Цагдаа, дотоодын цэргийн сургалтын нэгдсэн төв

✅ Цагдаа, дотоодын цэргийн сургалтын нэгдсэн төвөөс алба хаагч, ажилчдын нийгмийн баталгааг дэмжих, хамт олны эв нэгдэл, харилцан туслалцааг бэхжүүлэх зорилгоор “Бид нэг хамт олон” аяныг зохион байгуулж байна. Энэ ажлын хүрээнд тус төвийн Албаны нохойн сургалтын хэлтсийн тогооч Ц.Төгсбаярын эзэмшлийн гэр бүлийн хэрэгцээний газарт хашаа барих ажлыг энэ оны 05 дугаар сарын 28-ны өдрөөс зохион байгуулж, хүлээлгэн өглөө.

👏🏻 Энэхүү арга хэмжээ нь алба хаагч, ажилчдын харилцан хүндлэл, нөхөрлөл, хамтын ажиллагааг бэхжүүлэхийн зэрэгцээ нийгмийн баталгааг дэмжих чиглэлээр хэрэгжүүлж буй ажил, арга хэмжээ болсон юм.

🥳 Цагдаа, дотоодын цэргийн сургалтын нэгдсэн төвийн хамт олонд Ц.Төгсбаярын гэр бүлээс талархал илэрхийллээ.

🌟🎊 Олон улсын хүүхдийн эрхийг хамгаалах өдрийг тохиолдуулан тус төвийн алба хаагчдын хүүхдүүдэд төвийн даргын баярын мэндчилгээ, гарын бэлгийг гардуулан өгөх арга хэмжээг зохион байгууллаа.
✅ Тус арга хэмжээний хүрээнд алба хаагчдын хүүхдүүдийг баярлуулах, Цагдаагийн байгууллагын үйл ажиллагаа болон Албаны нохойг сурталчлан таниулах зорилгоор 2 албаны нохой, 5 хаагчийн бүрэлдэхүүнтэй сургуулийн орчинд албаны нохойн үзүүлэх тоглолт, хүүхдүүдтэй тоглуулах, сонирхолтой хөгжөөнт үйл ажиллагаанд оролцууллаа.
🎈👧👦 Мөн хүүхэд багачууд байгууллагын үйл ажиллагаатай танилцаж, албаны нохойн ур чадварын үзүүлбэрийг үзэн сонирхож, баярын өдрөө хөгжилтэй, дурсамж дүүрэн өнгөрүүлэв.
🇲🇳 Эх орныхоо ирээдүй болсон хүүхэд багачууддаа Олон улсын хүүхдийн эрхийг хамгаалах өдрийн баярын халуун мэндийг хүргэж, эрүүл энх, аз жаргал, сурлага хөдөлмөрийн өндөр амжилтыг хүсэн ерөөе.

✅ Алба хаагчдыг эрүүл мэндийн үзлэг, шинжилгээнд хамрууллаа.

Алба хаагч, ажилтны эрүүл мэндийг дэмжих, халдварт болон халдварт бус өвчнөөс урьдчилан сэргийлэх зорилгоор “ОДОНТ МАНАЛ” өрхийн эрүүл мэндийн төвтэй хамтран 2026 оны 05 дугаар сарын 27-ны өдөр тус төвийн байрлалд “ЭРҮҮЛ МЭНДИЙН ӨДӨРЛӨГ”-ийг зохион байгууллаа.

Өдөрлөгийн хүрээнд алба хаагч, ажилчдыг 10 төрлийн үзлэг, шинжилгээнд хамруулж эмч, мэргэжилтнүүдээс холбогдох зөвлөгөө, мэдээллийг өгч, цаашид анхаарах асуудлын талаар зөвлөмж хүргэв.

Тус арга хэмжээ нь алба хаагчдын эрүүл мэндийг хамгаалах, өвчлөлөөс урьдчилан сэргийлэх, эрүүл ажлын орчныг бүрдүүлэх мөн эрүүл мэнддээ анхаарах мэдлэг, мэдээллээ нэмэгдүүлэхэд чиглэсэн өдөрлөг боллоо.