Coffee is love, Ulaanbaatar (2026)

16/10/2020

🌿Peppermint цай гэж ямар цайг хэлдэг вэ?
🌿Peppermint нь бид бүхний сайн мэдэх Гааг хэлдэг ба чийглэг орчинд ургадаг ургамал юм. Ихэвчлэн Европын улсууд болон Америк🇺🇸, Япон🇯🇵, Хятад🇨🇳 улсуудаар тархан ургадаг. Peppermint гэх нэршил нь Англи хэлний перц буюу pepper гэгдэх үгнээс гаралтай бөгөөд халуун чинжүүтэй ижил хурц хүчтэй амт амтагддаг учраас ийнхүү нэрлэсэн байна. Гааны навчийг эртний Грек улсын үеэс эхлэн сүрчиг болон хоолны амтлагч хийхэд ашигладаг байжээ.
🌿Peppermint цайг халуунаар ууж байгаа мөртлөө сэнгэнэсэн амт амтагддаг учир нь гаанд агуулагддаг Ментолоос шалтгаалдаг байна. Ментол нь амны хөндийн эрүүл мэндийг хамгаалах, эвгүй үнэрийг арилгах, бактер устгах зэрэг үйлчилгээтэй. Үүнээс гадна Ментол нь өвчин намдаах үйлчилгээтэй байдаг тул толгой өвдөх, үе мөч өвдөх үед уухад нэн тустай. Мөн хоолой өвдөх болон Гайморит өвчний шинж тэмдэг илэрдэг хүмүүс уухад зохимжтой.
🌿Гаатай цай нь ихэнх ургамлын гаралтай цайнуудын адилаар бие махбодыг тайвшруулж, стресс тайлах үйлчилгээтэй байдаг.
🌿Мөн арьсийг амраах үйлчилгээтэй ба арьс загатнах, хуурайших, яр батга гардаг хүмүүс уухад үр дүнтэй байдаг.
🌿Гаа нь ходоод гэдсийн үйл ажиллагаанаас гадна хоол боловсруулах эрхтний үйл ажиллагааг сайжруулдаг. Мөн гэдэсний хам шинж, хэвлийн суналт, өтгөн хатуурах, шингэн гүйлгэх зэрэг өвчин эмгэгээс сэргийлдэг.
🌿Гаатай цайг уух бас нэгэн давуу тал нь тархины үйл ажиллагааг идэвхжүүлж, анхаарал төвлөрүүлэхэд тусалдаг. Өдрийн цайны үеэр кофе уухаас гадна гаатай цай 1 аягыг уухад тархи сэргэж, нойр хүрэхээ больдог байна.
🌿Та бүхэн өнөөдөр өдрийн цайгаа уусны дараагаар 1 аяга Гаатай цай ууж дархлаагаа дэмжээрэй😊😊

14/10/2020

Chamomile гэж ямар цайг хэлдэг вэ?
🌼 Chamomile цай нь (Chamomile) Балжингарам цэцгийн дэлбээг нунтаглаж бэлдсэн цай юм. Тус цэцэгнээс алимны амт амтагддаг учир эртний Грек хэлээр chami (газар), melon (алим) гэсэн үгний нийлбэр буюу (Chamomile) газраас ургадаг алим🍎🍏 гэсэн утгатай үгнээс үүсэлтэй .
🌼 Балжингарам цэцэг нь Европ, Африкын хойд бүс нутаг болон Азийн хойд бүс нутгуудаар түлхүү ургадаг бөгөөд German Charmomile, Roman Chamomile, Moroccan Chamomile гэсэн 3-н төрлийн сорт байдаг.
🌼 Эртний Ромын эзэнт гүрний үед хүмүүс ханиад хүрэх, толгой өвдөх, ядарсан үедээ тус цэцгийг нунтаглан цай болгож хэрэглэдэг байсан бөгөөд энэ нь цаашдаа Европ даяар тархан Chamomile цайг хүмүүс өдөр тутамд ууж хэвшсэн байна.
🌼 Балжингарамын хамгийн том давуу тал нь тайвшруулах, нойргүйдлээс сэргийлэх, стресс тайлах зэрэг үйлчилгээтэй байдаг. Нойргүйдэлд орсон хүмүүс оройн цагаар 1 аяга Chamomile цайг уухад бие тайвширч хурдан нойрсоход тусалдаг. Үүнээс гадна тайвшруулах үйлчилгээ нь зөвхөн сэтгэл санааг тайвшруулж амраахаас гадна булчинг сулруулдаг учир булчин чангарах, сарын тэмдгийн өвдөлтийг багасгаж өгдөг.
🌼 Балжингарамд агуулагддаг Азулен бодис нь ходоодны салст бүрхэвчийг хамгаалж хоол боловсруулах эрхтнийг дэмжих үйлчилгээтэйгээс гадна, бүдүүн гэдэсний синдром, ходоодны шархлааны үед үр дүнтэй байдаг.
🌼 Цус багадалттай, гар хөл хурдан хөрдөг хүмүүст шинж тэмдгийг сайжруулахад тусалдаг бөгөөд дотор муухайрах, бөөлжих зэргийг дарах үйлчилгээтэй байдаг.
🌼 Цэцгэнд агуулагддаг Апигенин антиоксидант нь биеийн хүчиллэгийг багасгаж, арьс хөгшрөлтөөс сэргийлдэг. Үүнээс гадна балжингарам нь амны хөндийн эвгүй үнэрийг багасгах, буйлны үрэвслээс сэргийлэхэд нэн тустай цэцэг юм.
🌼 Chamomile цайг хэтрүүлэн хэрэглэх тохиолдолд жирэмсэн эхчүүд, өндөр настнуудад илүүтэйгээр үйлчилж хэт мэдрэмтгий эмзэг болох зэрэг муу нөлөөтэй. Мөн найрлаганд орсон Кумарин бодис нь цус тогтооход саад болдог учир хагалгаанд орохын өмнө уухаас зайлсхийх хэрэгтэй юм байна шүү~~~

25/09/2020

🍁ТомТом адал явдал комикс 2-р улирал 1-р анги "Love cupid"
Ирмүүнээ маань Хуланд сэтгэлээ илчилж чадах болов уу?!?
🍁Эхний улирлаа уншиж амжаагүй бол эндээс-> https://www.facebook.com/404349469987561/photos/a.956416864780816/956417121447457/?type=3&theater