Цацаргин иог /Tsatsargin yoga/

Иога бол зөвхөн бие сунгах дасгал биш, харин бие, сэтгэл, ухамсрыг хөгжүүлэх 8 шаттай гүн ухаан юм. Энэ замын эхлэл нь Яма ба Нияама бөгөөд бусадтай болон өөртэйгөө зөв харьцах амьдралын суурь зарчмуудыг заадаг.

Патанжалийн Иога Сутрад эдгээр зарчмуудыг дэлгэрэнгүй тайлбарласан байдаг бөгөөд тэдгээрийг судалж ойлгохоос гадна өдөр тутмын амьдралдаа хэрэгжүүлэн дадуулахыг мөн заасан байдаг.

1. Яма (Yama) – Ёс зүйн хандлага, бусадтай харилцах зарчим
2. Нияама (Niyama) – Дотоод сахилга бат, өөрийгөө хөгжүүлэх дадал
3. Асана (Asana) – Биеийн байрлал, дасгал
4. Пранаяма (Pranayama) – Амьсгалын хяналт
5. Пратьяхара (Pratyahara) – Мэдрэхүйгээ дотогш төвлөрүүлэх
6. Дхарана (Dharana) – Төвлөрөл
7. Дхьяна (Dhyana) – Бясалгал
8. Самадхи (Samadhi) – Гэгээрэл, дээд ухамсар

Сууж сурах гэж иог хийх тун!

Иогийн ухаанд хүний нарийн биеэр 72,000 нади (эрчмийн суваг) тархан оршдог гэж үздэг. Эдгээр нь прана буюу амин эрчмийг бие, сэтгэл, ухамсарт түгээж байдаг.

✅ Эндээс гурван үндсэн нади хамгийн чухал

🌜 Ида нади – зүүн талаас урсаж, сарны чанартай, тайвшруулах, эмэгтэйлэг, сэтгэлийн энерги.
🌞 Пингала нади – баруун талаас урсаж, нарны чанартай, идэвхжүүлэх, эрэгтэйлэг, биеийн энерги.
♦️ Сушумна нади – нурууны төвөөр дээш чиглэсэн, Ида ба Пингала тэнцвэржихэд нээгддэг ухаарал, гэгээрлийн суваг.

✅ Ида ба Пингала тэнцвэржиж, прана гол суваг болох Сушумнагаар чөлөөтэй урсах үед ухамсар гүн төвлөрөлд ордог.

#Сиддхасана суулт нь бясалгалд хамгийн тохиромжтой суултуудын нэг юм.
Өсгий үндэс хүрд буюу (мулатхара чакра)-д зөөлөн дарагдаж, доод эрчмийг тогтворжуулна

✅ Нуруу тэгш байх тул Сушумна нади чөлөөтэй нээгдэхэд дэмжлэг болдог

✅ Бие хөдөлгөөн багатай болж, Ида ба Пингала аяндаа тэнцвэржинэ

✨Иймээс Сиддхасана-д суун амьсгалаа ажиглахад прана буюу амин эрчим төв рүү татагдаж, дотоод нам гүм, төвлөрөл, ухаарал аяндаа бий болдог.

⚠️ Бясалгалын байрлалд сууж чадахгүй бясалгалд яваад суралцаад байгаа нь явцыг удаашруулж буй хэрэг. Эхлээд махан биеэ эрхэмлэн бөөцийлж ИОГ хийж сурахтун! Явцдаа биеэ эгцлэн суухад бие чилэхгүй, нуруу өвдөхгүй, үе мөчинд ачаалалгүй сууж гэмээнэ таны сэтгэл оюун бясалгалд тавлөрөх болно.

⚠️ Махан биеийн ТАВГҮЙ байдал нь оюуныг сарниулж, Ида ба Пингалагийн тэнцвэрийг алдагдуулан, төвийн сувагт нэгдэх боломжийг хааж, бясалгалыг буруу хэмнэлд оруулдаг.

Тэгэхээр:
✅ 72,000 нади бол амьдралын эрчмийн сүлжээ

✅ Ида ба Пингала бол тэнцвэрийн хоёр туйл

✅ Сушумна бол ухааралд хүрэх зам

✅ Сиддхасана бол энэ бүхнийг нэг цэгт төвлөрүүлэх суулт юм.

#ӨөрийгөөХайрла

👍👍👍

Keep reminding yourself to get on your mat.

Орчин үеийн физиологи хүний хоёр хөмсөгний завсарт биеийн хамгийн нууцлаг хэсэг болсон нэгэн булчирхай буйг тогтоожээ. Боргоцой булчирхай гэж нэрлэсэн тэр хэсгийг Төвдийн уламжлалд гуравдахь нүд, Тантрын ёсонд Шиванэтра буюу Шивагийн мэлмий гэж нэрийддэг. Гуравдахь нүд харалган биш, зүгээр хаалттай аж. Түүнийг нээх аргыг энд заажээ.

