Nest Education IT School

🟡 "Цахлайд тусалъя" - Гэр бүлээрээ хөгжилтэй, дурсамжтай цагийг хамтдаа өнгөрөөе! 🟡

“Нэст Эдүкэйшн” сургуулийн 1-р ангийн сурагчид эцэг эх, асран хамгаалагчдын хамтаар "Цахлайд тусалъя" хөгжөөнт буухиа тэмцээнд амжилттай оролцож, адал явдалтай, инээд хөөртэй, аз жаргалтай дурсамж бүтээлээ. 🎉

Энэхүү өдөрлөгөөр хүүхдүүд маань сонирхолтой даалгавруудыг гэр бүлийнхэнтэйгээ хамтран гүйцэтгэж, бие биеэ дэмжих, хамтдаа шийдэл олох, урам өгөх, баярлах мөчүүдийг мэдэрлээ.

Бидний бэлгэдэл болсон Жонатан Ливингстон цахлай өөрийн боломжоо нээн, улам өндөрт дүүлэн нисэхийг эрмэлздэг шиг хүүхэд бүр гэр бүлийн хайр, дэмжлэг, итгэлээр жигүүрлэн өсдөг билээ. Өнөөдрийн "Цахлайд тусалъя" өдөрлөг ч хүүхэд бүрд "Би чадна, бид чамд тусална, бид хамтдаа чадна" гэсэн итгэлийг өгсөн халуун дулаан мөч байлаа. 💛

Инээд хөөр, хамтын ажиллагаа, урам зориг дүүрэн энэхүү өдөрлөгт халуун сэтгэлээр оролцсон нийт эцэг эх, асран хамгаалагчдадаа чин сэтгэлийн талархал илэрхийлье. 👏

Зохион байгуулсан П.Оюунсувд ахлагчтай сэтгэл зүйн албаны хамт олондоо баярлалаа.

🟡 Аз жаргалтайгаар суралцъя! 🟡

🚀 Дүүлэн нис! 🚀

🟡 Нэст Эдүкэйшн IT Сургуулийн 5 дугаар ангийн төгсөлтийн ёслол амжилттай зохион байгуулагдлаа 🟣

Таван жилийн өмнө Нэстийн бага сургуулийн эхлэлийг тавьж байсан анхны 1 дүгээр ангийн сурагчид маань өнөөдөр бага боловсролын үе шатаа амжилттай дүүргэлээ.

Энэ өдөр Нэст Эдүкэйшн IT Сургуулийн хувьд онцгой утга учиртай байлаа. Анх сургуулийн босго алхаж байсан бяцхан сурагчид маань өнөөдөр мэдлэг, чадвар, нөхөрлөл, дурсамж, мөрөөдлөөр жигүүрлэн дунд боловсролын шат руу итгэл дүүрэн алхаж байна.

Сурагч бүрийн авьяас чадварыг нээн илрүүлж, хөгжүүлэн төлөвшүүлэх үйлсэд үнэтэй хувь нэмэр оруулсан эрхэм бага ангийн багш нартаа гүн талархал илэрхийлье. Та бүхний мэдлэг, ур чадвар, чин сэтгэл, өдөр бүрийн тууштай дэмжлэгийн үр дүнд манай сурагчид өөртөө итгэлтэй, хүсэл тэмүүлэлтэйгээр дараагийн шатандаа шилжин суралцахад бэлэн боллоо.

Мөн хүүхэд бүрийн хөгжил, төлөвшилд үргэлж хамт байж, итгэл найдвар, урам зориг хайрласан эцэг эх, асран хамгаалагч та бүхэндээ чин сэтгэлийн талархал илэрхийлье. Та бүхний хайр, халамж, дэмжлэг нь сурагчдын маань өсөлт хөгжил, амжилт бүтээлийн бат бөх үндэс болсоор ирсэн билээ.

Бага ангийн хугацаанд мэдлэг боловсролоо ахиулж, авьяас чадвараа хөгжүүлэн, аз жаргалтайгаар суралцсан 5 дугаар ангийн нийт сурагчдадаа төгсөлтийн баярын халуун мэнд хүргэе.

Нэстийн хүүхдүүд Жонатан Ливингстон цахлай адил өөрийн боломж, өөрийн мөрөөдөл рүү тэмүүлэн суралцаж ирлээ. Энэ замдаа тэд хүн чанараар бусдыг хүндэтгэх, хүсэл мөрөөдлөөрөө ирээдүйгээ төсөөлөх, хичээл зүтгэлээрээ алхам бүрээ бүтээх үнэ цэнийг өөртөө шингээлээ.

Нүүрэндээ галтай, нүдэндээ цогтой, сэтгэлдээ мөрөөдөлтэйгөөр бага сургуулийн үе шатаа амжилттай дүүргэж буй 5 дугаар ангийн сурагчдадаа дахин баяр хүргэе.

