Нийслэлийн ерөнхий боловсролын 123 -р сургууль

22/09/2026

✅ “НЭГДҮГЭЭРТ ХҮҮХЭД – ХАМТДАА ШАЛГАЯ, ХАМГААЛЪЯ”
📌 3 дугаар улирлын аян хэрэгжиж байна.

🏠➡️🏫 Хүүхдийн гэрээс сургууль, цэцэрлэг хүртэлх өдөр тутмын зорчих зам, орчны аюулгүй байдлыг хамтдаа шалгаж, хүүхдэд эрсдэл учруулж болзошгүй нөхцөл, хүчин зүйлсийг илрүүлэн урьдчилан сэргийлье.

🔎 Үнэлэхдээ:
🚸 Замын хөдөлгөөний аюулгүй байдал
🚦 Явган хүний гарц, гэрлэн дохио
🛣️ Зам, гарц, явган хүний замын нөхцөл
💡 Гэрэлтүүлэг болон орчны харагдах байдал
⚠️ Хүүхдэд эрсдэл учруулж болзошгүй орчны хүчин зүйлсийг анхааран үнэлээрэй.

📌 ХҮҮХДИЙН ГЭРЭЭС СУРГУУЛЬ, ЦЭЦЭРЛЭГ ХҮРЭХ ЗАМ, ОРЧНЫ АЮУЛГҮЙ БАЙДЛЫГ ҮНЭЛЭХ ЛИНК:
👉 https://forms.gle/YXN8qBqAJkqNAWej6

🤝 Хүүхдийн аюулгүй зам – Томчуудын хамтын хариуцлага!

❤️ НЭГДҮГЭЭРТ ХҮҮХЭД
🔍 ХАМТДАА ШАЛГАЯ
🛡️ ХАМТДАА ХАМГААЛЪЯ




#ХүүхдийнАюулгүйБайдал
#АюулгүйЗам
#ХүүхэдЭэлтэйОрчин

21/09/2026

❔️УУРТАЙ ХҮҮХЭДТЭЙГЭЭ ХЭРХЭН ХАРИЛЦАХ ВЭ?

🔹️4 хүртэлх насанд хүүхэд уур бухимдлаа таньж, хянаж, зөв удирдаж сураагүй тул шууд илэрхийлдэг. Харин ийнхүү уурлах үед нь таны гаргах хандлага цаашид сэтгэл хөдлөлөө таньж мэдэх, хянах, удирдах үйлд нь шууд нөлөөтэй. Хүүхэд уурлаж, бухимдах нь их байвал:

☝🏻Уурласан үед нь гар хүрч, өмнөөс нь та уурлаж бухимдалгүй хүлээцтэй байж түүнийг тайвшруулах хэрэгтэй. Хүүхэд өөртэйгөө ижил санаа бодлыг мэдрэх үедээ амархан тайвширдаг. Тиймээс та "Тоглоомыг чинь дүү нь булаачихсан уур нь хүрчихсэн үү, ээж нь ч бас уурлах л байсан. Уурлаж дуусаад хэлээрэй, ээж нь хүүгээ тэврэхэд бэлэн шүү" г.мэтээр өөрийнх нь мэдрэмжийг ойлгож харилцаарай.

☝🏻Орчин нь солигдох, шинэ хүн нэмэгдэх бол урьдчилан сайн тайлбарласан байх

☝🏻Хүүхдийнхээ дэргэд хоорондоо маргалдахгүй байх (үргэлж хүүхдийнхээ дэргэд хэрэлдэж муудалцдаг гэр бүлд өссөн хүүхдүүдийн 75% нь бүрэг ноомой мэт хэрнээ цочмог ууртай болдог байна)

☝🏻Хүүхдэдээ өдөр бүр 20 минут чанартай цаг гаргах

☝🏻Хүүхдийн дотоод эрчим хүч маш их байдаг. Энэ эрчмээ шатаах боломж олгож 7 хоног бүр тогтмол задгай чөлөөтэй газарт салхилах, гүйлгэх

☝🏻Хүүхдэд боль, болохгүй гэж бага хэлэх (олон удаа болохгүй гэж сануулсан зүйлсийг тань давтаад байвал таны анхаарал, халамж, тэврэлт хэрэгтэйг илэрхийлж байгаагийн тэмдэг гэж анхаарах хэрэгтэй)☝🏻 Ямар ч үед өөрт нь сонголт хийх боломж олгож саналыг нь сонсох

☝🏻Хэмжээ хязгаар тавьж өгөх (хүүхэлдэйн киногоо үзэж дуусаад шууд зурагтаа унтраана, гадаа талбайд хашаанаас гарахгүй тоглоно г.м УРЬДЧИЛАН ТОХИРОЛЦОХ)

☝🏻Дэлгэцийн хэрэглээг насанд нь тохируулах. Дэлгэцийн хэрэглээ хэтэрвэл цахилгаан соронзон долгионы нөлөөллөөр тархины эсүүд гэмтэж, дэлгэцийн хамаарал үүсэж аав ээжийн удамшлаас хамааралгүйгээр огцом түргэн ууртай болно гэдгийг маш сайн анхаарах хэрэгтэй.

