IEDC - Pearson partner Mongolia

Бичих чадвараа сайжруулах зөвлөгөө — Аргачлал 2 ✍️

Англи хэлээр зөв, ойлгомжтой бичихэд apostrophe тэмдэг (’) чухал үүрэгтэй. Энэ тэмдэг нь эзэмшил болон товчилсон хэлбэрийг илэрхийлэхэд хэрэглэгддэг бөгөөд буруу ашиглавал өгүүлбэрийн утга өөрчлөгдөх боломжтой.

Энэ удаагийн зөвлөгөөгөөр ’s, s’, its, it’s-ийн ялгааг энгийн дүрэм, жишээ, дасгалын хамт танилцуулж байна.

📌 Хадгалаад аваарай — эссэ, зохион бичлэг, шалгалтын бичгийн хэсэгт тань хэрэг болно.

#БичихЧадвар #АнглиХэл #Суралцъя

🇲🇳🇬🇧 Монгол Улсын англи хэлний боловсролын шинэчлэлийг олон улсын түвшинд үргэлжлүүлэн өргөжүүлэх чухал хамтын ажиллагаа баталгаажлаа.

Боловсролын сайд Л.Энх-Амгалан тэргүүтэй төлөөлөгчид, түүний дотор Pearson байгууллагын Монгол дахь албан ёсны онцгой эрхт төлөөлөгчийн газрын захирал М.Найдалмаа, 2026 оны 05 дугаар сарын 17–20-ны өдрүүдэд Их Британи, Умард Ирландын Нэгдсэн Хаант Улсад айлчлал хийж, Лондон хотноо зохион байгуулагдсан “Дэлхийн боловсролын чуулга уулзалт-2026”-д оролцлоо.

Айлчлалын хүрээнд Монгол Улсын Боловсролын яам болон Pearson байгууллагын хамтын ажиллагааг 3 жилийн хугацаагаар сунгаж, Монгол Улсын ерөнхий боловсролын сургуулиудад англи хэлний үндэсний хэмжээнд зохицуулалттай хөтөлбөрийг үргэлжлүүлэн хэрэгжүүлэх, мөн олон улсын стандартад нийцсэн Pearson BTEC хөтөлбөрийг өргөжүүлэх чиглэлээр хамтын ажиллагаагаа бататгалаа.

Санамж бичигт Pearson англи хэлний сургалтын хөтөлбөрийг үе шаттай хэрэгжүүлэх, GSE болон CEFR олон улсын түвшний хүрээтэй уялдуулах, сургалтын хэрэглэгдэхүүнийг Монголын нөхцөлд нийцүүлэн нутагшуулах, хэвлэмэл болон дижитал сургалтын нэгдсэн хэрэглэгдэхүүнээр хангах, хиймэл оюун ухаанд суурилсан шинэлэг сургалтын арга барилыг дэмжих зорилтууд тусгагдсан.

Мөн англи хэлний сургалтын үнэлгээний стандартчилсан хүрээг хөгжүүлэх, 12 дугаар ангийн төгсөлтийн үнэлгээ болон их, дээд сургуульд элсэх шалгалттай уялдуулах боломжийг судлах, багшийн мэргэжил дээшлүүлэх тасралтгүй сургалтыг хэрэгжүүлэх, багш бэлтгэх хөтөлбөрийг үндэсний сургалтын хөтөлбөрийн шаардлагатай нийцүүлэн шинэчлэх, дата-д суурилсан хяналт-шинжилгээ, үнэлгээний тогтолцоог бий болгох чиглэлүүд багтсан байна.

Түүнчлэн Pearson BTEC International Level 3 Diploma in IT хөтөлбөрийг сонгогдсон мэргэжлийн боловсролын байгууллагуудад хэрэгжүүлэх, багш, ажилтнуудын чадавхыг бэхжүүлэх, олон улсын түвшний сургалтын хөтөлбөр, сургалтын хэрэглэгдэхүүн, үнэлгээ, баталгаажуулалтын тогтолцоог нэвтрүүлэх, цаашид төгсөгчдийг гадаадын холбогдох боловсролын байгууллагуудад үргэлжлүүлэн суралцах боломжийг дэмжихээр тусгалаа.