Та бүхэн мэдлэг, нөхөрлөл, хүн чанар, хүсэл мөрөөдөл, хичээл зүтгэлээ жигүүр болгон өөрийн өндөр рүү итгэлтэйгээр дүүлэн нисээрэй. 💛

Аз жаргалтайгаар суралцъя.

ДҮҮЛЭН НИС 🚀🚀

🎓 Мэдээллийн технологийн гүнзгийрүүлсэн сургалттай Ерөнхий боловсролын “Нэст Эдүкэйшн” сургуулийн 2025–2026 оны хичээлийн жилийн 12-р ангийн сурагчид маань амжилттай төгслөө. 💐

Нэст Эдүкэйшн сургуулийн 7 дахь удаагийн төгсөлт тохиож байгаа бөгөөд энэ жил нийт 52 сурагч эрдмийн их аяндаа дараагийн алхмаа хийж байна. 👩‍🎓👨‍🎓

Хүүхэд бүрийн нууцлаг авьяасыг нээн илрүүлж, өнгөлөн хөгжүүлсээр ирсэн эрхэм багш нартаа гүн талархал илэрхийлье. Та бүхний мэдлэг, сэтгэл шингэсэн заавар, цаг наргүй дэмжлэгийн ачаар манай төгсөгчид амьдралын их далайд итгэл дүүрэн, урам зоригоор жигүүрлэн хөл тавьж байна.

Мөн үргэлж хамт байж, итгэл найдвар, урам зоригийг харамгүй хайрласан эрхэм эцэг эх, асран хамгаалагчиддаа чин сэтгэлийн талархал илэрхийлье. Та бүхний халамж, дэмжлэг нь хүүхдүүдийн маань өөртөө итгэх итгэл, амжилтын бат бөх үндэс болсон билээ.

Сургуулийнхаа гэгээн он жилүүдэд мэдлэг чадвараа ахиулж, өөрийгөө нээн илэрхийлж, баяр баясал, сорилт бэрхшээлийг хамтдаа туулсан 12-р ангийн төгсөгчид та бүхэндээ төгсөлтийн баярын халуун мэнд хүргэе! ✨

Та бүхний өмнө нээлттэй орших амьдралын их далай гэрэл гэгээ, боломж, амжилтаар дүүрэн байх болтугай. Мөрөөдөлдөө итгэж, хүсэл тэмүүллээ даган зоригтойгоор дүүлэн нисээрэй!

Бидний баярт өнгө нэмсэн 11-р ангийн хөөрхөн дүү нартаа, The Royal Heartaches хамтлагийн ах эгч нартаа, дуучин Davai Dasha ахдаа, супер хөтлөгч Хонгороодоо чин сэтгэлийн талархал илэрхийлье. 💜

Нийт төгсөгчдөдөө амьдралын их далайд дараагийн аялалдаа гарч, хязгааргүй уудам ертөнцөөр ДҮҮЛЭН НИСЭХ-ийг сургуулийн нийт хамт олны зүгээс хүсэн ерөөе! 🚀

🚀 ДҮҮЛЭН НИС🚀

🟣 Нэст Эдүкэйшн IT сургуулийн 9-р ангийн төгсөлтийн баяр амжилттай зохион байгуулагдлаа. 🎓✨

Хүүхэд бүрийн нууцлаг авьяасыг нээн илрүүлж, өнгөлөн хөгжүүлсээр ирсэн эрхэм дунд ангийн багш нартаа гүн талархал илэрхийлье. Та бүхний мэдлэг, сэтгэл шингэсэн заавар, тасралтгүй дэмжлэгийн ачаар манай сурагчид ахлах ангидаа итгэл дүүрэн, урам зоригоор жигүүрлэн элсэн орж байна.

Мөн үргэлж хамт байж, итгэл найдвар, урам зоригийг харамгүй хайрласан эрхэм эцэг эх, асран хамгаалагчиддаа чин сэтгэлийн талархал илэрхийлье. Та бүхний халамж, дэмжлэг нь сурагчдын маань амжилтын хамгийн бат бөх суурь болсон билээ.

Дунд ангидаа суралцах хугацаандаа мэдлэг чадвараа ахиулж, өөрийгөө нээн илэрхийлж чадсан 9-р ангийн сурагчдадаа төгсөлтийн баярын халуун мэнд хүргэе! ✨

Та бүхний өмнө гэрэлт ирээдүй нээлттэй байна. Мөрөөдөлдөө итгэж, хүсэл тэмүүллээ даган амжилтын зүг зоригтойгоор дүүлэн нисээрэй!

Мөн бидний баярыг улам чимж, сэтгэл догдлуулам үзүүлбэрээрээ баяр дээр баяр нэмсэн 1-р ангийн хөөрхөн дүү нартаа болон дуучин Davai Dasha-даа чин сэтгэлийн талархал илэрхийлье. 💜

Бидний баярыг уран цэцэн үгээрээ чимэглэсэн супер хөтлөгч Хонгороодоо баярлалаа!

