МУБИС-ийн Монгол хэлний тэнхим

МУБИС-ийн НХУС-ийн Монгол хэлний тэнхим болон Монголын авиа зүйн нийгэмлэгийн хамтарсан “МОНГОЛ ХЭЛНИЙ ЗӨВ БИЧИХ ДҮРЭМД ГАДААД ҮГИЙГ ЖУРАМЛАСАН БАЙДАЛ (АВИА ЗҮЙН ҮНДЭС)” сэдэвт мэргэжлийн их семинар амжилттай болж өндөрлөлөө.

Хэл шинжлэлийн чухал асуудлыг хөндөн их семинар хэлэлцүүлсэн Монгол хэлний тэнхимийн багш, доктор (Ph.D) Р.Сарангэрэл, доктор (Ph.D) Л.Цэрэнчимэд нартаа баяр хүргэж, амжилт хүсэхийн ялдамд хүрэлцэн ирсэн МУИС, ШУА-ийн ХЗХ, Хэлний бодлогын үндэсний зөвлөлийн ажлын алба, Монголын авиа зүйн нийгэмлэгийн эрдэмтэн судлаачдадаа талархсанаа илэрхийлье.

МУБИС-ийн НХУС-ийн Монгол хэлний тэнхим болон Монголын авиа зүйн нийгэмлэгийн хамтран зохион байгуулж буй “МОНГОЛ ХЭЛНИЙ ЗӨВ БИЧИХ ДҮРЭМД ГАДААД ҮГИЙГ ЖУРАМЛАСАН БАЙДАЛ (АВИА ЗҮЙН ҮНДЭС)” сэдэвт мэргэжлийн их семинар 2026 оны 06 дугаар сарын 02-ны өдрийн 11:00 цагаас МУБИС-ийн төв байрны 305 тоот ангид болно.

Сонирхсон хэн бүхэнд нээлттэй.

🔹2026 оны 05 сарын 22-ны өдөр магистрын судалгааны ажлын жинхэнэ хамгаалалт амжилттай болж өндөрлөлөө.

🔹Дараах магистрантууд судалгааны ажлаа танилцуулж хэл шинжлэлийн магистрын зэрэг хамгаалав.

🔻А.Сугармаа - ГЭ бүтэцтэй түүхэн язгуурт үгсийн бүтэц, утгын судалгаа (Удирдагч багш, профессор Ц.Өнөрбаян /Sc.D/)
🔻Э.Батжаргал - Өгүүлбэр зүйн ойлголт, нэр томьёоны харьцуулал (Удирдагч багш, профессор А.Цог-Очир /Ph.D/)
🔻Д.Уянга - Хотгойд дууны үгийн сангийн онцлог (Удирдагч багш, профессор А.Цог-Очир /Ph.D/)
🔻Э.Энхцэцэг - Сурагчдын үгийн утга тайлбарлах чадварыг дэмжих арга зүйн судалгаа (Удирдагч багш, профессор А.Цог-Очир /Ph.D/)
🔻Ж.Баярдаваа - ЕБС-д монгол бичгийн цагаан толгой заах асуудалд (Удирдагч багш, дэд профессор Ү.Ариунболд /Ph.D/)
🔻Д.Цэвэлмаа - Монгол хэлний сургалтын хөтөлбөрийн хөгжил, шинэчлэлийн судалгаа (1990-2019) (Удирдагч багш, дэд профессор Д.Эрдэнэсан /Ph.D/)
🔻Г.Энхчулуун - Зохион найруулж бичих үйлд тулгуурлан суралцагчийн бүтээлч сэтгэлгээг хөгжүүлэх аргын судалгаа (Удирдагч багш, дэд профессор Д.Эрдэнэсан /Ph.D/)
🔻TULAGA - А. Мостаэрт “Ордос толь”-ийн үгийн сангийн судалгаа (Удирдагч багш, дэд профессор Г. Цэцэгдарь /Ph.D/)
🔻З.Өнөрзаяа - ЕБС-ийн дунд ангийн Монгол хэлний сурах бичгийн онол, хэрэглээний судалгаа (VI, VII ангийн Монгол хэл сурах бичгийн хүрээнд) (Удирдагч багш, дэд профессор Г. Цэцэгдарь /Ph.D/)
🔻Д.Эрдэнэцэцэг - ЕБС-ийн дунд ангийн Монгол хэлний сурах бичгийн онол, хэрэглээний судалгаа (VIII, IX ангийн Монгол хэл сурах бичгийн хүрээнд) (Удирдагч багш, дэд профессор Г. Цэцэгдарь /Ph.D/)
🔻П.Мөнхбаясгалан - Монгол бичгийн үйл язгуурыг заах арга зүй (дунд ангийн түвшинд) (Удирдагч багш Д. Соронзон /Ph.D/)
🔻BI, LAHENG - Монгол хэл аялгууны “морь уях сойх, эдлэх хэрэглэх” соёлтой холбоотой үг хэллэгийн судалгаа (Удирдагч багш, Р.Сарангэрэл /Ph.D/)

