Ертөнц сургууль- Дөлгөөн нуур

02/10/2026

🌷 ЭРХЭМ ХҮНДЭТ БАГШ НАРТАА БАЯРЫН МЭНД ХҮРГЭЕ! 🌷

Хүүхэд бүрийн ирээдүйд гэрэл нэмэн, мэдлэг боловсрол, хүмүүжил, зөв үлгэр дуурайллаар үнэтэй хувь нэмэр оруулж байдаг эрхэм багш нартаа Багш нарын баярын халуун мэндийг өргөн дэвшүүлье. ❤️

Та бүхний хөдөлмөр, хичээл зүтгэл, тэвчээр, хайр халамжийн үрээр олон олон хүүхэд мөрөөдөлдөө хүрэх замаа олдог билээ.

🌸 Эрүүл энх, аз жаргалтай байж,
🌸 Эрч хүч, урам зоригоор дүүрэн байж,
🌸 Сурагчдынхаа амжилт, инээд хөөрөөр үргэлж бахархаж явахыг хүсэн ерөөе!

Эрдэм түгээж, ирээдүй бүтээдэг эрхэм багш нартаа Баярын мэнд хүргэе! 🎉💐

Хүндэтгэсэн,
Ертөнц сургуулийн хамт олон

01/10/2026

💌 БАГШДАА ЗАХИДАЛ ИЛГЭЭГЭЭРЭЙ! 💌

Хайр, талархал, хүндлэлээ хэдхэн үгээр илэрхийлээд багшдаа баяр хүргээрэй. 🥰

📮 Манай сургуулийн шуудангийн хайрцаг ажиллаж байна!
Захидлаа бичээд шуудангийн хайрцагт хийгээрэй. 💌
Таны захидал багшдаа хүрэх болно. 🌷

Багшдаа хэлж амжаагүй үгсээ захидлаар илгээе. ❤️

01/10/2026

🎉 СУРАГЧ БАГШ ӨДӨРЛӨГ 🎉

Жил бүр уламжлал болгон зохион байгуулдаг “Сурагч багш” арга хэмжээ маань маргааш зохион байгуулагдана. 👩‍🏫👨‍🎓

Сурагчид маань багшийнхаа үүргийг түр орлон, мэдлэг, авьяас, бүтээлч байдлаа сорих хөгжилтэй, дурсамжтай өдөртөө бэлэн үү? 💙✨

Маргааш уулзацгаая! 🌟

27/09/2026

🍂 ХҮҮХДҮҮДЭЭ ДУЛААН ХУВЦАСЛУУЛААРАЙ 🧣🧥

Даваа гарагаас цаг агаар сэрүүсэх тул эцэг эх, асран хамгаалагч та бүхэн хүүхдүүдийнхээ улиралд тохирсон дулаан хувцаслалтад анхаарна уу.

Дунд, ахлах ангийн сурагчдад ч мөн адил анхаарал хандуулж, өглөө, оройн сэрүүхэн цагт даарч хөрөхөөс сэргийлээрэй. 💙

🌿 Улирал солигдох үед дулаан хувцаслаж, эрүүл мэндээ хамгаалцгаая!

Ертөнц сургууль 🏫

24/09/2026

🍂 “АЛТАН НАМАР” СПОРТЫН ҮЙЛ АЖИЛЛАГАА 🏆

Хурд хүч, авхаалж самбаа, тэсвэр хатуужлаа сорьсон “Алтан намар” спортын үйл ажиллагаа амжилттай, эрч хүч дүүрэн болж өндөрлөлөө. 🏃‍♀️🏃‍♂️

🏆 Ахлах ангийн 7 төрлийн тэмцээнд:
🥇 Н.Лхагвасүрэн багштай 12А анги 6 алтан медаль хүртэж, “Шилдэг анги”-аар шалгаран шилжин явах цомын эзэн боллоо. 👏

