Хэл заслын цэцэрлэг

27/09/2026

ОНОШ ХҮҮХДИЙГ БҮХЭЛД НЬ ТОДОРХОЙЛОХГҮЙ.
Бид хүүхдийн чадварыг хардаг болох хэрэгтэй.
“Аутизмтай”, “Дауны хам шинжтэй” гэсэн мэдээлэл нь хүүхдэд хэрэгтэй дэмжлэгийг ойлгоход тусална. Харин тэр үгээр нь хүүхдийг шошголж, юу чадна эсвэл чадахгүйг нь урьдчилан шийдэж болохгүй.
Онош тогтоох нь эмч, холбогдох мэргэжилтний ажил. Харин багш хүүхэд өдөр тутмын орчинд юу хийж чаддаг, юунд дэмжлэг хэрэгтэй, ямар аргаар илүү сайн суралцаж байгааг ажиглаж үнэлнэ.
Энд багш, эцэг эхийн хамтын ажиллагаа хамгийн чухал. Хүүхэд цэцэрлэгтээ нэг чадвараа харуулж, гэртээ өөр байдлаар оролдож болно. Тиймээс багш, эцэг эх ажигласнаа хуваалцаж, нэг үнэлгээ, нэг ойлголтод тулгуурлан дараагийн дэмжлэгээ хамтдаа төлөвлөх хэрэгтэй.
Ингэж байж хүүхдийн ахиц бодитоор харагдана. Өнөөдөр дэмжлэгтэй хийж байгаа зүйлээ маргааш илүү бие даан хийж сурах жижиг алхам бүр үнэ цэнтэй.
Хүүхэд бүр давуу талтай, хөгжих боломжтой. Тэр боломжийг олж харахын тулд багш, эцэг эх хүүхдийг нэг өнцгөөс харж, нэг зорилгын төлөө хамтран ажиллая.
Хүүхдийн сэтгэл зүйч, нейро-хэл засалч, тусгай боловсролын багш Ж.Мөнхнасан Ph.D

