Дуран ба нүд

Огцрох Амархан жагсаал яг одоо
2025.06.02

Зураг дээрх ах хүүгээр бид бүгд бахархаж байгаа. Учир нь тэр эхний өдрөөс авхуулаад бидэнтэй хамт сууж байгаа бөгөөд өдөржин жагсагчдын яриаг сонсож идэвхтэй дэмжсээр орой залуусын уусан ус, ундааны савыг шуудайлаад харьдаг. Түүний эл үйлдлийг олон хоногийн турш тасралтгүй харсан хүний хувьд хэлэхэд үүнийг “Эх оронч” байна гэдэг юмаа.
Баярлалаа ахаа ❤️
Огцрох Амархан

Зураг дээрх ах хүүгээр бид бүгд бахархаж байгаа. Учир нь тэр эхний өдрөөс авхуулаад бидэнтэй хамт сууж байгаа бөгөөд өдөржин жагсагчдын яриаг сонсож идэвхтэй дэмжсээр орой залуусын уусан ус, ундааны савыг шуудайлаад харьдаг. Түүний эл үйлдлийг олон хоногийн турш тасралтгүй харсан хүний хувьд хэлэхэд үүнийг “Эх оронч” байна гэдэг юмаа.

Баярлалаа ахаа ❤️

Зургийг: Дуран ба нүд

#ОгцрохАмархан
#БуцахЦаг

Огцрох Амархан жагсаалын 26,27-ны өдрүүдэд авсан зурагнууд

Залуус маш гоё нэгдэж байгаа. Хөгжим тоглодог хөгжмөөө тоглож, зураг зурдаг нь зургаа бариад ирж байна. Дуулдаг нь дуулж, реппер хийдэг нь хийж зүгээр л тайван дэмжиж суугаа залуус ч бий. Гол нь тууштай байгаа залуус үнэхээр хүндлэл шүү. Ахиад онцлох зүйл гэвэл залуус жагсаал дээр ирээд ном уншиж, ажлаа хийж, хоорондоо танилцаж, туршлага солилцож, сургалтанд хамрагдаж, нэгнээсээ маш их зүйл суралцсан, үзэл бодлоо чөлөөтэй хуваалцсан тайван бас утга учиртай жагсаал болж байна аа.

Миний хувьд жагсаалыг бүтэн дуустал хамт байж чадахгүй байгаа. Олон хүчин зүйлс давхцаж байгаа. Гэхдээ боломжоороо цөөн хэдэн цаг хамт байгаад баримтжуулалт хийх гэж хичээх юм. Заримдаа яг явсаны дараа нөгөө хэл ам гаргадаг хүмүүс нь хөдлөхийн. Тэр үеийн зургийг уул нь авчихмаар байгаа юм.

Чадах чадах зүйлээрээ дэмжээд, оролцоод л байгаарай. Өнөөдөр бас 2 цаг хамт байна аа. Тэгээд дараагийнхаа ажил руу явна.

2025.05.26,27
Огцрох Амархан жагсаалаас

Ахиад л хэдэн хөгшчүүд цуглуулчихсан худ худ юм яриад л зогсож байна.

Огцрох Амархан жагсаалын 12 хоногт юу болж өнгөрөв!!!

#огцрохамархан жагсаал....
2025.05.22

Огцрох Амархан жагаалын 8 дахь өдрийг дүрсжүүллээ.

Өчигдөр үнэт зүйл, зарчимгүй, мөнгөөр худалдагдсан, сүнсгүй хүмүүсийн жагсаалтай нүүр тулсан, тэр болгоныг өөрсдийн хандлага, ёс зүй, үзэл бодол, хүнлэг чанар, тууштай байдал, нэгдмэл чанараараа залуус сөрж, давж гарч чадсан. Цааш үргэлжлэх өдрүүдэд ч бид чадах болно.

Төлбөртэй жагсагчид хоёр төрөл байв. Залуучууд нь ямар ч итгэл үнэмшилгүй, байр суурьгүй, ичгүүртэй байдалд өөрсдийгөө хүчээр оруулсан, тав тухгүй, үнэхээр өрөвдөлтэй харагдсан бол настайчууд нь мөнгө аваад сурчихсан, ичих нүүргүй, увиагүй, дэндүү хүнлэг бус, дээрэлхүү, бүдүүлэг, харанхуй хүмүүсээс бүрдсэн байв. Үнэхээр ичих, харамсах, ийм хүмүүс сонгуулийн массыг бүрдүүлэ байна гэж бодохоор огиудас хүрсэн тийм орой байв.

Гэвч залуус дуртай хөгжимөө сонсож, ёс зүйтэй байхыг шаардаж, аливаа хүчирхийллээс ангид байж, бүгдээрээ сууж, нэгнээ хүндэлж, бүүр дэндүү гайхалтай уур амьсгалыг бүрдүүлж, чадах чадах зүйлээрээ нэгнээ дэмжиж хамжиж, үзэл бодлоо бүхий л төрлөөр илэрхийлж, төлбөртэй жагсагчдаас өөрсдийгөө болон бусдыгаа хамгаалж, өдөөн хадгалагад автахгүйгээр маш сайн тэмцлээ.

Жагсаал чинь үзэл бодолтой, зорилготой, ёс зүйтэй, хэлж буй зүйлдээ итгэлтэй, хэлсэн үгэндээ эзэн байж, хариуцлага хүлээхэд бэлэн, бусдын орон зай, үзэл бодлыг хүндэтгэж, хамтдаа нэгдмэл дуу хоолойгоо хүргэж хамгийн гол нь бидний нэг долгион дээр байж чадаж буйгаараа төлбөртэй жагсагч нараас ялгаатай.

Бид ирээдүйнхээ төлөө яг одоо чин сэтгэлээсээ, үнэнчээр, ямар ашиг сонирхол харалгүйгээр ёс зүйг, хариуцлагыг шаардаж өдий хүртэл тэмцсэн. Тэмцсээр ч байх болно гэдгийг тодотгомоор байна.

#огцрохамархан #ОрлогооНотол #ОрлогооНотлохАмархан

Төлбөртэй жагсагчдаас илүү олуулаа болцгооё
#ОгцрохАмархан

#огцрохамархан жагсаалд илүү олуулаа нэгдээрэй.
2025.05.18,19

Нэгдүгээр сар миний хамгийн дургүй сар.

Яасан гэж би түүнд дургүйцнэ вэ?
Нэгдүгээр сард өр зүрхийг хайрах мэт
Хамгийн их хүйтэн болдог.

Өвчилсөн дурсамжийг үгдрээх мэт
Хамгийн их цас унадаг.
Цас биш, хөндүүр хөндүүр эмзэглэлүүд л
Цаана цаанаасаа, барагдаж дуусахгүй буудаг.

Нэг л тайвшрал –
Нэгдүгээр сарын одод хамгаас тод байдаг…
Үзэсгэлэнт хүйтэн цасны одод…
Одот цасны, цаст оддын хүйт…

Үгүй дээ, миний дургүй сар
Нэг сар биш юм байна.

Г.Аюурзана "Миний дургүй сарууд" шүлгийн хэсгээс

Гүн Г.Аюурзана