RCE Mongolia

28/05/2026

УАӨ-ийн боловсрол ба Насан туршийн боловсрол

"RCE Mongolia"-ийн 2026 оны ажлын төлөвлөгөөнд туссан ажлын нэг болох "Насан туршийн суралцахуйд Уур амьсгалын өөрчлөлтийн боловсрол" төслийн нээлтийн онлайн уулзалтыг өнөөдөр буюу 2026 оны 05 сарын 28-ны өдөр амжилттай зохион байгууллаа. Уг төсөлд 21 аймаг 9-н дүүргийн Насан туршийн суралцахуйн төвийн удирдлага, менежер, багш нарын төлөөлөл нийт 30 багш оролцож байна. Төслийн зорилго нь Насан туршийн боловсролын багш нарт УАӨ-ийн боловсролыг эзэмшүүлэх, хичээл сургалтын үйл ажиллагаанд интеграцчилахад нь арга зүйн дэмжлэг үзүүлэх зорилготой юм. Төслийн 2 дахь сургалт буюу танхимын сургалт 2026 оны 06 сарын 04-05-ны өдрүүдэд МУИС-ийн Экологийн боловсролын төвд зохион байгуулагдана. Бидний ажлыг үргэлж дэмжиж ажилладаг Hanns Seidel Foundation Mongolia-даа талархал илэрхийлье.

Суралцагч нийгмийг хамтаа бүтээцгээе!

14/05/2026

Мод, бидний хийж чадахгүй ямар ажлыг хийж чаддаг вэ?😍

11/05/2026

💚

07/05/2026

Байгалийн ухааны доктор Р.Сүнжидмаагийн "Хүн ба байгалийн зэрэгцэн оршихуй: Экологийн ул мөр" сэдэвт илтгэл

Бүрэн эхээр үзэх: https://www.youtube.com/watch?v=0GkYWIUGOno&t=20s

In her talk, Sunjidmaa shares why and how we can leave minimal ecological footprint on our planet. Dr.Sunjidmaa Renchin is the Head of the Environmental Educ...

24/04/2026

Бүтэн өдрийн турш ажил хэрэгч, үр өгөөжтэй хамтран ажиллаж, төлөвлөлтийн семинараа амжилттай зохион байгуулсан Монголын Тогтвортой хөгжлийн боловсролын бүс нутгийн мэргэжлийн төвийн бүх гишүүддээ баярлалаа.
Биднийг дэмжин ажилласан Ханнс-Зайделийн сангийн Монгол дахь төлөөлөгчийн газарт халуун талархал илэрхийлье.
Hanns Seidel Foundation Mongolia

23/04/2026

“RCE MONGOLIA”-ЫН ГИШҮҮДИЙН ТӨЛӨВЛӨЛТИЙН СЕМИНАР БОЛЛОО

Өнөөдөр Монголын Тогтвортой хөгжлийн боловсролын бүс нутгийн мэргэжлийн төв (МТХББНМТ)-ийн гишүүдийн энэ оны 2 дахь удаагийн уулзалт, төлөвлөлтийн семинар амжилттай зохион байгуулагдлаа.

Төлөвлөлтийн семинарт МУБИС-ийн Насан туршийн боловсрол, зайн сургалтын тэнхим, МУБИС-ийн Биологийн тэнхим, Ээлтэй үйлдэл ТББ, НҮБ-ын нийгэмлэг, Хүн төвтэй байгаль хамгаалал ТББ, Ханнс-Зайделийн сангийн Монгол дахь төлөөлөгчийн газар, МУИС-ийн Экологийн боловсролын төв зэрэг байгууллагын төлөөлөл оролцов.

Семинарын эхний хэсэгт Ээлтэй үйлдэл ТББ, НҮБ-ын нийгэмлэг, МУИС-ийн Экологийн боловсролын төв тогтвортой хөгжлийн боловсролын чиглэлээр явуулдаг үйл ажиллагаагаа танилцуулсан бол хоёрдугаар хэсэгт оролцогчид МТХББНМТ-ийн гишүүн байгууллагуудын 2026 он болон цаашид хамтран хэрэгжүүлж болох төслийн саналуудаа боловсруулж, 2027, 2028 оны үйл ажиллагаагаа хамтран төлөвлөлөө.

