Tsovoo huuhduud tsetserleg

Эхний 2 сарын хичээл сургалтаар дамжуулан Монголын уламжлалт баяр, мэндлэх хүндлэх ёсон, тоглоом наадгай, үндэсний хувцас болон хоол хүнс гэсэн агуулгуудаар суралцлаа.

Энхрий хөөрхөн шавь нартаа
Эрхэм хүндэт эцэг эхчүүддээ
Эрдэмт мэргэн багш нартаа
ШИНЭ ОНЫ МЭНД ХҮРГЭЕ!

11 сарын онцлог хөтөлбөрөөс:
Улс орныхоо төрт ёс, түүх соёл, өв уламжлалыг өвлөн авах зорилгын дор “Монгол бахарлын өдөр”-ийг тэмдэглэн, үндэсний хувцсаа өмсөж, тоглоом наадгайгаар наадав. Мөн “Чингис хаан Үндэсний музей”-гээр зочилж, 3 давхарт байрлах сургалтын зааланд ганц эвэрт гөрөөсний талаарх сургалт авч, гөрөөсний хийцийг будлаа. Энэхүү ганц эвэрт гөрөөс нь хүн гүрний үед ялалт амжилт, амар амгалангийн билэгдэл байжээ. Дараа нь 5 давхарт байрлах их эзэн Чингис хааны тухай танилцуулга, цуглуулгуудтай танилцлаа.

10-р сарын 26-нд
“АЛТАН НАМАР” өдөрлөгөөр сүү цагаан идээ, хүнсний ногоо, жимс жимсгэнэ, гурил ба гурилан бүтээгдэхүүн агуулгын хүрээнд сэдэвчилсэн сургалт, жүжигчилсэн тоглолт болон загварын шоу, мөн хоолны амталгаа болсон.
Бүлэг бүрийн эцэг эхийн төлөөллүүд хичээл бэлтгэж сургалт орсон бөгөөд хүүхдүүд идэвхтэй оролцов.
Жимсний болон ногооны салатнууд, ааруул, өрөм, бяслаг, сүү тараг, ингэний хоормог, айраг, цагаан тос, хайлмаг, талх боов, жимсний шүүс, чанамал зэргийг бэлтгэж ирсэн багш эцэг эхчүүддээ баярлалаа.

Та бүхэндээ 9 сарын сургалт хүмүүжлийн явцын мэдээллийг хүргэж байна. Эхний 14 хоногт цэцэрлэгийн орчин болон багш, найзуудтайгаа танилцах, дасан зохицох хугацааг өнгөрүүллээ. Сүүлийн 14 хоногт 6 төрлийн хичээлээр хүүхдийн оролцоон дээр тулгуурлан яриулж зуруулж, бодуулж мөн тоглонгоо өөртөө итгэлтэй, өөрийгөө илэрхийлэх чадварыг хөгжүүлэх арга зүйгээр хичээллээ. Хөгжлийн түвшинг ажиглаж үнэллээ. Сайн байсан шүү хүүхдүүд минь. Хамтран ажилласан эцэг эхчүүддээ баярлалаа.

Сэтгэл зүтгэлтэй багш, хамт олондоо шинэ хичээлийн жилийн мэнд хүргэе! Бяцхан шавь нарынхаа өхөөрдөм үгс, инээдээр чимж жаргалтай байгаарай та бүхэн минь.

11-р сарын сургалтаараа “Түүх болон ном”-ын тухай мэдлэг эзэмшихийн зэрэгцээ Үндэсний түүхийн музей болон номын дэлгүүрээр зочилж, танилцсан. Мөн Монгол бахархлын өдрөөр үндэсний хувцсаа өмсөж монгол хөгжим сонсож, дуу дуулж, бүжиг бүжиглэн шагай наадаж суралцсан болно.
Идэвхтэй суралцаж, хөгжиж буй хүүхдүүддээ, эрдэм түгээн чиглүүлэгч багш нартаа, хамтран дэмжигч эцэг эхчүүддээ баярлалаа.

10-р сарын сургалтын агуулгаар намрын улирал, жимс жимсгэнэ болон хүнсний ногоо, нүүдлийн шувуудын тухай мэдэхийн зэрэгцээ тогооч багштай хамтран салат, жүүс хийх аргад хамтран суралцаж, хоолны амталгаа хийлээ.
Идэвхтэй суралцаж, хөгжиж буй хүүхдүүддээ, эрдэм түгээн чиглүүлэгч багш нартаа, хамтран дэмжигч эцэг эхчүүддээ баярлалаа.

Хүүхдүүд цэцэрлэгтээ дасаад, хичээл хүмүүжлийн явц жигдэрлээ. 2022 оны 9 сар.

Хүний амьдралын үндсэн төлөвшил бүрддэг хүүхэд насанд нь чиглүүлж өгч байгаа цэцэрлэгийн багшийн ажил маш хариуцлагатай мөртлөө нандин билээ. Тиймээс алдах эрхгүй, алдсан ч давтах эрхгүй, алхам бүрдээ хичээнгүйлэн суралцаж байдаг багш нартаа, БАГШ нарын баярын мэнд хүргээд аз жаргал, сайн сайхныг хүсэн ерөөе!

Хүүхэд нэг бүрийн оролцоог хангасан бүтээлч
хичээлийг зохион байгуулахыг ямагт хичээж байна.