Япон хэл сургалтын төв Yu Language Ulaanbaatar

Японы NHK телевизийн Нийгата салбарын сэтгүүлч Ямашита Каори сан япон хэлний нээлттэй хичээлд оролцож, хичээл заав.☺️

2026 оны 6 дугаар сарын 19-ний өдөр Японы үндэсний телевиз болох NHK-ийн Нийгата салбарын сэтгүүлч Ямашита Каори сан манай төвийн үйл ажиллагаатай танилцлаа. 🫧

Мөн суурьтай анхан шатны анги болон N3 түвшний ангиудын нээлттэй хичээлүүдэд оролцож, хичээл заав. 📖

Төвийн үйл ажиллагаатай танилцан, цаг зав гарган хүрэлцэн ирж хичээлд оролцсон Ямашита Каори санд халуун талархал илэрхийлье. Мөн хичээлдээ идэвх санаачилгатай оролцсон нийт суралцагчдадаа баярлалаа. 🥰

Сурлагын өндөр амжилт хүсье!🙋‍♀️✉️

NHK新潟放送局の山下佳織さんが本校で日本語を教えてくださいました。

2026年6月19日、日本の公共放送であるNHK新潟放送局のアナウンサー、山下佳織さんが本校を訪問されました。授業を見学され、初級コースおよびN3コースの授業で日本語を教えてくださいました。

お忙しい中、本校にお越しいただき心より感謝申し上げます。

JLPT шалгалтын "Уншлагын хэсэг" дээр өндөр оноо авахад тань туслах 3 зөвлөмж

Уншлагын 3 чухал арга
Эдгээр аргыг мэдсэнээр шалгалтын цагаа илүү үр ашигтай ашиглах боломжтой.

1. Гарчиг болон эх сурвалжийг шалгах

Асуултыг уншиж эхлэхээс өмнө эхийн гарчиг болон эх сурвалжийг заавал хараарай.
Гарчгийг харах нь тухайн текст ямар сэдвийн тухай болохыг урьдчилан ойлгоход тусалдаг.
Ерөнхийдөө дараах дарааллаар ажиллахыг зөвлөж байна.
Гарчиг харах → Асуулт унших → Сонголтуудыг харах.
Ингэснээр юу хайж унших ёстойгоо урьдчилан мэдэж чадна.

2. Холбох үгсэд анхаарч унших

Уншлагын даалгаврыг хийхдээ холбох үгсийг анхааран унших хэрэгтэй.Холбох үг тааралдах бүрт: доогуур нь зурах, эсвэл дугуйлбал сайн.

① 「しかし」「ところが」「けれども」 (Гэвч, Харин, Хэдийгээр)
Жишээ: 「〜です。しかし、私は〜です。」Эдгээр үгийн дараа зохиогчийн хамгийн
чухал санаа гарах нь элбэг байдаг.

② 「さらに」「そのうえ」(Цаашлаад, Түүнээс гадна)
Эдгээр нь өмнөх санаан дээр нэмэлт мэдээлэл оруулах үед хэрэглэгддэг. Зохиогч өөрийн санааг хүчтэй болгох, нэмэлт үндэслэл гаргах үед их ашигладаг.

③ 「つまり」「すなわち」(Өөрөөр хэлбэл, Тодруулбал)
Эдгээр нь өмнөх өгүүлбэрийг өөр үгээр тайлбарлах үед хэрэглэгддэг.
「つまり」 болон 「すなわち」-ийн өмнөх ба дараах хэсэг ихэвчлэн ижил утгыг илэрхийлдэг. Тиймээс зохиогчийн онцлох гэсэн санааг ойлгоход тусалдаг.

④ 「だから」「したがって」(Тиймээс, Иймд)
Эдгээрийн дараа ихэвчлэн дүгнэлт гардаг. Харин өмнөх хэсэг нь тухайн дүгнэлтийн шалтгаан, үндэслэл болдог.

3. 5W1H-д анхаарах
Уншлагын асуултанд хариулахдаа дараах зүйлсийг байнга шалгаж байх хэрэгтэй.

Who (Хэн?), What (Юу?), When (Хэзээ?), Where (Хаана?), Why (Яагаад?), How (Яаж?)