Энэхүү хамтын ажиллагаа нь Монгол Улсад англи хэлний боловсролын чанар, хүртээмжийг нэмэгдүүлэх, олон улсын түвшний сургалтын хөтөлбөр, үнэлгээний тогтолцоог нутагшуулах, багшийн мэргэжлийн хөгжлийг дэмжих, суралцагчдад дэлхийн боловсролын боломжийг ойртуулахад чухал ач холбогдолтой юм.

Pearson байгууллагын Монгол дахь албан ёсны онцгой эрхт төлөөлөгчийн газар нь Монгол Улсын боловсролын салбарын шинэчлэл, англи хэлний сургалтын чанарыг сайжруулах зорилтын хүрээнд Боловсролын яам болон холбогдох байгууллагуудтай хамтын ажиллагаагаа тууштай үргэлжлүүлэн ажиллах болно.

БОЛОВСРОЛЫН ГАЗРЫН МЭРГЭЖИЛТНҮҮДЭД ЗОРИУЛСАН АНГЛИ ХЭЛНИЙ БОЛОВСРОЛЫН ТОГТОЛЦОО, БАГШИЙН МЭРГЭЖЛИЙН ХӨГЖЛИЙН ХУРАЛ, ХЭЛЭЛЦҮҮЛЭГ АМЖИЛТТАЙ ЗОХИОН БАЙГУУЛАГДЛАА.

Англи хэлний боловсролын чанарыг сайжруулах, багшийн мэргэжлийн хөгжлийг бэхжүүлэх, хэрэгжилтийн үр дүнг дата мэдээлэл болон хамтын төлөвлөлтөд тулгуурлан сайжруулах зорилгоор “Англи хэлний боловсролын тогтолцоо, багшийн мэргэжлийн хөгжлийн хурал, хэлэлцүүлэг” 2026 оны 5 дугаар сарын 28–29-ний өдрүүдэд амжилттай зохион байгуулагдлаа.

Тус арга хэмжээг Pearson байгууллагын Монгол Улс дахь албан ёсны төлөөлөгч “Ай И Ди Си” ХХК болон Боловсролын Ерөнхий Газар хамтран зохион байгуулсан бөгөөд орон нутгийн боловсролын газрын гадаад хэлний судлагдахуун хариуцсан мэргэжилтнүүд оролцож, туршлага солилцон, цаашдын хамтын ажиллагаа, хөгжлийн чиглэлээр санал солилцон хэлэлцлээ.

Хэлэлцүүлгийн хүрээнд англи хэлний боловсролын цогц тогтолцоо, багшийн мэргэжлийн хөгжлийн систем, чадамжийн хүрээ, хэрэгжилтийн хяналт-шинжилгээ, үнэлгээний арга зүй, Pearson хөтөлбөрийн агуулга, цахим платформ, сургалтын хэрэглэгдэхүүн, үнэлгээний нэгдсэн систем болон хэрэгжилтийн төлөвлөлтийн талаар дэлгэрэнгүй танилцуулж, орон нутаг, багш, суралцагчдын хэрэгцээ шаардлагад тулгуурласан нээлттэй хэлэлцүүлгийг өрнүүлэв.

Мөн олон улсын англи хэлний шалгалтууд, унших чадварыг хөгжүүлэх хөтөлбөрүүд, англи хэлний олимпиад, зуны сургалтын боломжууд, Америкийн ахлах сургуулийн хос дипломын хөтөлбөр болон хиймэл оюун ухаанд суурилсан англи хэл суралцах орчин үеийн шийдлүүдийг танилцууллаа. Оролцогчид аймаг, дүүргийн онцлог, хэрэгцээнд нийцсэн хэрэгжилтийн төлөвлөгөө боловсруулах workshop-д хамрагдаж, цаашид хэрэгжүүлэх бодитой санал, санаачилгуудыг хэлэлцэв.

Энэхүү сургалт, хэлэлцүүлэг нь боловсролын салбарын мэргэжилтнүүдийн хамтын ажиллагааг өргөжүүлэх, харилцан туршлага солилцох, орон нутгийн хэрэгцээ шаардлагыг тодорхойлох, англи хэлний боловсролын чанар, хүртээмжийг нэмэгдүүлэхэд чиглэсэн чухал арга хэмжээ болж өндөрлөлөө.

