Нүүдэлч Зуслан

“Нүүдэлч Зуслан”-ийн анхны ээлжийн бяцхан нүүдэлчдээ эргэхээр хоёр багш нь замдаа гарах гэж байна! 🤩♥️ 05-р сарын 31-ний Ням гарагт 13:00 цагаас Галт ЕБС-ийн танхимд (дөхмөгц ангийн мэдээллийг зарлах болно) уулзацгаая! ✨🤍

❄️Нийслэл хотод өвөлжиж буй ахлах ангийн сурагчдад зориулсан “Бичээч”-ийн хөтөлбөрт оролцохыг урьж байна! ✍🏼

Хамрах хүрээ: Бичих дуртай, хүсэл эрмэлзэлтэй, бичгийн чадвараа ахиулах сонирхолтой ЕБС-ийн 10-11-р ангийн сурагчид

Хамтран зохион байгуулагч:
-Бичгийн гэр төсөл (Global Shapers UB Hub) .ub ,
-Хонг Конгийн Их сургуулийн TITAN (Transdisciplinary Initiative for Talents and Innovators) төслийн санаачлагч оюутнууд

Хөтөлбөрийн хугацаа: 2026 оны 1-р сарын 12-ны өдрөөс 16-ны өдрүүдэд 09:00-12:30 хооронд

Хөтөлбөрийн шаардлага: Хөтөлбөрийн хугацаанд Улаанбаатар хотод байж хөтөлбөртөө биечлэн оролцох боломжтой байх + Бичих сонирхолтой байх

Төлбөр: 126’000₮
-Тэтгэлэгтэй оролцох боломжтой

Өргөдөл илгээх эцсийн хугацаа: 2026 оны 1 сарын 9-ний 23 цаг 59 минут

Бүртгүүлэх: https://forms.gle/hPESy5wp3K92ntBQ8

Бичье, өнтэй өвөлжье! ✨

2025 он бол "Нүүдэлч Зуслан" маань биеллээ олсон онцгой сайхан жил байлаа. Бидний анхны бяцхан нүүдэлчдэдээ, хүүхдийг гэсэн сэтгэлээр бидэнтэй хамгийн ойр байж, бүхий л талаар тусалж дэмжиж байсан бүгдэд Шинэ оны баярын мэнд хүргэж, хамгийн сайн сайхныг хүсье! 🎄✨

🎄Мөн тун удахгүй үргэлжлэх өвлийн хөтөлбөрөөрөө уулзацгаая!

🌹Час улаан дээл шигээ час улаан зүрхтэй, басхүү гал цог дүүрэн Заяа эгч маань олон олон нүүдэлч ээжүүдийн тод төлөөлөл, Баяраа ахын маань гэрийг гийгүүлэгч, манай багийнхны луужин билээ. Биднийг нутгийн амтат хайлмагаар угтаж бас үдэж ирэхээс эхлээд явах хүртэл асарч тойглосон Нүүдэлч Зуслангийн маань ээж юм. ✨

Заяа эгчийг саалиндаа гарсан болов уу гэх асуулттай хамт бидний өглөө эхэлнэ. Доржмаа Содмоо хоёр аль эсвэл Баяраа ах өглөө бүр бидэнд Заяа эгчийн шинэхэн загсаасан өрөм, өрөмтэй будаа, бингээ хав халуунаар нь бариад ирэх Нүүдэлч Зуслангийн гэгээн өглөө... 🌤️

Зуслангийн эхний өдөр юм даг. Хөтөлбөр маань ид дундаа орох мөчид Заяа эгч томоос том саванд хоол бэлдээд иржээ. Аахилам халуун наранд ч, аадар бороотойд ч, олон онцлоггүй зүгээр нэг зуслангийн өдөр байсан ч өдөр бүр дөчин хоёр хүүхэд, нэмээд таван багшийн ходоод сэтгэл хоёрыг баяр хөөрөөр дүүргэж байлаа. 🤍

Биднийг буцах болоход аяллын богцуудыг маань шахам, өрөм, жимсээр дүүргэж өгөн их хотыг зүглэх хүлгийн маань араас цагаан сүү өргөн зогсдог Заяа эгч. Галтын гал цогтой, арвин сэтгэлээр бялхаатай, ариун сүү шигээ тунгалаг хүмүүсийн ач тусаар бидний анхны зуслан ийн итгэл, сэтгэл, зүтгэлийн дэмээр амилсан билээ. 🌻

“Ирэх жил зуслангаа 1000 өдөр хийе! Ямар ч л байсан дөрөвхөн өдөр лав биш шүү.” 🏔️✨

Нүүдэлч Зуслангаас сар гарны дараахан Нүүдэлч багш Болортуяа Хөвсгөл аймгийн Галт сумаар эргэн зочилсон юм. Очсон өдрөөс эхлээд хавь ойрд үзээгүй олоон олон зочдын цуваа түүнийг тосон авсан нь манай зуслангийн бяцхан нүүдэлчид байлаа. 💌

Унадаг дугуй, морь, машин, мотоциклоороо салхи татуулан хүрч ирээд мэнд мэднэ. 🐎 Баян хөвч ойгоосоо түүж авчирсан нэрс жимс, 🫐 буянт малынхаа шимээр боловсруулсан шахам, ааруулаа ч бариад ирэх том зүрхнүүдийн жижигхэн гарт Нүүдэлч багш нар нь хотоос тэрэндээ энэндээ гээд ном, амттан, тоглоом, жигнэмэг өгч явуулсныг Болортуяа багш шууданч шиг солилцон хууч хөөрч ирэх жилийн зуслангийнхаа тухай ярилцсаар хэдэн хоногийг аз жаргалаар дүүрэн өнгөрүүлсэн билээ л. Хожим хотод ирээд нүүдэлч бяцхануудынхаа бөөн бөөн сэтгэлийг багш нарт нь эн тэнцүү хувааж өгсөн сөн.