27/09/2026

24/09/2026

ХҮҮХДИЙНХЭЭ ХӨГЖЛИЙГ ДЭМЖИХ ЗӨВ ЗАМЫГ ХАЙСААР Л БАЙНА УУ?
Эцэг эх, асран хамгаалагч Та:
- Хүүхдээ хөгжүүлэх төвөөс төв дамжуулан, цаг хугацаа, мөнгөө үр дүнгүй зарцуулсаар байна уу? Хүүхдээ өөрөө хэрхэн хөгжүүлж, өдөр тутамдаа яаж зөв дэмжихээ мэдэхгүй байна уу? - -Мэргэжлийн болон мэргэжлийн бус хүмүүсийн олон янзын, заримдаа хоорондоо зөрүүтэй мэдээлэлд төөрч байна уу?
-Эмч, багш, хөгжлийн төв, бариа заслын хүмүүсээс өөр өөр тайлбар, ойлгомжгүй олон “онош” сонсоод улам будилж байна уу?
- Хүүхдийнхээ яг ямар чадварт дэмжлэг хэрэгтэйг ойлголгүй, үйлчилгээ бүрийг туршсаар хөгжлийнх нь алтан цагийг алдаж байна уу?
- Эм, бэлдмэл хэрэглүүлээд хүүхдийн чадвар өөрөө хөгжихийг хүлээж сууна уу?
Хүүхдийн хөгжилд өдөр тутмын зөв орчин, тохирсон арга зүй, давтамжтай дэмжлэг, хамгийн гол нь эцэг эх, асран хамгаалагчийн мэдлэг, чадвар, оролцоо зайлшгүй хэрэгтэй.
Тиймээс бид хүүхдийн хөгжил, хэл яриаг дэмжих чиглэлээр ажилласан 14 жилийн сургалт, үйл ажиллагааны туршлагадаа эцэг эх, асран хамгаалагчийн мэдлэг, чадвар хүүхдийн хөгжилд маш чухал болохыг бодитоор харж, багштай хамтрах нь хамгийн хурдан үр дүнд хүрдгийг баталсан.
- Эцэг эх, асран хамгаалагчдаас:
Хүүхдээ хэрхэн зөв ажиглаж, үнэлэх вэ?
Гэртээ ямар аргаар ажиллах вэ?
Олон мэдээллээс зөвийг нь хэрхэн ялгах вэ?
Хүүхдийн ахиц гарч байгаа эсэхийг яаж мэдэх вэ?
Хэзээ гэртээ дэмжих, хэзээ мэргэжлийн тусламж авах вэ? гэсэн асуулт, хүсэлт тогтмол ирсээр байдаг. Иймээс эцэг эх, асран хамгаалагчдын хүсэлтэд үндэслэн, “ЭЦЭГ ЭХ, АСРАН ХАМГААЛАГЧИЙГ ЧИГЛҮҮЛЭН ДЭМЖИХ СУРГАЛТ” -ийг зарлаж байна.
ЭНЭХҮҮ ХӨТӨЛБӨРӨӨР ТА:
Хүүхдийн хөгжлийн зүй тогтлыг ойлгоно
Хүүхдээ ажиглаж, бодит хэрэгцээг нь танина
Хөгжлийн үнэлгээ хийж сурна
Хүүхдэд шаардлагатай арга зүйг зөв сонгоно
Сонгосон арга зүйгээ өдөр тутмын амьдралдаа хэрэглэж сурна Хүүхдээ яаруулахгүй, өмнөөс нь хийхгүйгээр бие даалтыг нь дэмжинэ
Хэл яриа, хөдөлгөөн, анхаарал, зан үйл, сэтгэл хөдлөлийн уялдааг ойлгоно
Хүүхдийн хөгжилд гарч буй ахицыг бодитоор харж сурна
Хэзээ гэртээ дэмжих, хэзээ мэргэжлийн тусламж авах шаардлагатайг ялгана
Энэ бол хүүхдийг богино хугацаанд “засна” гэж амлах сургалт биш. Харин эцэг эх, асран хамгаалагчийг хүүхдээ ойлгодог, бодит чадварыг нь ажиглан үнэлдэг, тохирсон дэмжлэг үзүүлдэг, хөгжлийн ахицыг нь харж чаддаг болоход чиглүүлэх боловсролын хөтөлбөр юм.
Хугацаа: 3 сар Давтамж: 7 хоногт 2 удаа
Нэг удаагийн сургалт: 2 цаг буюу 120 минут
Нийт: 24 удаагийн сургалт, 48 цаг
Хэлбэр: Онлайн болон танхим хосолсон
Зохион байгуулагч: CNDS™ хөтөлбөрийн баг Хөтөлбөрийн удирдагч: Ж.Мөнхнасан, Ph.D Хүүхдийн сэтгэл зүйч • Нейро-хэл засалч • Тусгай боловсролын мэргэжилтэн
Хүлээж суухын оронд өдөр тутамдаа зөв дэмжлэг үзүүлдэг хариуцлагатай эцэг эх байцгаая.
Бүртгэл: УТАС: 86588868 See less

24/09/2026

УТАС ҮЗДЭГ БИШ УТСААР ЯРЬДАГ ХҮҮХЭДТЭЙ БОЛЦГООЁ.