🌈📚 Happy Children’s Day! 🎈

Өнөөдрийн инээмсэглэл маргаашийн мөрөөдлийг бүтээдэг. Хүүхэд бүрийн төсөөлөл хязгааргүй, сурах хүсэл нь гэрэлт ирээдүйн эхлэл юм. ✨

Номтой нөхөрлөж, мэдлэгээр жигүүрлэн, мөрөөдөл рүүгээ нисэцгээе. 🚀📖

Хүүхэд багачууддаа Олон улсын хүүхдийн эрхийг хамгаалах өдрийн мэнд хүргэе! 💙

“Англи хэлний боловсролын тогтолцоо, багшийн мэргэжлийн хөгжлийн хурал, хэлэлцүүлэг” сургалтын эхний өдөр амжилттай зохион байгуулагдлаа.

Тус өдөр:
▫️ Англи хэлний боловсролын өнөөгийн нөхцөл байдал
▫️ Багшийн хөгжил, чадамжийн тогтолцоо
▫️ Pearson хөтөлбөрийн туршлага
▫️ Аймаг, дүүргийн хөгжлийн төлөвлөлтийн хэлэлцүүлэг
▫️ Дижитал платформ ба дэмжих системүүдийн танилцуулгийг тус тус танилцуулж, шинэ санаа, шийдлүүдийг хэлэлцсэн өдөр боллоо.

Боловсролын салбарын мэргэжилтнүүд нэг дор цуглаж, туршлага солилцсон үр дүнтэй өдөр байлаа.

Боловсролын ерөнхий газар

🤖📚 “GENERATIVE AI IN ENGLISH LANGUAGE TEST DEVELOPMENT” цахим хичээлд урьж байна!

Англи хэлний шалгалтын өнөөгийн чиг хандлага, Generative AI-ийн тест боловсруулах үйл явц дахь үүрэг, боломжуудын талаар илүү дэлгэрэнгүй мэдэхийг хүсэж байна уу?

Энэхүү вебинараар:
✅ Англи хэлний шалгалтын хөгжлийн шинэ чиг хандлага
✅ Generative AI-г тест боловсруулахад ашиглах боломж
✅ Сурагчдыг шалгалтад бэлтгэх AI шийдлүүд
✅ Итгэлтэй, үр дүнтэй суралцах аргачлалууд зэрэг сонирхолтой сэдвүүдийг хөндөнө.

⏱️Хугацаа: 5-р сарын 27-ны өдөр 23:00 цагаас
🎙 Илтгэгч: Rob Derbyshire

📲 Оролцохыг хүсвэл пост дээрх QR кодыг уншуулах болон доорх холбоосоор хандан бүртгүүлээрэй.
https://pearson.zoom.us/webinar/register/WN_wNdPmjVdSnCGl4A8H7TT1Q #/registration

📣 “НЭЭЛТТЭЙ ХААЛГАНЫ ӨДӨРЛӨГ”-өөр Pearson-ийн боловсролын хөтөлбөрүүдтэй танилцаарай 🤗

📚 Pearson англи хэлний сургалтын цогц хөтөлбөр
🌍 Олон улсын 180+ шалгалтыг эх орондоо өгөх боломж
💻 Pearson BTEC International IT
🧠 Scholastic уншлагын платформ зэрэг боловсролын хөтөлбөрүүд болон олон улсын боловсролын шийдлүүдийн талаар мэдээлэл, зөвлөгөө авах боломжтой.