☝🏻Унтлагын цагийг тогтмол болгох (21:00-21:30 хамгийн тохиромжтой)

✅️Хүүхдээ уурлах үед хүчээр таслах биш өөрөө уураа зохицуулж, сэтгэлээ тайвшруулах хүртэл тэвчээртэйгээр хүлээх хэрэгтэй шүү. Уураа гарахаар хэлээрэй тэр хүртэл ээж нь, аав нь хүлээж байя г.м.

20/09/2026

20/09/2026

Багшийн маань дугуйланд бүртгүүлээрэй.

20/09/2026

🏹 МҮХ-НЫ “АНДУУД” КЛУБ
ШИНЭ ЭЛСЭЛТЭЭ АВЧ БАЙНА!

🇲🇳 МОНГОЛ СУРЫН ХАРВААГ СУРЧ, ӨВЛӨЖ, ӨВ СОЁЛОО ТҮГЭЭЦГЭЭЕ!

Үндэсний өв соёлоо өвлөн тээн, сурын спортоор хичээллэх хүсэлтэй хүүхэд, залуус, насанд хүрэгчдийг “Андууд” клубийн шинэ элсэлтэд урьж байна.

🏆 ДАСГАЛЖУУЛАГЧ БАГШ НАР

М.ПҮРЭВДОРЖ
• Аймгийн гарамгай харваач
• Спортын мастер
• 🇲🇳 Үндэсний сурын 2023, 2024, 2025 оны ӨСВӨРИЙН ШИЛДЭГ ДАСГАЛЖУУЛАГЧ

Б.БАТЦЭЦЭГ
• Аймгийн мэргэн
• Спортын мастер

🥇 2026 ОНЫ УЛСЫН АВАРГЫН
“ШИЛДЭГ БАГ” ХАМТ ОЛОН

📅 БҮРТГЭЛ: Маргааш | 09:00–17:00
📍 БАЙРШИЛ: Өсвөрийн харваачдын “Отго харваа” тэмцээний талбай
🎯 СУРГАЛТ: 1-р сараас албан ёсоор эхэлнэ
👥 ХАМРАХ ХҮРЭЭ: Өсвөрийн харваачид болон насанд хүрэгчид

🎁 ОНЦГОЙ ХӨНГӨЛӨЛТ
НЕБ-ын 123-р сургуулийн сурагчид
СУРГАЛТАД ҮНЭ ТӨЛБӨРГҮЙ!

🏹 ХАРВААЧ БОЛОХ ХҮСЭЛТЭЙ БОЛ
“АНДУУД”-ТАЙ НЭГДЭЭРЭЙ!

Монгол Харвааны НЕБ-ын 123-р сургуулийн
“АНДУУД” КЛУБ

18/09/2026

🇲🇳🇯🇵 ЯПОН УЛСТАЙ БОЛОВСРОЛЫН ХАМТЫН АЖИЛЛАГААГАА ЭХЛҮҮЛЛЭЭ 🎓✨
Манай сургууль Япон улсын их, дээд сургуультай хамтран ажиллахаар болж, сурагчдадаа олон улсын боловсролын шинэ боломжийг нээж байна. 🇯🇵🤝🇲🇳
Үүний хүрээнд 2027–2028 оны хичээлийн жилээс ЯПОН ХЭЛНИЙ ТӨРӨЛЖСӨН АНГИ шинээр нээж, сурагчдыг япон хэл, соёл, боловсролын чиглэлээр гүнзгийрүүлэн суралцах боломжийг бүрдүүлэхээр боллоо. 📚🌸
✨ Япон хэл суръя — Дэлхийн боловсролд тэмүүлцгээе!
🇲🇳🤝🇯🇵 Шинэ хэл — Шинэ боломж — Шинэ ирээдүй!

