Anar Montessori kindergarten

Анар Монтессори цэцэрлэг 2014-2015 оны шинэ хичээлийн жилийн баярын мэнд хүргье,

Алим

Ангидаа бид өнөөдөр
Алим зурж сурлаа
Дугуйлж том болгоод
Дэндүү гоё зурлаа
Нарийн ишийг нь
Нэмж зурлаа
Ногоон навчаар чимж өглөө
Амтлаг шүүслэг болохоор
Алимаа улаанаар будлаа

Шүүмжлүүлж өссөн хүүхэд бусдыг шүүмжлэгч болдог.

Эцэг эхчүүд хүүхдийнхээ үйлдэл төдийгүй бусад хүмүүс , хорвоо ертөнцөд хүртэл сэтгэл дундуур байж үглэн, санал зөрөлдөөд байвал яах бол. Хүүхэд ийм эцэг эхээсээ болж бусдыг шүүмжилж эхэлдэг төдийгүй, өөртөө итгэх итгэлээ алддаг. Юмыг сайн талаас нь бус муу талаас нь хараад байвал хүүхэд түүнийг нь сурчихдаг.
Мэдээж бидэнд хэн нэгэн дургүйцэх, гомдол бухимдлаа илэрхийлмээр үе гардаг. Тэглээ гээд үргэлж гомдоллон, бусдын дутагдлыг шүүмжлээд байж болохгүй. Эцэг эх нь байнга ийм байвал гэр бүлийн уур амьсгал харанхуй , хөндий хүйтэн болно. Гэр бүлийн орчинг ийм болгож хэрхэвч болохгүй. Гэр бүл бол хүүхэд баяр баясгалантай, тайван байх ёстой газар. Тийм гэр бүлийг бий болгох нь эцэг эхийн үүрэг биш гэж үү?

Аав ээжүүдэд:
Анги дээр заасан дуу шүлгийг долоо хоногоор байршуулан тавьж байх болно.
Өглөө хүлээн авалт болон оройн таралтын үеэр заасан дууны аудио бичлэгийг явуулж байх болхоор дууны аяыг тогтоож аваад хүүхэдтэйгээ хамт дуулж байгаарай.

Амин хүүдээ би

Аав ээжийн амин хүүдээ би
Алт мөнгөнөөс үнэтэй хүүдээ би
Өвөө эмээгийн эрх хүүдээ би
Өвөр дээр нь өссөн хүүдээ би
Ах эгчийн алиман дүүдээ би
Азын шоо шиг мундаг дүүдээ би
Морин заяатай Монгол хүүдээ би
Морин хуур шиг дуутай хүүдээ би

Шинэ хичээлийн жилийн нээлтээ хийлээ.

Хүүхэд биеийн гадаад болон дотоод нөлөөгөөр ярьж сураагүй байхдаа уйлж өөрийн тавгүй байдал болон сэтгэл ханамжгүй байдлаа илэрхийлдэг. Эцэг эх тэ бүхэн хүүхдээ уйлж байгааг нь анзаарч учир шалтгааныг нь олж тухайн цагт нь асуудлыг шийдвэрлэж байгаарай.