Nilagħbu bi Kliemna

L-applikazzjonijiet jagħlqu nhar il-Ġimgħa li ġej.

Il-logħba BEBBUXITTRI waqt l-attività 'Vjal il-Ktieb', organizzata mill-Kunsill Lokali Siġġiewi b'kollaborazzjoni maL-Aġenzija Nazzjonali tal-Litteriżmu.

Din l-attività saret is-Sibt, 30 ta' Novembru 2024, fi ġnien Città Ferdinand.

L-istudenti tat-tieni sena tal-Iskola Primarja Dun Salv Portelli, f'San Lawrenz, Għawdex, waqt l-attività ‘Żewwiġhom’, imtellgħa mill-Aġenzija Nazzjonali tal-Litteriżmu bħala parti mill-programm ‘Nilagħbu bi Kliemna’.

Waqt din l-attività, l-istudenti tqassmu fi gruppi u ngħataw settijiet ta’ stampi u kliem. Huma ntalbu jgħaqqdu l-istampi f’pari skont il-qasam li jiffurmaw parti minnu, u jaraw liema kelma tikkorrispondi għal kull waħda mill-istampi.

Il-grupp rebbieħ ingħata premju l-ktieb ‘Bla Dawl’.

L-Aġenzija Nazzjonali tal-Litteriżmu📖
Gozo College Dun Salv Portelli San Lawrenz Primary School 🏫

L-istudenti tal-Grade 5 tal-Iskola San Andrea, waqt l-attività ‘Fittixha’, imtellgħa mill-Aġenzija Nazzjonali tal-Litteriżmu bħala parti mill-programm 'Nilagħbu bi Kliemna’.

Waqt din l-attività, l-istudenti tqassmu fi gruppi u ngħataw settijiet ta’ stampi u fittiexa. Huma ntalbu jiktbu l-kelma relatata ma’ kull waħda mill-istampi u mbagħad isibuha fil-fittiexa. It-taħriġ kien imsejjes fuq ħiliet varji, fosthom: l-ortografija u l-grammatika.

Il-grupp rebbieħ ingħata premju l-ktieb ‘Emma u Arturo: Il-Kejk’.

L-Aġenzija Nazzjonali tal-Litteriżmu 📖
San Andrea School🏫

L-istudenti tas-sitt sena tal-Iskola Primarja tal-Furjana, Kulleġġ San Ġorġ Preca, waqt l-attività ‘Seħer il-Kliem’, imtellgħa mill-Aġenzija Nazzjonali tal-Litteriżmu bħala parti mill-programm ‘Nilagħbu bi Kliemna’.

Waqt din l-attività, l-istudenti tqassmu fi gruppi u ngħataw leħħiet bi tliet kelmiet f’kull waħda fejn intalbu jiffurmaw sentenza b’kull grupp ta’ kliem. It-taħriġ kien imsejjes fuq ħiliet varji, fosthom: il-kreattività, l-ortografija, is-sintassi u l-punteġġjatura.

Il-grupp rebbieħ ingħata premju l-ktieb ‘Il-Praspar ta' Ġoġò l-Kelb’.

L-Aġenzija Nazzjonali tal-Litteriżmu📖
Kulleġġ San Ġorġ Preca Primarja Floriana🏫