Монголын Хэрэглэгчийн Удирдлагын Академи

“Мал эрүүл бол хүнс эрүүл, хүнс эрүүл бол хүн эрүүл” гэдэг үзэл санаа бол хэрэглэгчийн эрхийн амин чухал асуудлын нэг. Энэ талаарх төрийн бодлого үйл ажиллагааны дутагдлыг нөхөх малын эмч нарын мэдлэг боловсролыг сүүлийн үеийн ШУ-ны ололтоор цэнэглэх хөрш зэргэлдээ орнуудын туршлагатай танилцуулах зорилгоор Монголын хэрэглэгчийн Удирлагын академи сүүлийн 10 жилд Архангай, Булган, Орхон, Сэлэнгэ, Төв, Дундговь, Дархан-уул Өмнөговь зэрэг 10 гаруй аймгийн 500-аад малын эмчийг ОХУ -ын Буриадын ХАА-н академи, БНХАУ-ын шилийн гол аймгийн Ажил мэргэжлийн дээд сургуульд хос сертификаттай мэргэшүүлэх сургалтанд хамруулж тэдэнд оюуны хөрөнгө оруулалт хийжээ.

Монголын хэрэглэгчийн эрх ашгийг хамгаалах нийгэмлэгүүдийн Үндэсний холбоо, Хэрэглэгчийн Удирдлагын академи 2025 оныг Хэрэглэгчийн төлөө ажилладаг байгууллагуудын Чадамжийг нэмэгдүүлж,Хүний нөөцийн боловсролыг дээшлүүлэх жил болгон зарлаж энэ эрхэм зорилтуудаа амжилттай хэрэгжүүлсэн жил боллоо. Энэ бодлогын хүрээнд юуны өмнө 21 аймаг, мэргэшсэн салбарын 10 нийгэмлэгийн Удирдах зөвлөлийн дарга /Тэргүүн/ Гүйцэтгэх захирлууд , Мэргэшсэн шинжээч нар 80 гаруй хүн Орхон, Баян хонгор аймгууд, Нийслэлд болсон 4 удаагийн сургалтанд хамрагдан оролцлоо.
Энэ удаагийн сургалтанд Говь-сүмбэр, Хэнтий, Сүхбаатар, Булган, Дундговь, Завхан, Дорнод, Дархан-уул аймгууд, Боловсрол, Эрүүл мэнд , Хөдөлмөр нийгэм хамгаалал халамжийн үйлчилгээ, Байгал орчин аялал жуулчлал, Зам тээвэр, Худалдаа нийтийн хоолны салбарын нийгэмлэгийн удирдлагууд зарим шинжээчид оролцож маш их сэтгэл ханамжтай цаашид ажиллах урам зориг эрмэлзэлтэй байгаагаа илэрхийллээ.
Ялангуяа залуу багш нар Г.Замбага А.Бямбасүрэн нарын Хүнсний болон өргөн хэрэглээний барааны гарал үүсэл чанар аюулгүй байдлыг шалгах аргачлал, Нийгэмлэгүүдийн төсөл хөтөлбөр санхүүгийн менежментийн шинэчлэл сэдэвт хичээлүүд содон сонин байлаа гэж ярилцаж байлаа.
Мөн энэ үеэр Монголын хэрэглэгчийн байгууллагын Нийгэмд эзлэх байр суурь - Алсын хараа 2030 он хүртлэх дунд хугацааны стратегийг тодорхойлж хэлэлцүүлсэн явдал маш их ач холбогдолтой боллоо. Угтан ирж байгаа 2026 он эх орон, улс үндэстэнийнхээ эрүүл аюулгүй байдлын үндэс болсон 3.5 сая хэрэглэгчийнхээ Заяагдмал эрхийн манаанд зогсож байгаа хамт олны хувьд олон олон шинэ зорилт ололт амжилтын жил байх болноо.

Монголын хэрэглэгчдийн байгууллагын “Чадамжийг дээшлүүлэх төсөл”-ийн зорилтын хүрээнд зохион байгуулагдаж байгаа Нийгэмлэгүүдийн чадамжийн үнэлгээний түвшин тогтоох ажиллагаа, МХУА-ийн мэргэшсэн шинжээч бэлтгэх 3 дахь ээлжийн сургалт 2 өдөр амжилттай явагдаж өнгөрлөө.
Уг арга хэмжээнд Увс, Ховд, Баян-өлгий, Өвөрхангай, Архангай Сэлэнгэ, Төв аймаг, Байгал орчин аялал жуулчлал, Эрчим хүч уул уурхай харилцаа холбоо, Барилга хот байгуулалт орон сууц, Зам тээвэр, Санхүү банкны салбарын нийгэмлэгүүдийн удирдах ажилтанууд хамрагдлаа. Мөн энэ үеэр Үндэсний холбооны дунд хугацааны стратеги, Алсын харааг тодорхойлох зэрэг чиглүүлэх асуудлуудыг хөндөж ярилцлаа.