22/09/2026

ЦЭЦЭРЛЭГИЙН БАГШАА ЧАДАВХЖУУЛАХ СУРГАЛТ
Багш аа, таны бүлэгт хэл ярианы хөгжлөөр дэмжлэг шаардлагатай хүүхэд байна уу?
Хүүхэдтэй хэрхэн ажиллах, юунаас эхлэх, ямар арга сонгохоо эргэлзэж байна уу?
Хүүхэд бүрийн хөгжлийн хэрэгцээ өөр учраас бүх хүүхдийг нэг аргаар хөгжүүлэх боломжгүй. Тиймээс хүүхдийн бодит хэрэгцээг таньж, тохирсон дэмжлэгийг үе шаттай хэрэгжүүлэхэд тань туслах сургалтыг санал болгож байна.
ХҮҮХДИЙН ХЭЛ ЗАСАЛ
Нейро-хөгжлийн зарчимд суурилсан орчин үеийн арга зүй
Энэхүү сургалт нь “Бяцхан эрдэмтэн” цэцэрлэгийн 14 жилийн сургалт, үйл ажиллагааны судалгаа, хүүхэдтэй ажилласан практик туршлагад суурилсан.
Хүүхдийн хөгжлийн нийтлэг зүй тогтлыг Монгол хүүхдийн хэл, гэр бүл, цэцэрлэг, ахуй, соёлын бодит орчинтой уялдуулан, хэл ярианы хөгжлийг бүхэлд нь дэмжих арга зүйг багш нарт эзэмшүүлнэ.
Сургалт нь зөвхөн нэг төрлийн дасгал заах бус, хүүхдийн сонсох анхаарал, үгийн сан, өгүүлбэрээр илэрхийлэх, харилцан ярих болон өдөр тутмын харилцаанд хэл яриагаа хэрэглэх чадварыг харилцан уялдаатай хөгжүүлэхэд чиглэнэ.
Багш ямар чадвар эзэмших вэ?
Сургалтаар багш:
-Зарим авиаг хэлж чадахгүй эсвэл буруу дууддаг хүүхэдтэй ажиллах
-Хэлд оройтож буй хүүхдийн үг хэлэх оролдлогыг дэмжих
-Үг хэлдэг боловч үгээ холбож, өгүүлбэрээр ярьж чадахгүй байгаа хүүхдийг үе шаттай хөгжүүлэх
-Хүүхдийн үгийн санг баяжуулж, хүсэл бодол, санаагаа илэрхийлэхэд нь туслах
-Асуултад хариулах, ярианы ээлж хүлээх, бусадтай харилцан ярилцах чадварыг дэмжих
-Хэл ярианы дасгалыг тоглоом, хөдөлгөөн, хөгжим болон өдөр тутмын үйл ажиллагаатай уялдуулан хэрэгжүүлэх
-Шинээр хэрэгжиж буй үндэсний СӨБ-ын хөтөлбөрийн зорилго, агуулга, өдөр тутмын сургалт үйл ажиллагаатай хэл ярианы дэмжлэгийг уялдуулах
-Хүүхдийн ахицыг ажиглаж, дараагийн дэмжлэгийг зөв сонгох
-Мэргэжлийн үнэлгээ, тусгай дэмжлэг шаардлагатай хүүхдийг таньж, хэл засалчид чиглүүлэх зэрэг хүүхдийн хэл ярианы хөгжлийг бүхэлд нь дэмжих олон талт арга, аргачлал эзэмшинэ.
Сургалтын онцлог
📘 Багш бүр арга зүйн гарын авлага авна.
Гарын авлагад сургалтын үндсэн ойлголт, хэрэгжүүлэх дараалал, дасгалын жишээ, хүүхэдтэй ажиллах аргачлал болон үндэсний СӨБ-ын хөтөлбөртэй уялдуулан хэрэгжүүлэх зөвлөмжийг багтаана.
📝 Ажлын байран дээр шууд хэрэгжүүлэх даалгавар өгнө.
Багш сургалтаар эзэмшсэн мэдлэгээ өөрийн бүлгийн хүүхдийн бодит хэрэгцээнд тохируулан хэрэгжүүлж, онолын мэдлэгээ практик чадвар болгон бататгана.
Энэ бол зөвхөн мэдээлэл сонсох сургалт биш. Багшийн өдөр тутмын ажилд шууд хэрэгжих арга зүй, чадвар олгох сургалт юм.
Сургалтын хэлбэр
Байгууллага өөрийн хэрэгцээ, боломжид тохируулан:
-Танхимын сургалт
-Онлайн сургалт гэсэн хоёр хэлбэрээс сонгох боломжтой.
Албан ёсны хамтын ажиллагаа
Байгууллагатай сургалтын гэрээ байгуулж, шаардлагатай санхүүгийн баримт бичгийг бүрдүүлэн и-баримт шивнэ.
Сургалтыг удирдан зохион байгуулах баг
“Бяцхан эрдэмтэн” ТББ
Хөтөлбөрийн удирдагч, үндсэн сургагч багш:
Ж.Мөнхнасан, Ph.D
Нейро-хэл засалч, хүүхдийн сэтгэл судлаач
Цэцэрлэгийн багшаа чадавхжуулж, хэл ярианы дэмжлэг шаардлагатай хүүхэд бүрд илүү оновчтой хүрч ажиллахыг хүсвэл бидэнтэй холбогдоорой.