Хамгийн ихээр багшийгаа угтаж бас үдсэн бяцхан нүүдэлч бол Мөнхбаатар юм. Тээр Устын голын цаана орших буйдхан байшингаасаа унадаг дугуйгаа унаад, зуслангийнхаа бяцхан уутыг үүрээд, дотор нь эвлүүлдэг тоглоом бас 4 ширхэг бон бон чихэр өвөртлөөд багштайгаа тоглоё гээд хүрээд ирдэг хүү билээ. 🤍

Зарим бяцхан нүүдэлчид маань төв орсон, жимсэнд явсан, ээж аавдаа туслах ажил ихтэй, дүү нараа харж асарч байгаа гээд хөдөөний буцлам их ажил дундаас уулзаж амжаагүй тохиолдол ч мөн бий. Тэдэнтэй уулзах завшаанаар хотод буй Нүүдэлч багш нартайгаа дүрст дуудлага хийн сонин хачнаа хуучлах тохиол ч мөн байлаа.

Яг үнэндээ долоохон хоног ч хүрэхгүй хугацаанд багш шавь бололцсон атал ийм л эгэх холбоотой, элбэг сэтгэлээр бялхам, зүрх бодлоос уяатай дурсамжийг бид хамтдаа бүтээжээ.✨

Галтад очихоос өмнө бидний хамгийн их утсаар ярьсан хүн бол Баяраа ах.

Жижиг харагдавч өндөөр улаан модон байшингийн оройд “Нүүдэлч Зуслан”-ийн тугийг хэн ч асууж зүрхлээгүй атал хүүтэйгээ хамт хадаад зогсож байдаг баатар. 🏔️ Галтын ганц номын санч, хайлтын систем, суперменийг нэрлэ гэвэл ерөөс эргэлзээгүй Баяраа ах л бодогдоно.

Нутгийн бүхий л домог хууч яриаг өвлөн тээдэг, хөгшчүүлийн яриаг алдалгүй чих тавьдаг, хойч дүү нараа буй бүхнээрээ тэтгэдэг, тэтгэх тэтгэхдээ зүрх сэтгэлийн амин дэмээр ч мөн дэмнэдэг, Улаанбаатараас алсын алсад орших цэцэрлэгийн байшинг зуслан болгох ургалч санааг гойд дэмжсэн эрхэм нүүдэлч. Усан борооноор Эрхэсийг ардаа сундлаад хүүхдүүдэд хэрэгтэй эд зүйлсийг аваад л ирдэг, галлагааны умгархан өрөөг уран бичгийн өргөө болгож хувилгаад хивсээ авчраад дэвсчихдэг гээд Нүүдэлч Зуслан Баяраа ахгүйгээр өдий амьтай байхгүй сэн. Нүүдэлч багш нарын оюун сэтгэлд өөрийн ачит үйл, амьдралын ур, уудам ухаанаа үүрд үлгэрлэх хүмүүн мөнөөс мөн билээ.

☄️Бидний холч хараа эл цэгт Баяраа ахаас, Галтаас, Хөвсгөлөөс, хөндий өргөн нутгаас, хөвөлзөн урсах Устын голоос суралцахуйд ч мөн оршин буй. Нүүдэллэн амьдардаг Хөвсгөлийн их уулс шигээ нөмөртэй, аж төрдөг сум болох Галт шигээ галт зүрхтэй, тэр эрчмээрээ элч дулаан нь бадарсаар байдаг хайр дүүрэн ардын нэгэн том төлөөлөл болох Баяраа ахын маань хорвоод мэндэлсэн өдөр тохиож байгаад нийт Нүүдэлч багийн өмнөөс халуун баярыг хүргэж байна! 🥳

Ид шид биелдэг байшингийн намрын төрх 🍂 Одоо хүүхдүүд маань бүгд сум, аймгийнхаа төвд оччихсон хичээлдээ шамдацгааж буй. ✨

📍Хөвсгөл аймаг, Галт сум, Хужирт багийн нүүдлийн цэцэрлэгийн байшин

Манай үзэсгэлэнг Монголын Уран Зургийн Галерейд, 8-р сарын 2-3-ны хооронд үзэж сэтгэл зүрхээ баясган, дурсамжаар аялахыг урьж байна! ✨

🚀 Онцлох төсөл: Нүүдэлч Зуслан - Бид очиж явна

Нийгэмд өнгө нэмж, нийтийг сайн сайханд чиглүүлж буй шинэ санаачилгуудыг танилцуулдаг “Онцлох төсөл” булангийн ээлжит дугаарт бидний үеийн залуусын санаачлан, хэрэгжүүлж буй "Нүүдэлч зуслан" төслийг онцолж байна.

Тэд өнгөрөгч сард алслагдсан сумын хүүхэд багачуудыг бүтээлч хөтөлбөр, шинэ санаагаараа дайлж, хариуд нь цовоо цолгиун харц, уламжлалт соёл ахуйгаар цайлуулаад иржээ.

Онцлох бизнес - Онцлох төсөл: Нүүдэлч Зуслан - Бид очиж явна | Unread Today Нийгэмд өнгө нэмж, нийтийг сайн сайханд чиглүүлж буй шинэ санаачилгуудыг танилцуулдаг “Онцлох...