New School

Дүүрэн-Эрдэм бага сургууль
Дүүрэн Эрдэм Бага Сургууль
Танай сургууль ямар давуу талтай вэ? гэж асуудаг. Манай сургуулийн хамгийн том давуу тал хүний нөөц, багш нар хамт олон минь байдаг.
Бага ангидаа хичээл заалгаж явсан багштайгаа өнөөдөр нэг зорилгын дор нэгдээд болоод амьдралын замдаа нэгдэнэ гэдэг ховор хувь заяа гэж билэгшээдэг.
Багшийнхаа гаргасан амжилт, намтар дурдах нь илүүц биз ээ. Улаанбаатар хотод орж ирээд Шинэ-Үе сургуульд тогтвортой 10гаруй жил бага ангийн багш хийгээп тэнхимээ ахлаад ажиллаж бсан юм.
Шавь гээд би нөхөр сургууль байгуулаад бнаа та ирж босгож өг, манлайлж өг гээд хэдэн жил араас нь гүйсэн бдаг юм.
Зөөлөн ур чадвартай тун чиг мэдрэмжтэй тандаа маш их баярлаж байгаа шүү❤️❤️❤️❤️
Хамтдаа санасан хүссэн зорилгоо биелүүлж, урагшилнаа ☺️ Nar Nar
#Тэсгэлгүй нууц гоё зургуудаа постолчихлоо. Одоо өнгөрсөн 😜

Хүндэт эцэг эхчүүд ээ! Манай ДҮҮРЭН-ЭРДЭМ хүүхэд хөгжлийн төв нь 2012 онд байгуулагдаж хичээлээс гадуурх сургалтыг мэргэжлийн багш хамт олон, тохилог орчин нөхцөлд явуулсаар ирсэн. Ковидын нөхцөл байдлаас үүдэн анги танхимын тоогоо ихэсгэж, хичээллэх сурагчдын тоог цөөн байхаар элсэлтээ авч эхэллээ.
Манай төв нь сургалтын төвийн холбооны шилдэг орчин нөхцөл, үйлчилгээтэй өдөр өнжүүлэхээр шалгарч, эцэг эх асран хамгаалагчдын итгэл найдварыг хүлээсэн сургалтын төв юм.

сурагчдын үдийн хоол амттай байна ❤️

Төгсөлтийн шалгалт өгөх байсан нэгэн сурагч шалгалтандаа шөнөжин бэлдэж хоноод шалгалт болохоос хэдхэн минутын өмнө сэрсэн байна.
Тэрээр энэ шалгалтыг өгч чадахгүй бол бүхэл бүтэн нэг жил өнжихөөс гадна түүний хичээл зүтгэл талаар нэг болох байлаа.

Түүний сургууль Сөүлийн хамгийн их түгжээтэй хэсэгт байдаг байна.
Гэрээсээ сургууль хүртэл багадаа 20 минут зарцуулдаг учир хүү дүүргийнхээ цагдаагийн газарт уйлан учраа хэлж цагдаагийн ажилчид түүнийг машиндаа суулган маяакаа асаан давхисан байна.

Өглөө ажил эхлэх цаг учир маш их түгжрэлтэй байлаа. Цагдаагийн машин цагаан хоолойгоор "Уучлаарай төгсөх шалгалтаа өгөх сурагч шалгалтаасаа хоцрох гээд байгаа тул зам тавьж өгөхийг хүсч байна" гэхэд бүх машин цагдаагийн машинд зам тавьж өгч байлаа.

Учир нь төгсөлтийн шалгалт ямар чухал болохыг тэд мэддэг учраас. Ийнхүү 20 минут зарцуулдаг газар цагдаагийнхан 7 минутын дотор сургуулийнх нь гадна хүргэж иржээ.
Шалгалт эхлэхээс 2 хон минутын өмнө хүрч чадсан сурагч нүдэндээ нулимс дуслуулан "Баярлалаа баярлалаа" хэмээн гүйн шалгалтруугаа орж амжсан байна.

