28/05/2026
Монголбанкны дэргэдэх Санхүүгийн Мэдээллийн Албаны эрдэм шинжилгээний бага хуралд СЭЗИС-ийн оюутнууд амжилттай оролцлоо
Монголбанкны Санхүүгийн мэдээллийн албанаас жил бүр Монгол улсын их, дээд сургуулийн оюутнуудын дунд “Мөнгө угаах, терроризмыг санхүүжүүлэхтэй тэмцэх” чиглэлээр зохион байгуулдаг эрдэм шинжилгээний бага хуралд СЭЗИС-ийн Санхүү удирдлага мэргэжлийн ангийн оюутнууд амжилттай оролцож, Тэргүүн байр, Гутгаар байр, Тусгай дэд байр эзэлж, шилдгүүдээр шалгарлаа.
Тус эрдэм шинжилгээний хуралд нийт 22 судалгааны бүтээл өрсөлдсөнөөс “Цахим залилангаас урьдчилан сэргийлэх хүчин зүйлсийн судалгаа ба вебд суурилсан шийдэл” сэдэвт бүтээлээрээ СЭЗИС-ийн оюутан Э.Нямдаваа, О.Хонгорзул, МУИС-ийн оюутан У.Бямбажав нар ТЭРГҮҮН байранд шалгарч, мөнгөн шагналаар шагнууллаа.
Мөн “Монгол Улсын иргэдийг санхүүгийн луйвар, залилан, цахим гэмт хэрэгт өртөхөөс урьдчилан сэргийлэх боломж /ББСБ-ын финтек жишээн дээр/" сэдэвт бүтээлээрээ СЭЗИС-ийн 3-р курсийн оюутан А.Найданжав, П.Ану-Үжин нар ГУТГААР байранд шалгарч, мөнгөн шагналаар шагнууллаа.
“Виртуал хөрөнгийн үйлчилгээ үзүүлэгч байгууллагын кибер залилангийн эрсдэлээс урьдчилан сэргийлэх боломжийн судалгаа” сэдвээр СЭЗИС-ийн БУТ-ийн оюутан Э.Ганди Тусгай ДЭД байрт шалгарч, мөнгөн шагналаар шагнууллаа.
Э.Тамир багшийн удирдсан МУИС Бизнесийн сургуулийн оюутан Ц.Номиндарь, Г.Намууцэцэг, МУИС МТЕС МКУТ КОМПЬЮТЕРЫН УХААН Б.Тайванбат нар “Монгол Улсын МУТСТ орчинд сэжигтэй санхүүгийн гүйлгээг илрүүлэх LLM загвар боловсруулах” сэдэвт бүтээлээрээ Тусгай ДЭД байрт шалгарч, мөнгөн шагналаар шагнууллаа.
Оюутнуудаа удирдан чиглүүлж, дэмжин ажилласан СЭЗИС Санхүүгийн Удирдлагын Тэнхимийн Доктор, ахлах багш Э.Тамир танд халуун баяр хүргэе.
Эрдэм шинжилгээний хуралд амжилттай оролцсон нийт багш, оюутнууддаа баяр хүргэж, цаашдын сурлага, судалгаа, хөдөлмөрт нь өндөр амжилт хүсье.
