ЮНЕСКО-ийн Холбоот сургуулиудын сүлжээ

18/10/2022

“ТӨРӨЛХ ХЭЛНИЙ ОЛОН УЛСЫН АРВАНЫ ТӨЛӨӨХ ОРОЛЦОО” ВЕБИНАРТ ОРОЛЦОХЫГ УРЬЖ БАЙНА

ЮНЕСКО-гийн Холбоот Сургуулиудын Сүлжээ (ASPnet) нь дэлхийн бүх түвшний 12,000 гаруй боловсролын байгууллагуудыг холбосон сүлжээний хувьд тогтвортой хөгжлийн боловсрол, дэлхийн иргэний боловсрол, соёл хоорондын болон өвийг судлахад чиглэсэн санаачилгуудыг нэгтгэдэг лабораторийн үүрэг гүйцэтгэдэг билээ.

Хэлний олон талт байдал, олон хэл оршихуйн ач холбогдлын талаарх ойлголтыг нэмэгдүүлэхийн тулд ЮНЕСКО-гийн Холбоот Сургуулиудын Сүлжээ нь Олон улсын төрөлх хэлний арван жилийн дэлхийн үйл ажиллагааны төлөвлөгөөний "Хүртээмжтэй, тэгш, соёл хоорондын, чанартай боловсрол; насан туршийн боловсролын орчин мөн албан, албан бус боловсролын орчин дахь төрөлх хэлнүүдийн боломжууд" хэсэгт хувь нэмрээ оруулж байна.

ЮНЕСКО-гийн Холбоот Сургуулиудын Сүлжээ нь арван жилийн турш хамтарсан арга хэмжээ авах эхлэлийн үйл ажиллагаа болгон төрөлх болон төрөлх бус хэлний багш, залуучууд, олон нийтийг “Төрөлх хэлний арваны төлөөх оролцоо” вебинарт оролцохыг урьж байна. Тус вебинар нь Олон улсын төрөлх хэлний арван жилийн дэлхийн үйл ажиллагааны төлөвлөгөө, түүнийг хэрэгжүүлэхэд сургуулиуд хэрхэн хувь нэмэр оруулах талаар мэдээлэл өгөх зорилготой юм.

Вебинар нь 2022 оны 10 дугаар сарын 20-ны өдөр англи, франц, испани хэлээр 90 минутын турш явагдана. Уг вебинарт дараах холбоосоор бүртгүүлж оролцоно уу: https://unesco-org.zoom.us/webinar/register/WN_UejPLhnCSo6O5rxyWksWig

Вебинарын талаарх дэлгэрэнгүй мэдээллийг дараах холбоосоор нэвтэрч авна уу: https://www.unesco.org/en/articles/aspnet-action-engagement-international-decade-indigenous-languages

UNESCO’s e-Platform on intercultural dialogue is designed for organizations and individuals to learn from shared knowledge or experiences from infl

24/03/2022

ЮНЕСКО-ИЙН ЯЛГАВАРЛАН ГАДУУРХАЛТЫН ЭСРЭГ МАСТЕР КЛАСС ЗОХИОН БАЙГУУЛАГДЛАА

ЮНЕСКО-ийн Монголын үндэсний комисс нь энэхүү санаачилгын хүрээнд ялгаварлан гадуурхалтын эсрэг дотоодын мастер классыг ЮНЕСКО-ийн Холбоот сургуулиуд болох Улаанбаатар дахь Бритиш сургууль болон Нийслэлийн ерөнхий боловсролын 24-р сургууль дээр 2022 оны 3 дугаар сарын 22, 23-ны өдрүүдэд тус тус зохион байгууллаа.