Докторантын судалгааны ажлыг хэлэлцэх семинар болно.

🔹МУБИС-ийн Монгол хэлний тэнхимээс Туршин заах дадлагад гарсан оюутнуудын тайлан хамгаалалт 04/07 болон 04/09-ний өдрүүдэд болж өнгөрлөө.

🔹Оюутнууд ЕБС дээр 4 долоо хоногийн турш хийж гүйцэтгэсэн дадлагаа ППТ болон бүтээлийн сангаар хамгаалав.

🔹Монгол хэлний тэнхимийн ахисан түвшний оюутны эрдэм шинжилгээний хурал амжилттай болж өндөрлөлөө.

🔹Монгол хэлний тэнхимээс хэрэгжүүлдэг “Хэл шинжлэлийн доктор”, “Хэл шинжлэлийн магистр”, “Монгол хэл-уран зохиолын боловсролын магистр” хөтөлбөрөөр суралцагч нийт 11 оюутны илтгэлийг доктор, профессор (Ph.D) Г.Сүхбат, доктор, дэд профессор (Ph.D) Ш.Баттөгс нар шүүж:

🥇Тэргүүн байрт: МХУЗБ-ын магистр хөтөлбөрийн оюутан Э.Энхцэцэг “Сурагчдын үгийн утга тайлбарлах чадамжийг дэмжих арга зүйн судалгаа” сэдэвт илтгэлээр (Удирдагч багш доктор (Ph.D), проф А.Цог-Очир)

🥈Дэд байрт: МХУЗБ-ын магистр хөтөлбөрийн оюутан П.Мөнгөнбаясгалан “Сурагчдын монгол бичгийн үйл язгуур үндсийг унших, бичих чадварыг дэмжих арга зүй” сэдэвт илтгэлээр (Удирдагч багш доктор (Ph.D) Д.Соронзон)

🥉Гутгаар байрт: ХШ-ийн магистр хөтөлбөрийн оюутан А.Сугармаа ““Са-” язгуурт үгийн түүхэн язгуурын утга, бүтцийн судалгаа” сэдэвт илтгэлээр (Удирдагч багш доктор (Sc.D), проф Ц.Өнөрбаян)

🎖️Тусгай байрт: МХУЗБ-ын магистр хөтөлбөрийн оюутан Д.Эрдэнэцэцэг ““Монгол хэл VIII, IX” сурах бичгийн нэр томьёоны асуудалд” сэдэвт илтгэлээр (Удирдагч багш доктор (Ph.D), дэд проф Г.Цэцэгдарь) тус тус шалгарав.

🔹Илтгэл хэлэлцүүлсэн, амжилттай оролцсон нийт оюутан судлаач болон удирдагч багш нарт баяр хүргэж, цаашдын эрдэм судлалын ажилд нь амжилт хүсье!