ШУА-ийн Газарзүй, Геоэкологийн хүрээлэн

Газрын харилцааны ажилтны өдрийг тохиолдуулан жил бүр зохион байгуулдаг “ГАЗРЫН ХАРИЛЦАА-2026” эрдэм шинжилгээний бага хурал 2026 оны 04 дүгээр сарын 24-ний өдөр Хөдөө аж ахуйн их сургуулийн хурлын танхимд амжилттай зохион байгуулагдлаа. Тус хурлыг Хөдөө аж ахуйн их сургууль , Газар зохион байгуулалт, геодези, зураг зүйн ерөнхий газар, ШУА-Газарзүй, геоэкологийн хүрээлэн, Нийслэлийн бодлогын судалгаа, шинжилгээний төв, Монголын газар зохион байгуулалтын холбоо, Монголын кадастрын холбоо, Геоботаник ХХК, Газар дэлхий ХХК хамтран зохион байгуулав. Хурлаар газрын харилцаа, газар ашиглалтын тогтвортой менежмент, доройтол, нөхөн сэргээлт болон газрын төлөвлөлтийн асуудлыг өргөн хүрээнд хэлэлцсэнээс гадна газрын кадастр, эрх зүйн орчин, бодлого төлөвлөлт болон орчин үеийн технологид суурилсан судалгаа, шийдлүүдийг онцлон авч үзлээ. Хурлаас гарсан зөвлөмжийг нэгтгэн бодитой, хэрэгжихүйц болгох үүднээс оролцогч талуудад хүргүүлж, цаашид бодлого, төлөвлөлтөд тусган хэрэгжүүлэх, салбарын уялдаа холбоог сайжруулах, практикт нэвтрүүлэхэд анхаарах шаардлагатайг онцоллоо.

Жил бүр уламжлал болгон тэмдэглэдэг Газрын харилцааны ажилтны өдрийг угтан ШУА-ийн Газарзүй, геоэкологийн хүрээлэнгийн Газрын нөөц, газар ашиглалтын салбарын хамт олон Хөдөө аж ахуйн их сургуулийн Агроэкологийн сургуулийн Экологийн ангийн оюутнуудад “Эрдэм шинжилгээний ажил, түүнийг хэрхэн хийдэг вэ?” сэдвийн хүрээнд танин мэдэхүйн хичээлийг амжилттай зохион байгууллаа.
Тус хичээлийн хүрээнд эрдэм шинжилгээний ажлын үндсэн ойлголт, судалгааны арга зүй, судалгааг хэрхэн төлөвлөж хэрэгжүүлэх талаар мөн салбарын хэмжээнд хийгдсэн судалгааны ажлын зарим үр дүнг танилцуулж, оюутнуудын сонирхсон асуултад хариулж, харилцан мэдлэг, туршлага солилцсон нь энэхүү арга хэмжээний онцлог байв.

ГАЗРЫН ХАРИЛЦАА-2026 ЭРДЭМ ШИНЖИЛГЭЭНИЙ БАГА ХУРАЛД ХҮРЭЛЦЭН ИРЭХИЙГ УРЬЖ БАЙНА.

Газрын харилцааны ажилтны өдрийг угтан ГАЗРЫН ХАРИЛЦАА-2026 эрдэм шинжилгээний бага хурал 2026 оны 04 дүгээр сарын 24-ний өдөр Хөдөө Аж Ахуйн Их сургуулийн шинэ байрны 4 дүгээр давхрын Эрдмийн танхимд цахим, танхим хосолсон хэлбэрээр зохион байгуулагдах гэж байна. Сонирхсон эрдэмтэн судлаачид та бүхнийг өргөнөөр оролцохыг уриалж байна.
Цахимаар оролцох бол:
Линк:ZoomMeeting https://zoom.us/j/9769760090
Meeting ID: 976 976 0090 Passcode: 123456

"БАЙГАЛИЙН НӨХЦӨЛ, НӨӨЦИЙН СУДАЛГААНД ЗАЙНААС ТАНДАН СУДЛАЛЫН ТЕХНОЛОГИЙГ АШИГЛАХ НЬ-2026" эрдэм шинжилгээний симпозиумд эрдэмтэн, судлаач, мэргэжилтэн та бүхнийг урьж байна.
Зорилго:
Хүрээлэн буй орчны салбар дахь судалгаа, шинжилгээний ажлын үр дүнг олон нийтэд сурталчлах, орчин үеийн шинэлэг арга зүй, дэвшилтэт технологийн талаар мэдлэг, туршлага солилцоход оршино.
Хамрах сэдэв:
Газар ашиглалт, газрын бүрхэвч
Уур амьсгалын өөрчлөлт
Газрын доройтол, цөлжилт
Хиймэл оюун, машин сургалтын алгоритмууд
Байгаль орчны үнэлгээ
Бүртгүүлэх болон хураангуй хүлээн авах холбоос:
https://forms.gle/w3DUXtv85cHFqbqGA
Хураангуй хүлээн авах огноо: 2026.05.13 өдөр хүртэл
Эрдэм шинжилгээний симпозиум болох огноо: 2026.05.15-нд 10 цагаас эхэлнэ
Хаана: ШУА-ийн нэгдсэн II байр, IV давхар, хурлын танхим

Улсын газарзүйн # # # олимпиад 2026 оны 4 дүгээр сарын 6–9-ний өдрүүдэд амжилттай зохион байгуулагдлаа. Тус олимпиадын үйл ажиллагааг дэмжин ажиллах хүрээнд 21 аймаг болон Улаанбаатар хотын 9 дүүргээс шалгаран ирсэн ерөнхий боловсролын сургуулийн сурагчид, багш нарт ШУА-ийн Газарзүй, геоэкологийн хүрээлэнгийн эрдэмтэн, судлаачдын бүтээл болох “Монгол Улсын Үндэсний Атлас”, “Цэвдэг гэсэж байна!” комикс ном, “Цэвдгийн өөрчлөлт бидний амьдралд” танин мэдэхүйн цуврал бүтээлүүдээр бэлэг барилаа.

ШУА-ийн Газарзүй, геоэкологийн хүрээлэнгээс 2024 оны 1-р сараас эхлэн цувралаар зохион байгуулж буй докторант, магистрант судлаачдын судалгааны ажлаа танилцуулах онол, аргазүйн 2026 оны V семинар 2026 оны 03-р сарын 27-ны өдрийн 10 цагт хүрээлэнгийн 1-р байрны хурлын зааланд болно.