ШУТИС-Механик инженер, тээврийн сургууль

Нийслэлийн Засаг даргын Тамгын газар болон БНСУ-ын Halla University-тай хамтран хэрэгжүүлж буй метроны салбарын хүний нөөц бэлтгэх хөтөлбөрийн хүрээнд метроны чиглэлийн 4 мэргэжлээр нийт 8 оюутан магистрын түвшний сургалтад амжилттай суралцаж байна.

Тус оюутнууд нь метроны системийн төлөвлөлт, ашиглалт, удирдлага, техник технологийн чиглэлээр мэргэшиж байгаа бөгөөд Нийслэлийн Засаг даргын Тамгын газрын тэтгэлгээр суралцаж байна.

Энэхүү хөтөлбөр нь Улаанбаатар хотод хэрэгжүүлэх метроны төслийн хүний нөөцийн чадавхыг бэхжүүлэх, олон улсын түвшний мэдлэг, ур чадвартай инженер, мэргэжилтнүүдийг бэлтгэхэд чиглэсэн чухал ач холбогдолтой юм. #МИТС

МИТС-ийн оюутнууд БНХАУ-д үйлдвэрлэлийн дадлага, танилцах аялалд хамрагдаж байна

ШУТИС-ийн Механик инженер, тээврийн сургуулийн (МИТС) оюутнууд үйлдвэрлэлийн дадлага, олон улсын туршлага судлах хөтөлбөрийн хүрээнд БНХАУ-ын Liaoning Railway Vocational and Technical College-ийн сургалт, лабораторийн үйл ажиллагаатай танилцаж, төмөр замын салбарын сургалт, хүний нөөц бэлтгэх туршлагаас судалж байна.

Мөн оюутнууд Jinzhou Port-ын үйл ажиллагаатай танилцаж, боомтын логистик, ачаа тээврийн зохион байгуулалт, орчин үеийн техник, технологийн шийдлүүдийг газар дээр нь үзэж танилцах юм.

Энэхүү дадлага, танилцах аялал нь оюутнуудын мэргэжлийн мэдлэг, практик ур чадварыг нэмэгдүүлэхийн зэрэгцээ олон улсын түвшний төмөр зам, логистикийн салбарын үйл ажиллагаатай танилцах чухал боломж болж байна. #МИТС

📍 “Боловсрол Экспо 2026 – Архангай” арга хэмжээнд
ШУТИС-ийн Механик инженер, тээврийн сургууль амжилттай оролцож байна ✨
Манай сургууль тус үзэсгэлэнд инженерчлэл, тээвэр, логистик, мехатроник, төмөр зам, соёлын өвийн хадгалалт хамгаалалтын технологи зэрэг ирээдүйтэй мэргэжлийн хөтөлбөрүүдээ танилцуулж, элсэгчид болон эцэг эхчүүдэд мэдээлэл хүргэн ажиллаж байна.
Инженерийн боловсрол — Ирээдүйн хөгжлийн үндэс 🚆⚙️✈️
#ШУТИС #МИТС #БоловсролЭкспо2026 #Архангай #Элсэлт2026 #ИнженерБолИрээдүй

🏃‍♂️🏃‍♀️ “Улаанбаатар марафон-2026” олон улсын гүйлтийн тэмцээний “Эрүүл мэндийн 5 км” төрөлд Механик инженер, тээврийн сургууль-ийн 10 багш, ажилтан албан хаагч оролцоно. 💙

Эрүүл амьдралын хэв маягийг түгээж, хамт олноороо нэгэн өдрийг эрч хүчтэй өнгөрүүлэх энэхүү арга хэмжээнд оролцогчдодоо амжилт хүсье! 👏

#ШУТИС #МИТС