📍Жанжин Д.Сүхбаатарын талбай
🗓 2026.05.11–05.13

#Чөлөөлье

📣Боловсролын салбарт хэрэгжүүлэх “чөлөөлье” санаачилгын хүрээнд “НЭЭЛТТЭЙ ХААЛГАНЫ ӨДӨРЛӨГ”-ийг 2026 оны 05 дугаар сарын 11, 12, 13-ны өдрүүдэд Жанжин Д.Сүхбаатарын талбайд зохион байгуулна.
🤗“НЭЭЛТТЭЙ ХААЛГАНЫ ӨДӨРЛӨГ”-өөр
👉Иргэдээс өргөдөл, гомдол, санал хүсэлт хүлээн авах
👉Боловсролын сургалтын байгууллагын элсэлт, бүртгэл, шилжилт хөдөлгөөний зөвлөгөө өгөх
👉Гадаад, дотоод их, дээд сургууль, коллежийн зээл, тэтгэлэг, буцалтгүй тусламжтай холбоотой зөвлөгөө мэдээлэл өгөх
👉Багшийн хөгжил, мэргэжил дээшлүүлэх боломжийн талаар зөвлөгөө өгөх
👉Гадаад, дотоод их, дээд сургуулийн боловсролын баримт бичиг нөхөн бүртгэх, хүсэлт хүлээн авах
👉Боловсролын салбарт ашиглагдаж буй цахим систем, платформ ашиглах зааварчилгаа өгөх
👉Ялгаатай хэрэгцээтэй суралцагчдын боловсролын үйлчилгээний талаар зөвлөгөө өгөх
👉Сэтгэл зүй, мэргэжил сонголтын зөвлөгөө үзүүлэх
👉Инноваци, STEM, роботик, технологийн үзүүлэн, туршилт танилцуулах
👉Ном, сурах бичиг, сургалтын хэрэглэгдэхүүний үзэсгэлэн худалдаа зохион байгуулах
👉Амжилттай суралцагч, багш, төгсөгчдийн туршлага хуваалцах уулзалт хийх
👉Элсэлтийн ерөнхий шалгалтын талаарх зөвлөгөө мэдээлэл өгөх
👉Боловсрол сургалтын байгууллагын энгийн болон тусгай зөвшөөрлийн талаарх мэдээллийг хүргэх болно.
💡ХАМРАХ ХҮРЭЭ:
Боловсролын салбарын эрхлэх асуудлын хүрээний агентлаг, харьяа байгууллагууд, төрийн өмчийн их сургууль, политехникийн коллеж.

💻🤖 Ирээдүйн IT инженерүүд бүтээлээ танилцууллаа

Олонлог Эгзэ Сургууль -д хэрэгжиж буй Pearson BTEC Мэдээллийн Технологийн олон улсын хөтөлбөрөөр суралцаж буй 10-12 ангийн сурагчид энэ сарын 8-ны өдөр өөрсдийн 120 гаруй бүтээл, төслөө эцэг эх, олон нийтэд амжилттай танилцууллаа.

Энэхүү үзэсгэлэн нь сурагчид зөвхөн онолын мэдлэг эзэмшээд зогсохгүй бодит төсөл дээр ажиллаж, олон улсад шаардлагатай ур чадваруудаа хөгжүүлж буйг харуулсан онцгой арга хэмжээ боллоо. ✨
Сурагчид өөрсдийн бүтээлээр дамжуулан:
✔️ Мэдээллийн технологийн практик ур чадвар
✔️ Программчлал болон системийн сэтгэлгээ
✔️ Хиймэл оюуны суурь ойлголт
✔️ Дижитал бүтээгдэхүүн хөгжүүлэх чадвар
✔️ Бүтээлч болон шүүмжлэлт сэтгэлгээ
✔️ Судалгаа хийх, асуудал шийдвэрлэх чадвар
✔️ Багаар ажиллах болон төслийн менежментийн ур чадвараа бодитоор харууллаа.

Pearson BTEC International Level 3 хөтөлбөр нь Их Британи улсын олон улсад хүлээн зөвшөөрөгдсөн, практикт суурилсан сургалтын хөтөлбөр бөгөөд сурагчдыг их дээд сургууль, цаашлаад олон улсын хөдөлмөрийн зах зээлд шаардлагатай бодит ур чадвараар бэлтгэдэг онцлогтой.

Олонлог Эгзэ Сургууль нь Монгол Улсын ерөнхий боловсролын сургуулиудаас анхлан Pearson BTEC IT International Level 3 хөтөлбөрийг хэрэгжүүлж буй сургууль бөгөөд сурагчдадаа ирээдүйн технологийн салбарт шаардлагатай олон улсын түвшний мэдлэг, ур чадварыг эзэмшүүлэх чиглэлээр манлайлан ажиллаж байна.

Энэхүү хөтөлбөрийн хүрээнд сурагчид:
✅бодит төсөл боловсруулах
✅багийн ажиллагаанд оролцох
✅технологийн шийдэл бүтээх
✅судалгаа, танилцуулга хийх
✅ хэрэглээнд суурилсан бүтээгдэхүүн хөгжүүлэх
замаар суралцдаг нь уламжлалт сургалтаас ялгарах томоохон давуу тал болж байна.

Өнөөдрийн сурагчид маргаашийн инженер, хөгжүүлэгч, технологийн салбарын манлайлагчид болох сууриа ийнхүү сургуулийн ширээнээс эхлэн тавьж байна. 💻🌍