Түүнчлэн тайзнаа гарч, урам зориг, итгэл найдвар түгээсэн Б.Баттүшигт танд талархал илэрхийлье. Таны сэтгэл хөдөлгөм үгс олон сурагчдын зүрх сэтгэлд хүрч, мөрөөдлийнхөө зүг дүүлэн нисэх урам зориг өгсөн гэдэгт итгэлтэй байна.

🚀 ДҮҮЛЭН НИС 🚀

🎉 Spelling Bee тэмцээн амжилттай зохион байгуулагдлаа! 🐝
Англи хэлний танхимаас 6–9-р ангийн сурагчдын дунд зохион байгуулсан Spelling Bee тэмцээн 2026 оны 5-р сарын 05–12-ий хооронд амжилттай болж өндөрлөлөө. Уг тэмцээн нь сурагчдын англи хэлний үгийн сан болон зөв бичгийн чадварыг хөгжүүлэх зорилготой сонирхолтой арга хэмжээ байв.
📚 Тэмцээний явц:
🔹 1-р шат
Oxford Discover хичээлийн 1–16-р бүлгийн үгсийг ашиглан Kahoot платформ дээр A, B, C гэсэн гурван бүлэгт хуваан цахимаар зохион байгуулагдав. Энэ шат нь зөв бичих чадвар төдийгүй үгийн утгыг ойлгох чадварыг мөн хамарч байснаараа онцлог байлаа. 6-р ангиас 5 сурагч, бусад ангиас 3 сурагч шалгарч, дараагийн шатанд оролцох эрхтэй боллоо.

🔹 2-р шат
Нийт 28 сурагч өрсөлдсөнөөс 9 сурагч финалд шалгарч, Spelling Bee тэмцээний ялагчид тодорлоо:

6-р анги:
🥇 Б.Эгшиг (6а)
🥈 Т.Танан (6б)
🥉 М.Эрхэм (6б)
7-р анги:
🥇 И.Түшиг (7б)
🥈 Т.Санчир (7а)
🥉 Э.Хос-Эрдэнэ (7б)
8-р анги:
🥇 А.Чинбилиг (8а)
🥈 Б.Болор (8а)
🥉 Э.Мэргэнгүн (8б)
9-р анги:
🥇 Б.Мэргэн (9а)
🥈 Мөнх-Оргил (9а)
🥉 А.Ананд (9а)
🎊 Энэхүү тэмцээн нь сурагчдын англи хэлний мэдлэгийг сорихоос гадна, тэднийг урамшуулж, хичээлдээ дуртай болгоход ихээхэн хувь нэмэр оруулсан ач холбогдолтой арга хэмжээ боллоо.
👏 Бүх оролцогчиддоо халуун баяр хүргэе! Багш нартаа болон зохион байгуулагч багт талархал илэрхийлье!
🚀Дүүлэн нис🚀

🟣 Дунд ангийн сурагчид TOEFL Junior шалгалтад амжилттай оролцлоо 🟣
"Нэст Эдүкэйшн" сургуулийн VI–IX ангийн сурагчид олон улсын англи хэлний шалгалт болох TOEFL Junior-т амжилттай оролцлоо.
Энэ удаад манай сургуулиас нийт 38 сурагч шалгалтад оролцсон бөгөөд дундаж оноо 800< болж өссөн үр дүн гарлаа.

Үр дүнгийн хураангуй:

Gold гэрчилгээ – 12 сурагч (32%)
Silver гэрчилгээ – 23 сурагч (61%)
Bronze гэрчилгээ – 3 сурагч (7%)

Эдгээр амжилт нь сурагчдын маань тууштай хичээл зүтгэл, англи хэлний мэдлэг, ур чадварын тогтвортой ахиц, сургалтын хөтөлбөр, арга зүйн үр дүнтэй хөгжүүлэлтийн бодит баталгаа болж байна.

TOEFL Junior шалгалтад амжилттай оролцсон нийт сурагчдадаа болон тэднийг бэлтгэж, чиглүүлсэн эрхэм багш нартаа баяр хүргэе!

Ирээдүйн илүү их амжилтын төлөө хамтдаа урагшилцгаая! 🟣

🚀Дүүлэн нис🚀

🟣Б.Сод-Од – “Nest Education IT School CTO”

Энэ удаагийн дугаараар бага анги, дунд анги болон их, дээд сургуулийн технологийн боловсролын хөтөлбөрүүдийн өнөөгийн байдал, хиймэл оюун ухаан боловсролын салбарт хэрхэн нөлөөлж, ямар өөрчлөлтүүдийг авчирч байгаа талаар сонирхолтой яриа өрнүүлснийг та бүхэнд хүргэж байна.

🚀Дүүлэн нис🚀

https://www.youtube.com/watch?v=JyHRqmGhBuk