Daqqa t'Id fil-Malti

"IKUN LI TRID INT" tagħlaq ĦAMSIN SENA

Bħal dan iż-żmien tar-Randan, ħamsin sena ilu, instema' għall-ewwel darba d-dramm immużikat tal-Passjoni ta' Sidna Ġesù Kristu "Ikun li Trid Int" - lirika ta' Prof. Manwel Mifsud u Therese Cassar bil-vuċijiet ta' Merga, Sammy Bartolo, Charles Ellul, Carmelina Lanzon, Judy Sciberras u Philip Camilleri, produzzjoni tal-YTC.

"Fi ħmistax-il ġurnata, lestejnieha - kliem u mużika" jistqarr Manwel Mifsud. U seħħ fenomenu li pajjiżna qatt ma kien ra bħalu.. mhux biss id-diska u t-tejp inħatfu imma bdew isiru rappreżentazzjonijiet sena wara l-oħra fl-irħula u l-bliet Maltin u Għawdxin kollha.

Ħdax-il sena ilu, fit-23 ta' Marzu 2015, l-Akkademja tal-Malti ħadet ħsieb tintervista lill-Prof. Manwel Mifsud fis-sensiela "NWAR" li kien jixxandar minn fuq Radju Malta 1, ippreżentat mill-mibkija Susan Mulvaney.

https://archive.org/details/2015-03-31-prof-manwel-mifsud-ikun-li-trid-int

Matul din l-intervista tista' tisma' siltiet minn "Ikun li Trid Int - It-Triq tas-Salib" li nstemgħet għal żmien il-Ġimgħa l-Kbira u Manwel ikellimna fuq l-istorja ta’ din id-diska tant maħbuba u popolari ma’ ġenerazzjonijiet differenti tal-poplu tagħna.

LINA BROCKDORFF (1930-2026)

L-Akkademja tal-Malti ssellem il-memorja għażiża ta’ Lina Brockdorff li kienet ħaddiema ħawtiela fejn tidħol il-kitba bil-Malti. Brockdorff ippubblikat mijiet ta’ novelli u numru sabiħ ta’ rumanzi u ħadet sehem f’diversi programmi fuq ir-radju fosthom “Mill-Ġnejna Malija” li kienet tippreżenta l-Għaqda Letterarja Maltija.

B***a mir-rumanzi tagħha nqraw fuq ir-radjijiet lokali. Kitbet ukoll artikli ta’ natura spirtwali. Fl-2004 ppubblikat Sireni u Serenati bit-tifkiriet awtobijografiċi tagħha ta’ matul it-Tieni Ġwerra Dinjija.

Għal numru ta’ snin kienet il-President tal-Għaqda Letterarja Maltija u għamlet snin twal fil-kumitati tagħha. Lina kienet Viċi President fil-Kunsill ad interim tal-Akkademja tal-Malti (2004-2005) u fl-2020 l-Akkademja onoratha bil-Midalja tad-Deheb ‘Ġieħ l-Akkademja tal-Malti’ għall-impenn tagħha b’risq ilsienna u l-letteratura Maltija.

Lina kienet ukoll xempju ta’ anzjanità attiva u fis-sebgħinijiet tagħha ssoktat l-istudju b’Masters fit-Teoloġija fl-Università ta’ Malta.

L-Akkademja tibgħat il-kondoljanzi lill-għeżież tagħha.