22/09/2026

🍂 ХЭЛ ЗАСЛЫН НОМУУД- 40% ХЯМДРАЛ ЗАРЛАЛАА.
Уламжлалт намрын хямдрал 9-р сарын 30-ыг дуустал үргэлжилнэ.
Жил бүрийн намар багш, эцэг эхчүүддээ зориулан зарладаг номын хямдралаа эхлүүлж байна.
Хүүхдийн үгийн сан, өгүүлбэрээр ярих чадвар, харилцан яриа, авиа сонсгол болон зөв дуудлагыг үе шаттай дэмжих “Бяцхан эрдэмтэн” хэл заслын номын багцууд 40% хямдарлаа.
📚 Багш, хэл засалч, сургалтын төв болон цэцэрлэгийн хэрэглээнд тохиромжтой
🚚 Улаанбаатар хотод хүргэлт 10,000₮
📦 Орон нутгийн захиалгыг унаанд тавьж өгнө
📩 Захиалга: 8658 8868 дугаарт мессежээр
ХЭЛ ЗАСЛЫН 13 НОМ — ХҮҮХДИЙН ХЭЛ ЯРИАГ ҮЕ ШАТТАЙ ДЭМЖИХ ЦОГЦ ХЭРЭГЛЭГДЭХҮҮН
Хүүхдийн хэл яриаг хөгжүүлэхэд зөвхөн үг давтуулах хангалтгүй. Авиан сонсгол, үгийн сан, өгүүлбэрээр илэрхийлэх болон харилцан ярих чадварыг уялдуулан дэмжих шаардлагатай.
Энэхүү 13 номыг хэл засалч, багш, эцэг эх хүүхдийнхээ хөгжлийн хэрэгцээнд тохируулан сонгож, үе шаттай ашиглах боломжтой.
1. “Хүүхдийн авиан буруу дуудлагыг засаж сайжруулах ганцаарчилсан сургалтын хөтөлбөр”
Хүүхдийн авианы дуудлагыг үнэлэх, засах ажлыг төлөвлөх, ганцаарчилсан сургалтыг үе шаттай зохион байгуулахад зориулсан мэргэжлийн хөтөлбөр.
2. “Хэл заслын үндэс”
Хүүхдийн хэл ярианы хөгжил, хэл заслын суурь ойлголт, үнэлгээ болон дэмжлэгийн арга зүйг системтэй танилцуулсан гарын авлага.
3. “Хэл засалч багшийн хөтлөх дэвтэр"
Хүүхдийн гарааны түвшин, сургалтын зорилго, хийсэн дасгал, ажиглалт болон ахицыг тогтмол тэмдэглэхэд хэрэглэнэ.
4. “Цэцэрлэгийн яриа”
Цэцэрлэгийн өдөр тутмын үйл явдал, орчин, тоглоом, найз нөхдийн тухай зургаар ярилцаж, үгийн сан болон харилцан ярих чадварыг дэмжинэ.