Солонгост төгсөлтийн шалгалт гэдэг сурагчдад маш том хариуцлагатай өдөр байдаг.
Энэ өдөр ихэнх албан байгууллагууд төгсөлтийн шалгалт өгөх хүүхэдтэй бол ажилтандаа чөлөө өгөх, хоцорч ирэхийг хүлээн зөвшөөрдөг. Цагдаагийн газрын зүгээс нэмэлт хүч гарган сургуулийн ойр орчимд түгжрэл үүсгэхгүй байх, сигнал дохиолол ашиглахыг хориглодог. Мөн цагдаагийнхан энд тэнд цагдаагийн машинаа байрлуулж хоцрох магадлалтай сурагчдыг хүргэж өгөхөд бэлэн байдалтай байдаг.

Солонгос улс бол боловсролыг 1-т тавьдаг.
Тэд ирээдүйд эх орноо авч явах боловсон хүчингээ бэлдсэн шиг бэлддэг юм.

Сайн үйлс ямагт гэрэлтэй байдаг.

САЙН БАГШИЙН ​​ТУХАЙ ҮЛГЭР

Нэг залуу бага ангийнхаа багшийг дэргэдүүр нь өнгөрөхийг хараад, таньсан даруйдаа дэргэд хүрч ирээд:
- Та намайг таниж байна уу? Би таны шавь байсан шүү дээ гэв.
- Танилгүй яахав, чи чинь нөгөө гуравдугаар ангид сурч байсан хүү мөн шиг байх чинь. Чи тэгээд одоо юу хийж байна даа, хүү минь?
- Би багш болсоон.
- Үгүй ээ мөн, яагаад ийм сонголт хийгээв дээ, хүү минь? Хэн, юу нөлөөлөв дөө?
- Юу ч биш ээ, харин хэн гээч? Та шүү дээ.
- Тэгээд би чамайг энэ мэргэжилдээ дурлуулахад яасан байж таарах билээ?
- Та надад маш их нөлөөлсөн болохоор би ч гэсэн бас залуу шавь нартай болохыг хүссэн юм.
- Наадах чинь л надад тун их сонин санагдаад байх чинь. Би тэгээд чамд яг яаж нөлөөлсөн байж таарах билээ?
- Та намайг үнэхээр санахгүй байна уу? Тэгвэл танд яг чухам юу болсныг ярьж, дурсамжийг чинь сэргээе өгье дөө.

Нэг өдөр манай ангийн нэг хүү бугуйндаа аав, ээжийнхээ бэлэглэсэн нэг их гоё цаг зүүчихсэн ирлээ. Тэгээд тэр цагаа тайлж аваад ширээнийхээ нүдэнд хийж орхив. Би ч гэсэн бас ийм гоё цагтай болохыг мөрөөддөг байлаа. Би тэсгэлгүй тэр цагийг нь ширээнээс нь шуухаар шийдэв. Удалгүй өнөөх хүү нус нулимсандаа холилдчихсон амьтан таны дэргэд хүрч очоод, цагаа хулгайд алдаж орхисноо гомдоллон хэллээ. Та бид бүгдийг тойруулж хараад "Энэ хүүгийн цагийг хэн чинь авсан бэ, буцаагаад өгчөөч дээ" гэж хэлэв.
Би хэдий их ичиж байсан ч гэсэн тэр цагнаас салмааргүй санагдаад, буруугаа хүлээсэнгүй. Та хаалган дээр очин, дотроос нь цоожлоод, бид бүгдийг босож, хана дагуу эгнэн жагсахыг тушаагаад, "Би та нарын бүх халааснуудыг бүгдийн чинь нүдийг аниулж байгаад шалгах болно" гэж анхааруулж хэлэв. Бид дуулгавартай гэгч нь таны үгэнд орон шалгуулсан бөгөөд энэ нь миний богинохон амьдралын хамгийн ичгэвтэр мөч байсныг би тэгэхэд л мэдэрсэн юм даа.
Ингээд та хүүхдээс хүүхэд, халааснаас халаас дамжин шалгаж эхлэх нь тэрээ. Ингэж шалгаж явсаар өнөөх гайтай цагийг миний халааснаас олсон ч та нэгжлэгээ үргэлжлүүлсээр эгнээний төгсгөлд хүрээд: “За хүүхдүүд ээ, одоо бүх юм зүгээр ээ. Та нар нүдээ нээгээд, ширээ ширээндээ сууцгааж болно” гэж хэлээд өнөөх цагийг эзэнд нь эргүүлж өгч билээ. Тэгээд та тэр явдлыг дахин хэзээ ч ер сөхөж яриагүй юм. Тэр өдөр та миний нэр төрийг аварсан юм шүү дээ. Та намайг ангийхны минь өмнө хулгайч, худалч, өөдгүй нэгэн гэдгээр минь дуудаагүй. Тэр бүү хэл энэ хэргийн талаар надтай юу ч ярилцаа ч үгүй шүү дээ. Таныг яагаад ингэж чив чимээгүй өнгөрснийг чинь би хожимоо ойлгосон юм. Та бол жинхэнэ сурган хүмүүжүүлэгч хүн байсан болохоор хараахан төлөвшиж амжаагүй гэнэн балчир шавийнхаа нэрийг гутаан сэвтүүлэхийг хүсээгүй байж. Таны тэр сайхан үйлдлийг бахдаж бахархсандаа би яг л тань шиг багш болохоор шийдсэн юм даа...

