09/11/2025
🤰Жирэмсний үеийн шинжилгээ ба ач холбогдол
Жирэмсний хугацаанд хийгддэг шинжилгээнүүд нь эх, ураг хоёрын эрүүл мэндийг хамгаалах, эрт илрүүлэх, урьдчилан сэргийлэх гол зорилготой байдаг.
Жирэмсний хугацаанд нийтдээ 3 үе шатны шинжилгээ хийгддэг гэж үздэг:
Эхний 3 сар (I триместр)
Дунд 3 сар (II триместр)
Сүүлийн 3 сар (III триместр)
I. Жирэмсний эхний 3 сар (0–12 долоо хоног)
Энэ үе бол жирэмсний онош батлах, ураг хэвийн хөгжиж байгаа эсэхийг тогтоох хамгийн чухал үе.
🔹 1. Ерөнхий шинжилгээ
✅Цусны ерөнхий шинжилгээ:
Цус багадалт, үрэвсэл байгаа эсэхийг илрүүлнэ.
✅Шээсэнд уураг, сахар шалгах:
Бөөр, элэгний үйл ажиллагааг үнэлнэ. ✅Цусны бүлэг, Rh хүчин зүйл
Эхийн болон ургийн цусны үл нийцэл (Rh-) илрүүлэхэд чухал.
✅Вирусийн шинжилгээ (B, C гепатит, ДОХ, тэмбүү)
Халдварт өвчин урагт халдах эрсдэлээс сэргийлнэ.
✅TORCH шинжилгээ (Toxoplasma, Rubella, Cytomegalovirus, Herpes)
Урагт халдварлах аюултай вирусийг илрүүлнэ.
✅Хүйн судлын хэт авиан (эхний УЗИ)
Ураг байгаа эсэх, тоо, байрлал, хөгжлийн байдал, зүрхний цохилт зэргийг харна.
II. Жирэмсний дунд 3 сар (13–27 долоо хоног)
Энэ үед ураг ид хөгжиж, эрхтнүүд бүрэлддэг тул илүү нарийн хяналт хийгддэг.
🔹 1. Хэт авиан шинжилгээ
✅Ургын эрхтэн, яс, нуруу, тархи, зүрх, дотор эрхтний хөгжлийг хянах
✅Хүйс, ургийн байрлал, ихэсийн байдал
✅Хэрэв шаардлагатай бол ургийн гажиг илрүүлэх шинжилгээ (AFP, hCG, Estriol) хийнэ.
🔹 2. Цусны даралт, жин хяналт
Эхийн жингийн өөрчлөлт, даралт ихсэлтийг хянаж, преэклампси (хордлого)-оос сэргийлнэ.
🔹 3. Давтан ерөнхий шинжилгээ
Цус, шээс дахин шинжилж, өмнөх үр дүнг баталгаажуулна.
III. Жирэмсний сүүлийн 3 сар (28–40 долоо хоног)
Төрөхөд бэлтгэх, ураг болон эхийн аюулгүй байдлыг баталгаажуулах үе шат.
🔹 1. Хэт авиан
Ургийн жин, байрлал, ихэсийн байдал, усны хэмжээ, хүй утас шалгах.
Төрөх замд саад байгаа эсэхийг тодруулах.
🔹 2. Хүүхдийн зүрхний бичлэг (КТГ)
Ургийн зүрхний цохилт, хөдөлгөөн, хүчилтөрөгчийн хангалтыг хянадаг.
🔹 3. Цусны шинжилгээ
Гемоглобин, глюкоз дахин шалгах – жирэмсний сүүл үед цус багадалт, чихрийн хяналт чухал.
Шээсний уураг жирэмсний хожуу хордлогыг илрүүлэхэд ашиглагдана.
🌸 Нийтлэг бус нэмэлт шинжилгээнүүд (эмчийн заавраар)
✅Глюкозын тэсвэрийн сорил(OGTT) жирэмсний чихрийн шижинг илрүүлэх
✅Бамбайн дааврын шинжилгээ (TSH, FT4) дааврын өөрчлөлт шалгах
✅Ургийн ДНХ шинжилгээ (NIPT) генетикийн гажиг илрүүлэх (жишээ нь Даун синдром) илрүүлэх.
Жирэмсний үеийн шинжилгээнүүд болон эрт хяналтанд орох нь:
1. Урагт эрт илэрч болох эмгэг, гажгийг тодорхойлох
2. Эхийн эрүүл мэндийг хамгаалах
3. Төрөхийн өмнөх хүндрэл, эрсдлийг багасгах
4. Эх, хүүхдийн амь насыг хамгаалах зэрэг чухал ач холбогдолтой юм.
Ээжүүдийн зөвлөгөө, мэдээлэл Хэрэгцээт бараа . #ШИНЖИЛГЭЭ АдминSS
