Нийслэлийн ерөнхий боловсролын 73 дугаар сургууль

2023-2024 оны хичээлийн жил дуусч зуны амралт 🍀☘️🌳эхэлж байна.
--- Та бүхэн зуны амралтаа үр бүтээлтэй, дурсамжтай сайхан өнгөрүүлээрэй🌺🌸🌼.

Adagio piano school-ийн 15жилийн хүрээнд тоглогдох ЗУУНД ӨРТӨӨЛСӨН АЯЛГУУ талархлын тоглолтонд оролцох Нийслэлийн ерөнхий боловсролын 73 дугаар сургууль-н 10-р ангийн сурагч Ганбаатар овогтой Тэргэл

Тоглолт
2024оны 5р сарын 21ний 19 цагаас Дуурь бүжгийн эрдмийн театрт тоглогдоно. Та бүхнийг хүрэлцэн ирэхийг урьж байна

НИЙСЛЭЛИЙН ҮНДЭСНИЙ БИЧГИЙН АНХДУГААР ОЛИМПИАД-д төрөлд Ч.ОЮУНЦЭЦЭГ багшийн бэлтгэсэн 8а ангийн сурагч НОМИНЖИН амжилттай оролцон ГУРАВДУГААР байрт шалгарч ХҮРЭЛ МЕДАЛЬ хүртсэнд халуун баяр хүргэе👏
🥰🥰ЭРДЭМ УХААН ДЭЛГЭРЭХ БОЛТУГАЙ🥰🥰

#SpankOutDay Хүүхдүүд минь, ямар ч үед бие биенээ битгий айлгаж, цохиж байгаарай. Ах, эгч нар аа, ямар ч үед дүүгээ битгий цохиж зодоорой. Дүүдээ тусалж, дүүгээ хамгаалж, дүүгээ загналгүй хэлж, шоололгүй, шоглолгүй зааж сургаарай. Бага хүүхэд бас нэгнээ цохиж тоглож байвал болиулж байгаарай. Удахгүй та нар том болцгоож тус тусын амьдралыг зорино. Дүүтэйгээ, ах, эгчтэйгээ цугтаа амьдарч байгаа цаг хугацаагаа хайрлаарай. Насан туршийн нандин холбоо, бүх сайн сайхны үндэс гэр бүлийн эрхэм харилцаанаас эхэлдэг юм шүү. Хүүхдийг зодож шийтгэхийг таслан зогсоохыг дахин сануулах энэ өдөрт хүүхдүүд маань бидэнтэй нэгдэж байна. Баярлалаа, хүүхдүүддээ!😍

4-р сарын 30-Хүүхдийг зодож шийтгэхийг таслан зогсоохын төлөө дэлхийн өдөрт М.Нямсүрэн, Л.Мөнхтуяа нарын гэр бүл, эмээ өвөө нарыг төлөөлөн нэгдлээ #SpankOutDay Эцэг эх байна гэдэг ямар ч болзолгүйгээр, нөхцөл тавилгүйгээр үр хүүхдээ хайрлан, үргэлж хамгаалж, зааж сургахыг хэлдэг. Өөрийнхөө уур уцаарыг зохицуулж тайвширч сурч байж, энэ үүргийг биелүүлэх эхлэл тавигдана. Хүүхдүүд маань насанд хүрэгсэд бидний үйлдлээс байнга суралцаж байдаг, ирээдүйд өнөөдрийн алдааг илүүтэйгээр давтаж болохыг мартаж болохгүй. Ухаалаг, түшигтай эцэг эх, эмээ өвөө нартаа баярлалаа. Хамгийн сайн сайхныг хүсье.

#SpankOutDay Хүүхдийг зодож шийтгэхийг таслан зогсоохыг дахин сануулах энэхүү өдөрт хүүхдүүд маань нэгдэж байна. Тоглоомоор ч гэсэн нэгнээ битгий цохиорой. Цохих, зодох үргэлж аюултай. Тэр хүүхэд өвдөнө, шанална шүү дээ. Бид хэн нэгнээс айж, түгшиж амьдрах ёсгүй. Хүүхэд бүр өөр өөрийн амьдрал, өөр өөрийн үзэл бодолтой, өөр өөр мөрөөдөлтэй. Ялгаатай байх нь буруу биш. Чамд таалагдаагүй гэдэг нь дээрэлхэх, нэр хоч өгөх, цохих, зодох, хов живэнд хутгах шалтгаан байх ёсгүй. Хэн нэгнээ битгий гадуурхаж, ганцаардуулаарай. Хэрэв чи өөрөө, эсвэл хэн нэгнийг цохиулж, зодуулж, дээрэлхүүлж, доромжлуулж байгааг мэдвэл багшдаа, нийгмийн ажилтандаа, сургуулийн хамгааллын багтаа, 108, 102 утсанд мэдэгдээрэй. #ДээрэлхэлДэлгэрэхЁсгүй

#SpankOutDay Айлгах, цохих нь хүүхдэд хичээл заах, аливааг ойлгуулах арга огтхон ч биш. Амжилттай суралцаж тогтооход сэтгэл хөдлөл шийдвэрлэх үүрэгтэй. Сайн сурахгүй бол зодуулна гэж хүүхэд айж байвал, тархи сурах мэдэхэд биш харин зодуулахгүй байх гэж хамгийн энгийн системээр ажиллаж, аливааг сэтгэн бодох үйлдлүүд хийгдэхгүй гэсэн үг. Зодож шийтгэвэл хүүхдийн оюун ухааны хөгжлийн түвшин суларч суралцах чадвар буурдаг. Ямар сэтгэл хөдлөлийг сурах зүйлийн агуулгатай холбосон байна вэ, түүнээс шалтгаалан мэдрэлийн өөр өөр системүүд хөдөлгөөнд ордог. Айсан үед тархины үйл ажиллагаанд лимбийн системд багтах Amygdala хэмээх жижигхэн хэсэгт шууд нөлөөлснөөр тархины бүх үйл ажиллагаа зөвхөн тэр айх болсон шалтгааныг зайлуулахад чиглэдэг байна. Өөрөөр хэлбэл сайн сурахгүй бол зодуулна гэж хүүхэд айж байвал тархи сурах мэдэх биш харин зодуулахгүй байх гэж хамгийн энгийн системээр ажиллаж эхэлнэ. Аливааг сэтгэн бодох ургуулах гэх мэт үйлдлүүд хийгдэхгүй гэсэн үг. Айлгаж биш ойлгуулж насан туршдаа суралцах дуртай хүн болоход нь дэмжих хэрэгтэй. Багш нь ажлаа хийх, сурагч нь суралцахад анхаарал төвлөрөл, харилцан ойлголцол, хүндэтгэл маш их нөлөөтэй. Тийм учраас бид сургуулийн анги танхимд харилцан зөвшилцсөн, суралцахуйг дэмжсэн дүрэм хэрэгжүүлэхийг уриалдаг.

"ЕРӨНХИЙ БОЛОВСРОЛЫН СУРГАЛТЫН БАЙГУУЛЛАГА, БАГШИЙН АЖЛЫН ГҮЙЦЭТГЭЛИЙН ҮНЭЛГЭЭ - 2024"
2024 оны 04-р сарын 29-өөс 05-р сарын 03-ны өдрүүдэд ерөнхий боловсролын сургалтын байгууллага, багшийн ажлын гүйцэтгэлийн үнэлгээ орон даяар нэгэн зэрэг зохион байгуулагдана.