A Right Scholarship

Зөв Тэтгэлэг Сангийн үүсгэн байгуулагч, эрхэм багш Ажиа Гэгээн өөрийн амьдрал, намтрын тухай өгүүлсэн “Алтан бумбын андуурал” номын нээлт 4 дүгээр сарын 1-ний өдөр амжилттай болж өнгөрсөн билээ.

Нээлтийн баярын дараа өнөөдөр сангийн оюутан, төгсөгчид маань багшдаа хүндэтгэл үзүүлэн золгож, халуун дулаан уулзалт өрнүүллээ.

Ажиа Гэгээн маань оюутнууддаа хичээл сурлагын амжилт хүсэж, ном уншихын ач тус, тайвшрах арга барилын талаар үнэтэй сургаалаа айлдсан нь бидний сэтгэлд гүн үлдсэн сайхан үйл явдал боллоо.

Arjia Rinpoche

🗓 3-р сарын 1-ний өдөр зохион байгуулагдсан Wisdom Sharing Session: “Логик үнэний хүснэгт буюу хэлийг тооцоолж болох уу?” сургалт амжилттай болж өндөрлөлөө ✨

🎤 Зочин илтгэгчээр Санхүү, эдийн засгийн их сургууль-ийн багш, Флоренцийн их сургууль-ийн Логик, философийн магистр Б. Пүрэвнамжил хүрэлцэн ирж логикийн шинжлэх ухааны суурь ойлголтууд, хиймэл оюун ухаан хэрхэн ажилладаг 🤖 болон хүний хэлийг хэрхэн ойлгодог талаар сонирхолтой, өгөөжтэй мэдлэгийг Зөв Тэтгэлэг Сангийн 3, 4-р түвшний оюутнуудад хуваалцлаа.

Үнэтэй цагаа зориулан бидэнтэй мэдлэг, туршлагаа хуваалцсан Пүрэвнамжил багшдаа талархал илэрхийлье.

2026 оны анхны эвент 2 дугаар сарын 1-ний өдөр оюутан залуучуудад бэлгийн боловсрол олгох зорилготой 2 сургалтаар эхэллээ.

👩‍⚕️“Эмэгтэйчүүд ба нөхөн үржихүйн эрүүл мэнд” сэдэвт сургалтыг АШИУС-ийн АУС-ийн Эх барих, эмэгтэйчүүд судлалын тэнхимийн эрхлэгч, Анагаах ухааны доктор, дэд профессор Б.Болорчимэг багш удирдан бөгөөд сургалтаар:

* Зөв зохистой, тэнцвэртэй амьдрал ба гэр бүл төлөвлөлт
* Эмэгтэйчүүдийн жирэмслэлтээс хамгаалах арга, эрүүл аюулгүй байдал
* Нөхөн үржихүйн насны эмэгтэйчүүдийн өмнө тулгардаг бодит сонголтуудыг кейс, туршлагад тулгуурлан хэлэлцэв.
Бидэнд үнэтэй хувь нэмэр оруулсанд чин сэтгэлийн талархал илэрхийлье.

👨‍⚕️🩺 “Эрэгтэйчүүд ба бэлгийн эрүүл мэнд” сэдэвт сургалтыг Хүний их эмч Дашням удирдан явуулж, эрэгтэйчүүдийн бэлгийн эрүүл мэндэд нөлөөлөх хүчин зүйлс, анхаарал болгоомжгүй байдлаас үүдэх эрсдэлүүд, ялангуяа бэлгийн замын халдварт өвчний талаарх чухал мэдээллийг ойлгомжтой байдлаар хүргэлээ.

Ажиа Гэгээний Зөв Тэтгэлэг Сангийн нийт оюутан, төгсөгч болоод элч хандивлагч, дэмжигч та бүхэндээ шинэ жилийн баярын мэндийг дэвшүүлж байна. Ирэх 2026 ондоо инээд хөөр, аз жаргал, амжилт бүтээлээр дүүрэн байхыг хүсье! 🎄✨

Ажиа Гэгээний “Зөв Тэтгэлэг” сангийн
“Хүслийн шинэ жил – 2026” арга хэмжээ амжилттай зохион байгуулагдлаа.

Volunteer Hub дээр зохион байгуулагдсан уг шинэ жилийн арга хэмжээнд нийт 76 оюутан идэвхтэй оролцож, дурсамж дүүрэн, халуун дулаан уур амьсгал бүрдлээ.

Түүнчлэн төгссөн ангийн ах, эгч нар болох Болор-Эрдэнэ, Нандин-Эрдэнэ, Эрдэнэ-Тулга, Дашням, Мөнхчимэг, Анударь, Намуун-Дөлгөөн нар хүрэлцэн ирж, арга хэмжээг илүү утга учиртай болгоход үнэтэй хувь нэмрээ оруулсонд талархал илэрхийлье.

Мөн манай шинэ жилийн арга хэмжээнд хүрэлцэн ирсэн үүсгэн байгуулагч Саранчулуун, сангийн захирал Батгэрэл, спонсоруудыг төлөөлөн оролцсон Базарсүрэн, Сангийн зохицуулагч-Хандмаа нарт чин сэтгэлийн талархал илэрхийлье.

Арга хэмжээний хүрээнд оны шилдэг оролцогчдыг шалгаруулж, азтануудыг тодруулсан бөгөөд оролцогчид хамтдаа инээд хөөр, дурсамжаар дүүрэн, үр өгөөжтэй нэгэн үдшийг өнгөрүүллээ.

