Эрүүл мэндийн боловсрол- Эрүүл мэндийн талаарх хууль, эрх зүйн зөвлөгөө

"Эрүүл мэнд-Үндэсний баялаг" урьдчилан сэргийлэх эрт илрүүлэгт хамрагдахдаа дараах #БАГЦ-уудаас өөрийн нас, хүйсний онцлогт тохируулан сонгон үйлчлүүлээрэй✅

Хүн амын нас, хүйс, эрүүл мэндийн эрсдэлд суурилсан зонхилон тохиолдох халдварт болон халдварт бус өвчнөөс урьдчилан сэргийлэх, эрт илрүүлэх үзлэг, шинжилгээ, оношилгоог зохион байгуулах “Эрүүл мэнд- Үндэсний Баялаг” урьдчилан сэргийлэх эрт илрүүлгийн арга хэмжээ 2022 оны 05 дугаар сарын 01-ний өдөр орон даяар нэгэн зэрэг эхэлж, эрүүл мэндийн бүх шатны байгууллагууд, аймаг, дүүрэг, сум тус дээр хийгдэж эхэллээ👇👇👇
‼️‼️‼️Анхаарах зүйл:
✅ #бүрэн төлсөн байх
✅Харьяа дүүргийн эрүүл мэндийн байгууллага дээр хувиарлагдсан хуваарийн дагуу очиж эрүүл мэндийн тусламж үйлчилгээ авах
✅ “Эрүүл мэнд- Үндэсний Баялаг” урьдчилан сэргийлэх эрт илрүүлэг #Жилийн турш үргэлжлэх тул өөртөө хайртай байж цаг зав гарган хамрагдана уу🙏

Эрт илрүүлэгт хамрагдахын тулд #ЭРҮҮЛМЭНДИЙНДААТГАЛ-аа хэрхэн яаж төлөх талаарх мэдээлэлтэй танилцана уу.
👇👇👇
Эх сурвалж: Эрүүл Мэндийн Яам
Эрүүл мэндийн даатгалын ерөнхий газар

Эрт илрүүлэгт хэрхэн хамрагдах вэ?👇👇👇
Эх сурвалж: Эрүүл Мэндийн Яам

Анагаах ухааны салбарын анхны төгсөлтөөр 1947 онд анхны 13 эмч сургуулиа төгсөж байжээ.
1941-1990 оны үе
1941-1990 оны хоорондох 50 жил бол БНМАУ-д социалист эрүүлийг хамгаалахын зарчмуудыг тууштай хэрэгжүүлсэн он жилүүд бөгөөд төрийн бодлогын хүрээнд авч хэрэгжүүлсэн дэс дараатай арга хэмжээнүүдийн үр дүнд тус улсын хот, аймаг, сум, сангийн аж ахуйн төв зэрэг төвлөрсөн суурин газрын хүн амыг их эмчийн ерөнхий мэргэжлийн тусламжаар үндсэнд нь бүрэн хамарч, анагаах ухааны гол салбаруудаар эмнэлгийн төрөлжсөн нарийн мэргэжлийн тусламжийг хөгжүүлж, үндэстний мэргэжилтгүүд цээжний хөндийн болон тархины мэс засал, сэхээн амьдруулахын тусламжийг үзүүлэх арга барил, ур чадварыг эзэмшиж, дотуур дурандалт, дүрс оношлогоо, хүний генетик, вирус болон дархлал судлалын аргуудыг эмнэлгийн практикт нэвтрүүлж эхэлсэн байлаа.

1989 оны төгсгөлд 10000 хүн амд 27.4 их эмч, тусгай дунд боловсролтой 87.3 мэргэжилтэн, 117.9 эмнэлгийн ор ногдох болсон нь 1940 оныхтой харьцуулахад 10000 хүн амд ногдох их эмч 18 дахин, дунд шатны мэргэжилтэн 2 дахин, эмнэлгийн орны тоо 5 дахин өссөн гэсэн хэрэг бөгөөд дэлхийн хөгжингүй орнуудын жишигт хүрсэн үзүүлэлтүүд байв.

