Ev social tv

Эрэлт нь буурсан илүүдэлтэй мэргэжлүүд

‼️Хуульч
‼️Эдийн засагч
‼️Нягтлан бодогч, санхүү, бизнесийн удирдлага
‼️Түүхч, философич, улс төр судлаач
‼️Сэтгүүлч, нийгэм судлаач, бизнесийн удирдлага

...Дөчин түмэн Монгол улсынхаа
Нэр төрийг аван суусан
Дөрвөн хаалгат дөрвөлжин их Дайду хот минь... (Тогоонтөмөр Ухаант хааны гэмшлийн шүлгээс)

ХАРХОРУМ

У.Эрдэнэбат багшдаа зориулав.

Дэрсэн хэвнэгээр хучуулж
Хөрсөн дороо зүүрмэглэсэн
Боржин мэлхийгээр мануулж
Арван жарнаар зүүдэлсэн

Хархорум минь
Хаадын сүнс минь
Дэлхийн хот минь
Дээдсийн сүр минь

Өндөр хааны зарлигаар
Өгэдэй эзний дэлдүүлсэн
Очир эрдэнийн өнгөтэй
Орхоны гэрэлт сувд минь

Жаргалын умдаан сөгнөсөн мөнгөн модтой
Жаран дөрвөн баганат Түмэн-Амгалант харш
Гурван цагийн мянган бурхан заларсан
Гурван зуун тохой өндөр Цогт-Асар сүм минь

Зүсэн зүйлийн бараагаа магтан хашхирах
Зүг зүгийн худалдаачдын дуу тасраагүй
Алт мөнгө хайлж, зэр зэвсэг дархлах
Алх дөш, хөөргийн чимээ сарниагүй

Мяндсан торго, нарим тутарга олох гэж
Мянган бээрийг туулж явсан нүүдэлчид
Их хотынхоо дөрвөн үүдний зээлээс
Эд агуурсын дээдийг голж шилж авна

Орхон голоос залж хашсан татмал цөөрөм
Олзны хүний хөлс шингэсэн хөх тоосгон зам
Олон зуунаар гэрэлт хөшөө үүрэх мэлхийг
Олборлож урлаад түрж авчрах мөсөн харгуй

Орчлонгийн охь баялгийг ачиж нүүхгүйн учир
Оньсолж орхидог эрдэнэсийн сан хөмрөг
Хаа холоос зүдэж ирсэн элчийг алмайруулж
“Хаан эзгүй нүүж яваа, араас нь оч” гэх үг

Түм түжигнэж, бум бужигнасан
Дөрвөлжин хэрэмт балгас минь
Их хотын жавхлан бүрдсэн
Их хөлийн газар минь

Хайсан хааны үеэс “Давааны ар” гэж чамлагдсан ч
Хашир таниагүй хунтайжийг хаан сууринд хүргэсэн
Мингийн их цэрэгт хоёронтоо галдуулж эзгүйрсэн ч
Миний дээдсийн нийслэл орхигдож явсан удаагүй

Гэзэг үс даахируулсан Өлийн түрэмгий салхи
Гийчдийн нүд хужирласан Маамуу толгой, Тосох орд
Харуулын цэрэг шивээлсэн Цагдуултын намхан уулс
Хангайн нурууны эхлэл Шарга-Азарга хайрхан минь

Хааны ордны туурин дээр хотын тоосгоор урласан
Халхын шүтээн Эрдэнэзуу, Цогчин их дуган минь
Алсаас сүслэхэд ивээдэг зуун найман суварга
Абтай ханы үүрч ирсэн Гомбогүр сахиус минь

Цадиг түүхт нүүдэлчдийн мянган суурины нэг
Санаандаа тээж явдаг Хорумхан балгас минь
Цагийн ирийг эмтэлсэн мөнхийн их нийслэл
Цагийг эзэлсэн их хаадын суу заль минь

Улаанбаатар 2025 он. До.Болдхуяг