Эдгээр мастер класс нь хүүхэд, залуучуудын ялгаварлан гадуурхалтын талаарх мэдлэг, ойлголтыг нэмэгдүүлж тэдгээртэй тэмцэж үр дагаврыг нь арилгах чадавхыг нь бэхжүүлэх, мөн ялгаварлан гадуурхалтын эсрэг манлайлал үзүүлэх үүрэг, амлалтыг бататгах зорилготой байв. Энэхүү арга хэмжээний хүрээнд хөгжлийн бэрхшээлтэй иргэдийн, нийгэм, эдийн засгийн, жендэрийн, хэвлэл мэдээллийн, ЛГБТИК+ хүмүүсийн, үндэстний цөөнхийн, шилжин суурьшигчдийн ялгаварлан гадуурхалт болон ялгаварлан гадуурхалтын эсрэг хууль, дүрэм гэсэн найман сэдвийг хамарсан сэдэвчилсэн семинарууд явагдлаа.

24/02/2022

ХОЛБООТ СУРГУУЛИУДЫН АНХААРАЛД

ЮНЕСКО нь үүсгэн байгуулагдсан цагаасаа эхлэн олон төрөл байдал, энх тайвны соёлыг хөхиүлэн дэмжиж бүхий л төрлийн ялгаварлан гадуурхалтын эсрэг тууштай тэмцэх явдлыг эрхэм зорилгоо болгон ажиллаж ирсэн. ЮНЕСКО нь энэ хүрээнд арьс өнгөөр алагчлах үзэл, ялгаварлан гадуурхалтын талаарх хүүхэд, залуучуудын мэдлэг, ойлголтыг нэмэгдүүлж тэдгээртэй тэмцэж үр дагаврыг нь арилгах чадавхыг нь бэхжүүлэх зорилго бүхий цуврал мастер класс зохион байгуулах санаачилгыг 2019 оноос хэрэгжүүлж эхэлсэн.

ЮНЕСКО-ийн Монголын үндэсний комисс нь уг санаачилгын хүрээнд ялгаварлан гадуурхалтын эсрэг дотоодын мастер классыг 2022 оны 03 дугаар сард зохион байгуулахаар төлөвлөж байна.

Энэхүү мастер класс нь ялгаварлан гадуурхалтын талаарх сэдэвчилсэн семинаруудаас бүрдэх бөгөөд сурагчдын гэр, сургууль, хамт олныхоо хүрээнд аливаа ялгаварлан гадуурхалтын эсрэг тэмцэж, манлайлал үзүүлэх үүрэг, амлалтыг бататгах зорилготой.

Энэ хүрээнд өөрийн сургууль дээр мастер класс зохион байгуулах хүсэлтэй сургуулиуд 2022 оны 3 дугаар сарын 1-ний өдрийн дотор [email protected] хаягаар хүсэлтээ илэрхийлнэ үү.

14/12/2021

ЕБС-ИЙН АХЛАХ АНГИЙН СУРАГЧДЫН АНХААРАЛД

ЮНЕСКО-гийн Бээжин оффисын дэмжлэгтэйгээр Хэвлэлийн Хүрээлэнгийн мэргэжлийн багш нар & сургалтыг ЕБС-ийн ахлах ангийнханд (10-12 дугаар анги) зориулан хийх гэж байна.
Сургалтаар ЮНЕСКО-оос хоёр дох удаагаа боловсруулсан Хэвлэл мэдээлэл, мэдээллийн суурь боловсролын шинэчилсэн хөтөлбөрийн хэсэг болох Disinformation буюу худал мэдээлэл, түүний үр дагаврын талаар ярилцахаас гадна clickbait, meme, үзэн ядах үг хэллэг, цахим гадуурхал зэрэг нэр томьёо, ойлголтын талаар авч үзнэ.

Сонирхсон хүүхдүүд, хүүхдийн оролцооны байгууллагын төлөөлөл та бүхнийг сургалтад оролцохыг урьж байна.
Сургалт 2021.12.17-нд 15.00 цагт онлайн (zoom)-аар болно.