🥈 Дэд байр: Р.Оюунцэцэг багштай 9А анги

🏆 Бага ангийн 7 төрлийн тэмцээнд:
🥇 Д.Тунгалаг багштай 3А анги хурд хүч, авхаалж самбаагаа сорин амжилттай оролцож, “Шилдэг анги”-аар шалгаран шилжин явах цомын эзэн боллоо. 👏

🥈 Дэд байр: У.Халиун багштай 3Б анги

Амжилт гаргасан нийт сурагчид, багш нартаа халуун баяр хүргэе! 🎉

Спорт бол зөвхөн өрсөлдөөн биш — эв нэгдэл, нөхөрлөл, тэсвэр хатуужил, өөртөө итгэх итгэлийг бий болгодог үнэ цэнтэй үйл ажиллагаа юм. ❤️

Цаашдын тэмцээн уралдаанд нь улам их амжилт хүсье! 🏆👏

Ертөнц сургуулийнхаа хүүхэд бүрт амжилт хүсье! 🌟

24/09/2026

👧🏻👦🏻 1–5 дугаар ангид STEAM-ийг хэрхэн хэрэгжүүлэх вэ?

Хүүхдийн нас, хөгжлийн онцлогт тохируулан тоглох, турших, бүтээх, ажиглах, асуулт асуух хэлбэрээр хичээллэнэ.

1–2 дугаар анги

* Өнгө, хэлбэр, хэмжээ, хөдөлгөөнөөр туршилт хийх
* Энгийн материал ашиглан бүтээл хийх
* Байгаль орчноо ажиглах
* Тоолох, хэмжих, харьцуулах
* Өөрийн санаагаар зураг, загвар бүтээх

3–5 дугаар анги

* Энгийн инженерийн загвар зохион бүтээх
* Шинжлэх ухааны жижиг туршилт хийх
* Математикийн мэдлэгээ бодит амьдралд ашиглах
* Технологийн хэрэгсэлтэй ажиллах
* Багаар асуудал шийдвэрлэх, бүтээлээ танилцуулах

💡 STEAM-ийн гол зорилго

STEAM хичээлээр дамжуулан хүүхэд:

Асуудлыг олж харна → асуулт асууна → санаа гаргана → туршина → алдаагаа засна → бүтээнэ → тайлбарлаж сурна.

Ингэснээр хүүхдийн логик сэтгэлгээ, бүтээлч байдал, багаар ажиллах чадвар, асуудал шийдвэрлэх чадвар, өөртөө итгэх итгэл зэрэг олон чадвар зэрэг хөгждөг.

🌟 Ертөнц сургуулийн STEAM

1–5 дугаар ангийн сурагчид хичээлээр олж авсан мэдлэгээ бодит зүйл дээр туршиж, өөрсдийн гараар бүтээж, үр дүнгээ бусадтай хуваалцах замаар суралцана.

“Зөв хариуг цээжлэхээс илүүтэй, зөв асуулт асууж, өөрөө шийдлийг олох” — STEAM сургалтын нэг чухал зарчим юм.

22/09/2026

📘 HSK – Хятад хэлний түвшин тогтоох олон улсын шалгалт

HSK нь хятад хэл сурч буй сурагчдын хэлний мэдлэг, чадварыг үнэлж, түвшнийг баталгаажуулдаг олон улсын шалгалт юм.

Шалгалтын гэрчилгээ нь сурагчдын хятад хэлний мэдлэгийг батлах, цаашид БНХАУ-д суралцах болон тэтгэлэгт хөтөлбөрт хамрагдах боломжийг бүрдүүлэхэд чухал ач холбогдолтой.

🌏 HSK 3.0 шинэ хувилбар

2026-2027 онд HSK 3.0 нь хятад хэлний түвшин тогтоох шалгалтын шинэчилсэн тогтолцоо эхэлж буй юм. Өмнөх 6 түвшний системийг 9 түвшин болгон өргөжүүлж, хэлний чадварыг илүү нарийвчлан өмнөх 2.0-р хувилбараас илүү хүндрүүлсэн хэлбэрээр үнэлэхээр боловсруулсан хувилбар юм.