Арга хэмжээг амжилттай зохион байгуулахад оролцсон нийт оюутнууд, зочид, хамтран ажиллагч та бүхэнд талархал илэрхийлж, ирж буй шинэ ондоо эрүүл энх, аз жаргал, амжилт бүтээлээр дүүрэн байхыг хүсэн ерөөе.

✨ “Номын хэлэлцүүлэг – 2025”

🎉 Бидний долоо дахь үйл ажиллагаа болох “Номын хэлэлцүүлэг” 2025 оны 11-р сарын 29-ний өдөр амжилттай зохион байгуулагдсаныг та бүхэнд дуулгахад тун таатай байна.

🎉 Энэ удаагийн хэлэлцүүлгээр Японы алдарт зохиолч Кавагүчи Тошиказүгийн 2015 онд хэвлэгдсэн “Кофе хөрөхөөс өмнө” нэртэй бүтээлийг сонгон, түүний утга санааг гүнзгийрүүлэн ойлгох, уншсан сэтгэгдлээ солилцох, уран сэтгэмжээ илэрхийлэх зорилготой таван өртөөт үйл ажиллагааг дараах байдлаар хэрэгжүүллээ:

1-р өртөө : Мэдрэмж, сэтгэгдлээ хуваалцах
2-р өртөө : Дүрүүдийн талаар ярилцах
3-р өртөө : Үг бүтээх
4-р өртөө : Дүрийг үйл хөдлөлөөр илэрхийлж таах
5-р өртөө : Өнгөрсөн эсвэл ирээдүйн өөртөө захидал бичих

🎉 Энэхүү өдөрлөг нь оюутан бүрийн идэвх, бүтээлч сэтгэлгээг дэмжсэн, нээлттэй, хөгжилтэй уур амьсгалтайгаар өрнөж өндөрлөлөө.

Хүндэтгэсэн: BOOK CLUB 📘

“Санхүүгийн сахилга бат ба төлөвлөлт” эвент маань 11-р сарын 15-нд амжилттай зохион байгуулагдлаа.

Энэ удаагийн эвентэд банк, санхүүгийн салбарт олон жилийн туршлагатай, өөрийн бизнесийг амжилттай удирдан явуулж буй Цолмон ах маань өөрийн амьдралын түүх, бодит туршлагаас хуваалцан, халуун дотно ярилцлага өрнүүлсэн юм.

Бид энэхүү уулзалтаар дамжуулан passive (идэвхгүй) орлого гэж юу болох, түүний төрөл, онцлог, давуу болон сул талуудын ерөнхий ойлголттой боллоо.
Мөн олон төрлийн орлогын эх үүсвэртэй байх нь санхүүгийн хувьд төдийгүй өвдөх, аялах, амрах гэх мэт ямар ч нөхцөлд бидэнд давуу талтай байх боломжийг олгодог аж.

Нэг газар удаан “таг” зогсох нь өсөлт, хөгжилд саад болдог тул өөртөө үргэлж шинэ сорилт бий болгож, шинэ мэдлэг, шинэ оролдлогоор өөрийгөө хөгжүүлэх нь чухал гэсэн хүндэт зочны маань үнэтэй захиасаар бидний 6 дахь эвент өндөрлөлөө.

💛 Бидний 5 дахь эвент

11-р сарын 8-ны үдэш “Үхсэн найрагчдын нийгэмлэг” хэмээх сонгодог бүтээлийг хамтдаа үзэж, мэдрэмж, сэтгэгдлүүдээ хуваалцан халуун дулаан үдэш өнгөрүүллээ.

🎬 “Dead Poets Society” (1989) кино нь оюутнуудад чөлөөтэй сэтгэх, өөрийн мөрөөдөл, дуу хоолойгоо олоход урам зориг өгдөг бүтээл юм.

👥 Өдөрлөгийг амжилттай зохион байгуулсан ARS Кино клубийн гишүүд, дэмжлэг үзүүлсэн хамт олон, мөн халуун сэтгэлээр хүрэлцэн ирсэн оюутнууддаа чин сэтгэлийн талархал илэрхийлье!

💬 Киноны талаарх өөрийн сэтгэгдэл, мэдрэмжээ энэ постын дор хуваалцаарай — таны бодол бусдад урам зориг өгөх болно. 🌿

✨ 2025–2026 оны үйл ажиллагааны хөтөлбөрийн гурав дахь эвент амжилттай болж өнгөрлөө!

11 дүгээр сарын 1-ний хагас сайн өдөр Сангийн үүсгэн байгуулагч, зохицуулагч О.Саранчулуун багш маань 49 оюутантай санал солилцох уулзалт хийж, оюутнуудад маш чухал, сонирхолтой мэдээлэл хүргэлээ.

📘 Уулзалтын үеэр багш маань Улсын Их Хурал болон гишүүдийн үйл ажиллагаа ямар хууль, дүрмийн дагуу явагддаг, тэд бодит амьдрал дээр хэрхэн ажилладаг, мөн энэ талаарх үнэн бодит, найдвартай мэдээллийг хаанаас авах боломжтой талаар дэлгэрэнгүй тайлбарлаж, оюутнуудын сонирхсон асуултад хариулсан юм.

💬 Энэхүү уулзалт нь оюутнуудад нийгмийн оролцоогоо нэмэгдүүлэх, иргэний мэдлэгээ дээшлүүлэхэд үнэтэй хувь нэмэр оруулсан ач холбогдолтой арга хэмжээ байлаа.