Нийслэлийн ерөнхий боловсролын 20-р сургууль

✅Филиппин багштай англи хэлний ярианы ангийн элсэлт дахин зарлагдлаа.

✍️2025-2026 оны хичээлийн жилд суурь боловсрол эзэмшин төгсөж буй 9 дүгээр ангийн 276 суралцагч, бүрэн дунд боловсрол эзэмшин төгсөж буй 255 суралцагч гэрчилгээгээ гардан авлаа.🎓

🎊Суралцсан он жилүүдийн хөдөлмөр, хичээл зүтгэлийн үр дүн болсон боловсролын гэрчилгээгээ гардан авч, ирээдүйн зорилго мөрөөдлийнхөө зүг шинэ алхам хийж буй сурагчдадаа амжилт хүсэж, баяр хүргэе!

🧑‍🏫Мөн ангиа удирдан чиглүүлж, мэдлэг боловсрол олгон, төлөвшүүлэн хүмүүжүүлэх үйлсэд үнэтэй хувь нэмэр оруулж, анги хамт олноо амжилттай төгсгөж буй анги удирдсан багш нартаа сургуулийн хамт олны нэрийн өмнөөс чин сэтгэлийн талархал илэрхийлж, сурган хүмүүжүүлэх их үйлсэд нь өрнүүн их амжилт хүсье.🎊👏👏👏

📌ҮЕР, УСНЫ АЮУЛААС СЭРЭМЖЛЭЭРЭЙ! 🌊🌧️

Борооны улиралд гол, мөрөн, үерийн ус гэнэт нэмэгдэх эрсдэл өндөр байдаг тул иргэн бүр анхаарал болгоомжтой байх шаардлагатай.

⚠️ Анхаарах зүйлс:
🚫 Үерийн ус ихтэй газраар бүү зорчи
🚗 Машин, хүүхдийг урсгал усанд ойртуулахгүй байх
📍 Гол, горхины эрэг дагуу амарч зугаалахгүй байх
📢 Цаг агаарын мэдээг тогтмол шалгах
🔌 Цахилгааны аюулгүй байдлыг хангах

🛑Жижиг хайхрамжгүй байдал том аюулд хүргэж болзошгүй!

👨‍👩‍👧‍👦 Өөрийгөө болон хайртай хүмүүсээ хамгаалж, аюулгүй байдлаа хангая!

💙 АЮУЛГҮЙ ОРЧИН – АМАР ТАЙВАН АМЬДРАЛЫН ҮНДЭС

📌УИХ-аас Замын хөдөлгөөний аюулгүй байдлын тухай хуульд нэмэлт, өөрчлөлт оруулж суррон, скүтэр, мопедын хэрэглээг зохицуулсан. Уг хуулийн төсөл 2026 оны зургаадугаар 12-ны өдөр эцэслэн батлагдаж, 2026 оны долоодугаар сарын 1-ний өдрөөс хүчин төгөлдөр хэрэгжиж эхэлнэ. Тодруулбал, 2026 оны долоодугаар сарын 1-нээс улс, нийслэлийн хэмжээнд 18 нас хүрээгүй хүүхэд мопед, скүтер, суррон унахыг хуулиар хориглолоо. Насанд хүрээгүй хүүхэд мопед (скүтер болон түүнтэй адилтгах үзүүлэлт бүхий тээврийн хэрэгсэл) унавал эцэг, эх асран хамгаалагч болон тухайн тээврийн хэрэгслийг хариуцагч аж ахуйн нэгжид хариуцлага тооцох юм.
Мопед (скүтер болон түүнтэй адилтгах үзүүлэлт бүхий тээврийн хэрэгсэл)-тэй холбоотой өмнө нь нийслэлд хэрэгжиж байсан зохицуулалтуудыг хүргэж байна.
Нийслэлийн Засаг даргын 2026 оны 04 дүгээр сарын 10-ны өдрийн “Зөвшөөрөл олгох тухай” А/552 дугаар захирамжаар мопед (скүтер болон түүнтэй адилтгах үзүүлэлт бүхий тээврийн хэрэгсэл)-ыг түрээслүүлэгч байгууллагуудад Зөвшөөрлийн тухай хуулийн дагуу эрх олгож, нийслэлийн нутаг дэвсгэр дэх нийтийн эзэмшлийн гудамж, талбайг ашиглуулах гэрээ байгуулж, үйл ажиллагааг албан ёсоор эхлүүлсэн.
Скүтер болон мопедын түрээсийн үйлчилгээ үзүүлэх зөвшөөрлийг “Тапатрип эжэнси” ХХК, “Эко технологи” ХХК, “Хурд хүч” ХХК, “Жэт шаринг” ХХК, “Юү гөү” ХХК, “Безен номт” ХХК гэсэн зургаан компанид тодорхой шаардлагын хүрээнд олгож дараах зохицуулалтыг хэрэгжүүлсэн. Үүнд:
Мопед, скүтер болон түүнтэй адилтгах үзүүлэлт бүхий тээврийн хэрэгслийг бүртгэлжүүлсэн.
Зорчих зам, эгнээ, зогсоолын талбайг нэмэгдүүлж, тусгаарлах, тэмдэг, тэмдэглэл хийх шаардлагатай газруудад хөдөлгөөнийг хориглох тэмдэг байршуулсан.
Аюулгүй байдлыг хангах, гарч болзошгүй осол, зөрчлөөс урьдчилан сэргийлж, зөрчилд хариуцлагын системийг хэрэгжүүлсэн.
Хурдны хязгаарыг 20 км/ц-аас хэтрэхгүй байхаар тохируулсан.
Насанд хүрсэн хүн жолоодох, Е-Mongolia системээр нэвтэрсний үндсэн дээр түрээслэх боломжийг бүрдүүлсэн.
Үүний дараа Авлигатай тэмцэх газрын “Шийдвэр хянасан тухай” албан бичгээр дээрх зөвшөөрөл олгосон захирамж, зохицуулалтуудыг хүчингүй болгох тухай санал ирүүлсэнтэй холбогдуулан Нийслэлийн Засаг даргын 2026 оны 06 дугаар сарын 02-ны өдрийн А/820 дугаар захирамжаар “Мопед (скүтер болон түүнтэй адилтгах үзүүлэлт бүхий тээврийн хэрэгсэл)-ыг нийслэлийн гудамж, замын хөдөлгөөнд хязгаарлалттайгаар оролцуулах тухай” А/387 дугаар захирамж, дээрх 2026 оны 04 дүгээр сарын 10-ны өдрийн “Зөвшөөрөл олгох тухай” А/552 дугаар захирамжуудыг хүчингүй болгоод байна. Хураах