Өөрөөр хэлбэл:
Хэн юу хийсэн бэ?
Хэний мэдрэмжийг ярьж байна вэ?
Хэн ямар зүйл хэлсэн бэ?
гэдгийг тодорхой ойлгож унших шаардлагатай.

Ялангуяа: 「れる」, 「られる」зэрэг бусдаар үйлдүүлэх хэлбэр гарч ирэхэд анхаараарай.

Учир нь:
Хэн үйлдэл хийсэн бэ?
Хэн хэлсэн бэ?
Хэний мэдрэмжийг илэрхийлж байна вэ?
гэдгийг андуурах магадлалтай байдаг.

Дүгнэлт
JLPT-ийн уншлагын хэсэгт өндөр оноо авахын тулд:
・Гарчиг болон эх сурвалжийг эхлээд шалгах
・ Холбох үгсийг тэмдэглэж унших
・ 5W1H болон үйлдлийн эзнийг тодорхойлох гэсэн 3 аргыг тогтмол ашиглах
хэрэгтэй.

Эдгээр дадал хэвшвэл текстийн гол санааг хурдан олж, шалгалтын хугацааг хэмнэж өгнө.

Та бүхэн япон мэдээллийн эх сурвалжтай бүрэн танилцахыг хүсвэл доорх линкээр
нэвтэрнэ үү.

Эх сурвалж: https://nihongocafe.jp/japanese-language-education-11/

Япон хэл сонирхон суралцаж буй нийт сурагчдадаа шалгалтад нь амжилт хүсье! Үлдсэн 2 долоо хоногийн хугацаанд сурсан мэдлэгээ бататгаад аваарай.

Сайн байцгаана уу?

📮JLPT Бэлтгэл тестийн анги маань түвшин тус бүрд хяналтын тоо дүүрсэн болно.
Ингээд 6 сарын 8-ний Даваа гариг буюу өнөөдрөөс сургалт маань албан ёсоор эхэлж байна.

Нийт сурагчдадаа амжилт хүсье! ✉️☺️
Хичээнгүйлэн суралцаарай☺️

Жич: N2 ангийн сургалт 6/9-с эхэлж байгаа болно.

Сайн байцгаана уу? Шалгалт болоход ердөө 1САР үлджээ!
JLPT-ийн үгийн сангаа сайжруулах нь шалгалтын өндөр босгыг давах МАШ ЧУХАЛ АЛХАМ юм.

JLPT үгийн сан нь үгийн сан-дүрэм, уншлага, сонсгол гэсэн 3 хэсгийн суурь болдгоороо маш чухал ба шалгалтад тэнцэх эсэхэд шууд нөлөөлдөг. Тиймээс үгийн сангаа нэмэгдүүлэх
нь бүх хэсгийн оноог нэмэгдүүлдэг.

Түвшин бүрт шаардлагатай үгийн сан (N5–N1) Хуучин шалгалтын стандартаар:
N5: ойролцоогоор 800 үг
N4: ойролцоогоор 1,500 үг
N3: ойролцоогоор 3,000 үг
N2: ойролцоогоор 6,000 үг
N1: 10,000+ үг байдаг байна.

Үгийн сангаа сайжруулахын тулд: Тодорхой зорилго, нарийн төлөвлөгөө гаргах хэрэгтэй. Жишээ нь: “1 сарын дотор 300 үг сурах” гэх мэт тодорхой зорилго тавих хэрэгтэй.

Үр дүнтэй төлөвлөгөө гаргах арга:
1/Шалгалтын өдрөөс урвуу тооцоолж хуваарь гаргах
2/ Өдөр бүр сурах цаг гаргах (ажлын өдөр: 30 минут, амралтын өдөр: 1 цаг)
3/ Долоо хоног, сараар зорилго тогтоох,
4/ Ахиц дэвшлээ тогтмол шалгах
Төлөвлөгөөтэй суралцснаар цагийн зөв менежмент, урам зоригоо хадгалах, ахиц дэвшлээ харах, сул талдаа төвлөрөх боломж олгодог.