Зэвсэгт хүчний 017 дугаар ангид сургалт зохион байгууллаа.

Сургалтад:
-Үндэсний холбооны ерөнхий нарийн бичгийн дарга, Удирдахуйн ухааны докторант Д.Тогтохбаяр,
-МХУА-ийн гүйцэтгэх захирал, Боловсролын удирдлагын докторант Г.Замбага,
-Үндэсний холбооны Ажлын албаны харилцаа, хамтын ажиллагаа, төсөл хөтөлбөр хариуцсан менежер А.Бямбасүрэн,
-Эерэг сэтгэлгээний үндэсний сургагч багш, лектор Н.Амарбаясгалан
-Цэрэг иргэний хамтийн ажилгаа хариуцсан менежер Төслийг санаачлагч Т.Бат-энх
тус тус оролцож, алба хаагчдад практик мэдлэг, зөв дадлыг түгээн сурталчлав.

Цаашид төрийн болон төрийн бус байгууллагуудтай хамтран үндэсний хэмжээнд хэрэглэгчийн боловсрол, эерэг хандлагыг төлөвшүүлэх аяныг зохион байгуулахаар төлөвлөн ажиллаж байна.

Хэрэглэгчийн боловсрол, хөгжлийн шинэ шат эхэллээ
Өнөөдөр амжилттай хамтын ажиллагааны эхлэл тавигдлаа.

Монголын хэрэглэгчдийн эрх ашгийг хамгаалах нийгэмлэгүүдийн Үндэсний холбоо болон Хэрэглэгчийн удирдлагын академитай хамтран Зэвсэгт хүчний 013 дугаар ангид хэрэглэгчийн боловсрол, эерэг сэтгэлгээ, хувь хүний хөгжлийн чиг хандлага сэдвээр сургалт зохион байгууллаа.

Сургалтад:
Үндэсний холбооны ерөнхий нарийн бичгийн дарга, Удирдахуйн ухааны докторант Д.Тогтохбаяр,
МХУА-ийн гүйцэтгэх захирал, Боловсролын удирдлагын докторант Г.Замбага,
Үндэсний холбооны Ажлын албаны харилцаа, хамтын ажиллагаа, төсөл хөтөлбөр хариуцсан менежер А.Бямбасүрэн,
Эерэг сэтгэлгээний үндэсний сургагч багш, лектор Н.Амарбаясгалан нар тус тус оролцож, алба хаагчдад практик мэдлэг, зөв дадлыг түгээн сурталчлав.

Арга хэмжээний үеэр тус анги нь МХЭАХНҮХ-нд Талархал гардуулж холбооны болон хэрэглэгчийн удирдлагын академид гүн талархал илэрхийлж амжилт хүсснийг дурьдхад таатай байна.
Цаашид хамтын ажиллагаанд гарын үсэг зурж хамтарч ажиллах талаар харилцан тохиролцлоо.

Манай Хэрэглэгчийн Үндэсний холбоо, Хэрэглэгчийн удирдлагын академи болон Батлан хамгаалах яам, Зэвсэгт Хүчний Жанжин штабтай хамтарч Улаанбаатар цэргийн хүрээ, хөдөө орон нутгийн бүх анги нэгтгэлүүдэд хүрч Хэрэглэгчийн боловсрол, эерэг хандлага, хувь хүний ур чадвар олгох зорилгоор шат дараатайгаар сургалт зохион байгуулж явуулахаар зорилго болгон ажиллаж байна.

2025 оны 11 сарын 12 нд Баянхонгор аймагт болсон “Хэрэглэгчийн эрхийг хамгаалах шинжээч бэлтгэх сургалт” мөн Баруун болон өмнөд бүсийн аймгуудын ХЭАХ нийгэмлэгүүдийн түвшин тогтоох ажиллагаанд Баянхонгор, Өвөрхангай, Завхан, Өмнөговь, Говь-Алтай аймгуудын ХЭАХН-ийн удирдлагууд оролцож, амжилттай зохион байгуулагдлаа. Нийт төгсөгч, шинэхэн шинжээч нартаа илүү их амжилтыг хүсэн ерөөе!

МХЭАХНҮХ-Импорт, экспорт, онлайн, шууд худалдааны салбар нийгэмлэгийн захиалгат "Хэрэглэгчийн эрхийг хамгаалах шинжээч" бэлтгэх сургалт маань агаар салхинд амжилттай зохион байгуулагдлаа. Та бүхнийхээ цаашдын ажилд амжилтын дээдийг хүсье ээ...