Бүртгүүлэх холбоос:
shorturl.at/jGJQ4

05/10/2021

ДЭЛХИЙН БАГШ НАРЫН ӨДРИЙН МЭНД ХҮРГЭЕ !

Энэ жил бид Дэлхийн багш нарын өдрийг "Боловсролыг сэргээхэд багш нарын оролцоо амин чухал" сэдвийн дор тэмдэглэж байна. ЮНЕСКО болон Олон улсын хөдөлмөрийн байгууллагаас уг өдрийг тэмдэглэх хүрээнд зохион байгуулж буй цуврал үйл ажиллагаануудын талаарх мэдээллийг доорх холбоосоор орж авна уу.
https://events.unesco.org/event?id=2479558071

04/10/2021

ДЭЛХИЙН БАГШ НАРЫН ӨДРИЙГ ТЭМДЭГЛЭЦГЭЭЕ

1994 оноос эхлэн жил бүрийн 10 дугаар сарын 5-ны өдрийг Дэлхийн багш нарын өдөр болгон тэмдэглэж ирсэн билээ. Энэ жилийн хувьд "Боловсролыг сэргээхэд багш нарын оролцоо амин чухал" сэдвийн дор тус өдрийг тэмдэглэх хүрээнд ЮНЕСКО нь Олон улсын хөдөлмөрийн байгууллагатай хамтран дараах цахим үйл ажиллагаануудыг зохион байгуулах гэж байна. Үүнд:
- 10 дугаар сарын 4-ний өдрийн 20:00-22:00 цагт "Багш бэлтгэх хөтөлбөрийн олон улсын стандарт ангиллын дэлхийн зөвлөлдөөн"
- 10 дугаар сарын 5-ны өдрийн 11:00-13:00 цагт "Дэлхийн багш нарын өдрийг тэмдэглэх нь" шинжээчдийн форум
- 10 дугаар сарын 5-ны өдрийн 19:00-21:00 цагт "Дэлхийн багш нарын өдөрт зориулсан 2021 оны албан ёсны нээлт"
- 10 дугаар сарын 6-ны өдрийн 19:00-21:00 цагт "Боловсролыг сэргээх технологийг ашиглах нь: Багшийн хөгжлийн шинэчлэл"
- 10 дугаар сарын 7-ны өдрийн 21:00-23:00 цагт "Багшлахуйн ирээдүй: Багшлах боловсон хүчний талаарх зөвлөмжийг ашиглах тухай шинжээчдийн хорооны санал"
- 10 дугаар сарын 8-ны өдрийн 17:00-18:30 цагт "Цар тахлын дараах сэргэлтийн үед багшлахуй болон багш нарыг санхүүжүүлэх нь" зэрэг цахим үйл ажиллагаанууд болно.
Та доорх холбоосоор орж тус бүрийн бүртгэлийн холбоосыг авна уу.
https://events.unesco.org/event?id=2479558071

23/09/2021

"УУР АМЬСГАЛЫН ӨӨРЧЛӨЛТИЙН НӨЛӨӨГ БУУРУУЛАХ ТАЛААР ЗААН СУРГАХ НЬ" СЭДЭВТ БАГШ НАРТ ЗОРИУЛСАН ХЭЛЭЛЦҮҮЛЭГ БОЛНО

ЮНЕСКО-ийн Холбоот сургуулиудын багш нарыг өнөөдөр буюу 2021 оны 9-р сарын 23-ны өдрийн 20:00-21:00 цагт болох цахим хэлэлцүүлэгт оролцохыг урьж байна.

Teachers from around the world have been sharing their insights on teaching for climate action with the OECD, UNESCO and Education International on the Global Teaching InSights platform. Join for a series of three conversations for teachers on empowering students around climate action, where you wil...

