Tuvshee-Tend

15/08/2026

Яармагт түрээсийн байр хайж байгаа хүмүүс байгаа болов уу. Бүрэн тавилгатай, шинэ байраа удаан хугацаагаар түрээслүүлнэ.

Шинэ хотын захиргааны баруун талд төв зам дагуу байрлах СИДЕР СИТИ хотхонд 2026 онд ашиглалтад орсон БҮРЭН ТАВИЛГАТАЙ, хүн амьдарч байгаагүй, 54 мк талбайтай орон суу....

07/07/2026

📚 Судалгааны ажил бичихэд LaTeX, Overleaf яагаад хэрэгтэй вэ?

Анх Overleaf, LaTeX гэж сонсоход "код бичдэг юм шиг хэцүү зүйл байна даа" гэж бодож байсан үе бий. 😅 Гэхдээ сурч хэрэглэж эхэлсний дараа судалгааны ажил бичихэд үнэхээр их хөнгөвчилдөг хэрэгсэл гэдгийг ойлгодог юм байна.

Яагаад гэж үү? ✨
Форматлах асуудалд бага цаг зарцуулна
Word дээр зураг, хүснэгт байрнаасаа хөдлөх, гарчиг, дугаарлалт алдагдах зэрэг жижиг асуудлууд их цаг авдаг. Харин LaTeX нь баримтын бүтцийг илүү цэгцтэй, тогтвортой хадгалдаг.

📖 Ишлэл, ном зүйг хялбар удирдана
BibTeX ашигласнаар эх сурвалжуудаа нэг дор хадгалж, APA, IEEE зэрэг олон төрлийн загвараар автоматаар форматлах боломжтой.
➗ Математик томьёог мэргэжлийн түвшинд бичнэ
Техник, инженер, шинжлэх ухааны чиглэлийн судалгаанд томьёог цэвэрхэн, ойлгомжтой дүрслэхэд LaTeX маш тохиромжтой.
🤝 Хамтран ажиллах боломжтой
Overleaf ашиглан удирдагч багш, хамтран судлаачидтайгаа нэг баримт дээр ажиллаж, санал хүсэлтээ шууд хуваалцах боломжтой.
Анх удирдагч багш маань Overleaf ашиглахыг санал болгоход "яагаад ингэж төвөгтэй аргаар бичих хэрэгтэй юм бол?" гэж бодож байлаа. Харин одоо судалгааны өгүүлэл боловсруулахдаа хамгийн хэрэгтэй платформуудын нэг болсон байна.

Шинэ зүйл сурах эхлэл бүр бага зэрэг төвөгтэй байдаг. Гэхдээ зөв хэрэгсэл эзэмшчихвэл цаг хэмнэж, ажлын чанарыг мэдэгдэхүйц сайжруулдаг.

Судалгааны ажил бичиж байгаа оюутнууд, залуу судлаачид LaTeX болон Overleaf-ийг туршиж үзээрэй. 🚀
Та LaTeX эсвэл Overleaf ашиглаж үзсэн үү? Туршлагаасаа хуваалцаарай. 👇
#СудалгааныАжил #ЭрдэмШинжилгээ #КиберАюулгүйБайдал #ДроныАюулгүйБайдал

07/06/2026

Дроны сүлжээн дэх DDoS халдлагын эрсдэлийг тооцоолох загварчлалын маань симуляцийн эхний үр дүнгүүд амжилттай гарлаа.
2026 эрдэм шинжилгээний хуралд судалгааныхаа ажлаар илтгэл хэлэлцүүлж оролцлоо.

"

30/04/2026

💥Өөрийн судалгааг энгийнээр, ойлгомжтой тайлбарлахад суралцах нь ямар чухал болохыг ойлгож авлаа.
Яг өөрийнхөө бодож байсанаар тайлбарлаж илтгэж чадсангүй ээ. Яарч сандраад, ээрч муурч, гацаад...

“Эрдмийн чуулган-2026” магистр, доктор оюутны эрдэм шинжилгээ, инновацын хуралд оролцлоо. Тус хуралд 30 магистрант, 18 докторант судалгааны ажлаа хэлэлцүүлэв.

