New Beginning International School - Шинэ Эхлэл олон улсын сургууль

Хаврын улирлын ар араасаа үргэлжлэх шалгалт ачаалал ихтэй энэ үед суралцагчид, багш ажилтнууд бид бүгд завгүй өдрүүдийг өнгөрүүлж байна. Ийм үед зорилго, амжилтдаа төвлөрөхийн зэрэгцээ өөрийн сэтгэл зүй, дотоод мэдрэмждээ анхаарах нь маш чухал юм. Түр амарч, өөрийгөө сонсож, сэтгэлээ тайвшруулах жижигхэн мөчүүдийг өөртөө зориулаарай. Сэтгэл зүйн эрүүл мэнд бол амжилтын үндэс юм.

Та нартаа баярлалаа

Өсвөр насныхны сэтгэцийн эрүүл мэндэд тогтмол анхаарал хандуулах нь маш чухал. Тэднийг зөв, эерэг дадал хэвшилтэй болоход эцэг эх, асран хамгаалагчид хамгийн их нөлөө үзүүлдэг. Иймээс та бүхэн хүүхдэдээ анхаарал халамж тавьж, үлгэр дуурайлал үзүүлэн, тэдний хамгийн итгэлтэй сайн сонсогч нь байгаарай.

"DRONECON 2026" ҮНДЭСНИЙ АВАРГА ШАЛГАРУУЛАХ ТЭМЦЭЭН

🚀 Монгол Улсын Ерөнхийлөгчийн ивээл дор зохион байгуулагдаж буй Нисгэгчгүй нисэх төхөөрөмж жолоодлогын Үндэсний аварга шалгаруулах “DRONECON 2026” тэмцээн 05-р сарын 09-10-ны өдрүүдэд Сүхбаатарын талбайд боллоо.

🚀 Тус тэмцээн нь хүүхэд залуучуудын нисгэгчгүй нисэх төхөөрөмж, инженерчлэл, техник технологийн талаарх мэдлэг, сонирхлыг нэмэгдүүлэх, олон улсын түвшинд өрсөлдөх чадвартай шинэ үеийн авьяастнуудыг бэлтгэх зорилготой. Энэ удаагийн тэмцээнд 600 гаруй баг, тамирчид оролцон хурд, ур чадвар, нарийвчлал, инженерчлэлийн шийдлээрээ өрсөлдлөө.

🚀 Тэмцээнд Шинэ Эхлэл Сургуулийн 6 суралцагч амжилттай оролцсоноос 11А ангийн Г.Нямбаяр 13-18 насны ангилалд 🥈 мөнгөн медаль хүртлээ.

🚀 Амжилттай оролцсон суралцагчид болон бэлтгэсэн багш, ажилтнууддаа баяр хүргэж, улам их амжилтыг хүсье. Мөн дэмжиж оролцсон эцэг эх, асран хамгаалагчдадаа талархал илэрхийлье.

Монгол Улсын Ерөнхийлөгчийн Тамгын газар
Цахим хөгжил, инновац, харилцаа холбооны яам
Монгол Улсын Батлан хамгаалах яам ᠮᠣᠩᠭᠣᠯ ᠤᠯᠤᠰ ᠤᠨ ᠪᠠᠲᠤᠯᠠᠨ ᠬᠠᠮᠠᠭᠠᠯᠠᠬᠤ ᠶᠠᠮᠤ
Төрийн цахим үйлчилгээний зохицуулалтын газар
DroneCon Mongolia
Mon STEAM

"NEW BEGINNINGS: DEBATE CUP 2026" МЭТГЭЛЦЭЭНИЙ ТЭМЦЭЭН

🤔 Шинэ Эхлэл Сургуулийн мэтгэлцээний аварга шалгаруулах тэмцээн 2026 oны 04-р сарын 18-ны өдөр 9-12-р ангийн суралцагчдын дунд болж, нийт 7 багийн 21 суралцагч амжилттай оролцлоо. Тус тэмцээн нь суралцагчдын шүүмжлэлт сэтгэлгээ, өөрийгөө илэрхийлэх, илтгэх чадвар болон олон улсын хөтөлбөрийн сургалтад багтсан судалгаа, шинжилгээ хийх чадварыг нэмэгдүүлэх ач холбогдолтой юм.

🤔 Оролцогч бүрийг мэтгэлцээний цогц мэдлэг олгох сургалтад хамруулсан бөгөөд тэмцээнийг Карл Попперын мэтгэлцээний олон улсын стандартын дагуу зохион байгууллаа.

🤔 Мэтгэлцээн нь сургалтын орчинтой холбоотой дараах үндсэн 3 асуудал дор өрнөлөө:

1. Сургуулийн орчинд гар утасны хэрэглээг хязгаарлах нь зөв.
2. Сургуулийн орчинд тулгамдаж буй асуудлыг шийдвэрлэхэд багш, суралцагчдын оролцоо ижил түвшинд байх ёстой.
3. Уламжлалт анги, танхим нь орчин үеийн суралцагчдын хэрэгцээг хангаж чадахгүй байна.

Тэмцээний дүн:
🥇 12А ангийн суралцагч Х.Элбэгсайхан, Б.Шагай, Б.Бат-Ирээдүй нарын гишүүдтэй "Iceberg" баг
🥈 11Б ангийн суралцагч Г.Тэмүүлэн, М.Пүрэвбат, 11А ангийн суралцагч Д.Тэнгис нарын гишүүдтэй "TenuulBat" баг
🥉 11Б ангийн суралцагч Э.Болортуяа, Б.Тэлмүүн, Б.Маргад нарын гишүүдтэй "Illumnati" баг

🤔 Амжилттай оролцсон суралцагчдадаа баяр хүргэж, амжилт хүсье.

