24/05/2026
Tengri тоглолтын талаар бичихгүй бол би л дутах гээд байх шиг байна 🤭
Тоглолтын хувьд таалагдсан, ойрд реп тоглолт үзээгүй надад бол сайхан л байлаа. Тэр тусмаа реп тоглолт хэрнээ амьд хөгжимтэй, дресс кодтой… маш сонирхолтой. Бугуйвч дууссан асуудлаар очер үүсгэж, үзэгчид тоглолтоо үзэж чадаагүй, оройтож орсон асуудал дээр зохион байгуулагчийн асуудал байсан уу shoppy-н ажлын алдаа байсан уу гэдгээ тодруулаад үзэгчдээсээ уучлал гуйгаад, хохирсон бол хохирлыг барагдуулах нь зүйтэй болов уу.
Одоо таалагдсан болон шүүмжилмээр зүйлсийг өөрийнхөө харснаар бичье. Санал нийлэх ч хүн байх биз, нийлэхгүй ч хүн байх биз. Юун түрүүнд найруулагч супер байсан, маш их баяралаа 🫶
Тоглолтын реклам бол тултал явсан, сайн талаараа. Санамж болон анхааруулгууд ч сүрхий байсан.
Артист, продакшний баг маш их хичээж, хөдөлмөр зарцуулсан нь харагдаж байсан. ThunderZ реппер ч гэсэн дуулалтаа үнэхээр сайжруулсан байна лээ. Бүтэн тоглолтын турш амьд хөгжимтэй дуулна, реп хийнэ гайхалтай 👏
Тэгээд 146-нхаа хүүхдүүдээ энэ том тайзан дээр өдий багаас нь гаргаад халамжлаад тордоод яваад байгаа нь бүр хайр хүрмээр. Энэ насны олон хүүхдийн хүндлэлийг хүлээж байгаа юм. Тэр хэд маань ч томчуудаасаа дутахааргүй чанартай үзүүлбэр үзүүлсэн.
Үзэгчиддээ чанартай юм үзүүлье гэж үнэхээр зүтгэсэн байна лээ, уригдсан зочин артистууд болон бусад зочид гоё байсан. О.Хангай аваргыг гараад ирнэ гэж хэн төсөөлөх билээ 🥹
Бас нэг баярласан зүйл нь зочин артистууд үндэсний хувцастай гарч ирсэн явдал байлаа 🇲🇳 тоглолтоо, тайзаа, үзэгчидээ хүндэтгэж байна гэж харагдсан.
Худалдааны хэсгүүдийг гэр хэлбэртэй засч, цагаан идээ, айраг, хайлмаг зарах санаа гайхалтай ккккк
Дээл чинь орой үдшээр удаан зогсоход нуруунаас дулаан, шагай хүртэл урттай болохоор даарна гэж байхгүй ямар ч сайхан хувцас вэ дээ🤩
Тоглолтын хамгийн чухал оролцогчид болох үзэгчид 👏 Бахархсан гэж яана 🇲🇳
Юун наадам, юун цагаан сар 🤭 Үндэсний хувцасаа өмсөөд очсон бүх үзэгчдэд баярлалаа 🫶 Уран бүтээлчээ, тоглолтоо хүндлээд цаг заваа зарцуулаад тоглолтоо сайхан үзээд омогшоод, бахархаад гарсан.
Одоо харин анхаармаар, шүүмжилмээр зүйлс…
… одоо болио, энэ мэт байсаар байвал артистууд болон үйлчлүүлэгчид цаашдаа эднийхээс татгалзмаар санагдсан. Нэг алдааг хэд давтах гээд байгаа юм бэ?
Нөгөө л 00-н асуудал, цэнгэлдэх нь анхаарах ёстой байдаг юм уу? зохион байгуулагчид нь анхаарах ёстой байдаг юм уу? Ядаж ус нь татагдахаа больчихдог асуудлыг шийд л дээ, өчнөөн 1000-аараа цуглаж байгаа юм чинь өтгөн шингэнээ гаргаж л таараа ш дээ. Энэ бүр үнэхээр толгойны өвчин юм аа 😅
Хоолны хэсэг бол үнэхээр аймар, гадны бусад тоглолтуудаас туршлага судалмаар юм уу. Манайхан л ингэж хоол зараад байдаг юм уу, бүх тоглолт зардаг юм уу?
3-4 цагийн тоглолт үзэхийн тулд заавал шорлогний утаанд утагдаж суух шаардлага байдаг юм уу? Хөнгөн снайк, чипс нтр бол яахав байж болох л. Хамаг гоё дээрээ тавьчхаад ч шорлогны утаа, догбукиний соуснаас айх хэрэг гарах юм.
Сүлжээ унадаг асуудлыг хэн шийдэх юм болоо… оператор байгууллагууд уу? төв цэнгэлдэх үү? тоглолт зохион байгуулагчид уу?
Одоо харин үзэгчдэд их учир байна гэдэг хэсэг 😂 барьж идүүлэх юм болов уу 🤭
Тоглолт үзэх гэж л байгаа бол цагаа тооцоод эртхэн ирээд, дотогшоо ороод биеэ бэлдээд хүлээж байх нь таны үүрэг. Хэн ч таньд тасалбар шахаагүй, хүчээр авч ирээгүй. Ямар ч шалтгаанаар оройтсон бай тэр таны л асуудал.
00-д соёлтой бие засаж сурмаар байна аа, одоо ямах дөнгөу боловсон 00 ашиглаж эхэлж байгаа үе биш дээ. Гадуур нь шээсэн бол арч, бохирдуулсан бол цэвэрлээд л гарах ёстой.
Өчнөөн 1000-уулаа цугласан газар 00 орчхоод эхний бохирдуулаад гарсан хүнээс хойш тэгээд л дуус болж байгаа байгүй юу.
Идэж, уух нь дийлдэхгүй… юм зарж л байгаа юм болохоор идэж уух нь тэр хүний эрх л дээ. Гэхдээ яг тоглолт үзэх гэж очдог юм уу, пиво ууж шорлог идэх газар олдохгүй болохоор тоглолт дээр очдог юм уу гэдгийг ойлгохгүй байна. Тэгээд л нөгөө пиво уусан нөхдүүд чинь 00 орно, халамццан хүмүүс 00-д яаж бие засах нв тодорхой…
Цахилгаан тамхи… задгай тоглолт юм чинь яадаг юм гэж бодох байх л даа. Гэхдээ үнэхээр хэцүү байдаг аа, үнэрт хэт мэдрэг хүн бол вэйп сорж байгаа хүний хажуул 5-10 минут болоход л толгой өвдчихөж байгаа юм. Та нар утаагаа залгихгүй ш дээ, хүн рүү үлээгээд л заваараад 😡
Хэт согтох бас муухай, тэрэнгээр нэг бусдыг тухгүйтүүлээд, тоглолт ч тайван үзүүлчихгүй…
Эцэст нь гэхэд миний хувьд тоглолт үнэхээр гоё байсан, ThunderZ баяр хүргэе 👏 баярлалаа 😍