Энэ удаагийн семинарт идэвхтэй оролцон Монголд тогтвортой хөгжлийн боловсролын чиглэлээр шинэлэг, үр өгөөжтэйгээ олон ажлыг хэрэгжүүлэхээр төлөвлөн үр бүтээлтэй хамтран ажилласан бүх оролцогч гишүүддээ талархал илэрхийлье.

Тэрчлэн МТХББНМТ-ийн үйл ажиллагааг бүхий л талаар дэмжиж ирсэн, өнөөдрийн үйл ажиллагааг мөн амжилттай зохион байгуулахад ивээн тэтгэж ажилласан Ханнс-Зайделийн сангийн Монгол дахь төлөөлөгчийн газарт бүх гишүүдийнхээ өмнөөс халуун талархал илэрхийлж байна.

Hanns Seidel Foundation Mongolia
МУБИС-Багш, Насан Туршийн Боловсрол
МУБИС-Биологийн тэнхим/Department of Biology MNUE
МУИС-ийн Экологийн боловсролын төв
United Nations Association of Mongolia / НҮБ-ын Нийгэмлэг

28/03/2026

🇲🇳 ♻️ RCE Mongolia meeting ♻️🇲🇳
2026 оны 3 сарын 27-нд "RCE Mongolia"-ын гишүүн байгууллагуудын уулзалт МУБИС-д зохион байгуулагдлаа. Уг уулзалтад МУБИС-Багш, Насан Туршийн Боловсрол, МУБИС-Газарзүйн Тэнхим, МУБИС-Биологийн тэнхим/Department of Biology MNUE тэнхимүүд ТХ, ТХБ-ын чиглэлээр хийдэг үйл ажиллагаагаа танилцуулж, цаашид 2026-2028 онд RCE Mongolia-ийн хүрээнд хамтран хийх төсөл, хөтөлбөр, үйл ажиллагааны саналаа бусад гишүүддээ танилцуулж, харилцан туршлага солилцлоо. RCE Mongolia-ийн үйл ажиллагааг хамтран амжилттай хэрэгжүүлэхэд санаачилга гарган, уулзалтыг зорьж ирсэн нийт багийн гишүүд болон Hanns Seidel Foundation Mongolia -даа талархал илэрхийлье.

27/03/2026

🌍 “УУР АМЬСГАЛЫН ӨӨРЧЛӨЛТИЙН ЗАЛУУ ХЭЛЭЛЦЭЭРЧ 2026” ХӨТӨЛБӨР ЗАРЛАГДЛАА

📢 Залуу хэлэлцээрчдийн академи (Youth Negotiators Academy)-аас жил бүр зохион байгуулдаг “Уур амьсгалын өөрчлөлтийн Залуу хэлэлцээрч 2026” хөтөлбөрт (Climate Youth Negotiators Programme) оролцогчдыг сонгон шалгаруулж байна.

🌱 Энэхүү хөтөлбөр нь Уур амьсгалын өөрчлөлтийн тухай НҮБ-ын суурь конвенцын Талуудын бага хурлын хэлэлцээрт залуучуудын оролцоог нэмэгдүүлэх, тэдний дуу хоолойг хүргэхийн зэрэгцээ байгаль орчин, уур амьсгалын өөрчлөлтийн чиглэлээр ажиллаж буй болон уг салбарыг сонирхдог залуусыг чадавхжуулах, шаардлагатай мэдлэг, ур чадвараар хангах зорилготой хөтөлбөр юм. Шалгаруулалтаар 18-35 насны 4 оролцогчийг сонгон шалгаруулж цахим сургалтад хамруулах ба сургалтад хамрагдсан оролцогчдоос нийт 2 оролцогч эцсийн шатанд шалгаран UNFCCC COP31-т оролцоно.

