Улс төр судлал, Олон Улсын Харилцаа, Нийтийн Удирдлагын Сургууль

ОЛОН УЛСЫН ХАРИЛЦААНЫ ТЭНХИМИЙН ДОКТОРАНТ Н.ЦАХИНАА ДОКТОРЫН ЗЭРЭГ ХАМГААЛЛАА

2026 оны 6 дугаар сарын 24-ний өдөр Монгол Улсын Их Сургуулийн Улс төр судлал, олон улсын харилцаа, нийтийн удирдлагын сургуулийн Олон улсын харилцааны тэнхимийн докторант Насанбаярын Цахинаа “Монгол Улсын зөөлөн хүчний бодлого дахь музейн дипломат ажиллагаа (Чингис хаан Үндэсний музейн жишээн дээр)” сэдэвт докторын (Ph.D) диссертациа амжилттай хамгааллаа.

Түүний судалгааны ажил нь Монгол Улсын зөөлөн хүчний бодлого, соёлын дипломат ажиллагаа болон музейн дипломат ажиллагааны онол, практикийн асуудлыг Чингис хаан Үндэсний музейн үйл ажиллагааны жишээн дээр шинжлэн судалж, музей нь үндэсний өв соёл, түүхэн үнэт зүйлсийг олон улсын түвшинд сурталчлах, улс орны эерэг дүр төрхийг бэхжүүлэх, соёлын харилцааг өргөжүүлэхэд гүйцэтгэх үүргийг тодорхойлсон ач холбогдолтой бүтээл боллоо.

Диссертацийн эрдэм шинжилгээний удирдагчаар профессор С.Оюунсүрэн, профессор А.Батцэцэг нар ажилласан бөгөөд судалгааны ажлын шинжлэх ухааны түвшин, үр дүнг үнэлэн диссертацийн албан ёсны шүүмжлэгчээр профессор Д.Уламбаяр, профессор Д.Мандах нар ажиллав.

Н.Цахинаагийн докторын судалгаа нь Монгол Улсын соёлын дипломат ажиллагаа, зөөлөн хүчний бодлого болон олон улсын харилцааны судалгааны чиглэлд онол, практикийн чухал хувь нэмэр оруулсан бүтээл болж байгаагаараа онцлог юм.

Доктор (Ph.D)-ын зэргээ амжилттай хамгаалсан Насанбаярын Цахинаад халуун баяр хүргэж, цаашдын эрдэм шинжилгээ, судалгааны ажилд нь өндөр амжилт хүсэн ерөөе.

Монгол Улсын Их Сургууль /The National University of Mongolia/

https://spsirpa.num.edu.mn/299/nitem

НИЙТИЙН УДИРДЛАГЫН ТЭНХИМ 2025-2026 ОНЫ ХИЧЭЭЛИЙН ЖИЛИЙГ АМЖИЛТААР ДҮҮРЭН ҮДЛЭЭ Монгол Улсын Их Сургуулийн Улс төр судлал, олон улсын харилцаа, нийтийн удирдлагын сургуулийн Нийтийн удирдлагын тэнхим 2025-2026 оны хичээлийн жилээ амжилттай өндөрл...

https://spsirpa.num.edu.mn/298/nitem

БНХАУ-ын Жилинь их сургуулийн профессор Ба Дяньжүнь МУИС-ийн УТСОУХНУС-ийн оюутнуудад “Хятад, Монголын залуучуудын соёл, эрдэм шинжилг 2026 оны 6-р сарын 3-нд Жилинь их сургуулийн Зүүн Хойд Ази судлалын хүрээлэнгийн дэд захирал, тус сургуулийн “Куан Ямин” нэрэмжит шилдэг эрдэмтэн, профессор Ба Дяньжү...

https://spsirpa.num.edu.mn/297/nitem

МУИС-ийн Улс төр судлал, Олон улсын харилцаа, нийтийн удирдлагын сургууль БНХАУ-ын Жилинь Их сургуулийн Зүүн хойд ази судлалын хүрээлэн- МУИС-ийн Улс төр судлал, Олон улсын харилцаа, Нийтийн удирдлагын сургууль (УТСОУХНУС) болон БНХАУ-ын Жилинь Их сургуулийн Зүүн хойд Ази судлалын хүрээлэн хооронд 2026...

ОЛОН УЛСЫН ХАРИЛЦАА ХӨТӨЛБӨРИЙН ДОКТОРАНТ Г.ЛХАМ-ЭРДЭНЭ ДОКТОРЫН ЗЭРГЭЭ АМЖИЛТТАЙ ХАМГААЛЛАА

2026 оны 6-р сарын 17-ны өдөр МУИС-ийн Улс төр судлал, олон улсын харилцаа, нийтийн удирдлагын сургуулийн Олон улсын харилцааны тэнхимийн докторант Г.Лхам-Эрдэнэ “Монгол Улсын тусгаар тогтнолыг олон улсын харилцааны онолоор шинжлэх нь (1911–1961)” сэдэвт докторын (Ph.D) диссертацийн ажлаа амжилттай хамгаалж, олон улсын харилцаа судлалын докторын зэрэг хүртлээ.

Түүний судалгааны ажил нь Монгол Улсын тусгаар тогтнолын асуудлыг олон улсын харилцааны онолын үүднээс авч үзэн, 1911–1961 оны түүхэн үйл явц, гадаад орчин, их гүрнүүдийн бодлого, олон улсын эрх зүйн хүчин зүйлсийн нөлөөг шинжлэх ухааны үндэслэлтэйгээр задлан судалснаараа онцлог юм. Судалгааны үр дүн нь Монгол Улсын тусгаар тогтнолын төлөвшил, олон улсын хүлээн зөвшөөрөлтийн үйл явцыг олон улсын харилцааны онолын хүрээнд тайлбарласан шинэлэг бүтээл болжээ.

Тус диссертацийн эрдэм шинжилгээний удирдагчаар доктор, профессор Н.Алтанцэцэг, доктор, профессор Б.Цэнгэлхам нар ажилласан бөгөөд судалгааны ажлыг амжилттай гүйцэтгэхэд үнэтэй хувь нэмэр оруулсан байна.

Доктор Г.Лхам-Эрдэнэд баяр хүргэж, цаашдын эрдэм шинжилгээ, судалгааны ажил болон мэргэжлийн үйл ажиллагаанд нь өндөр амжилт хүсэн ерөөе.

ДОКТОРЫН ЗЭРЭГ ХАМГААЛНА

Монгол Улсын Их Сургуулийн докторант Ганболдын Лхам-Эрдэнэ нь “Монгол Улсын тусгаар тогтнолыг олон улсын харилцааны онолоор шинжлэх нь (1911-1961)” сэдвээр Олон улсын харилцаа судлалын докторын (Ph.D) зэрэг хамгаална.

Олон улсын харилцаагаар докторын зэрэг хамгаалуулах дэд зөвлөлийн хурал 2026 оны 06-аар сарын 17-ны (Лхагва гараг) өдрийн 14:00 цагт МУИС-ийн хичээлийн V байрны 203 тоот танхимд болно.

УЛС ТӨР СУДЛАЛ, ОЛОН УЛСЫН ХАРИЛЦААНЫ ДОКТОРЫН ЗЭРЭГ ХАМГААЛУУЛАХ ДЭД ЗӨВЛӨЛ