НЕБ-ын 112 дугаар сургууль

Шинжлэх ухааны болон уламжлалт буддын гүн ухааны мэдлэгт суралцах хүсэл сонирхолтой суралцагчдыг 2026-2027 оны хичээлийн жилд элсүүлэх удирдамж

БАЯР ХҮРГЭЕ

2025–2026 оны хичээлийн жилд Монгол Улсын Боловсролын Их Сургууль болон Монголын Бурханы Шашны Их Сургуулийг амжилттай суралцаж төгссөн эрхэм багш нартаа халуун баяр хүргэе.

Багш хүн өөрөө тасралтгүй суралцагч байж, шавь нартаа үлгэр дуурайл болдог. Иймээс та бүхний энэхүү амжилт нь зөвхөн хувь хүний амжилт бус, хамт олон, суралцагчид, сургуулийн хөгжилд чиглэсэн чухал алхам юм.

Цаашдын эрдэм судлал, багшлах үйлс, ажил амьдралд тань өндөр амжилт хүсэн ерөөе.

Нийслэлийн ерөнхий боловсролын 112 дугаар сургуулийн хамт олон.

Боловсролын ерөнхий газар, Монгол Улсын Боловсролын Их Сургууль хамтран зохион байгуулсан “Багшлах эрхийн гэрчилгээ” олгох сургалтад Нийслэлийн ерөнхий боловсролын 112 дугаар сургуулийн багш нар амжилттай хамрагдан төгслөө.

Нийт 432 цагийн сургалтад хамрагдаж, сертификатаа амжилттай хамгаалсан багш нартаа баяр хүргэж эрүүл энх сайн сайхан бүхнийг хүсэн ерөөе.

Сургалтыг үр дүнтэй зохион байгуулсан БЕГ болон МУБИС-ийн харьяа Боловсрол судлалын сургуулийн хамт олонд талархал илэрхийлье.

🎓 Баяр хүргэе

Нийслэлийн ерөнхий боловсролын 112 дугаар сургуулийн физикийн багш Д.Донжжалам “Буддын гүн ухаан дахь Учир шалтгааны ухааны сургалтын системийг дацан болон ЕБС-ийн жишээн дээр судлах нь” сэдвээр судалгааны ажил бичиж магистрын зэрэг амжилттай хамгааллаа.

Түүний энэхүү судалгааны ажил нь уламжлалт буддын гүн ухааны сургалтыг ЕБС-ийн сургалтын орчинд судлан хэрэгжүүлэх, суралцагчдын логик сэтгэлгээ, зөв хандлага, аливааг уг үндэстэй сэтгэн бодох чадварыг хөгжүүлэхэд үнэ цэнтэй хувь нэмэр оруулсан бүтээл боллоо.

Д.Донжжалам багшдаа НЕБ-ын 112 дугаар сургуулийн хамт олны нэрийн өмнөөс халуун баяр хүргэж, эрдэм судалгааны ажил, шинэ бүтээлд нь өндөр амжилт хүсэн ерөөе.

Багш, ажилтан, албан хаагчдын тайлан хамгаалалт амжилттай болж өндөрлөлөө

Нийслэлийн ерөнхий боловсролын 112 дугаар сургуулийн 2025–2026 оны хичээлийн жилийн багш, ажилтан, албан хаагчдын ажлын тайлан хамгаалалт амжилттай зохион байгуулагдаж өндөрлөлөө.

Энэ удаагийн тайлан хамгаалалтаар багш, ажилтан бүр хичээлийн жилийн хугацаанд хэрэгжүүлсэн ажил, хүрсэн үр дүн, сургалт хүмүүжлийн үйл ажиллагаанд оруулсан хувь нэмэр, цаашид сайжруулах чиглэлээ танилцуулж, өөрийн ажлын гүйцэтгэлд дүгнэлт хийлээ.

Аливаа байгууллагын хөгжил нь зөвхөн төлөвлөгөө, зорилтоор хэмжигдэхгүй, харин түүнийг бодит ажил болгон хэрэгжүүлж буй хамт олны хариуцлага, мэргэжлийн ур чадвар, хандлага, хамтын ажиллагаагаар тодорхойлогддог.

Сургуулийнхаа хөгжил, суралцагчдын сурлага хүмүүжил, байгууллагын соёл, чанартай боловсролын төлөө хичээн ажилласан нийт багш, ажилтан, албан хаагчдадаа талархал илэрхийлье.

Ирэх хичээлийн жилд бид хүрсэн амжилтаа бататгаж, сургалтын чанар, байгууллагын сахилга хариуцлага, багшийн мэргэжлийн хөгжлийг улам ахиулан ажиллах болно.

Эрдэм номын үйлс дэлгэрэх болтугай.

2025–2026 оны хичээлийн жилийн төгсөлтийн баяр амжилттай, сайхан болж өндөрлөлөө.

Нийслэлийн ерөнхий боловсролын 112 дугаар сургуулийн 2025–2026 оны хичээлийн жилийн төгсөлтийн баярын үйл ажиллагаа халуун дулаан уур амьсгалтай, ёслол төгөлдөр сайхан боллоо.

Энэ хичээлийн жилд сурсан мэдсэнээ бататгаж, нэгэн шат ахин дэвшиж буй нийт суралцагчдадаа баяр хүргэе. Та бүхний хичээл зүтгэл, сахилга бат, багш нарынхаа үгийг хүндэтгэн суралцсан байдал өнөөдрийн энэ баярын гол утга учир байлаа.

Мөн суралцагчдынхаа төлөө сэтгэл, зүтгэл гарган ажилласан эрхэм багш, ажилтан, албан хаагчиддаа, хүүхдийнхээ сурлага хүмүүжилд хамтран дэмжлэг үзүүлж ирсэн эцэг эх, асран хамгаалагчиддаа чин сэтгэлийн талархал илэрхийлье.

Төгсөж буй суралцагчдадаа цаашдын сурлага, эрдэм ном, амьдралын замналд нь өндөр амжилт, сайн сайхан бүхнийг хүсэн ерөөе.

Эрдэм номын цагаан буян дэлгэрэх болтугай.