5. “Гэрийн орчны яриа”
Гэр бүлийн гишүүд, өрөө тасалгаа, ахуйн эд зүйлс, өдөр тутмын үйлдлийг таньж нэрлэх, асуултад хариулах, яриа өрнүүлэхэд ашиглана.
6. “Гадаа орчны яриа
Байгаль, гудамж талбай, аялал, тоглоом болон хүрээлэн буй орчны тухай ажиглаж ярилцах замаар хүүхдийн үгийн сан, холбоотой яриаг хөгжүүлнэ.
7. “Би ярьж сурлаа–1: Авиаг ялган танихуй”
Хүүхдийн сонсох анхаарал, авиаг анзаарч сонсох, хооронд нь ялган таних чадварыг хөгжүүлэх эхний шатны хэрэглэгдэхүүн.
8. “Би ярьж сурлаа–2: Үг холбохуй”
Сурсан үгээ хооронд нь утга холбоотой хэрэглэж, холбоо үг болон богино хэллэг бүтээхэд дэмжлэг үзүүлнэ.
9. “Би ярьж сурлаа–3: Өгүүлбэр хэлэхүй”
Хүүхэд үгээ өгүүлбэр болгон холбож, хүсэл бодол, санаа болон болсон үйл явдлыг ойлгомжтой илэрхийлэхэд чиглэнэ.
10. “Хэл заслын дасгал даалгаврууд–1”
Хэл заслын сургалтын эхний шатанд хэрэглэх, хүүхдийн сонсох, ажиглах, даган гүйцэтгэх чадварыг дэмжсэн дасгалуудтай.
11. “Хэл заслын дасгал даалгаврууд–2”
Сурсан авиа, үгийг дасгалжуулж, үгийн сан болон хэл ярианы хэрэглээг нэмэгдүүлэх даалгавруудыг багтаасан.
12. “Хэл заслын дасгал даалгаврууд–3”
Үг, өгүүлбэр, зурагт үйл явдлыг холбон ярьж, сурсан чадвараа өдөр тутмын харилцаанд хэрэглэхэд чиглэсэн.
13. “Авианы буруу дуудлагыг засах арга”
Авиан сонсголыг хөгжүүлэхээс эхлэн буруу дуудлагыг зөв хэлбэрт оруулах, үг болон ярианд бататгах дарааллыг тайлбарласан арга зүйн ном.
Номуудыг хүүхдийн хэрэгцээ, хөгжлийн түвшинд тохирсон 6 төрлийн багцаар сонгох боломжтой.
Орон нутгийн захиалгыг унаанд тавьж өгнө.
Зохиогч: Ж.Мөнхнасан, Ph.D
Нейро-хэл засалч, хүүхдийн сэтгэл судлаач