L-Għaqda tal-Għalliema tal-Malti għandha l-pjaċir tippreżentalkom it-tielet filmat minn sensiela ta’ erbatax li matulha se nikkummentaw dwar il-poeżiji minn 'Hemm Art fil-Folja' indikati fis-sillabu taċ-ĊES. https://youtu.be/6PmxxoMDItU Nittamaw li kemm l-għalliema kif ukoll l-istudenti jsibuhom riżorsa utli! Nixtiequ nirringrazzjaw lil Il-Kunsill Nazzjonali tal-Ilsien Malti tal-finanzjament ta’ dan il-proġett, lil #FerranteFilmsLtd tal-iffilmjar u l-editjar, kif ukoll lill-Iskola St Michael ta' Santa Venera, Stmichaelschool.edu.mt, li ġentilment offrewlna l-post fejn stajna niffilmjaw. It-tielet filmat huwa dwar il-poeżija 'Ħbiebi' ta’ Karmenu Vassallo. #HemmArtFilFolja #fiftitkliem

L-Għaqda tal-Għalliema tal-Malti għandha l-pjaċir tippreżentalkom it-tieni filmat minn sensiela ta’ erbatax li matulha se nikkummentaw dwar il-poeżiji minn 'Hemm Art fil-Folja' indikati fis-sillabu taċ-ĊES. https://youtu.be/tml1CosL7Pw

Nittamaw li kemm l-għalliema kif ukoll l-istudenti jsibuhom riżorsa utli! Nixtiequ nirringrazzjaw lil Il-Kunsill Nazzjonali tal-Ilsien Malti tal-finanzjament ta’ dan il-proġett, lil tal-iffilmjar u l-editjar, kif ukoll lill-Iskola St Michael ta' Santa Venera, Stmichaelschool.edu.mt, li ġentilment offrewlna l-post fejn stajna niffilmjaw. Nirringrazzjaw ukoll lil Heritage Malta għar-ritratti.

It-tieni filmat huwa dwar il-poeżija 'Għar Dalam' ta’ Ġorġ Pisani.

🇲🇹🖊️

L-Għaqda tal-Għalliema tal-Malti għandha l-pjaċir tippreżentalkom l-ewwel filmat minn sensiela ta’ erbatax li matulha se nikkummentaw dwar il-poeżiji minn 'Hemm Art fil-Folja' indikati fis-sillabu taċ-ĊES. https://youtu.be/kz02b-wVqQw

Nittamaw li kemm l-għalliema kif ukoll l-istudenti jsibuhom riżorsa utli! Nixtiequ nirringrazzjaw lil Il-Kunsill Nazzjonali tal-Ilsien Malti tal-finanzjament ta’ dan il-proġett, lil tal-iffilmjar u l-editjar, kif ukoll lill-Iskola St Michael ta' Santa Venera, Stmichaelschool.edu.mt, li ġentilment offrewlna l-post fejn stajna niffilmjaw.

L-ewwel filmat huwa dwar il-poeżija 'Lilia Agri' ta’ Anton Buttigieg.

Is-sensiela reġgħet magħna!

Fl-ewwel taħdita ta' din il-ħames sensiela, Attard se jiggwidana aħjar kif għandna niktbu kliem bl-għajn u bl-akka. Din it-taħdita hija miftuħa għall-għalliema u l-LSEs imma jistgħu jattendu wkoll ġenituri u studenti, jew persuni oħra li jixtiequ jisimgħu aktar dwar dan il-kliem!

Tistgħu tirreġistraw hawnhekk:
https://docs.google.com/forms/d/e/1FAIpQLSeqjvB_FaW_7bEMktRNrLy9JLVLvRnh25Od9iSnBud9N9UNbg/viewform?usp=header

Peppa Pig bil-Malti LURA għat-Tieni Staġun - minn Ottubru! 📺 🇲🇹🎉 Ara kif din il-verżjoni Maltija ħadet il-kulur u l-ħajja tagħha b’dan il-filmat speċjali minn wara l-kwinti 🎬 B’kollaborazzjoni maċ- @centru_ilsien_malti — Peppa Pig bil-Malti is BACK for Season 2 - this October! 📺 🇲🇹🎉 Get a sneak peek behind the scenes and meet the voices bringing Peppa to life in Maltese 🎬 In collaboration with @centru_ilsien_malti #PeppaPig #PeppaPigBilMalti #Season2 #BehindTheScenes #VoiceDubbing