Нийслэлийн ерөнхий боловсролын Улаанбаатар сургууль

Шагай шигээ эвтэй найртай,
Шандас шигээ бат бэх хийморьтой,
Сум шигээ шулуун зам мөртэй
Сар шинэдээ сайхан шинэлээрэй.

Сурагчийн зөвлөлийн дарга Г.Дашням Ахмад настны хөгжлийн төвд очиж, сайн үйлсийн аян зохион байгуулсан талаараа сурагчдад тайлагнав.
Сайн үйлсийн аяны хүрээнд бүх багш, сурагчид, эцэг эх асран хамгаалагч харгалзан дэмжигч мөнгөн хандив өргөсөн бөгөөд чин сэтгэлийн талархал илэрхийлье.

Өнөөдөр захирал багш маань сурагчдад сайхан үг, зөв харилцаа ямар их хүчтэй вэ гэдгийн тухай ярилцлаа.
Сайхан үг нь урам өгч, итгэл төрүүлж, нэгнээ ойлгоход тусалдаг билээ.
Хүүхэд бүртээ сайхан үгээр хандацгаая 🌱

ШИНЭ ОНЫ МЭНДЧИЛГЭЭ

Эрхэм хүндэт багш нар, сурагч
эцэг эх, асран хамгаалагч та бүхэндээ улиран одож буй он бидэнд хамтын хүч, хичээл зүтгэл, сурч хөгжсөн олон сайхан мөчийг авчирлаа. Та бүхний дэмжлэг, хамтын ажиллагааны үр дүнд манай сургууль тасралтгүй урагшилж, сурагчид маань мэдлэг чадвараа ахиулсан амжилттай жилийг үдэж байна.

Ирж буй шинэ он та бүхэнд эрүүл энх, аз жаргал, амжилт бүтээл, сайн сайхан бүхнийг авчрах болтугай. Сурагчид маань сурлага, хүмүүжилдээ улам шамдан, багш нар маань эрхэм үйлсдээ амжилт гарган, эцэг эх, асран хамгаалагчид та бүхэн үр хүүхдүүдийнхээ бахархал болсон сайхан жилийг угтаасай хэмээн хүсэн ерөөе.

Шинэ ондоо бид хамтдаа илүү ихийг бүтээж, илүү өндөр зорилгод хүрнэ гэдэгт итгэл дүүрэн байна.
Та бүхэндээ шинэ оны мэнд хүргэе!!!

2025-2026 оны 2-р улиралд зөвхөн 2, 4, 9, 10-р ангид цөөн тооны сурагч нэмэлтээр элсүүлнэ. Элсэхийг хүссэн сурагчдын мэдээллийг доорх линкээр орж бүртгүүлнэ үү.

Нэмэлт элсэлт /2, 4, 9, 10-р ангид цөөн тооны элсэлт авна./ Бүртгэл хийгдэх хугацаа: 2025.12.22-2026.01.14 Шалгалт авах хугацаа: 2026.01.15-ны 10 цагаас НЕБ-ын Улаанбаатар сургууль дээр явагдана.

Манай сургууль өдөр тутмын үйл ажиллагааг маань чимээгүйхэн атлаа чин сэтгэлээсээ нуруундаа үүрч явдаг үйлчилгээний ажилчдадаа талархал илэрхийлэн “Дулаахан бэлэг” хэмээх сэтгэл дүүрэн урамшууллыг гардууллаа.
Энэхүү бяцхан боловч халуун сэтгэл шингэсэн бэлэг нь тэдний хөдөлмөр, хичээл зүтгэлийг үнэлж, хүний сайхан сэтгэл, хамтын үнэт зүйлийг улам бататгасан утга учиртай үйл ажиллагаа боллоо. Та бүхэндээ хайртай шүү!😍 Хүндэлдэг шүү🤩!