Ингээд энэхүү сэтгэл хөдөлгөсөн ярианыхаа эцэст хоёулаа чимээгүй болж, дуугаа хураав. Тэгээд эцэст нь залуу багш:

- Та өнөөдөр намайг таньсан ч, тэр явдлыг нэг л санахгүй байна уу даа? гэсэнд,

Хөгшин багш хариуд нь:

- Учир нь гэвэл, би ч гэсэн бас нүдээ тас аничихаад та нарын халаасыг шалгаж явсан юм шүү дээ, гэж хэлжээ.

Педагогика сайтаас орчуулсан
Норзонгийн Энхбаяр.

“Сар сард нь төлбөрөө төлөөд математик, англи, хятад хэлийг гүнзгийрүүлэн сурах боломжийг “Дүүрэн-Эрдэм” сургууль олгоно” Математик, Англи, Хятад хэлний гүнзгийрүүлсэн сургалттай “Дүүрэн-Эрдэм” бага сургууль шинээр ашиглалтад орж, 2020-2021 оны хичээлийн жилээ хлүүлэхэд бэлэн болжээ.

,

Сургууль танилцуулах нээлттэй өдөрлөгийн хүрээнд:

📌Хөтөлбөрийн танилцуулга
📌Багш нарын танилцуулга
📌заах арга зүй
📌Сургуулийн орчин
📌Үдийн цай хоолны амталгаа

Та бүхнийг урьж байна. Манай хаяг:

#Зайсан, хотхон.

⏰2020/08/28-аас өдөр бүр 09:00-19:00 цагт явагдаж байна.

☎️ 755-755-00, 9910-2180

9 ДҮГЭЭР САРД ӨМНӨХ АНГИЙН ХИЧЭЭЛИЙГ БАТАТГАХ, ХОЦРОГДОЛ АРИЛГАХАД АНХААРНА

Боловсрол, шинжлэх ухааны сайдын 2020 оны А/17 дугаар тушаалаар баталсан “Ерөнхий боловсролын сургуулийн хичээл, сургалтын үйл ажиллагааг зохион байгуулахад мөрдөх түр журам”-ын дагуу танхимын болон танхимын бус сургалтыг төлөвлөх, зохион байгуулах талаар Боловсролын Хүрээлэнгээс аймаг орон нутагт зөвлөмж хүргүүллээ.
Аймаг, нийслэлийн ерөнхий боловсролын сургуулиуд хичээл, сургалтын үйл ажиллагааг “Сургалтын хөтөлбөрийн хэрэгжилтийг дэмжих арга зүйн зөвлөмж”-ийн дагуу зохион байгуулна.

Тухайлбал, хичээлийн жилийн 9 дүгээр сард өмнөх ангийн 3, 4 дүгээр улирлын хичээлийн агуулгыг бататгахдаа сурагчдын агуулгын хоцрогдлыг арилгах, мэдлэг, ойлголтыг бататгахад анхаарах, Танхимын бус хэлбэрээр зохион байгуулагдах хичээлийн хуваарийг түр журмыг үндэслэн гаргаж, багш суралцагчидтай холбоо тогтоож зайнаас суралцах үйл ажиллагааг дэмжиж ажиллах зэргийг тус зөвлөмжид тусгажээ.

Зөвлөмжийн дагуу сургуулиуд хичээлийн хуваарийг 8 дугаар сарын 27 ны өдөрт багтаан гаргаж, эцэг эх асран хамгаалагч, суралцагчдад нээлттэй мэдээлэх юм.

Интерьер-н зураг төслөөр анги танхимаа бэлэн болголоо.