18/09/2026

ХАЙРЛАХ ГЭДЭГ
ӨМНӨӨС НЬ ХИЙХИЙГ ХЭЛЭХГҮЙ
Хүүхдээ хайрлахдаа бидний анзааралгүй гаргадаг 5 алдаа:
-- Хүүхдээ хайрладаг эцэг эх хүүхдийнхээ хүссэн бүхнийг хийж өгдөг. Энэ бодол зөв мэт санагддаг учраас л аюултай. Хүүхэд чин сэтгэлээсээ уйлан гуйж, эцэг эхийн хийж буй зүйл нь халамж мэт харагдавч үнэн хэрэгтээ хожим нь хамгийн шилдэг сургууль, хамгийн үнэтэй сэтгэл зүйчээр ч нөхөж болшгүй зүйлийг хүүхдээс нь булааж байдаг.
Нэгдүгээрт, хүүхэд өөрөө удаан, төгс бус ч гэсэн хийж чадах зүйлийг өмнөөс нь хийж өгөх.
Хурдан байлгахын тулд үдээсийг нь үдэж өгөх. Мартаж магадгүй гээд цүнхийг нь бэлдэх. Сэтгэл нь өвдөж байна гээд найзтайгаа үүсгэсэн маргааныг нь өмнөөс нь шийдэх.
Сайн санаагаар хийсэн ийм үйлдэл бүр хүүхдэд нэг л зүйлийг ойлгуулдаг:
“Чи надгүйгээр өөрөө хийж чадахгүй.”
Энэ ойлголт урам зориг өгсөн ямар ч үгнээс илүү гүн сууж үлддэг.
Хоёрдугаарт, хүүхдэд тавгүй санагдах бүрд шууд тайвшруулах.
Үнэхээр өвдөж, шаналсан үед нь биш, харин зүгээр л тавгүйрхсэн үед нь:
Уйдсан, Хүлээхийг хүсэхгүй байгаа, Хүссэн зүйлийг нь өгөөгүйд дургүйцсэн, Хүүхэд тавгүй мэдрэмжээ өөрөө мэдэрч, даван туулж амжаагүй байхад нь тэр мэдрэмжээс байнга салгаж өгвөл хожим нь дараалал хүлээх, татгалзсан хариу сонсох, аливааг тэвчээртэй хүлээх нь түүнд дааж давшгүй мэт санагддаг насанд хүрсэн хүн болдог.
Гуравдугаарт, нөхцөл байдлыг бүрэн тодруулаагүй байж өөр хүүхэд эсвэл багштай үүссэн маргаанд ямагт хүүхдийнхээ талд орох.
Дөрөвдүгээрт, тайвшруулахын тулд гар утас, таблет өгөх.
Холын замд зугаацуулах зорилгоор биш, харин хүүхдийн сэтгэл хөдлөлийг аль болох хурдан зогсоохын тулд дэлгэц ашиглуулахыг хэлж байна. Тавгүй мэдрэмжээ дэлгэцээр дарж сурсан хүүхэд сэтгэл хөдлөлөө зохицуулж сурдаггүй. Харин түүнээс зугтаж сурдаг.
Энэ нь насанд хүрсэн хойно нь донтох зан үйл болон илэрч, анхаарлаа ямар нэг зүйлээр нэн даруй сарниулахгүйгээр түгшүүрээ тэсвэрлэх чадваргүй болгодог хамгийн тогтвортой хэв маягуудын нэг юм.
Тавдугаарт, тухайн мөчид хүүхдээ тайвшруулахын тулд биелүүлэх бодолгүй амлалт өгөх.
“Тийм ээ, авч өгнө.”
“Тийм ээ, явна.”
“Тийм ээ, болно.”
Гэвч дотроо дараа нь мартана эсвэл шийдвэрээ өөрчилнө гэж бодох.
Хүүхэд зөвхөн хэлсэн үгийг тогтоодоггүй. Харин үг, үйлдэл хоёр хоорондоо нийцэж байгаа эсэхийг тогтоодог.
Чухам энэ нийцлээс бусдад итгэх итгэл, хүний хэлсэн үг үнэ цэнтэй гэдэг ойлголт нь бүрэлддэг.
Энэ бол хүүхдэд өгч болох хамгийн үнэтэй бэлгүүдийн нэг. Бас түүнээс хамгийн амархан булааж болох зүйлсийн нэг юм.
Сэтгэл зүйчид хүн бүр өөрийнхөө тухай дотоод дүр төрхтэй байдаг гэж үздэг. Тэрхүү дүр төрх нь бусадтай хэрхэн харилцах, шийдвэр гаргах, хүн болон нөхцөл байдалд хэрхэн хариу үйлдэл үзүүлэх зэрэгт бүхэлд нь нөлөөлдөг.
Хүүхдийн сэтгэл зүйч, нейро-хэл засалч Ж.Мөнхнасан Ph.D