Монгол улс тэр үеийн ЗСБНХОУ, ЗХУ-ын шууд оролцоо, дэмжлэгтэйгээр хүн амынхаа эрүүл мэндийг хамгаалах социалист хэвшинжийн тогтолцоог бий болгон хөгжүүлсэн 70 орчим жил нь Монголын хүн амыг эрүүлжүүлж, биологийн мөхлөөс аварсан боловч, уг тогтолцоо нь 1980-аад оноос нөөц бололцоогоо шавхаж, шинэ эрэл хайгуулыг эхлүүлсэн юм. Тиймээс БНМАУ-д 1990 оны 4 дүгээр сард байгуулагдсан олон намын тогтолцооны анхны Засгийн газар “… улс орны нийгэм, эдийн засгийн амьдралд удаан хугацаагаар ноёрхсон захиргаадан тушаах арга барил, хэт төвлөрсөн удирдлага, төлөвлөлтийн хүнд сурталт механизм нь эрүүлийг хамгаалах салбарын ажилд ч нэн муугаар нөлөөлж, эмнэлэг-ариун цэврийн тусламжийн чанар, үйлчилгээний соёлын түвшин нь хүн амын өсөн нэмэгдэж буй шаардлагаас ихээхэн хоцорч, нийгмийн бухимдлын нэг шалтгаан болох болжээ…” хэмээн үзэж, “… Тус орныг төрийн зохицуулалттай зах зээлийн харилцаанд шилжих явцад нэг талаас улс, хоршоолол, олон нийтийн байгууллага, хамт олон, иргэн бүрээс эрүүл мэнддээ тавих анхаарал халамж, нөгөө талаас хүн амд үзүүлэх эмнэлэг-ариун цэврийн үйлчилгээний чанар, хүрэлцээ нь байнга боловсронгуй болон сайжирч байх нөхцөлийг хангасан удирдлага зохион байгуулалтын арга хэмжээ, эдийн засгийн механизмыг боловсруулан хэрэгжүүлэх замаар эрүүл монгол үндэстэн өсч хөгжих бололцоог бүрдүүлэхэд эрүүлийг хамгаалах албаны үйл ажиллагааг чиглүүлж, манай улсын иргэн бүрд тэдний оршин сууж байгаа газар, эрхэлж байгаа ажлын онцлогоос үл хамааран эмнэлгийн тусламжийг жигд, хүртээмжтэйгээр дэлхийн түвшинд үзүүлж чадах монгол үндэсний эрүүлийг хамгаалахын боловсронгуй систем бий болгохыг зорино.

Ингэхдээ одоогийн манай эрүүлийг хамгаалах албаны гол дутагдал болох, байгууллага, хамт олон, хувь хүний зүгээс нийгмийн болон хувийн эрүүл мэндээ ухамсартайгаар хамгаалах хөшүүрэг болж чадахгүйгээс эрүүл мэндийг эзэнгүйдэхэд хүргэж байгаа эдийн засгийн харилцаа, хуваарилалтын зарчим, өвчтөний эмчээ сонгож авах эрх, эмч , эмнэлгийн ажилтны мэдлэг чадвараараа чөлөөтэй өрсөлдөх нөхцөлийг боогдуулснаас эмнэлгийн материаллаг бааз, техникжилтийн түвшингийн хоцрогдолд хүргэж байгаа эмнэлэг-ариун цэврийн тусламжин дахь улсын монополыг халж, шинэчлэгдэж буй эдийн засгийн харьцаанаас үүсч болох эрүүл мэндийн сөрөг үр дагавар, шинээр аж үйлдвэржсэн орнуудад ихэсдэг зүй тогтолтой зарим өвчин, эмгэгээс урьдчилан сэргийлэх арга хэмжээг цаг алдалгүй зохион байгуулан хэрэгжүүлэх хэрэгтэй болох юм …”1 гэж үзэж байлаа.
Үргэлжлэлийг https://mn.wikipedia.org/wiki/%D0%AD%D1%80%D2%AF%D2%AF%D0%BB_%D0%9C%D1%8D%D0%BD%D0%B4%D0%B8%D0%B9%D0%BD_%D0%AF%D0%B0%D0%BC_(%D0%9C%D0%BE%D0%BD%D0%B3%D0%BE%D0%BB)

