БОЛОВСРОЛЫН ЗЭЭЛИЙН САН

Боловсролын сайдын 2026 оны 6 дугаар сарын 22-ны өдрийн баталсан удирдамжаар гадаадын дээд боловсролын сургалтын байгууллагын үндсэн хөтөлбөрт буцалтгүй тусламжаар суралцах хөгжлийн бэрхшээлтэй иргэдийг сонгон шалгаруулах ажлын хэсгийн ажиллах журам, үе шат, шалгуур, үнэлгээний зохицуулалтыг баталлаа.

Тус удирдамжид сонгон шалгаруулалтын үе шат, үнэлгээний аргачлал, баримт бичгийн хяналт, өргөдөл гомдол шийдвэрлэх ажиллагаатай холбоотой зохицуулалтыг тусгасан болно.

Сонгон шалгаруулалт нь холбогдох журам болон батлагдсан удирдамжийн дагуу нээлттэй, ил тод, тэгш боломжийг хангах зарчмаар зохион байгуулагдана.

Гадаадын сургалтын байгууллагын үндсэн хөтөлбөрт 2026-2027 оны хичээлийн жилээс сургалтын төлбөрийн хөнгөлөлттэй зээлээр суралцах иргэдийг сонгон шалгаруулах Ажлын хэсгийн ажиллах удирдамж батлагдлаа.

Тус удирдамжид сонгон шалгаруулалтын үе шат, үнэлгээний аргачлал, баримт бичгийн хяналт, өргөдөл гомдол шийдвэрлэх ажиллагаа болон цахим системийн ашиглалттай холбоотой зохицуулалтыг тусгасан болно.

Сонгон шалгаруулалт нь холбогдох журам болон батлагдсан удирдамжийн дагуу нээлттэй, ил тод, тэгш боломжийг хангах зарчмаар зохион байгуулагдана.

Мэдээлэл хүн бүрд хүртээмжтэй байх ёстой.

Боловсролын зээлийн сан харааны бэрхшээлтэй иргэдэд мэдээллийг тэгш хүргэх зорилгоор байгууллагын үйл ажиллагаанд мөрдөгдөж буй голлох журам, заавруудыг брайл үсгээр хэвлүүлэн ашиглаж эхэллээ.

Энэ нь иргэн бүр мэдээлэл авах эрхээ тэгш эдлэх, төрийн үйлчилгээг саадгүй авах нөхцөлийг бүрдүүлэхэд чиглэсэн нэгэн алхам юм.

Хүртээмжтэй боловсрол, хүртээмжтэй мэдээллийн төлөө

Хөгжлийн бэрхшээлтэй иргэний гадаадын дээд боловсролын сургалтын байгууллагад суралцуулах буцалтгүй тусламж олгох 2026-2027 оны хичээлийн жилийн сонгон шалгаруулалтын бүртгэл явагдаж байна. https://elf.gov.mn/11623/

Гадаадын дээд боловсролын сургалтын байгууллагад суралцуулах сургалтын төлбөрийн хөнгөлөлттэй зээл олгох 2026-2027 оны хичээлийн жилийн сонгон шалгаруулалтын бүртгэл явагдаж байна. https://scholarship.elf.gov.mn/

БОЛОВСРОЛЫН ЗЭЭЛИЙН САНГИЙН СОНГОН ШАЛГАРУУЛАЛТАД ОРЖ БАЙГАА ГАДААД УЛСАД ТӨГССӨН ИРГЭДИЙН АНХААРАЛД
Боловсролын зээлийн сангийн сургалтын төлбөрийн хөнгөлөлттэй зээл, хөгжлийн бэрхшээлтэй иргэдийг буцалтгүй тусламжийн тэтгэлгээр суралцуулах сонгон шалгаруулалтын үйл ажиллагаа явагдаж байгаатай холбогдуулан гадаадын их, дээд сургууль төгссөн иргэдэд дараах мэдээллийг хүргэж байна.
Сонгон шалгаруулалтад оролцох иргэд нь Дээд боловсролын удирдлага мэдээллийн систем /HEMIS/-д дипломын мэдээллээ оруулж, баталгаажуулна.
Диплом баталгаажуулах дэлгэрэнгүй мэдээллийн холбоос: https://www.facebook.com/share/p/1PQMkqF5jP/

Гадаадын сургалтын байгууллагын үндсэн хөтөлбөрт 2026–2027 оны хичээлийн жилээс эхлэн сургалтын төлбөрийн хөнгөлөлттэй зээл, хөгжлийн бэрхшээлтэй иргэдийг буцалтгүй тусламжийн тэтгэлгээр суралцуулах сонгон шалгаруулалтын үйл ажиллагаа явагдаж байгаатай холбогдуулан гадаадын их, дээд сургууль төгссөн иргэдэд дараах мэдээллийг хүргэж байна.
Сонгон шалгаруулалтад оролцох иргэд нь цахим системд дипломын мэдээллээ оруулж, баталгаажуулах зорилгоор гадаадын боловсролын байгууллагад суралцаж төгссөн иргэд дипломын баталгаажуулалтын хүсэлтээ Боловсролын магадлан итгэмжлэлийн үндэсний зөвлөлд холбогдох журмын дагуу яаралтай гаргаж, баталгаажуулалтаа хийлгэнэ үү.
https://www.facebook.com/share/p/1PQMkqF5jP/

Хөгжлийн бэрхшээлтэй иргэдийг гадаадад суралцуулах сонгон шалгаруулалт явагдаж байна.
https://elf.gov.mn/11623/

📍БОЛОВСРОЛЫН ЗЭЭЛИЙН САН
УЛААНБААТАР ДУЛААНЫ СҮЛЖЭЭ ТӨХК-ИЙН АЛБАН ХААГЧДАД МЭДЭЭЛЭЛ ХҮРГЭЛЭЭ

Боловсролын зээлийн сангаас Улаанбаатар Дулааны Сүлжээ ТӨХК-ийн албан хаагчдад зориулан боловсролын зээл, тэтгэлэг, буцалтгүй тусламж болон сангаас үзүүлдэг үйлчилгээний талаар мэдээлэл өгөх үйл ажиллагааг зохион байгууллаа.

Арга хэмжээний үеэр оролцогчдод дотоод, гадаадын сургалтын тэтгэлэгт хөтөлбөрүүд, боловсролын зээлд хамрагдах боломж, тавигдах шаардлага, сонгон шалгаруулалтын журам, цахим системийн ашиглалтын талаар дэлгэрэнгүй мэдээлэл өгч, сонирхсон асуултад нь хариулан санал солилцов.

Мөн арга хэмжээнд Боловсролын зээлийн сангийн Цахим хөгжүүлэлтийн хэлтсийн дарга Б.Баянмөнх, Цахим хөгжүүлэлт хариуцсан мэргэжилтэн П.Учрал нар оролцож, мэдээлэл, зөвлөгөө хүргэн ажиллалаа.

Боловсролын зээлийн сан нь иргэдэд боловсролын санхүүгийн дэмжлэгийн талаарх бодит, хүртээмжтэй мэдээллийг хүргэх, зорилтот бүлгүүдийг боломжит хөтөлбөрүүдэд хамруулах чиглэлээр мэдээлэл, сурталчилгааны ажлыг үе шаттайгаар зохион байгуулсаар байна.