Өнөөдөр Ертөнц сургууль маань HSK 3.0 шинэчилсэн хувилбарт зориулан гаргасан сурах бичгүүдийг захиалан авчирч, сургалтдаа ашиглаж эхлэх гэж байна.

Ертөнц сургуулийн сурагчид хятад хэлний мэдлэгээ шат дараатай ахиулж, HSK шалгалтад бэлтгэснээр ирээдүйд олон улсын боловсролын боломжоо нэмэгдүүлэх юм.

✨ Хэл сурна гэдэг ирээдүйдээ хөрөнгө оруулж буй хэрэг юм.

Ертөнц сургууль – Хамтдаа сурч, хамтдаа хөгжье!

19/09/2026

🍂 “АЛТАН НАМАР” СПОРТЫН ӨДӨРЛӨГ – 2026 🍂
Ертөнц сургуулийн 1–12 дугаар анги

Нэгэн сайхан өдөр, нэгэн сайхан дурсамж, нэгэн сэтгэлээр нэгдсэн Ертөнцийн гэр бүл… ❤️

Ертөнц сургуулийн 1–12 дугаар ангийн сурагчдын дунд зохион байгуулагдсан “Алтан намар” спортын өдөрлөг маань амжилттай, дурсамж дүүрэн сайхан болж өндөрлөлөө. Энэ удаагийн өдөрлөгөөр бид хамтын түүхийнхээ нэгэн шинэ хуудсыг нэмж, хүүхэд багачуудынхаа инээд хөөр, баяр баясал, нөхөрлөл, спортын эрч хүчээр дүүрэн нэгэн өдрийг хамтдаа бүтээлээ. 🍁

Жил бүр уламжлал болгон зохион байгуулдаг энэхүү өдөрлөгийг Ертөнц сургуулийн хамт олон, эрхэм хүндэт эцэг эх, асран хамгаалагчдынхаа сэтгэл, зүтгэл, дэмжлэгтэйгээр амжилттай хэрэгжүүлсээр ирсэн билээ.

Хүүхэд бүрийнхээ уралдан өрсөлдөж, хичээн зүтгэж, баярлан догдлох тэрхүү хөөрхөн агшнуудыг хамтдаа харж, уухайлан дэмжиж, халуун дулаан дурсамж бүтээлцсэн та бүхэндээ чин сэтгэлийн гүн талархал илэрхийлье. 💐

Хүүхдүүдийн маань инээд хөөр, эцэг эхчүүдийн маань халуун алга ташилт, багш ажилтнуудын маань нэгдмэл сэтгэл энэ өдрийг улам үнэ цэнтэй, мартагдашгүй болголоо.

Хамтдаа бүтээсэн дурсамж бүхэн бидний хамгийн нандин баялаг.
Ертөнцийн гэр бүлээрээ үргэлж нэгэн сэтгэлээр нэгдэж, хүүхэд бүрийнхээ аз жаргалтай, гэрэл гэгээтэй ирээдүйн төлөө хамтдаа урагшилцгаая! ❤️

🍂 Ертөнц сургууль — Хамтдаа хөгжье, хамтдаа бүтээе!

18/09/2026

17/09/2026

HSK шалгалтаа амжилттай өгсөн нийт сурагчдадаа халуун баяр хүргэе! 🎉👏

Хичээл зүтгэл, хичээлээ тогтмол хийсний үр дүнгээ батлан харуулж чадсанд нь баяртай байна. 🇨🇳📚
Цаашдын сурлага, хэлний мэдлэгт нь улам өндөр амжилт хүсье! 🌟

Амжилт үргэлж та бүхнийх байх болтугай! 💙