23/09/2026
“БИД АВЬЯАСЛАГ СУРАЛЦАГЧИД–2026” УРЛАГИЙН НААДАМ АМЖИЛТТАЙ БОЛЖ ӨНДӨРЛӨЛӨӨ.
📌14 хоногийн турш үргэлжилсэн “Бид авьяаслаг суралцагчид–2026” урлагийн наадам амжилттай зохион байгуулагдаж, авьяас билгээрээ жигүүрлэсэн олон сайхан тоглолт, бүтээлээр дүүрэн өндөрлөлөө.👇
💓Эдгээр өдрүүдэд суралцагчдынхаа шавхагдашгүй авьяас, бүтээлч сэтгэлгээ, ур чадвар, өөртөө итгэх итгэл төдийгүй дэг журам, сахилга бат, хариуцлага, хамтын ажиллагаа ямар сайхан төлөвшиж байгааг харах боломж байлаа.
👉Тайзнаа авьяасаа гайхуулсан хүүхдүүд маань урлагийн сургуульд суралцаж байгаа мэт гайхамшигтай уран бүтээлээрээ биднийг баярлуулж, сургуулийнхаа өнгө төрхийг улам тодотголоо.
💖Авьяас бол боломж, харин сахилга бат, хичээл зүтгэл бол тэр боломжийг амжилт болгон хөгжүүлэх хүч юм. Тиймээс урлагийн тайз маань өндөрлөж, одоо авьяаслаг суралцагчид маань эрдэм номын их тайзандаа төвлөрч, хичээл сургалтдаа шамдан, дэг журам, сахилга бат, хариуцлагаа эрхэмлэн суралцах цаг ирлээ.
💓Энэхүү наадмыг амжилттай зохион байгуулахад дэмжлэг үзүүлж, хүүхдүүдийнхээ авьяас билгийг хөгжүүлэхэд үнэтэй хувь нэмэр оруулсан сургуулийн удирдлага, багш ажилтнууд, анги удирдсан багш нар болон эрхэм хүндэт эцэг эх, асран хамгаалагчдадаа чин сэтгэлийн талархал илэрхийлье. 🌷
💓💖👉Мөн 14 хоногийн турш авьяас чадвараа дайчлан, дэг журам, сахилга баттай оролцож, тайзнаа өөрийгөө сорин, сургуулийнхаа нэрийг өндөрт өргөсөн нийт суралцагчдадаа баяр хүргэж амжилт хүсье!
📌 Авьяасаа хөгжүүлж, сахилга батаа эрхэмлэж, одоо эрдэм номдоо шамдан суралцъя!👇💖
“Бид авьяаслаг суралцагчид–2026”
Авьяасаа нээе. Хандлагаа төлөвшүүлье.
Эрдэм мэдлэгээрээ гэрэлтэцгээе!
