23/09/2026
❗️Бид боловсролын байгууллагын хувьд зөвхөн Монгол залуусыг Тайванийн топ, нэр хүндтэй их сургуулиудад суралцахад нь менторшип хөтөлбөрөөрөө дэмжээд зогсохгүй, суралцах хугацаанд нь оюутнуудын эрх, хууль ёсны боломжийг хамгаалахыг мөн чухал үүрэг гэж үздэг.
Саяхан зарим их сургуулиас олон улсын оюутнуудад зориулан зарласан тэтгэлэг болон бусад боломжийг эдлэх нөхцөл, шалгуурыг суралцах явцад нь өөрөөр тайлбарлах, хэрэгжүүлэхтэй холбоотой ойлгомжгүй нөхцөл байдал үүссэн тохиолдол гарлаа. Ийм асуудал гарсан үед бид оюутнуудыхаа эрх ашгийг л хамгаалах болно!
✨️ Юуны өмнө тухайн их сургуультай албан ёсны захидал харилцаагаар асуудлыг тодруулж, оюутны эрх ашиг болон зарласан нөхцөлүүдийн хэрэгжилтийн талаар нэгдсэн ойлголтод хүрэхийг зорин ажиллана. Шаардлагатай тохиолдолд асуудлыг холбогдох байгууллага, тухайн улсын боловсролын эрх бүхий байгууллагад хүргүүлэх зэрэг арга хэмжээг үе шаттайгаар хэрэгжүүлнэ.
Энэ нь бидний хувьд анхны тохиолдол биш. Өмнө нь ч мөн адил төрлийн асуудлыг цаг тухайд нь хөндөж, холбогдох талуудтай харилцан ажиллан шийдвэрлэж байсан.
Тиймээс Тайванийн их сургуулиудад суралцаж буй болон манай менторшип хөтөлбөрөөр дамжин суралцахаар явсан оюутнуудын хувьд:
□ Зарласан тэтгэлэг, санхүүгийн дэмжлэгийн нөхцөл зөрчигдөх
□ Анх мэдээлсэн боломж, нөхцөл нь суралцах явцад үндэслэлгүйгээр өөрчлөгдөх
□ Олон улсын оюутнуудад олгохоор зарласан боломжийг адил тэгш эдлүүлэхгүй байх
□ Суралцах орчин, үйлчилгээ, эрхтэй холбоотой ойлгомжгүй эсвэл шударга бус нөхцөл үүсэх зэрэг асуудал тулгарвал бидэнд заавал мэдэгдээрэй.
Бидний ажил зөвхөн их сургуульд элсүүлээд л дуусдаггүй. Анхны зөвлөгөөнөөс эхлээд, оюутан Тайваньд суралцах хугацаанд нь хүртэл шаардлагатай үед нь хамт байж, эрх ашгийг нь хамгаалах нь бидний менторшип хөтөлбөрийн нэг хэсэг юм.
