santa Margerita tagħmel l-aħħar servizz tagħha fl-istaġun sajfi tal-festi Għawdxin, fejn ser tkun qed takkumpanja l-purċissjoni fil-festa tal-Madonna tal-Karmnu fix-Xlendi.

Is-servizz jibda fis-6.30pm b’marċ qasir u wara takkumpanja l-purċissjoni madwar it-toroq tal-bajja tax-Xlendi.

05/09/2026

📸 Il-Banda Santa Margerita lbieraħ ħadet sehem fid-dimostrazzjoni tal-ewwel jum tat-tridu fix-Xagħra fejn qed tiġi ċċelebrata l-festa ta’ Marija Bambina.

Nawguraw il-festa t-tajba lix-Xagħrin kollha.

04/09/2026

Illejla l-Banda Santa Margerita ser tieħu sehem fil-marċ tal-ewwel jum tat-tridu fl-okkażjoni tal-festa ta’ Marija Bambina ċċelebrata fir-raħal tax-Xagħra. Il-marċ jibda fid-9.30pm minn quddiem il-Każin tal-Banda Victory. 🔴

30/08/2026

Ilbieraħ filgħaxija l-Banda tagħna kellha servizz fir-raħal t’Għajnsielem fejn qed tiġi ċċelebrata l-festa tal-Madonna ta’ Loreto. Il-Banda bdiet marċ qasir minn Triq Dun Ġużepp Galea Rapa sal-pjazza u wara esegwiet programm mużikali fuq il-planċier taħt id-direzzjoni tas-Surmast George Apap. 🔴

29/08/2026

Illejla l-Banda tagħna tagħmel marċ qasir u wara programm mużikali fuq il-planċier fil-pjazza tar-raħal t’Għajnsielem fejn qed tiġi ċċelebrata l-Festa tal-Madonna ta’ Loreto. 🔴

29/08/2026

Hekk kif f’dawn l-aħħar ġimgħat ġie fi tmiemu kors bażiku ieħor tat-teorija mużikali 🎼, dawn l-istudenti ngħataw strument u issa ser ikunu qed jibdew it-taħriġ tal-prattika fuqu mal-għalliema rispettivi tagħhom.

Dan it-tagħlim fil-każin tagħna qed ikun possibbli permezz ta’ kofinanzjament mill-iskema ‘Taħriġ Mużikali taż-Żgħażagħ fil-Każini tal-Banda’ li hija amministrata mill-Aġenzija Żgħażagħ u bil-kollaborazzjoni tal-Għaqda Nazzjonali Każini tal-Banda. Il-kumitat jirringrazzja lil dawn l-entitajiet għall-għajnuna u l-appoġġ tagħhom u jirringrazzja wkoll lill-għalliema fi ħdan is-Soċjetà tagħna għax-xogħol siewi li huma qegħdin jagħmlu.

📣Barra minn hekk, nappellaw biex min huwa interessat li jibda din il-mixja mużikali, iħallilna messaġġ f’din il-paġna jew jikkuntattja xi membru tal-kumitat.

Aġenzija Żgħażagħ
Għaqda Nazzjonali Każini tal-Banda

23/08/2026

📸 Il-Banda Santa Margerita lbieraħ għamlet marċ u programm fil-pjazza tar-raħal taż-Żebbuġ lejlet il-festa ta’ Santa Marija.

Nawguraw il-festa t-tajba liż-Żebbuġin kollha.

21/08/2026

Għada, il-Banda Santa Margerita ser tkompli bis-servizzi tagħha fl-istaġun tal-festi, din id-darba fir-raħal taż-Żebbuġ fejn qed tiġi ċċelebrata l-festa ta’ Santa Marija. Il-Banda tagħna ser tagħmel marċ u wara programm mużikali fil-pjazza tar-raħal, lejlet il-festa. 🔴

20/08/2026