15/09/2021

ТОГТВОРТОЙ ХӨГЖЛИЙН "SPONGE" АЯНД НЭГДЭХИЙГ УРЬЖ БАЙНА

ЮНЕСКО-ийн Холбоот сургуулиудын сүлжээ, ЮНЕСКО-ийн Солонгосын үндэсний комисс болон БНСУ-ын Боловсролын яам нь Тогтвортой хөгжлийн зорилгуудыг (ТХЗ) сургуулийн түвшинд, ялангуяа Холбоот сургуулиудын хамт олны хүрээнд хэрэгжүүлж сурах нь дэлхийн хэмжээнд ТХЗ-уудыг амжилттай хэрэгжүүлж, дэлхийн иргэний боловсролыг хөхиүлэн дэмжихэд нэн чухал ач холбогдолтой хэмээн үзэж “Дэлхийн иргэний боловсрол (ДИБ) ба ТХЗ-уудын талаарх төсөл” буюу "SPONGE" аяныг зохион байгуулж байна.

Энэхүү аян нь ТХЗ-уудыг өдөр тутмын амьдралдаа хэрхэн хэрэгжүүлэх, мөн эргэн тойронд гарч байгаа ТХЗ-уудтай холбоотой асуудлуудыг хэрхэн шийдвэрлэх тухай ЮНЕСКО-ийн Холбоот сургуулиудын багш, сурагчдын санал, санаачилгыг цуглуулж сурталчлах үндсэн зорилготой.

Холбоот сургуулиудын багш, сурагчдыг энэхүү аянд дараах байдлаар нэгдэхийг урьж байна. Үүнд:

1. Бичгээр хүргүүлэх
Саналаа 5 хуудаст багтаан англи, франц, испани эсвэл солонгос хэлээр бичиж doc, docx форматаар илгээх боломжтой.

2. Видео бичлэг хийж хүргүүлэх
Саналаа 3 минутад багтаан англи, франц, испани эсвэл солонгос хэлээр тайлбарлан видео бичлэг хийж Youtube-д байршуулаад холбоосыг нь илгээх боломжтой. Бичлэг нь mp4, flv, avi зэрэг форматтай байж болно.

Хамгийн бүтээлч санал, санаачилгыг гаргасан багш сурагчдад ЮНЕСКО-ийн Солонгосын үндэсний комиссын Ерөнхий нарийн бичгийн даргын гарын бэлэг болон БНСУ-ын соёлын өвийн эд зүйлсийг багтаасан бэлэг өгөх бөгөөд 2021 оны 10 дугаар сард цахимаар болох ДИБ-ын форум, 2021 оны 12 дугаар сард болох олон улсын сурагчдын форумд тус тус оролцох эрхийг олгоно.

Иймд 2021 оны 09 дүгээр сарын 30-ны өдрийн дотор доорх холбоосоор нэвтрэн саналаа илгээж аянд нэгдэнэ үү.

https://enasp.unesco.or.kr/sponge_campaign/submission.html

08/09/2021

БИЧИГ ҮСГИЙН ОЛОН УЛСЫН ӨДӨР ТОХИОЖ БАЙНА

ЮНЕСКО нь жил бүрийн 9 дүгээр сарын 8-ны өдрийг Бичиг үсгийн олон улсын өдөр хэмээн тэмдэглэдэг билээ. Энэ жил "Хүн төвтэй дахин сэргэлтийн төлөө бичиг үсгийн боловсролыг хөхиүлэн дэмжих нь: Дижитал хуваагдлыг багасгах нь" сэдвийн хүрээнд уг олон улсын өдрийг тэмдэглэж байна.