ҮНДЭСНИЙ БИЧГИЙН ЦАГААН ТОЛГОЙН БАЯР

🇲🇳 2026 оны 04-р сарын 24-ний өдөр 6А, 6Б ангиуд үндэсний бичгийн “Цагаан толгойн баяр”-аа тэмдэглэв. Үндэсний бичиг бол монгол хүн бүрийн бахархал соёлын дархлаа учраас хичээнгүйлэн суралцаж, “Үсэг мэдсэн хүн ирээдүйг гэрэлтүүлдэг” гэдгийг эргэн нэг санаж, “Цагаан толгойн баяр” – аа дунд ангидаа дахин нэгэн суралцахын баяр болгож хийлээ.

🇲🇳 Энэхүү үйл ажиллагаа нь суралцагч нэг бүрийн оролцоог дэмжин:

1. Үндэсний бичгийн үсгийн шүлэг унших
2. Цагаан толгойн дуу
3. “Алтан хонх” тэмцээн

гэсэн үе шаттайгаар боллоо. Мөн "Цэвэр бичигтэн", "Унших бичих чадварын шилдэг суралцагч" - ийг шалгарууллаа.

🇲🇳 Дэмжин ажилласан 6А, 6Б ангийг удирдсан багш Г. Галмандах, О. Ганчимэг нарт болон эцэг эх, асран хамгаалагчдадаа талархал илэрхийлье.

НУМББ

Сүүлийн үед цахим орчинд хараалын үг, уур бухимдал, нэгнээ доромжилсон постууд ихэсч байгаа нь анзаарагдах боллоо. Энэ бүхэн хүмүүсийн сэтгэл зүйд дарамт болж, нийгмийн уур амьсгалыг ч сөргөөр өөрчилж байна.
Хэрэв бид эерэг, зөв агуулгыг түгээж чадвал энэ орон зай олон хүнд боломж, итгэл, урам өгч чадна. Харин сөрөг контент давамгайлбал нийгмийн сэтгэл зүй доройтож, буруу зан үйл, хандлага нэмэгдэх эрсдэлтэй.

Тиймээс бидний бичиж, хуваалцаж буй зүйл бүр хэн нэгэнд нөлөөлдөг гэдгийг ухамсарлаж, цахим орчныг илүү соёлтой, эерэг болгоход хамтдаа анхаарцгаая.
Цахим орчин бол зүгээр нэг харилцааны хэрэгсэл биш — хүүхэд залуусын суралцах, хөгжих, урам зориг авах орчин юм.

11-Р АНГИЙН СУРАЛЦАГЧИД СОНГУУЛИЙН ЕРӨНХИЙ ХОРООНЫ ҮЙЛ АЖИЛЛАГААТАЙ ТАНИЛЦАЖ, СУРГАЛТАД ХАМРАГДЛАА

✅ Олон улсын хөтөлбөрийн сургалттай, Нийслэлийн ерөнхий боловсролын Шинэ Эхлэл Сургуулийн 11 дүгээр ангийн суралцагчид 2026 оны 04-р сарын 10-ны өдөр Сонгуулийн Ерөнхий Хорооны үйл ажиллагаатай танилцаж, сонгуулийн боловсрол олгох сургалтад хамрагдаж, мэдээлэл авлаа.

✅ Сонгуулийн ерөнхий хорооны сургагч багш нар ерөнхий боловсролын сургуулийн ахлах ангийн суралцагчид, их дээд сургуулийн оюутнуудад сонгуулийн боловсрол олгох сургалтын хөтөлбөр хэрэгжүүлдэг. Мөн сонгуулийн боловсрол олгох сургалтын өмнө, “Сонгуулийн боловсролын хөтөч” нь суралцагч, оюутнуудыг хүлээн авч Сонгуулийн Ерөнхий Хорооны үйл ажиллагаа, ажилтнуудтай танилцууллаа.

Монгол Улсын Сонгуулийн ерөнхий хороо

МОНГОЛ УЛСЫН АНГЛИ ХЭЛНИЙ ХХVIII ОЛИМПИАД

🔠 Монгол Улсын англи хэлний 28-р олимпиад 2026 оны 04-р сарын 10-12-ны өдрүүдэд МУИС дээр болж, дүнгээ гаргалаа.

🔠 Тус олимпиадад 261 суралцагч, 109 багш мэдлэг, оюунаа сорин өрсөлдөж, шилдгүүдээ тодруулснаас 11Б ангийн суралцагч Г.Тэмүүлэн 12-р ангийн Гүнзгий ангиллаас хүрэл медаль хүртэж, МУИС-д элсэн суралцах урилга авлаа.

🔠 Амжилттай оролцсон суралцагч болон бэлтгэсэн англи хэлний багш Б.Баяртсайханд баяр хүргэж, улам их амжилтыг хүсэн ерөөе.

МОНГОЛ УЛСЫН ТЕХНИК, ТЕХНОЛОГИЙН ХХVII ОЛИМПИАД

🎨 Монгол Улсын техник, технологийн 27-р олимпиад 2026 оны 04-р сарын 08-10-ны өдрүүдэд МУБИС дээр болж, дүнгээ гаргалаа.

🎨 Тус олимпиадад 174 суралцагч, 87 багш мэдлэг, оюунаа сорин өрсөлдөж, шилдгүүдээ тодруулснаас 12Б ангийн суралцагч Э.Баярсайхан дүрслэх урлагийн төрөлд оролцож, мөнгөн медаль хүртлээ.

🎨 Амжилттай оролцсон суралцагч болон бэлтгэсэн технологи, дүрслэх урлагийн багш Г.Галмандахад баяр хүргэж, улам их амжилтыг хүсэн ерөөе.