17/09/2026
📌ЕВРОПЫН ХОЛБООНЫ ХАБЭМ-ИЙН МЭРГЭЖИЛТНҮҮД ХАБЭА-Н СУРГАЛТЫН ХӨТӨЛБӨР, АРГА ЗҮЙТЭЙ ТАНИЛЦАЖ, САНАЛ СОЛИЛЦЛОО.
Хөдөлмөрийн аюулгүй байдал, эрүүл мэндийн тухай хуулийн шинэчилсэн найруулгын төсөлтэй холбоотой ажил үргэлжилж байна.
Энэ хүрээнд өнөөдөр Европын Холбооны техникийн туслалцааны төслийн хүрээнд МҮЭХ-нд ажиллаж буй олон улсын шинжээчид Хөдөлмөрийн их сургууль болон түүний дэргэдэх Сургалт, судалгааны төвд ажиллаж, ХАБЭА-н чиглэлээр хэрэгжүүлж буй сургалтын үйл ажиллагаатай танилцлаа.
Германы шинжээч доктор Хэлмут Холд, Испанийн шинжээч Александр Моралис нар Хөдөлмөрийн их сургуулийн Сургалт, судалгааны төвийн удирдлага, багш нартай уулзаж, ХАБЭА-н сургалтын зохион байгуулалт, агуулга, арга зүй, хэрэгжүүлж буй сургалтын хөтөлбөрийн талаар дэлгэрэнгүй санал солилцов.
🔸Мөн сургалтад ашиглаж буй сургалтын хэрэглэгдэхүүн, материалтай танилцаж, ХАБЭА-н мэдлэг, ур чадварыг ажилтан, хөдөлмөрчдөд олгох сургалтын өнөөгийн хэрэгцээ, практик хэрэглээний талаар ярилцлаа.
🔸Ийнхүү сургалтын байгууллагын үйл ажиллагаа, хөтөлбөр, хэрэглэгдэхүүнтэй газар дээр нь танилцаж байгаа нь ХАБЭМ-ийн хууль тогтоомжийн хэрэгжилтэд сургалт, урьдчилан сэргийлэх арга хэмжээний ач холбогдол, бодит ажлын байрны хэрэгцээг харгалзан үзэх боломжийг бүрдүүлж байна. Мөн тус сургууль болон МҮЭХ-оос 2018 онд үндэсний хэмжээнд санаачилсан” VISION ZERO -ОСЛЫГ ТЭГЛЭХ АЛСЫН ХАРАА” хөдөлгөөнийг улам бүр өрнүүлэхийг онцлохын зэрэгцээ хамтран ажиллахаа илэрхийллээ
🔸Олон улсын шинжээчдийн энэ удаагийн ажил нь ХАБЭМ-ийн хууль тогтоомжийн шинэчлэлийн хүрээнд эрх зүйн зохицуулалт, сургалт, практик хэрэгжилтийг уялдуулах, цаашид сайжруулах шаардлагатай асуудлыг тодорхойлоход чиглэж байна.
🔸МҮЭХ-нд ажиллах шинжээчдийн хамтын ажиллагаа 9 дүгээр сарын 18-ныг хүртэл үргэлжилнэ.
📌INTERNATIONAL EXPERTS REVIEW OSH TRAINING PROGRAMMES
As part of an EU technical assistance project, international experts working with the Mongolian Trade Union Confederation (MTUC) visited the Labour University’s Training and Research Center today.
German expert Dr. Helmut Hold and Spanish expert Alexander Morales met with the Center’s management and instructors to review OSH training programmes, methods and materials.
They also discussed the current training needs and practical approaches to strengthening OSH education for workers. The visit contributes to the ongoing review of OSH legislation and its practical implementation.