Нүдээ аниад, хоёр хөмсөгний чанх дундах цэг рүү анхаарлаа чиглүүл. Нүдээ аньсан боловч харж байгаа мэтээр. Энэ бол анхааралтай байх хамгийн энгийн арга. Чи биеийнхээ аль ч хэсэгт үүн шиг хялбархан төвлөрч чадахгүй байх. Энэ булчирхай анхаарлыг чинь сорон авахад хоёр нүд чинь хөдлөхөө больж, ховстуулсан мэт хөшинө. Анхааралтай байх хамгийн энгийн арга гэдгийн учир нь боргоцой булчирхай өөрөө чамайг дэмжиж, анхаарлыг чинь соронзон мэт татна.

Тантрын хуучин сурвалжид "Анхаарал бол гуравдахь нүдний хоол" гэж онцолжээ. Тэрээр төрлөөс төрөл дамжин өлөн зэлмүүн явж ирсэн. Анхаарч, хооллох юм бол амилж сэргэх нь дамжиггүй. Анхаарлаа жаахан юүлэхэд соронзон хүч үйлчилдгийг нэгэнтээ мэдвэл тэнд төвлөрөхөд хэцүү биш болно. Гагцхүү зөв цэгээ олох хэрэгтэй. Нүдээ аниад, хоёр нүдээ төв рүү явуулж, уг цэгийг мэдэр. Цэгт ойртох үед гэнэт нүд чинь тогтох болно. Нүдээ хөдөлгөхөд хэцүү байгаа бол зөв цэгт хүрчээ гэж ойлго. Тэр цэг дээр анхаарал төвлөрөх аваас анх удаа чи сонин үзэгдэл харах вий. Дэлгэцэн дээрх сүүдэр ший мэт бодлын урсгал чиний өмнүүр хөвөрнө. Гуравдахь нүдэнд төвлөрсөн даруйд чи бодлынхоо гэрч болно. Жирийн үед гэрч болж чадалгүй, бодолтойгоо ижилсэж орхидог. Бодол, та хоёрын дунд зай завсар үлддэггүй. Уурын хэлбэлзэл үүсмэгц өөрөө уур болж, хүслийн долгион үүсмэгц өөрөө хүсэл болж хувирдаг. Харин гуравдахь нүдэнд төвлөрснөөр чи бодлоо харж чадна. Тэнгэрт хөвөх үүл буюу замын хөдөлгөөнийг ажих шиг хөндлөнгөөс гэрчилнэ. Уурын үүл нөмрөхийг мэдрэх боловч чи өөрөө уур биш байна. Өөрөө уур болохгүй л бол уур чамд халдаж чадахгүй. Төвдөө оршсон үед тэр бүхэн ирээд буцах үзэгдэл төдий.

Гуравдахь нүдэндээ төвлөрөх, гэрч болох нь аль ч талаасаа боломжтой. Учрал бүрийн гэрч байхыг хичээ. Биед өвчин зовиур, сэтгэлд шаналал зовлон юу ч тохиолдсон түүнтэй ижилсэх хэрэггүй, хөндлөнгийн ажиглагч бай. Гэрчилж байгаа бол чи гуравдахь нүдэндээ аяндаа оршино. Нөгөө талаасаа мөн адил. Гуравдахь нүдэндээ төвлөрөх юм бол чи гэрч болно. Энэ нь нэг зүйлийн хоёр тал юм.

Гэрч болохоос гадна уг аргаар амьсгалын шимийг ухаарах боломжтой. Хүн хүчилтөрөгч болон бусад хийн хольцоор амьсгалдаг гэж шинжлэх ухаан хэлдэг. Тэгвэл Тантар агаарыг унаа хөсөг болохоос жинхэнэ шим нь биш гэж хэлдэг. Шим нь прана буюу амин эрчим. Чи зөвхөн агаараар биш, пранагаар амьсгалдаг юм. Орчин үеийн шинжлэх ухаан пранатай ижил зүйлийг нээж амжаагүй байна. Гэхдээ зарим судлаачид нууцлаг зүйлийг анзаарчээ. Тухайлбал, Германы физиологич Вилхэлм Рэйх түүнийг ’оргон энерги’ гэж нэрлэсэн. Амьсгалах үед агаар нь агуулагч төдий бөгөөд нууцлаг агуулагдахуун нь оргон (прана) гэж тэрээр үзжээ.

Агаар материаллаг боловч материаллаг бус, маш нарийн зүйлийг тээдэг аж. Түүний үр нөлөөг мэдэрч болно. Жишээ нь, амин эрчим ихтэй хүний дэргэд суухад чиний дотор эрчим оргилж мэдэгдэнэ. Сул дорой хүнтэй байхад өөрөөс чинь эрчим хүч сорогдох шиг болно. Заримдаа олон хүний дунд гэнэт бачимдах мэдрэмж төрдөг шүү дээ. Прана сорогдож байгаа учраас тэр. Өглөөний сэлүүн агаарт, буйдхан моддын дор ганцаар байхдаа амин эрчмээр гэнэт бялхахыг мэдэрнэ. Хүн бүрт тусгай орон зай хэрэгтэй. Ийм орон зай дутах юм бол амин эрчим шамшигдах болно.

Ошо: Агнистын гэгээ