28/04/2026

! 🎓
💥DOI:10.14464/ess.v11i11.789 👈 Эрдэм шинжилгээний өгүүлэл
🎓Сурна гэдэг зөвхөн хичээл үзэх биш, тэрхүү систем нь хэр үр өгөөжтэй, шинжлэх ухааны үндэслэлтэй байх нь хамгийн чухал байдаг.
Миний хөгжүүлж буй www.tend.mn онлайн сургалтын платформыг Цахим сургалтын чиглэлээр докторын судалгаа хийж буй судлаач найз Garamkhand Surendeleg маань олон улсын SURE (Structure-Oriented Model) загвараар үнэлж, эрдэм шинжилгээний өгүүлэл болгон хэвлүүллээ.

Судалгааны онцлох үр дүнгээс
✅ Ерөнхий үнэлгээ: 68% (SURE моделиор 50%-иас дээш байвал эерэг, үр дүнтэй гэж үздэг).
✅ Суралцагчдын 70%-иас дээш хувь нь хичээлийн агуулга, материалын чанарт маш өндөр сэтгэгдэлтэй байна.
✅ Суралцагчид tend.mn-ийн нэмэлт хэрэгслүүдийг ашиглах дуртай бөгөөд цаашид үргэлжлүүлэн суралцах хүсэлтэй байгаа нь батлагдлаа.

Бид энэхүү судалгааны үр дүнд үндэслэн сургалтын чанараа 80%-иас дээш гаргах, та бүхний хүлээлтэд бүрэн нийцсэн "Дижитал боловсрол"-ыг олгохоор системээ улам сайжруулсаар байна.

🚀 tend.mn - шинэчлэлт хийгдэж байгаа.

13/04/2026

⏳ 02:15 цаг болж байна. Хичээлүүүдээ бэлдсээр л..

Видео хичээлүүдээ ийм дуугүй байдлаар бэлдвэл хэр ойлгомжтой, хүртээмжтэй байх
сэтгэгдэл хэсэгт үлдээгээрэй 👇

🛡️ 2024 онд "page -ээ алдаж болох ямар ямар эрсдэл байдгийг мэддэг байж ..." гэсэн гарчигтайгаар анхны видео зөвлөгөөг хүргэснээс хойш маш олон хүн хандлаа. Нилээн хэдэн байгууллага, хувь хүний пэйжийн аюулгүй байдлын тохиргоог тохируулж өглөө.

👀 Энэ хугацаанд бид маш энгийн тохиргоог дутуу хийснээс эсвэл мэдэхгүйгээс болж олон жилийн хөдөлмөр, бизнесээ алдаж байгаа харамсалтай тохиолдлуудтай цөөнгүй таарлаа.

Хүмүүс пэйжээ алдсаныхаа дараа л аюулгүй байдлын ач холбогдолыг ойлгодог.

Таны олон жилийн хичээл зүтгэлийг хамгаалахын тулд хамгийн энгийн бөгөөд хамгийн чухал тохиргоонуудыг багтаасан, товч, тодорхой видео зааврыг бэлтгэн хүргэхээр сууж байна.

✅ Page-ийн зайлшгүй байх ёстой бүх тохиргоо (Маш энгийн!)
✅ Хувийн хаяг, Бизнес аккаунтын ялгаа (Хамгийн чухал нь)
✅ Meta Business Suite-ийг ашиглаж цаг хэмнэх аргууд

Хамтдаа дижитал орчинд аюулгүй байцгаая! ✨
#Кибераюулгүйбайдал #Пэйжхамгаалалт #пэйжнээх

13/04/2026

📌 "Фэйсбүүк пэйж чинь зүгээр л нэг танилцуулгын хуудас биш, таны хөрөнгө

Ихэнх хүмүүс Фэйсбүүк пэйж нээчихээд, постер оруулаад л болоо гэж боддог.
Гэтэл яг үнэндээ "хөлгүй тэнгист" залуургүй завьтай явж байгаагаас ялгаагүй байна.

Хувийн хаягаасаа постер оруулаад л, Meta Business Suite гэж юу болохыг нь ч мэдэхгүй, аюулгүй байдалдаа бүүрч ч санаа зовохгүй яваад байдаг.

Энэ нь таны буруу биш ээ — Яагаад хийх хэрэгтэйг, яаж хэрхэн хийхийг монгол хэлээр, энгийн ойлгомжтой тайлбарласан гарын авлага, сургалт хомс байгаатай болохоор тэр. 😊

Тиймээс би яг танд зориулж, хараад л дагаад хийчихдэг видео гарын авлага бэлдэж байна.