📌Суралцагчдын зуны амралтаар эцэг эх, асран хамгаалагч, харгалзан дэмжигчдэд өгөх зөвлөмж👇

БАЯНГОЛ ДҮҮРГИЙН АВАРГА ШАЛГАРУУЛАХ "МИНИ ВОЛЕЙБОЛ"-Н ТЭМЦЭЭН БОЛЖ ӨНГӨРЛӨӨ.

Баянгол дүүргийн аварга шалгаруулах "Мини волейбол"-н тэмцээнийг Баянгол дүүргийг Волейболын холбоотой хамтран зохион байгуулж хөвгүүдийн 16, охидын 18 багийн 340 тамирчин өрсөлдсөнөөс хөвгүүдийн төрөлд Биеийн тамирын багш Б.Мөнхбаяр багшаар дасгалжуулсан баг хамт олон 3-р байр, охидын төрөлд МУГД Солонго дасгалжуулагчтай охид 1-р байрт тус тус шалгарлаа.Нийт баг тамирчиддаа халуун баяр хүргэе.

💙🧡❤️ ЗУНЫ АМРАЛТ ЭХЭЛЛЭЭ.
📍Эцэг эх, асран хамгаалагч нараа, Та насанд хүрээгүй хүүхдийг болзошгүй эрсдэлд өртөхөөс урьдчилан сэргийлэх, эрүүл, аюлугүй орчинд амьдрах орчин нөхцөлийг бүрдүүлэх үүрэгтэй. Дараах жагсаалтын дагуу өдөр бүр гэртээ үзлэг хийж, асуулт бүрийг нэг бүрчлэн шалгаж, эрсдэл байвал нэн даруй засаж хүүхдийн эрүүл мэнд, амь насыг хамгаална уу.
#УрьдчиланСэргийлье I #ХамтдааШалгая I #ЗөвлөгөөМэдээлэл

Сургуулийн орчноо хамтдаа өнгөллөө 🌸

Байгалийн ухааны мэргэжлийн хөгжлийн бүлгийн багш нар, суралцагчидтайгаа хамтран сургуулийнхаа орчныг цэцгийн мандлаар өнгө нэмсэн үзэсгэлэнт цэцгүүдийг тарилаа.

Энэхүү үйл ажиллагаа нь сурагчдад байгаль дэлхийгээ хайрлан хамгаалах, хөдөлмөрч зан төлөвийг төлөвшүүлэхийн зэрэгцээ сургуулийн орчныг илүү өнгөлөг, тав тухтай болгоход үнэтэй хувь нэмэр оруулж байна.

🌱 Ногоон ирээдүйг өнөөдрөөс бүтээцгээе!
🌺 Хамтдаа тарьж, хамтдаа ургуулъя!
Ногоон ирээдүйг бүтээж буй Байгалийн ухааны хамт олон болон суралцагчдадаа баярлалаа.❤️❤️❤️❤️