16/09/2026

**Бүх хүүхдийн хөгжлийг нэг аргаар дэмжих боломжгүй.**
Хүүхэд бүрийн хөгжлийн түвшин, суралцах хурд, хэл яриа, харилцаа болон дэмжлэгийн хэрэгцээ ялгаатай.
CNDS™-ийн нейро-хөгжлийн гол үзэл баримтлал нь хүүхдийн хөдөлгөөн, танин мэдэхүй, хэл яриа, харилцаа, сэтгэл хөдлөл тус тусдаа бус, харилцан уялдаатай хөгждөг гэж үздэг.
Энэхүү үзэл баримтлалд тулгуурлан “Бяцхан эрдэмтэн” ТББ-аас байгууллагуудад зориулсан **3 багц сургалт** санал болгож байна.
1. **Хүүхдийн хөгжлийг үнэлж дэмжих**
Хүүхдийн чадвар, хэрэгцээг үнэлж, тохирсон зорилго сонгон, ахицыг баримтжуулах арга зүй.
2. **Хэл яриа ба хэл заслын арга зүй**
Авиан сонсгол, хэл ярианы ойлголт, харилцан ярих чадвар, зөв дуудлагыг үе шаттай дэмжих арга зүй.
3. **Байгууллагын чадавх ба багш–эцэг эхийн хамтын ажиллагаа**
Удирдлага, арга зүйч, багш, эцэг эхийг нэгдсэн зорилго, хэрэгжилттэй ажиллах тогтолцоонд чиглүүлнэ.
Сургалт нь
**онол → дадлага → ажлын байрны хэрэгжилт → кейс хамгаалалт** гэсэн дарааллаар явагдана.
Байгууллага нэг сэдэвт сургалт, нэг багц, 3 багцын цогц хөтөлбөр эсвэл жилийн хамтын ажиллагаанаас хэрэгцээндээ тохируулан сонгох боломжтой
Сургалтыг мэргэжлийн болон CNDS™ хэрэгжүүлэгч туршлагатай баг удирдан зохион байгуулна.
Мөн сургалтад хамрагдсан байгууллага, оролцогчдод хүүхдийн хөгжлийг үнэлэх, дэмжихэд ашиглах **ном, гарын авлага, хэрэглэгдэхүүний багцыг хөнгөлөлттэй үнээр** санал болгоно.
Дэлгэрэнгүй мэдээлэл авч, байгууллагадаа тохирсон сургалтын санал авах бол:
☎️ **8658 8868**
Байгууллагатай гэрээ байгуулж, нэхэмжлэл үүсгэн, и-баримт олгоно.
**Зохион байгуулагч: “Бяцхан эрдэмтэн” ТББ**

15/09/2026

Хүүхэд авиаг зөв дуудахын өмнө тухайн авиаг **анхаарч сонсох, бусад авиагаас ялган таних, олон авиа хэрхэн холбогддог, хэрхэн өөрчлөгддөг, үг хэрхэн бүтэж байгааг мэдэх** чадвартай болсон байх шаардлагатай.
Иймээс манай сургалт зөвхөн авиаг давтан дуудуулахаас эхлэхгүй. Хүүхдийн сонсголын анхаарал болон авиаг ялган таних чадварыг үнэлж, ямар түвшнээс дэмжлэг үзүүлэхийг тодорхойлно.
Багш нарт зориулсан **“Хүүхдийн хэл засал”** сургалтаар:
✓ Сонсголын анхаарлыг хөгжүүлэх
✓ Ижил төстэй авиаг сонсож ялган таних
✓ Авианы үгэн дэх байрлалыг сонсож олох
✓ Дуудлагын түвшнийг үнэлэх
✓ Зөв дуудлагыг үе шаттай төлөвшүүлэх арга зүйг эзэмшинэ.
**Хүүхэд авиаг анхаарч сонсож, ялган таньдаг болсны дараа зөв дуудлага төлөвшинө.**
✓ Танхимын 1 бүтэн өдрийн сургалт
✓ Үнэлгээний цогц аргачлалтай
✓ Гарын авлага, ажлын хуудастай
✓ 1 кредитийн сертификаттай
**Сургалтыг удирдан зохион байгуулагч: Ж.Мөнхнасан, Ph.D**
**Зохион байгуулагч: “Бяцхан эрдэмтэн” ТББ**
Хэзээ: 2026 оны 10 сарын 26ны Бямба гаригт.
Хаана: жич зарлана.
Төлбөр: 130,000 төгрөг
☎️ Бүртгүүлэх утас: **8658 8868**