01/09/2021

ТОГТВОРТОЙ ХӨГЖЛИЙН ТӨЛӨӨХ ДЭЛХИЙН ИРГЭНИЙ БОЛОВСРОЛЫН ТАЛААРХ СУРАГЧДЫН ВИРТУАЛ ФОРУМ БОЛНО

ЮНЕСКО нь Холбоот сургуулиудын сурагчдад дэлхийн иргэний боловсрол (ДИБ) ба тогтвортой хөгжлийн боловсрол (ТХБ)-ын талаар санал бодлоо солилцох, ДИБ ба ТХБ-ын хүрээнд хэрэгжүүлсэн шинэлэг үйл ажиллагаа, арга хэмжээний талаар туршлага хуваалцах, мөн илүү шударга, энх тайван, тэгш хамруулалт бүхий тогтвортой нийгмийг цогцлоохын тулд оролцоо, үйл ажиллагаагаа өргөжүүлэн бэхжүүлэх боломж олгох зорилгоор 2021 оны 12-р сард олон улсын виртуал форум зохион байгуулах гэж байна.

Форумд ЮНЕСКО-ийн үйл ажиллагаанд идэвхтэй оролцдог залуу манлайлагчид болон дараах шалгуурыг хангасан ЮНЕСКО-ийн Холбоот сургуулийн сурагчид оролцоно. Үүнд:
• 14-18 настай байх,
• Холбоот сургуулийн үйл ажиллагаанд идэвхтэй оролцдог байх,
• Сургууль, хамт олны хүрээнд ДИБ ба ТХБ-той холбогдох аль нэг чиглэлээр үйл ажиллагаа хэрэгжүүлсэн туршлагатай байх,
• Англи, франц, эсвэл испани хэлний өндөр мэдлэгтэй байх,
• Шүүмжлэлт сэтгэлгээтэй, санал бодлоо чөлөөтэй, цэгцтэй, ойлгомжтой байдлаар илэрхийлж чаддаг байх,
• Арга хэмжээний хоёр үе шатанд бүрэн хамрагдах боломжтой байх,
• Интернетийн хурд, холболт сайтай, цахимаар арга хэмжээнд оролцох боломжтой байх зэрэг болно.

Улс тус бүр форумд оролцох хоёр сурагчийг нэр дэвшүүлэх боломжтой ба ЮНЕСКО нийт нэр дэвшигчдээс сонгон шалгаруулалт хийж 80 сурагчийг форумд оролцуулна.

Иймд сургууль тус бүрийг 2021 оны 9-р сарын 8-ны өдрийн дотор нэг эрэгтэй, нэг эмэгтэй сурагчийг нэр дэвшүүлж, дотоодын сонгон шалгаруулалтад оролцуулахыг урьж байна.

01/09/2021

ЮНЕСКО-ийн Холбоот сургуулиудын нийт хамт олонд 2021-2022 оны хичээлийн шинэ жилийн мэндийг хүргэж ажил, сурлагын өндөр амжилт хүсье!

19/08/2021

ЮНЕСКО-ИЙН ХОЛБООТ СУРГУУЛИУДЫН БАГШ, СУРАГЧДЫГ БОЛОВСРОЛЫН ИРЭЭДҮЙН ТАЛААРХ СУДАЛГААНД ХАМРАГДАХЫГ УРЬЖ БАЙНА

ЮНЕСКО-ийн Монголын үндэсний комисс нь Зүүн ба Зүүн өмнөд Ази дахь ЮНЕСКО-ийн Үндэсний комиссуудтай хамтран боловсролын ирээдүйн талаарх кэйс судалгааг Холбоот сургуулиудын дунд явуулж байна.

Энэхүү судалгааны зорилго нь ЮНЕСКО-ийн “Боловсролын ирээдүй” санаачилгад Холбоот сургуулиудын тусгах нэгдсэн санал, зөвлөмжийг бүс нутгийн хэмжээнд боловсруулахад оршино.

Иймд судалгааны хүрээнд боловсруулсан цахим асуулгыг 2021 оны 9 дүгээр сарын 13-ны өдрийн дотор https://forms.gle/d88yuN6BL5VAZHZZ8 холбоосоор нэвтрэн бөглөнө үү.

Дэлгэрэнгүй мэдээллийг судлаач У.Мөнхдэлгэртэй (утас: 98191524) холбогдож авна уу.