✨ Хөтөлбөрт хамрагдсанаар

🌍Бүгд Найрамдах Турк Улсад 2026 оны 11 дүгээр сарын 09-20-ний өдрүүдэд зохион байгуулагдах Уур амьсгалын өөрчлөлтийн тухай НҮБ-ын суурь конвенцын Талуудын 31 дүгээр бага хурал (UNFCCC COP31)-д оролцох Монгол Улсын Засгийн газрын төлөөллийн багийн гишүүнээр бэлтгэгдэж, уур амьсгалын хэлэлцээрт оролцох боломж нээгдэнэ.

📚6 сарын хугацаатай цахим сургалтад хамрагдаж, манлайлал, хэлэлцээр хийх ур чадвар, конвенцын механизм болон холбогдох техникийн мэдлэгээ гүнзгийрүүлэхээс гадна олон улсын залуучуудтай харилцаа холбоо тогтоох боломж бүрдэнэ.

Өргөдөл гаргагчид тавигдах шаардлага

✔️ 18–35 настай (2026 оны 11 дүгээр сарын 9-ний байдлаар)
✔️ Монгол Улсын иргэн 🇲🇳
✔️ Англи хэлний өндөр чадвартай (бичгийн болон ярианы)
✔️ Уур амьсгалын өөрчлөлт, конвенц, Талуудын бага хурлын талаар суурь мэдлэгтэй
✔️ 6 сарын цахим сургалтад бүрэн хамрагдах боломжтой
✔️ 2026 оны 11 дүгээр сарын 9–20-ны COP31-д бүтэн оролцох боломжтой

⏰ Өргөдөл хүлээн авах эцсийн хугацаа:
📅 2026 оны 4 дүгээр сарын 1-ний өглөө 08:00 цаг

📩 Эхний шатанд шалгарсан оролцогчидтой и-мэйлээр холбогдож ярилцлагад урина.
📝 Өргөдлийг англи хэл дээр онлайнаар хүлээн авах бөгөөд дутуу болон хугацаа хэтэрсэн материалыг хүлээн авахгүй.
🔗 Өргөдөл: Постын коммент хэсгээс

Байгаль орчин, уур амьсгалын өөрчлөлтийн яам

19/01/2026

🇲🇳🇰🇷”RCE Tongyeong Sejahtera Forest” ТХББНТ-ийн “Go Together” багийн сурагчид Монголд зочлов

🐻БНСУ-ын “RCE Tongyeong Sejahtera Forest” тогтвортой хөгжлийн боловсролын бүс нутгийн мэргэжлийн төвтэй тогтоосон хамтын ажиллагааны хүрээнд уг төвийн дэргэдэх “Bridge to the World” хөтөлбөрийн 17 дахь үеийн “Go Together” багийн сурагчид бидний урилгаар Монголд хүрэлцэн ирж RCE Mongolia-ын гишүүн болон хамтран ажиллагч байгууллагуудын үйл ажиллагаатай танилцлаа.

🌿“Go Together” багийн сурагчдыг хүлээн авч бидэнтнй хамтран ажилласан Ханнс-Зайделийн сангийн Монгол дахь төлөөлөчийн газрын Эрх зүйн төслийн менежер О.Оюундарь, RCE Mongolia-ын гишүүн Р.Болор, МУБИС-ийн НТБЗСТ-ийн эрхлэгч Др.Д.Үүрийнтуяа, Нийслэлийн Байгаль орчны газрын Амьтан, ургамлын асуудал хариуцсан ахлах мэргэжилтэн Д.Банди, Green Asia Network-ийн Монгол дахь төлөөлөгчийн газрын дарга Шин Ги Ху нарт талархлаа илэрхийлье.

🐾Мөн хоёр орны залуусын бүс нутгийн хэмжээний хамтын ажиллагааг өргөжүүлэхэд хувь нэмрээ оруулан хамтран ажилласан НҮБ-ын Нийгэмлэг, Northeast Asian Youth Climate Council болон МУИС-ийн харьяа Ерөнхий боловсролын ахлах сургуулийн сурагчдад халуун талархал дэвшүүлж байна.

Hanns Seidel Foundation Mongolia
МУИС-ийн Экологийн боловсролын төв
МУБИС-Багш, Насан Туршийн Боловсрол
United Nations Association of Mongolia / НҮБ-ын Нийгэмлэг