Тархины шинжлэх ухаанд суурилсан үг цээжлэх 3 арга:
1. Зураг ашиглах - Хүний тархи зураг, дүрсийг илүү сайн тогтоодог.
2. Ангилж цээжлэх - Тархи холбоотой мэдээллийг бүлэглэж цээжлэхдээ сайн.Тиймээс, утгаар нь, сэдвээр нь, үгийн гарал үүслээр нь ангилж суралцах хэрэгтэй.
3. Давтамжтай сэргээн санах (SRS) - Хүний тархи 1 цагийн дараа тал хувийг, 1 өдрийн дараа 70%-ийг мартах хандлагатай байдаг. Тиймээс тодорхой хугацааны зайтай давтах “Spaced Repetition System (SRS)” маш үр дүнтэй. Апп ашиглавал автоматаар давтлага хийдэг тул илүү тохиромжтой.

JLPT-д үр дүнтэй үгийн сан сурах аргууд
1. Сууриа бэхжүүлэх - JLPT-д бэлтгэж үгийн дэвтэр ашиглах нь үр дүнтэй.
2. Практик чадвар нэмэх - Бодлого, манга ашиглах, JLPT-ийн өнгөрсөн шалгалт дасгалын номоор бэлтгэх, контекстээс үг сурах нь илүү сайн тогтдог.
3. Апп ашиглан үр дүнтэй сурах - Хэд хэдэн апп хослуулж ашиглах нь илүү үр дүнтэй.
4. Сонсголоо хөгжүүлэх: Онлайн хэрэгсэл ашиглах, япон мэдээ, подкаст сонсох, сонссон яриагаа араас нь дагаж чангаар хэлэх “shadowing” хийх.

JLPT-ийн өнгөрсөн шалгалт ба туршилтын шалгалтын ач холбогдол нь өнгөрсөнд авсан шалгалтын материалыг хийх нь асуултын хэв маяг ойлгох, цаг хуваарилах, сул талаа олох, жинхэнэ шалгалтад дасах давуу талтай. Ингэхдээ, алдсан
үгийг онцгойлон давтах хэрэгтэй.

JLPT-д тэнцэхийн тулд хийх 7 арга:
1. Өөрийгөө шинжлэх – Хэсэг бүрийн оноогоо шалгах
2. Сул талаа сайжруулах – Өнгөрсөнд гарсан шалгалтыг дахин хийх
3. Цагийн менежмент – Туршилтын шалгалт өгөх
4. Асуултын хэв ойлгох – Өнгөрсөнд гарсан шалгалтыг ажиллах
5. Үгийн сан нэмэх - Үгийн дэвтэр, апп ашиглах
6. Практик япон хэл - Япон медиа, подкаст сонсох
7. Эрүүл мэнд - Сайн унтаж, дасгал хийх

Дүгнэлт:
JLPT-д тэнцэхийн тулд үгийн сангаа сайжруулах нь хамгийн чухал зүйлсийн нэг юм. Тодорхой зорилго, төлөвлөгөө гаргаж, өөрт тохирсон арга барилаар тогтмол суралцах нь
амжилтын түлхүүр юм. Мөн өдөр тутамдаа япон хэл тогтмол ашиглах нь үгийн сангаа нэмэгдүүлэх хамгийн сайн арга гэдгийг санаарай.

Та бүхэн япон мэдээллийн эх сурвалжтай бүрэн танилцахыг хүсвэл доорх линкээрнэвтэрнэ үү.
Эх сурвалж: https://nihongocafe.jp/jlpt-study-guide/
Баярлалаа.

Сайн байцгаана уу? манай төвийн ХАМГИЙН ХҮЛЭЭЛТТЭЙ анги болох 7 сарын JLPT шалгалтын тестийн БЭЛТГЭЛ АНГИЙН бүртгэл явагдаж байна.

Элсэлтийн бүртгэл 06 сарын 5 хүртэл явагдана.
\жич: урьдчилсан бүртгэлээр анги тус бүрт эхний 15 хүүхдийг авахыг анхаарна уу\

Бүртгүүлэх холбоос: https://forms.gle/GDo3kBky7MnihSM69

Сургалтын үргэлжлэх хугацаа: 2026.06.08-06.29 хүртэл нийт 9 орот бүхий 3 долоо хоног үргэлжлэх сургалт