18/09/2026

🇲🇳🇰🇷 ОЛОН УЛСЫН ХАМТЫН АЖИЛЛАГААГ ӨРГӨЖҮҮЛЛЭЭ 🎓✨
Манай сургуулийн зүгээс БНСУ-ын нэр хүндтэй их, дээд сургуулиуд болох Seoul National University of Science and Technology (SeoulTech), БНСУ-ын ТОП-5 их сургуулийн нэг болох Hanyang University ERICA, мөн Chung-Ang University-ийн багш, удирдлагуудтай уулзаж, хамтын ажиллагааны гэрээ байгууллаа. 🤝🇰🇷
Энэхүү хамтын ажиллагааны хүрээнд манай сургуулийн сурагчдад БНСУ-ын их, дээд сургуулиудад суралцах шинэ боломж нээгдэж, гэрээнд заасан нөхцөлийн дагуу 4 жилийн хугацаанд сургалтын төлбөрөөс 50%-ийн хөнгөлөлттэй суралцах боломж бүрдлээ. 🎓🌏
Энэ нь сурагчдынхаа гадаад хэл, мэдлэг боловсролыг хөгжүүлэх, олон улсын түвшинд суралцах, ирээдүйн зорилго мөрөөдлөө хэрэгжүүлэхэд чиглэсэн томоохон алхам юм.
🌟 Эрдэм мэдлэгийн шинэ боломж — Олон улсын шинэ гарц — Гэрэлт ирээдүйн шинэ эхлэл!
🇲🇳🤝🇰🇷 Сурагчдынхаа ирээдүйд хөрөнгө оруулж, дэлхийд өрсөлдөх боловсролын боломжийг хамтдаа бүтээнэ.

16/09/2026

🏫 Сургуулийн орчинд худалдаалахыг хориглосон хүнсний бүтээгдэхүүн 🚫
Хүүхдийн эрүүл мэнд, өсөлт хөгжилд сөргөөр нөлөөлөх хүнсний бүтээгдэхүүнийг сургуулийн эзэмшил газраас 150 метр хүртэлх зайд худалдаалахыг хориглодог.
Хүүхдийнхээ эрүүл мэндийн төлөө зөв хооллолтын сонголтыг дэмжиж, эрсдэлтэй хүнснээс татгалзацгаая! 🥦🍎

15/09/2026

🏊‍♀️💦 УСАНД СЭЛЖ, ТЭСВЭР ТЭВЧЭЭРЭЭ ХӨГЖҮҮЛЬЕ! 💦🏊‍♂️
Эрүүл биед саруул ухаан —
Эрч хүчтэй, тэсвэр хатуужилтай сурагч болоорой! 🌊💪
🔔 ЯАРАЛТАЙ БҮРТГҮҮЛЭЭРЭЙ!
Зөвхөн 123 дугаар сургуулийн сурагчдад — 40%~ийн хөнгөлөлттэй 🎉

14/09/2026

🇲🇳🇨🇳 ХЯТАД ХЭЛНИЙ СУРГАЛТЫН ХАМТЫН АЖИЛЛАГААГ ӨРГӨЖҮҮЛЛЭЭ
Математик, Англи хэл, Хятад хэл, Солонгос хэлний төрөлжсөн сургалттай Нийслэлийн ерөнхий боловсролын 123 дугаар сургуульд БНХАУ-ын Dongbei University-ийн захирал LIA TAO, МУИС-ийн Күнзийн Институтийн Гадаад харилцааны захирал, Хятад талын захирал, профессор ZHANG DAISHENG болон Күнзийн Институтийн багш нар хүрэлцэн ирж, сургуулийн удирдлагатай уулзалт хийлээ.
Уулзалтыг 123 дугаар сургуулийн захирал Х.Мөнхцоож хүлээн авч, сургуулийн үйл ажиллагаа, хятад хэлний сургалтын өнөөгийн байдал, төрөлжсөн сургалтын онцлог, суралцагчдын хэлний мэдлэг, цаашдын хөгжлийн зорилтын талаар танилцуулан, харилцан санал солилцлоо.
Мөн сургуулийн хятад хэлний багш D**G SI-тай уулзаж, хятад хэлний сургалтын үйл ажиллагаа, багшийн мэргэжлийн хөгжил, суралцагчдын хэлний чадварыг хөгжүүлэх боломж, сургалтын чанарыг дээшлүүлэх чиглэлээр санал бодлоо хуваалцав.
Түүнчлэн зочид сургуулийн хятад хэлний багш, суралцагчидтай биечлэн уулзаж, хичээлийн үйл ажиллагаатай танилцан, суралцагчдын хятад хэл, соёлыг суралцах сонирхол, мэдлэг, ур чадвар болон сургалтын орчинтой танилцлаа.
✨ Энэхүү уулзалт нь 123 дугаар сургуулийн хятад хэлний сургалтыг хөгжүүлэх, багш суралцагчдын олон улсын харилцаа, хамтын ажиллагааг өргөжүүлэх, хятад хэл, соёлын чиглэлээр хэрэгжүүлэх хамтын ажиллагааг шинэ шатанд гаргах чухал ач холбогдолтой үйл явдал боллоо.

🤝🇲🇳🇨🇳 Эрдэм боловсролын хамтын ажиллагаа улам өргөжин тэлж, суралцагчдын хөгжлийн шинэ боломжуудыг нээх болтугай!

#Нийслэлийн123дугаарСургууль
#ХятадХэлнийСургалт
#КүнзийнИнститут
#ОлонУлсынХамтынАжиллагаа
#МонголХятад