Өнөөдрөөс бага ангийн сурагчдын өвлийн амралт эхэлж байна. /2025.12.15-2026.01.26/
Эцэг эх асран хамгаалагчид болон сурагчдадаа өвлийн амралтаа үр дүнтэй өнгөрүүлэхэд туслах бяцхан зөвлөмжийг хүргэж байна.
1. Уншсан номоо тэмдэглэх, зурах, асуулт зохиох хариулах
2. Эрүүл мэнд, спортын даалгавар
Шүдээ эмчид үзүүлэх, эмчилгээ хийлгэх
15–20 минут дасгал хийх , хөгжмийн цагаар хийдэг дасгалаа хийж бичлэг болгох
Гэр бүлтэйгээ агаарт гарах, алхах, цасанд тоглох
Унтах, сэрэх цагийг тогтвортой байлгах
3. Хоол хийх, турших даалгавар
Гэр бүлтэйгээ хамт 1–2 шинэ эрүүл хоолны жор турших (салат, амттай зууш гэх мэт)
Хийсэн хоолныхоо зураг, орц, хийх дарааллыг тэмдэглэх
Хоол хийхэд оролцох үеийн аюулгүй ажиллагаа-ыг суралцах
4. Урлаг, бүтээлч ажлууд
Өвлийн сэдэвт зурган дүрслэл, комикс, богино шүлэг зохиох
Цаасан урлал хийх, гацуурын чимэглэл гм
Гэр бүлийнхээ нэг гишүүний тухай болон ах дүүс хамаатан саднаасаа бахархал болсон хүнээс ярилцлага авч, жижиг танилцуулга бичих , гэр бүлийнхээ гишүүдийн сайн зан чанаруудаар бяцхан ном хийх
5. Гэр бүлтэй хамт хийх даалгавар
Гэрийн ажилд (өөрийн өрөөг цэгцлэх, тоос арчих, шалаа угаах гэх мэт цэвэрлэгээ хийх) долоо хоногт 2 удаа оролцох
Гэр бүлийн хамт тоглох /шагай, шатар даам гэх мэт /
Хамтдаа үзсэн киноныхоо тухай ярилцах
Эцэг эх, асран хамгаалагчид та бүхэн хүүхдээ дэмжиж, тэднийг сонсож, хамтдаа цагийг өнгөрүүлэхийн зэрэгцээ тэдний аюулгүй байдалд анхаарлаа хандуулаарай.
Амралтаа үр бүтээлтэй өнгөрүүлээрэй хүүхдүүд ээ
Сургуулийн захиргаа
2025.12.15

Нийслэлийн ерөнхий боловсролын Улаанбаатар сургуулийн сурагчид “Сайн үйлсийн аян” -ыг ХАРИУ НЭХЭЭГҮЙ ТУС нэртэйгээр 2012 оноос өнөөдрийг хүртэл жил бүрийн 12 дугаар сард тасралтгүй! зохион байгуулж ирлээ.
Бидний хамтдаа хийсэн үйл ажиллагаа бүр нь бусдад баяр авчирч, хүүхэд бүрийн төлөвшил, хандлагад үнэтэй хувь нэмэр болсон ач холбогдолтой билээ.
✨ Бидний нэгэн баг болж хийсэн сайхан ажлуудаас:
• Зах дээр хөдөлмөр эрхэлдэг хүүхдүүдэд дэмжлэг үзүүлж, хэрэгцээт зүйлсийг, шинэ жилийн бэлэгийн хамт бэлэглэхажлаар эхэлсэн.
• Ганц бие ахмадуудад тусалж, гэрийн үйлчилгээг хүргэж, сэтгэлийн дэм өгсөн
• Асрамжийн газрын хүүхдүүдтэй цагийг нь хөгжилтэй өнгөрүүлж, Шинэ жилийн концерт хамт хийн, шаардлагатай зүйлсийг хандивласан
• Үе тэнгийн найзуудынхаа суралцах боломжийг нэмэгдүүлэх зорилгоор хичээлийн хэрэгслүүдийг гардуулсан
• Өндөр настай өвөө, эмээг эргэж, хамт тоглон нэг өдрийг бэлэглэсэн, ганцаардахад нь дэм болсон
• Ахмадын асрах газруудад тусламжийн аян зохион байгуулсан
• Хот тохижилтын ажилчдад талархлын аян өрнүүлж, урам өгсөн
• Замын цагдаа нарын өдөр тутмын хүнд хүчир хөдөлмөрийг үнэлэн талархлаа илэрхийлсэн
• Түлхийн төвд олон сараар эмчлүүлж байгаа хүүхдүүдэд ном бэлэглэн, эмнэлэгт хэрэгтэй зүйлийг хандивласан.
• Орон нутаг тэр дундаа багийн сургуулийн сурагчдад шинэ жилийн бэлэг хүргүүлсэн.
💛 Яагаад бид үүнийг хийдэг вэ?
Учир нь сайн үйлс тархаж, олон хүний амьдралд гэрэл нэмдэг. Сурагч бүр бусдад тусалж, нийгмийн хариуцлагыг өөрийн биеэр мэдэрснээр зөв хандлагатай, бусдад үлгэр болох иргэн болон төлөвшдөг.
🌱 Бидний сэтгэлийн дуудлага үргэлжилсээр…
Энэ сайхан уламжлал маань жилээс жилд өргөжиж, илүү олон хүнд хүрч, илүү том зорилгууд руу тэмүүлсээр байна. Бид хамтдаа сайн үйлсийг илүү өргөн хүрээнд түгээж, нийгэмдээ эерэг өөрчлөлт авчирсаар байх болно.
Энэхүү аяныг зохион байгуулахад чин сэтгэлээсээ оролцдог сурагчид, эцэг эх асран хамгаалагч, багш ажилчид та бүхэндээ талархлаа илэрхийлье. 😍😍😍

МАСКАА ЗҮҮЦГЭЭЕ.

ЗӨВЛӨМЖ - СУРАГЧ БҮР МАСК ЗҮҮХИЙГ УРИАЛЖ БАЙНА.
МАСК МАСК МАСК