Хичээллэх түвшин: N5, N4, N3, N2
・Хичээлийн хуваарь N5 түвшин: 6\8-6\26 хүртэл
Даваа Лхагва Баасан гаригуудад 18:00-20:00
・Хичээлийн хуваарь N4 түвшин : 6\8-6\25 хүртэл
　Даваа Лхагва 16:00-18:00,Пүрэв 18:00-20:00
・Хичээлийн хуваарь N3 түвшин 6\8-6\26 хүртэл
　Даваа Лхагва 18:00-20:00, Баасан 16:00-18:00
・Хичээлийн хуваарь N2 түвшин 6\9-6\21хүртэл
　Мягмар Пүрэв Баасан гаригуудад 18:00-20:00

Төлбөр: Бүх түвшин ердөө 180,000 төгрөг

Энэхүү бэлтгэл анги нь сурсан мэдлэгээ богино хугацаанд үр дүнтэйгээр бататгах боломжийг олгодгоороо жил бүр хамгийн их хүлээлттэй сургалтуудын нэг болдог.　

Хичээлийн хүрээнд JLPT-ийн жишиг тестүүд дээр тогтмол ажиллаж, бодит шалгалтын орчинд дасахын зэрэгцээ шалгалтын зөв арга барилд суралцах боломжтой. Мөн “яг бодит шалгалтын урт хугацааны ачаалал”-д өөрийгөө бэлдэх, цагийн менежментээ сайжруулахад онцгой ач холбогдолтой.

Түүнчлэн багш нараасаа хувийн зөвлөгөө авч, давтамжтай тестийн үр дүнгээр өөрийн дутагдалтай хэсгээ тодорхойлон ажиллах давуу талтай. Ялангуяа уншлагын хэсгийг илүү хурдан, зөв бөглөх арга барил эзэмшиж, мэдлэгээ бататган оноогоо ахиулахад тань тусална.

Та бүхэн амжиж бүртгүүлээрэй.

Байршил: Баянзүрх дүүрэг, 13-р хороолол, Шинэ Монгол Технологийн Их Сургууль, 2-р давхар,207 тоот
Холбоо барих: 9969-0845, 86964616 \хэрэв танд тодруулах зүйл байвал дээрх дугаарт холбогдоно уу

Баярлалаа

See less

ТАЛАРХАЛ🔆

Зорилгодоо үнэнч, тууштай сурагчиддаа болон эрхэм багшдаа талархал илэрхийлье!❣️

2026 оны 2 дугаар сарын 02-ны өдрөөс 5 дугаар сарын 09-ний хооронд Шинэ Монгол сургуулийн 10-р ангийн 17 сурагч маань "Yu Language" япон хэлний сургалтын төвийн 「JLPT N4」 түвшний сургалтад хичээлийн бус цагаар амжилттай хамрагдаж, төгслөө.🥰

Шинэ Монгол сургуулийн сурагчдын хувьд үндсэн хичээл, дугуйлан, секц гээд цаг нартай уралдсан завгүй хуваарьтай байдаг билээ. Гэвч тэд маань өөртөө өндөр шаардлага тавин, 2025-2026 оны хичээлийн жилд япон хэлээ тууштай суралцаж чадлаа.

Багш хүний нүдээр харахад, ирээдүйд ямар ч ачааллыг даах чадвартай, оюутан болоход аль хэдийн бэлтгэгдсэн тууштай зан чанар тэднээс харагддаг бөгөөд бахархах сэтгэл төрж байсныг дурдахад таатай байна.✉️

Хичээнгүй, эрмэлзэлтэй хөөрхөн сурагчиддаа гүн талархал илэрхийлье.🤩

Үүний зэрэгцээ, эдгээр сурагчдыг 2025-2026 оны хичээлийн жилийн намрын улиралд N5 түвшинд, хаврын улиралд N4 түвшинд тасралтгүй удирдан чиглүүлж, өөрийн цаг заваа харамгүй зориулсан манай төвийн хамтран ажиллагч, Шинэ Монгол сургуулийн япон хэлний багш Түвшинжаргал багшдаа халуун талархал илэрхийлье!🙇🏼‍♀️🙇🏼‍♀️🙇🏼‍♀️

Энэ жил багшийн маань удирдлага дор нийт 17 сурагч амжилттай сурч төгслөө.🥰

Та бүхэндээ тун удахгүй болох 7 сарын JLPT шалгалтаа амжилттай өгч, ирэх намар N3 түвшний ангидаа эргэн уулзахын ерөөл өргөе!🙋‍♀️☺️