Эндээс та юу сурах вэ?
✅ Page-ийн зайлшгүй байх ёстой бүх тохиргоо (Маш энгийн!)
✅ Хувийн хаяг, Бизнес аккаунтын ялгаа (Хамгийн чухал нь)
✅ Meta Business Suite-ийг ашиглаж цаг хэмнэх аргууд

Ямар нэгэн IT-ийн нарийн мэдлэг огт хэрэггүй. Зааврын дагуу дагаад л хийхэд болно. ✅
Өөрийнхөө бизнес болон хөдөлмөрийг үнэлдэг шаргуу хүмүүст л зориулсан.

🎁 Эхний 30 хүнд: 49,000₮ (Таны пэйж хаагдвал гарах хохирлоос 100 дахин бага үнэ)

"Дараа болъё" гэж хойшлуулсаар байтал таны хөдөлмөр эрсдэлд орж магадгүй. Одоо л цэгцлээд ав! 🚀

Сургалтад нэгдэх бол "Чат" бичээрэй. 👇

Хамтдаа дижитал орчинд аюулгүй байцгаая! ✨

#Кибераюулгүйбайдал #Пэйжхамгаалалт #пэйжнээх

Дэлгэрэнгүйг чатаар асуугаарай! 👇

07/04/2026

Бүгдээрээ сайн уу? 💜

Удаан хугацаанд пост оруулсангүй, зарим хүмүүсийнхээ чатад ч хариу өгч амжилгүй явлаа. "Яагаад ийм завгүй байв аа?" гэсэн асуултын маань хариу энэ зурган дээр байна. 😊

🎓 Миний үндсэн мэргэжил Мэдээллийн Технологи бөгөөд одоогийн хийж буй гол судалгааны ажил маань Кибер аюулгүй байдлын чиглэлээр (UAV Swarm & DDoS Resilience) үргэлжилж байгаа билээ.

Саяхан ШУТИС, МХТС-аас зохион байгуулсан магистр, доктор оюутны эрдэм шинжилгээний хуралд судалгааны ажлаараа амжилттай оролцож, "Гутгаар байр" эзэллээ. Энэхүү амжилт маань цаашид та бүхэндээ илүү шинжлэх ухаанч, мэргэжлийн бөгөөд амьдралд ойр зөвлөгөө өгөхөд минь их урам зориг өгч байна. 🛡️

🔺 "Пэйжээ хаалгахгүй, алдахгүй" байх талаарх сургалт-зөвлөгөө авах хүсэлт гаргасан хүмүүстээ "Түр хүлээгээрэй, удахгүй холбогдоно" гээд байсан маань судалгааны ажилдаа төвлөрч байсантай маань холбоотой.

⌛ Ирэх долоо хоногоос ганцаарчилсан сургалт, зөвлөгөөгөө хэвийн үргэлжлүүлж, бүртгэлүүдээ аваад явна аа. Мэргэжлийн хүний зөвлөгөөгөөр пэйж болон бизнесээ хамгаалахыг хүсвэл надтай холбогдоорой.

Надад итгэж, судалгааны ажлыг минь дэмждэг та бүхэндээ маш их баярлалаа. Хамтдаа дижитал орчинд аюулгүй байцгаая! ✨

🌐 Дэлгэрэнгүй мэдээлэл: www.tend.mn
📺 YouTube суваг: https://www.youtube.com/

#Кибераюулгүйбайдал #Пэйжхамгаалалт #пэйжнээх

09/01/2026

🛑 ТАНЫ ПЭЙЖ АЮУЛГҮЙ ЮУ? (Бизнес эрхлэгч бүрийн мэдэх ёстой зүйл)

Фэйсбүүк хаягаа алдах нь зөвхөн хувийн мэдээллээ алдах бус, олон жилийн хөдөлмөр, хэрэглэгчдийнхээ итгэлийг алдах эрсдэл юм. Хакерууд жижиг бизнесүүдийг "хамгаалалт сул" гэж үзэн онилдог.

Өнөөдөр 2 минут зарцуулаад КОММЕНТ хэсэгт буй эдгээр 5 алхмыг шалгаарай!

🛡️ Хэрэв танд аюулгүй байдлын талаар асуух зүйл байвал Tend.mn-д хандаарай.

#МэдээллийнАюулгүйБайдал