Цар тахлын эсрэг хамтдаа тэмцэж чадсан, тэмцсээр байгаа цагаан нөмрөгт баатрууддаа болон эрүүл мэндийн салбараар овоглодог бүхий л хүмүүстээ Монгол улсад эрүүл ахуйн алба, орчин цагийн анагаах ухаан үүсч хөгжсөний 100 жилийн ойн баярын мэндийг нийт эрүүл мэндийн салбарын 4000 гаруй байгууллага, 50000 гаруй эмч, эмнэлгийн ажилтнууд, эрдэмтэн судлаач та бүхэндээ өргөн дэвшүүлье👏👏👏
Улаан шугам баримтат кино👇👇👇

"Улаан шугам" баримтат кино

Дэлхийтэй зэрэгцсэн 100 жил

Дэлхийтэй зэрэгцсэн 100 жил Дэлхийтэй зэрэгцсэн 100 жил

Эрүүлийг хамгаалах алба тавигдсанаас хойших 100 жилийн түүхийн тухай номтой танилцаарай👇👇👇

katologi-hebleh 6-9 katologi-hebleh 6-9

Монгол Улсад Эрүүл мэндийн алба, орчин цагийн анагаах ухаан үүсэж хөгжсөний 100 жилийн ойн баярын мэндийг эрхэм танд хүргэе.
👇👇👇Танд зориулан Эрүүл мэндийн сайд С.Энхболдын дэвшүүлж буй баярын мэндчилгээ, Эрүүл мэндийн салбар 100 жил баярын хөтөлбөр, Дэлхийтэй зэрэгцсэн 100 жил баримтат кино, теле концерт, гэрэл зургийн сонин содон бүхнийг https://moh.gov.mn/zuunjil линкээр орж сонирхоно уу. Хүн амын Эрүүл мэндийн төлөө өргөсөн тангарагтаа үнэнч зүтгэж буй Эрүүл мэндийн салбарын эрхэм хүмүүн танд баярын мэнд хүргэе👏👏👏

Эрүүл мэндийн яам

1921-1940 оны үе
1924 онд батлагдсан БНМАУ-ын анхдугаар үндсэн хуульд
ХҮН АМАА ЭРҮҮЛ МЭНДИЙН ҮНЭ ТӨЛБӨРГҮЙ тусламжид бүрэн хамруулахаар шийдвэрлэсэн нь нэн зоримог, алсын хараатай, зөв шийдэл байжээ. Үндсэн хуулийн заалтыг хэрэгжүүлэх үүднээс эрүүл мэндийн асуудал хариуцсан төрийн захиргааны төв байгууллагыг 1925 онд анх Дотоод яамны бүрэлдэхүүнд Ардын эрүүлийг хамгаалах газар нэртэйгээр байгуулж, 1930 онд бие даасан яам болгон өргөтгөсөн байна.

Төв, орон нутагт шат дараалсан бүтэцтэй эмнэлгүүдийг байгуулах, шинжлэх ухааны эмнэлгийн мэдлэг бүхий мэргэжлийн боловсон хүчин бэлтгэх их ажил өрнүүлсний үр дүнд 1940 он болоход үндэсний 12 их эмч, 159 бага эмч, эмийн тусгай дунд боловсролтой 38 мэргэжилтэн, 269 сувилагчтай болж, хөдөөд багийн бага эмчийн 157 салбар, аймаг, хотод 37 эмнэлэг ажиллах болсноос гадна 1923 оноос бага эмчийн болон сувилагчийн курсуудыг зохион байгуулж, улмаар 1934 онд Хүн эмнэлгийн техникум байгуулан эрүүл мэндийн үндэсний боловсон хүчнийг эх орондоо бэлтгэж эхэлсэн нь эрүүл мэндийн албаны шинэ үеийн эхлэл болжээ.
Үргэлжлэлийг https://mn.wikipedia.org/wiki/%D0%AD%D1%80%D2%AF%D2%AF%D0%BB_%D0%9C%D1%8D%D0%BD%D0%B4%D0%B8%D0%B9%D0%BD_%D0%AF%D0%B0%D0%BC_(%D0%9C%D0%BE%D0%BD%D0%B3%D0%BE%D0%BB)

Энэ үеийн төгсгөл гэхэд бөөсний хижиг, цагаан цэцэг өвчин Монгол улсад бүртгэгдэхээ больж, хүн амын тоо жил тутам 0.2-0.5 хувиар өсч эхэлсэн нь хүн амын эрүүл мэндэд гарч эхэлсэн эерэг өөрчлөлтийн анхны дохио байлаа.